المساعد الشخصي الرقمي

مشاهدة النسخة كاملة : شعبيات آل باتشينو


al pacino
01-12-11, 01:08 AM
مساؤكم شعر

احب الشعبيات والتراثيات

لذا ستكون اختياراتي من جميل الشعر القديم

al pacino
01-12-11, 01:20 AM
ما طاح في قلب الغلا غير الاوجاع
=================ما شالت كفوف الندم غير ضيقه
يا ناثره في واحة الهمس نعناع
=================جف الرحيق ونشف الصمت ريقه
والفارس اللي كانت ايامه ذراع
=================اقسى ضلوعه من طعونك رقيقه
كم غيمة صوّت لها ضامي القاع
=================تناسته لو هي تمر بطريقه
أثر الغلا ليزاد عن حده انذاع
=================مثل الدفا لا زاد يصبح حريقه

al pacino
03-12-11, 11:06 PM
أجرح وجرحك بقلبي له حشيمه
================كل جرحٍ منك تفنى منه روح
ليه حبي لك تعد أنه ظليمه
================دامني مهديك عمري للجروح
كان حبي لك تعد أنه جريمه
================عدني مجرم وخذ حقك جروح
اركض لشوفك لو ضلوعي هشيمه
================وأقعد لهمك يبكيني وأنوح
ما شفت روحٍ تحب اللي يضيمه
================بس ذا حظي ولا أدري وين أروح

al pacino
10-12-11, 10:41 PM
لا تعاتبني عن الزله تغــــــــــــاض
==================كيف أقابل حبك الصادق جحـــــود
من يردك كثر إجروحي تقــــــــاض
==================وخل كل أيامي اللي بيض ســــود
حبي أقوى منك ما فيه إفتــــــراض
==================ما لصبر الميس إنهاية حــــــــدود
في عذابي ما عليك أصل إعتــراض
==================لو تقابلني عيونك بالبــــــــــــــرود
هل وجهك بالحَمَار وبالبيــــــــــاض
==================وضاع لون الورد في لون الخـــدود
وأستبد الدمع في عينك وفــــــاض
==================وصار مثل الطل من فوق الـــورود
أشهد أن إيديك يالغالي أحــــضاض
==================كل ما بكوك تقرب منــــــــــــك زود
لجل تمسح كل ماعـــــــــلق وراض
==================فوق روس إرموش مجروح الوجود

al pacino
10-12-11, 11:53 PM
وحشتيني قليله لو أقول أنك وحشتيني
================= أحس بداخلي اشياء كثيره صعب أترجمها

al pacino
12-12-11, 09:50 PM
لا غاب عن عينك حبيبٍ توده
=================أحسب نجوم الليل وأمرح خلاوي
هذا وانا لي عنه يا ناس مده
=================ما شافته عيني وقلبي شقاوي
عن جيتي مدري من اللي يرده
=================والا بهجري ناعم العود ناوي
مسكين قلبٍ عوّد الحب ضده
=================ما هو على دقٍ بفرقاه قاوي
هجري تعدى مع هوى البال حده
=================وبعّده على قلبي كثير البلاوي
حبل الوصل ترخيه والا تشده
=================انا على درب المحبه رجاوي

al pacino
12-12-11, 10:07 PM
خلاص قلب الأمس غيرته اليوم
=================خلاص قلبي شد ماعاد يبغــــاك
يوم ان جسمي منك عايب ولا اقوم
=================وانا ارتجي ربٍ يبيّن سوايــــاك
غشيم وما تعرف ولا فاد بك لوم
=================خذ باقي اوراقك ولا اريد طرياك
تحسب دروب الحب لك دايم الدوم
=================على المصالح يا حبيبي فهمناك
لا صار لك حاجة تظاهرت مظلوم
=================ولا من وفيت لمطلبك قلت نلقاك
تحسبني غرقانٍ بحبك وملزوم
=================الله يلعن سـاعـةٍ بـه عـرفنــاك
يكفي ثلاث سنين تغّرق وانا اعوم
=================جددت في قلبي مشاعر تحــداك
يكفي ترى دورك قديم ومفهوم
=================واليوم يا غدار عزمت ابنساك

al pacino
12-12-11, 11:41 PM
تدفعني اشواقي ويرهبني البوح
================ما غير ألمح لك عن الحال تلميح
ويضيع رجع الصوت وأقول مسموح
================كم عبرةٍ فيها عن النفس ترويح
خطاي محسوب وخطا الوقت مدموح
================والنفس تجزع والعواذل مشافيح
اصعب سؤال اوجهه وين ما أروح
================به ينبني قصرٍ للاحلام ويطيح
الصدفه اللي ساقت الروح للروح
================وش منتهاها بالقلوب المجاريح
مدري صدق ظني او صرت مشفوح
================استعجل الايـام للحيـره تريـح
ظنيتها مبدأ تباشير وفروح
================حدٍ ألوعات الظنا والتباريح
او انها لي زود تعذيب وجروح
================مدري ولاني طالب منك توضيح

al pacino
13-12-11, 09:29 PM
ما كل حبٍ يدهل القلب سكّان
==========بعض الغلا لا من خذا ايام راحي

al pacino
23-12-11, 12:31 AM
أشوف اليوم مثل الأمس وباكر الله أعلم به
=====================وأشوف الحال تعبانه من اجلك والدموع أمطار
حـيـاتي كـلـهـا أحـزان ضيـاعٍ وأنـتي السـبـه
=====================حياتي مـن يـواسيها مشاكل والهموم كبــار
مـدام العين سهرانه اجل قليبي وش ذنبــه
=====================تروح بعمره الايام وهو عايش على التذكار
غريبه كيف هالقسوة اخذتي خافقي لعبــه
=====================الا يا قـلـبـك القاسي الا يا قـلـبـك الـغــدار
الا يا ليت ما شفتك وليت انـك بعد كذبــه
=====================وليتي ما عرفت الحب ولا خذت الهوى مشوار

al pacino
23-12-11, 01:51 AM
عزّي لقلبٍ من عنا الوقت ذايب
=================من جور مابه ما يطفي لهيبه
أبكي خفى واضحك بوجه القرايب
=================اقرب قريب لعلتي ما دري به
دمعي كما وبل تهل السحايب
=================ابكي خفى ما جابت الورق اجيبه
يا قلب لا تحزن تراها وهايب
=================ولا هي بريره من قريب لقريبه
لو تشتكي خطوك ما قيل صايب
=================مصيبتك يا قلب ما هي غريبه
شف ذا شباب وراسه اليوم شايب
=================وذاك وقت الشيب ما فيه شيبه
الحب مثل السهم مخطي وصايب
=================احدٍ عداه السهم .. واحدٍ يصيبه
ارجي الذي بامره تهب الهبايب
=================جزل العطايا من خلق يعتني به

al pacino
23-12-11, 02:11 AM
مخطور رد النظر لي
===========قلبي كثيره جراحه
صبرت لين قرب اجلي
===========ما شفت بالصبر راحه
قلبي على نار مصلي
===========ميه بميه نجاحه
الصبر ما له محلي
===========والصدر مابه مساحه
لا يا بعد كل من لي
===========اخطيت ومنك السماحه
مجبور انا فيك مبلي
===========الحب ما اقدر كفاحه
هويت غيري فقلي
===========ارجوك قول الصراحه
والا فبادر بوصلي
===========اسيرك اطلق سراحه
وان كان ناوي بقتلي
===========فالموت يا زين راحه