المساعد الشخصي الرقمي

مشاهدة النسخة كاملة : الــــــغاويـــــه ...!!

محمد الطويان
20-09-05, 02:58 AM
السلام عليكم كل بإسمه

( متهيّض ) وقناعتي المترسخه إن هذا المكان

من المفترض أن نتشارك أنا وهو في هكذا بوح

وخصوصا ( سيف العداله ) من غير قصور بالباقين

وفي كل الاحوال تظلون أحبابي ( قايلكم متهيض )

تفضلوا :



يامرحبا من وجـد وإحسـاس شاعـر=يلعـب علـى أوتـار المعانـي بقلبـه
يامرحبـا وأهليـن وش أنـت فاكـر ؟=يمر صوتك والحشـا مـا لعـب بـه ؟
ياحـي حيانـي دفـعـت المشـاعـر=للوجـد فــوح وللمـواويـل هـبّـه
ياهووووووووه واللي بالسما فوق ساتر=مسلـم ويحلـف لـك ويقسـم بربّـه
إنـك ملكـت الصـب والوقـت غابـر=كـذا كــذا وإلا بحـبّـه وحـبّـه !!
حنـا الرجـال أهـل الوفـا والاكابـر=يمـوت مثلـي ماشكـى الوقـت حبّـه
ياهـووووووه مثلـي بالغـلا مايكابـر=يجيـك كلـه مانقـص مـنـه حـبـه
حنـا رجـال العـرف وأهـل المنابـر=نفـرق عـن اللـي مايهـاب المسبّـه
لايابعد عمـري هـاك الصـوت آسـر=شَـبْ الحنيـن بخافـق الـروح شبّـه
الله وأمانـه مــن حنيـنـي تنـاثـر=دمـع العيـون وموقهـا وجـدْ صبّـه
هـذا الغـلا سـد ٍ يخـون المعـابـر=مخـارجـه درب الـولـع والمحـبـه
ياهووووووه خذ قلبـي وكلـي وسافـر=لأبعـد بحر مافيـه غيـرك يطـبـه
في خافق ٍ يكسـر مـن الوجـد خاطـر=وإركب شراع ٍ بس صوتك ركـب بـه
محتاج لـك ضامـي وخابـرك خابـر=لا يابعـد كـل البشـر وأنـت سـبّـه
لاجيت لك حاضـر وأنـا أقـول تآمـر=أرخ اللثـام شـوي وشــوي ذبّــه
ماني بقايل ( كيس مي ) وأنـت خابـر=إني بقول أمووووووووت في ربع (حبّه)

..................
...............
..........
...


أجمل تحيه للجميع
سيف العداله
20-09-05, 04:59 AM
ابو زاااااااااااااايد

يا هلا وغلا ومرحبا

طالت الغيبه يا بعدي ووحشتني ائوي على قولة اهل الاهرامات

قصيدة قمة من صاحب القمة

لي عودة لها يا بعدي
النجديه
20-09-05, 05:07 AM
ياهووووووه خذ قلبي وكلـي وسافـر
لأبعـد بحـر مافيـه غيـرك يطـبـه
في خافق ٍ يكسر مـن الوجـد خاطـر
وإركب شراع ٍ بس صوتك ركـب بـه
محتاج لـك ضامـي وخابـرك خابـر
لا يابعـد كـل البشـر وأنـت سـبّـه
لاجيت لك حاضـر وأنـا أقـول تآمـر
أرخ اللثـام شـوي وشــوي ذبّــه

صح السانك وعلا شانك

قصيده رائعه

تسلم يديك ياشاعرنا والله يعطيك العافيه

(a99) (a99)
فلاح بن منشار
20-09-05, 06:45 AM
محمد الطويان

صح السانك على هذه الدرر

تحياتي
أم أديم
20-09-05, 07:53 AM
(a99) (a99) (a99)




الله الله الله



صح لسانك شاعرنا الكبير



محمد الطويان



وياهلا فيك



طولت الغيبة يالطيب



اخونا سيف بن عداله يستاهل ولايهون الجميع



لاعدمناك اخوي :)
حمد الشرعان
20-09-05, 11:10 AM
!!
حنـا الرجـال أهـل الوفـا والاكابـر=يمـوت مثلـي ماشكـى الوقـت حبّـه
حنـا رجـال العـرف وأهـل المنابـر=نفـرق عـن اللـي مايهـاب المسبّـه
..................
...............
..........
...


