المساعد الشخصي الرقمي

مشاهدة النسخة كاملة : لا تزيد الجرح ما قصر زماني


بقايا جروح
25-12-11, 11:05 PM
لا تزيد الجرح ما قصر زماني
شايلٍ بالقلب أحزان السنين
لا تعيد الجرح ما فيني كفاني
بالحشا لك جرح يا الغالي دفين
مندفع لك جيت وقتي لك حداني
جيت ابي نظرات عطفك والحنين
في زمان فات يا الغالي تراني
اخفي الدمعات ما ودي تبين
يا حياة الروح يوم الله بلاني
لا تصير اليوم مع وقتي معين
لا يضيع العمر بأحلام وأماني
لا يضيع مجهود ليل العاشقين
السعاده منك عطنيها ثواني
لوعة الحرمان خلتني حزين

بقايا جروح
25-12-11, 11:16 PM
منته على خبري تغيرت بالحيل
ما هو بقول الناس شوفة عيوني
دامه حصل بالوضع يا زين تبديل
في عزتي للنفس هجرك يهوني
مثلت لي دور المحبين تمثيل
رح كمل المشوار هالحين دوني
دام انت في لحظه قطعت المواصيل
بين الرجا والياس خابت ظنوني
شكيت جرح من سواياك لسهيل
لا شك نجم سهيل زود شجوني
ما قلت يوم اقفيت ما اطولك يا ليل
ما جيت دام الغير بك شاركوني

بقايا جروح
27-12-11, 11:51 PM
ليتك تموت اليوم وارتاح انا منك
ويرتاح قلب بالخيانه طعنته
ليتك تموت وبثوب اسود اكفنك
واطوي معك صفحة عذاب رسمته
ليتك تموت وداخل القبر انا ادفنك
وادفن مع الجثمان جرح جرحته
ليتك تموت اليوم ومحد درى عنك
غير الخفوق اللي وفا لك وخنته
ليتك قبل ما تموت في صدرك اطعنك
واصيح بأعلى الصوت حقي اخذته
يلعنك قلبي والاحاسيس تلعنك
ويلعنك دمع صادق لك نثرته
جننتني يا جعل ربي يجننك
لا واحسايف ليلي اللي سهرته
منت بكفو قلبي له سنين صاينك
منت بكفو للي من اجلك فعلته
غدار .. خاين .. خنت قلب مأمنك
قلبي عطاك الحب وبيدك ذبحته
وش موقفك لو كنت انا اليوم خاينك
وش هو شعورك لو فؤادك غدرته