ابو فتوون
16-09-05, 05:25 PM
أحب أن تكون أول مشاركة لي قصيدة من قصائدي عسا ان تنال اعجابكم
ياقاطعاً حبل الرجاء بالياس = حبل الرجاء ما ينقطع دام فالله
ماينقطع غير الذي يرجي الناس = رجوا البشر يورثك هون و مذله
الرزق عند اللي مقسمة بقياس = كلاً حسب سعيه وجهده يصله
اسع لرزقك وبذل الجهد لا باس = ولا يشغلك عن فرض ربك تزله
امش الدروب اللي تنومسك نوماس = رزق الحرام إليا اعترضك فخله
لاينفعك سقفاً ولا ينفعك ساس = جدراً على جرفاً وفي الجدر خله
إرقى المعالي مرتقاى حر قرناس = رابي بعالي النايفات المقله
مقل نفسه عن وطا درب الأنجاس = لالاحله صيده بهمة نزله
ولا كل مجلس تتخذ فيه مجلاس = لو شيدوا المبنى ومدو فزله
حذرا من الأصحاب والعرق دساس = وقت الرخاء مايضهر العيب كله
يالله في مزنه تقودها رعود وأجراس = وبروقها تلمع وماها تهله
تحيي البلاد وتحيي اغصون يباس = وتعز بالاسلام منهو بضله
وعلى النبي صلوا عدد جر الأنفاس = وعداد همال الثعول المطله
ياقاطعاً حبل الرجاء بالياس = حبل الرجاء ما ينقطع دام فالله
ماينقطع غير الذي يرجي الناس = رجوا البشر يورثك هون و مذله
الرزق عند اللي مقسمة بقياس = كلاً حسب سعيه وجهده يصله
اسع لرزقك وبذل الجهد لا باس = ولا يشغلك عن فرض ربك تزله
امش الدروب اللي تنومسك نوماس = رزق الحرام إليا اعترضك فخله
لاينفعك سقفاً ولا ينفعك ساس = جدراً على جرفاً وفي الجدر خله
إرقى المعالي مرتقاى حر قرناس = رابي بعالي النايفات المقله
مقل نفسه عن وطا درب الأنجاس = لالاحله صيده بهمة نزله
ولا كل مجلس تتخذ فيه مجلاس = لو شيدوا المبنى ومدو فزله
حذرا من الأصحاب والعرق دساس = وقت الرخاء مايضهر العيب كله
يالله في مزنه تقودها رعود وأجراس = وبروقها تلمع وماها تهله
تحيي البلاد وتحيي اغصون يباس = وتعز بالاسلام منهو بضله
وعلى النبي صلوا عدد جر الأنفاس = وعداد همال الثعول المطله