كفو كفو كفو كفو

ومليوووووووون نعم



اخوووي محمد الطويان

فعلا روعه وتستحق الاعجاب

سجل اعجاب اخووووك ويستاهل سيف

(qq17)(qq17)(qq17)
سـعـد العتيبي
20-09-05, 01:09 PM
مرحبا بك في محلك يابو زايد



هـذا الغـلا سـد ٍ يخـون المعـابـر
مخـارجـه درب الـولـع والمحـبـه


لنا حق ان نعتب عليك لغيابك وانقطاعك عنا

ولك الحق ان تجد منا كل تقدير واحترام

بهذه الرائعه

صح لسانك وسلم بنانك

تثبيت
سكري
20-09-05, 01:18 PM
العزيز
استاذنا الشاعر الكبير محمد الطويان
صح لسانك على هذا النزف
صح لسانك على هذه الحبكه الشعريه الجميله
قوة في المعنى وحبكه فحول الشعر
اسلوب الكبار لا يسلكه الا الكبار
محمد الطويان غاب فأنتظرنا
وابدع فحضرنا

محب الجميع سكري
شيهانة
20-09-05, 09:59 PM
ياهووووووه خذ قلبي وكلـي وسافـر
لأبعـد بحـر مافيـه غيـرك يطـبـه
في خافق ٍ يكسر مـن الوجـد خاطـر
وإركب شراع ٍ بس صوتك ركـب بـه
محتاج لـك ضامـي وخابـرك خابـر
لا يابعـد كـل البشـر وأنـت سـبّـه

مبدعنا محمد الطويان
غبت ..فغاب الجمال
بعدت ..فشعرنا بوحشة
افتقدنا حرفك..بعد ان عشقنا شذاه..
غياب طويل..كنا لن نغفره لك..
لولا هذه الرائعه التي اتحفتنا بها..
تقبل تقديري واحترامي..
وكلنا لهفة وشوق لجديدك..
فلاح بن منشار
21-09-05, 09:53 PM
محمد الطويان

صح السانك على هذا الإبداع

تحياتي
الوافي3
22-09-05, 03:25 AM
الشاعر الكبير
ومهندس الكلمة

وعازف الحرف



أجدني متخما حتى الثمالة



من هذه الروعة التي وجدتها بين ثنيايا حرفك



فلله درك أيها الشاعر الذي يعرف كيف يصوغ الكلمة



ويطوع الحرف ،، ليصدر هذه الجمل الشعرية التي



تتسامى ثم ترتفع بأحلى المعاني والعبارات
محمد الطويان
23-09-05, 04:11 AM
القاطع بالحق

سيف العداله

مراااااااااااااااااااااااحب

( مايوحشك ) غالي ياغالي

صدقني وأنا أكثر ، القادم أحلى ربما !

أنا والغاويه بإنتظارك ( لاتعلم أحد )

تعود وتذهب متى شئت ،

شكرا

واجمل تحيه ،
MaGNo0o0NK
02-12-06, 01:17 PM
صح لسانــك

لا هنت
ناصح6
02-12-06, 01:38 PM
صح لسانك وسلم بنانك اخي محمد
شاعر المستحيلات
02-12-06, 03:24 PM
السلام عليكم كل بإسمه

( متهيّض ) وقناعتي المترسخه إن هذا المكان

من المفترض أن نتشارك أنا وهو في هكذا بوح

وخصوصا ( سيف العداله ) من غير قصور بالباقين

وفي كل الاحوال تظلون أحبابي ( قايلكم متهيض )

تفضلوا :



يامرحبا من وجـد وإحسـاس شاعـر=يلعـب علـى أوتـار المعانـي بقلبـه
يامرحبـا وأهليـن وش أنـت فاكـر ؟=يمر صوتك والحشـا مـا لعـب بـه ؟
ياحـي حيانـي دفـعـت المشـاعـر=للوجـد فــوح وللمـواويـل هـبّـه
ياهووووووووه واللي بالسما فوق ساتر=مسلـم ويحلـف لـك ويقسـم بربّـه
إنـك ملكـت الصـب والوقـت غابـر=كـذا كــذا وإلا بحـبّـه وحـبّـه !!
حنـا الرجـال أهـل الوفـا والاكابـر=يمـوت مثلـي ماشكـى الوقـت حبّـه
ياهـووووووه مثلـي بالغـلا مايكابـر=يجيـك كلـه مانقـص مـنـه حـبـه
حنـا رجـال العـرف وأهـل المنابـر=نفـرق عـن اللـي مايهـاب المسبّـه
لايابعد عمـري هـاك الصـوت آسـر=شَـبْ الحنيـن بخافـق الـروح شبّـه
الله وأمانـه مــن حنيـنـي تنـاثـر=دمـع العيـون وموقهـا وجـدْ صبّـه
هـذا الغـلا سـد ٍ يخـون المعـابـر=مخـارجـه درب الـولـع والمحـبـه
ياهووووووه خذ قلبـي وكلـي وسافـر=لأبعـد بحر مافيـه غيـرك يطـبـه
في خافق ٍ يكسـر مـن الوجـد خاطـر=وإركب شراع ٍ بس صوتك ركـب بـه
محتاج لـك ضامـي وخابـرك خابـر=لا يابعـد كـل البشـر وأنـت سـبّـه
لاجيت لك حاضـر وأنـا أقـول تآمـر=أرخ اللثـام شـوي وشــوي ذبّــه
ماني بقايل ( كيس مي ) وأنـت خابـر=إني بقول أمووووووووت في ربع (حبّه)

..................
...............
..........
...


أجمل تحيه للجميع

ياهووووووووووووه أركد
:)
وش نرد على العملاق؟؟؟؟
ويش نعلق...
شاعر تربع على القمه....
دام بوحك...وشعرك..
وفنك....
لك مكانه..يالطويان..في قلبي..
وأعذرني على القطاعه...
:)