الانترنت شغال بدون اتصال ؟؟؟؟

[قطرة الندى]

السلام عليكم

يا اهل الحاسب والخبرات

أنا لدي شيء بس ما ادري هل اسميه مشلكه

ولا وناسه

انا احيانا إذا اتصلت بالانترنت يشبك معاي الاتصال

وتجي الحاسب حالات احيانا غريبه

يعني فجأه وبدون مقدمات ينقطع الاتصال من عندي

وتختفي علامة المودم اللي في شريط المهام

بعدين يتصل الانترنت من نفسه بدون ما اتصل انا ولا احرك يدي ابدا

ويصير صوت النغمة غريب جدا مو مثل الاتصال المعروف ومو نفس الطنين

اي ان الطنين مختلف ايضا

وبعدين علامة مودم ما فيه .... شريط المهام ما فيه علامات مودم اللي تدل ان الاتصال يشتغل

انا احسب ان الاتصال انقطع بس تفاجأت اني إذا فتحت صفحة جديده

ينفتح الاتصال معي ... وتفتح الصفحه وبشكل رائع وسريع


وهذا خلاني استغرب لأبعد حد كيف يتصل الحاسب بنفسه

وكيف يختلف صوت الطنين

وكيف تفتح الصفحة

وكيف ما فيه علامة الاتصال اللي على شريط المهام

بليييييييييييز انا اخاف الجهاز يكون فيه اتصال دولي أو شي من اللي

حذرت منه شركة الاتصالات

ياليت تعطوني فكره او اي شي يريحني

[ღبـ ح ـر الكتـ م ـانღ]

وعليكم السلام ورحمة الله وبركاته

ياليت الوسوسة اللي بجهازك تنتقل لجهازي :o


والله شي يوسع الصدر
يكون الاتصال سريع هذي حاجة طيبة

بس لايكون متربع واحد بالجهاز
ويحوس ويدوس من هالهكر الله يكفينا شرهم

[قطرة الندى]

أخي رهين الوقت

والله انت خوفتني اكثر مما انا خايفه :cl:

بس يا ليت اللي عنده خبره يقول لي

ولا تتركوني بدون جواب

وين المشرفين ؟؟؟(jdf)

[قطرة الندى]

معقوله ساحه كامله في قصيمي نت

ما فيها غير مشرف واحد وغير موجود ؟؟؟؟؟؟؟؟؟

.. طيب ممكن نقول ان المشرف مشغول اليومين هذي

لكن كون انه يكون هناك مشرف واحد هذا شي صعب

والاخير الاعضاء في حيره تاااااااااامه

احد يرد علي ؟؟؟؟؟؟؟؟؟؟؟؟؟؟

[دلع عيني دلع]

غاليتي .. قطره النــدى ..’’

ممكن يكون إعداد الإتصــال تلقائي بجهازك ..

يعني مجرد مايقطع يعيد الإتصال من نفسه الى ان يشبك ..,,

وحبيبتي عادي أنه يكون سريع لانه في كل مره تختلف السرعه لاتخافين ياقلبي ..

اذا تبين ترتاحين فرمتي جهازك او سوي { scan } وتأكدي من الفايروسات ...,,

هذا اللي أعرف ...’’

وان شاء الله يفيدونك أكثر أهل الخبره ..,,

[اهم 1]

تأكدي بس لايكون الاتصال الثاني لايكون اتصال دولي

تأكدي من اعدادات الاتصال وشوفي لايكون فيه رقم جاي منا ولا منا وانتي ماتدرين وش السالفه

الله يعينك

[حسن خليل]

أرسلي الجهاز الى حراج الكمبيوتر يفحصوه ويتأكدوا ويجربون بأنفسهم ويشبكون الانترنت ويشوفون ويش السالفة

[الكثيري]

الحل بسيط ان شاء الله اول شي قولي اش نضام التشغيل الان

ردي وبتلقي الحل الصحيح

[قطرة الندى]

أختي العزيزه دلع عيني دلع

شكرا لك على إفادتي .

أخي الفاضل أهم 1


تأكدي بس لايكون الاتصال الثاني لايكون اتصال دولي

والله هذا اللي انا خايفه منه وودي احد يفيدني .

الاخ حسن خليل

للأسف لا استطيع إرسال الجهاز في الوقت الحالي علشان كذا

أنا سألتكم

أخي الكثيري

كيف يعني نظام التشغيل ...

انا جهازي ويندوز اكس بي إذا كان هذا قصدك ...

وشكرا للجميع

[sad2006]

جت الحالة لجهازي


وماراحت الا بالفرمته


فيروس

[قطرة الندى]

جت الحالة لجهازي


وماراحت الا بالفرمته


فيروس


مشكور اخي sad2006

على إفادتي

[md4444]

الشهر عليك مبارك
اقول الجهاز للبيع ترى ابشتريه
ممكن تحديدين نوع الجهاز وهل فيه واير لس

اقول
ياحظك

[حريب الياس]

اختصر لك كل السالفه بدون فلسفه وكلام ماله داعي مع احترامي لجميع الاعضاء ودي جهازك اقرب محل كمبيوتر وخليه يسوي لك فرمته بـ 35 ريال راح ترتاحين من وجع الراس



حريب الياس

[قطرة الندى]

أخي md4444


اقول الجهاز للبيع ترى ابشتريه
ممكن تحديدين نوع الجهاز وهل فيه واير لس

اقول
ياحظك



تراني ما أستهبل ويمكن تصير الفاتوره 500000 وأنا اللي اروح فيها

أخي حريب ألياس

والله شكل ما لي الا الفرمته

بس ودي احد يفيدني عن الاتصال هذا اللي قاهرني

يتصل بدون اذن مني

شكرا لمروركم

[*أسيرة الذكرى*]

هلا أختي قطرة الندى.............
يمكن أنتي تستخدمين خط تلفونكم العادي وبعدين أي واحد يرفع السماعة ينقطع واذا سكرها يعيد الإتصال...

[- Leene -]

اختي مالك إلا الفرمته وبس وبترتاحين