انا دخيـل العيـون النعـس الذبلـة

[سلمان العجمي]

انت الغلا والحـلا والملـح والقبلـة
ياكبر حظ الحظيـظ اللـي تهيالـه
الزين ينسب لشخصك وانت تنسبلـه
زين العذارى لحال وزينـك الحالـه
تبي الصراحة عليك النـاس منهبلـة
كـل يغنـي بطاروقـه ومـوالـه
ستير ماهـزك المزمـار والطبلـة
محفوظ مـن كـل دراقـة وختالـة
اللي يحاول يعـذرب فيـك ياخبلـه
مايدري انك وريث المجد والطالـة
ماهوب لك يابعد روحي ولاانتبلـه
لعلـه ابعيـد فــال الله ولافـالـه
حـظ رمانـي عليـك الله يشببلـه
عيد لقيت الفـرح والخيـر بقبالـه
ماتدري انك سحـاب ينتثـر وبلـه
من فوق حدب الضلوع ويرزم اخياله
انا دخيـل العيـون النعـس الذبلـة
الطف بمغليك فـي حلـه وترحالـه
الوقت مهما ومهمـا قمـت ارتبلـه
مانيب قادر علـى همـه وغربالـه
لابـد للآدمـي مـن شـي يكتبلـه
كم واحـد مـات ولا حقـق آمالـه
ندبت شعري وكله جود مـن نبلـه
مشاعري جـات رجليـة وخيالـة
قصيد ماهوب فيك اكيـد مااتعبلـه
والا انت فيك القصيد ادور اجزالـه

[سـعـد العتيبي]

الـوقـت مهـمـا ومهـمـا قـمـت ارتـبـلـه
مانـيـب قــادر عـلـى هـمـه وغربـالـه
لابـــد لـلآدمــي مـــن شــــي يكـتـبـلـه
كــم واحـــد مـــات ولا حـقــق آمـالــه

صح لسانك يالعجــمــي
واهلاً وسهلاً بك بين اخوانك
مصافحه تجعلنا نتشوق لجديدك
فلا تحرمنا منه
لك الاحترام والتقديـــــــــر
العتيبي

[فهد بن فهم]

سلمان

هلا باخوي

حياك الله بين اخوانك

صح لسانك

[عبد الله الزايدي]

الاخ العزيز سلمان


قصيده جزله من جزل والله رائعه بكل ما حوت



ماهـوب لـك يابعـد روحـي ولاانتبـلـه
لـعـلــه ابـعـيــد فــــال الله ولافــالـــه


انا اشغلني فهد المعذره يا سلمان

اخوك عبد الله

[سيف العداله]

انــا دخـيـل الـعـيـون الـنـعـس الـذبـلـة
الـطـف بمغلـيـك فــي حـلـه وترحـالـه
الـوقـت مهـمـا ومهـمـا قـمـت ارتـبـلـه
مانـيـب قــادر عـلـى هـمـه وغربـالـه
لابـــد لـلآدمــي مـــن شــــي يكـتـبـلـه
كــم واحـــد مـــات ولا حـقــق آمـالــه

هنا جمال الشعر

هنا انطلق سلمان معنا

هنا نرحب فيك يا شاعرنا المغترب

يا هلا فيك يا بعدي

وصح لسانك

[فلاح بن منشار]

سلمان العجمي

صح السانك على هذه الجزاله

تحياتي

[سكري]

سلمان
صح السانك
حضور مميز اخي سلمان
حضور يستحق الاشاده
حضور وقلب موازين الخيمة بهذه الرائعه
مرحباً بك
اهلاً وسهلاً بين اخوانك
اهلاً بك في منتداك اخي سلمان
محبك سكري

[نديم الليالي]

روعه ياسلمان ..

صح لسانك ايها المبدع

مره ثانية كبر الخط شوي ترى الشوف ( شجر ) !!

تقبل تحياتي وسجل اعجابي

[النجديه]

صح السانك وعلا شانك

وشرفتنا ياخوي في هالمنتدى الرائع

ننتظر جديدك القادم :)

[محمد الطويان]

انــا دخـيـل الـعـيـون الـنـعـس الـذبـلـة
الـطـف بمغلـيـك فــي حـلـه وترحـالـه
الـوقـت مهـمـا ومهـمـا قـمـت ارتـبـلـه
مانـيـب قــادر عـلـى هـمـه وغربـالـه
لابـــد لـلآدمــي مـــن شــــي يكـتـبـلـه
كــم واحـــد مـــات ولا حـقــق آمـالــه

العجمي

هلابك بين أحبابك

شاعر قادر وجميل ،

إبتكار رائع النعس الذبله وبلا شك الفاتكه

لاهنت وصح قلبك

وهنا

اجمل تحيه

[أم أديم]

الله الله الله



قصيدة رائعه اخوي العجمي



صح لسانك



وياهلا ويامرحبا فيك



وفي انتظار جديدك لاعدمناك

[سلمان العجمي]

احبتي الكرام

سلام الله عليكم ورحمته وبركاته

ومساكم الله بالخير جميع

اولا اود ان اتقدم بالشكر لكل من عبر عن إعجابه بهذه الابيات الجميله والرائعه

واقول هنا صحت ابدانكم جميع وصح السان شاعرها

فهذه أبيات للشاعر القدير محمد القويماني وودت ان اصافحكم بها

وقريبا ان شاءالله سيشرفني المشاركه معكم احبتي الكرام بأبيات من نظمي

حفظكم الله ورعاكم

سلمان العجمي
بريطانيا