المساعد الشخصي الرقمي

مشاهدة النسخة كاملة : انيشتاين لمن جان بالثالث ابتدائي حصل التالي


مدمنة كتب
18-10-11, 11:14 AM
هلو شباب وبنات
اليوم جبتلكم فد شي صفنت عليه من كثر ما اتعجبت

يابه اني قبل يومين جنت كاعد دا حشش بالسوالف ويه مدرس تعرفت عليه هنا بسوريا
اسمه استاذ زهير
هو خريج هندسه كهرباء وجان مدرس بجامعة بغداد
وهو شاب واريحي فلمن سمع انه اني هم هندسه كهرباء وهاي اخر سنه الي
كمنا نحشش على الكهرباء
هو يرفع بالفولتيه واني انزل بالتيار
وياهو يجي يوكف يمنا يكول هذوله مخابيل
لانه سوالفنا محد ديفتمها


المهم هو من ضمن السوالف اللي سولفهه الي سالوفة انيشتاين
واليكم السالوفه::::::::::


يكلك مره انيشتاين لمن جان بالثالث ابتدائي حصل التالي

دخل استاذ الرياضيات مالتهم وجان كلش ما اله خلك
فكال خلي الهي الطلاب بفد مسأله يطولون الى ان يحلوهه واني خل ارتاح واكعد اقره جرايد احسن
المهم انطاهم المساله التاليه:

كلهم اريدكم توجدولي مجموع الاعداد من 1الى100
يعني 1+2+3+.....100=؟
واريدكم تتذكرون همه ثالث ابتدائي
يعني انت تصور روحك انت بصف ثالث ابتدائي وتريد تحلهه
شكد راح اطول وقت ياله تحلهه؟؟؟؟؟
المهم الطلاب خطيه كلهه لزمت ورقه وقلم وكاموا يجمعون
1+2=3+3=6+4=10........الخ

هنا انيشتاين اخذله صفنه وسوه التالي
انيشتاين كال
1+100=101
2+99=101
3+98=هم 101
هاي شنوووو!!!!!
زين
4+97=101
هاي شلون سالفه
5+96=101
وصل لهنا جان ياخذله صفنه لخ
بعدين كال
اذا بهيجي حاله راح اوصل الى اخر شي وهو
.
.
.
.
.
.
.
50+51=101
فكال اني ليش مدوخ نفسي
فشسوه انيشتاين
سوه التالي

50*101=؟؟؟؟
ضربهن وطلع الناتج
وطلع الناتج=====5050
5050=مجموع الاعداد من 1الى 100
وانطه الورقه لاستاذ الرياضيات اللي جان كاعد ديقره الجريده بعد خمس دقايق من اعطاءه للسؤال
طبعا
استاذ الرياضيات بكبره لمن شاف الناتج صفننننننن
لانه الناتج طلع صحيح
بس على طريقة انيشتاين
انيشتاين لمن جان بالثالث ابتدائي هيجي سوه
شفتوا الدهااااااااااااااااااء

بالمناسبه
اني لمن حجالي استاذ زهير على هايه الفقره
مجان يعرف بس نص الطريقه وكلي انه ناسي التكمله شلون يطلع الناتج
المهم
اخوكم لزم الحاسبه والورقه والقلم وظليت نص ساعه بس دا اريد اوصل لنهاية الحل المفروض
وبالتواسيل وصلت للناتج
بس اني شلون عرفت
اني اخذت الحاسبه
وكعدت احسب المجموع على الحاسبه
1+2+3+4+.....................................+100
وطلعلي الناتج=5050
واشتغلت على اساس هذا الناتج علمود اكمل النص الباقي من الطريقه اللي انطانياها زهير
طبعا زهير انسان جدا متواضع فميقبل اكله استاذ
لذلك كلي سميني زهير بدون استاذ
المهم

اكو طريقه مشابهه للطريقه الاولى
واللي اني هم وصلتلهه
لانه فد مره حششت على انيشتاين
وظليت يومين محشش على هايه السالفه علمود ارتبهه واجيبهه الكم

المهم الطريقه الاولى جانت انه الناتج يطلع 101
يعني
1+100=101
2+99=101
.
.
.
.الخ حسب ما شرحت فوك

واليكم الطريقه الثانيه
وهي وحده من الطريقتين هي اللي استخدمهه انيشتاين
الطريقه الثانيه تكول التالي
1+99=100
2+98=100
3+97=100
4+96=100
هنا وكف انسيشتاين وكال بهيجي حاله راح اوصل لنتيجه
.
.
.
.
.
انه
49+51=100
فه
49*101=4949
و
51*101=5151
بعدين
(4949+5151)\تقسيم 2=؟؟؟
والناتج هو
5050


ها يابه

شنو رأيكم بانيشتاين من جان بالثالث ابتدائي
يخبل مو بله

اتمنى انه الموضوع افتهمتوه لانه هو شويه يدوخ احتمال
بس ان شاء الله تكونون فهمتوه

تحياتي الكم