المساعد الشخصي الرقمي

مشاهدة النسخة كاملة : يوم جمعتكم مع الاهل وش تسوون (فكره ايجابيه)


جنـان
11-10-11, 02:49 PM
السلام عليكم

مسيكم بالخير ياشعب قصيمي

عندي موضوع وهو من زمان يقرقع بدميجتي

الموضوع باين من عنوانه وش تسوون يوم الاربعاء أتوقع كلكم تجتمعون بأخوالكم أو عمانكم يوم بالاسبوع

يسمونه يوم لمة العائله الله يلم شملنا وشملكم المهم مالكم بالطويله يوم جمعتنا بيت خوالي يوم الاربعاء

جدتي الله يرحمه به كرم لو يوزع على أهل الارض لكفاهم كانت كل أربعاء توزع على الصغار مادون

الخمس ريالين واللي فوق الخمس خمسه واللي فوقهم عشره وهكذا هذا غير العيديات والنجاحات

المهم جدتي رحلت من هالدنيا وفقدناها مررره حتى عيال الجيران كانو يجون معنا يوم الاربعاء عشان

الحوامه على قولتهم فقدها البعيد قبل القريب المهم قررنا نسوي يوم الاربعاء اللي كانت تجمعنا فيه

نسويه يوم خيري انا يالبنات نسوي أكلات ونبيع على بعض ونجمع فلوس هاليوم ونشتري به مواد غذائيه

لعائله فقيره او اي مشروع خيري وننويه صدقه عن جدي وجدتي الله يرحمهم طبعا مو كل اربعاء مره في

الشهر وفي رمضان نجمع في كيس 3 تمرات وعلبة لبن او عصير وعلبة ماء وكيكه ويوزعونها الشباب عند

الاشارات وقت الفطور وننويها صدقه عنهم ردا لبعض الجميل وفي الاعياد نسوي اركان ميني ماركت وكوفي

شوب ومطعم صغير للمشاوي وبمدخولها نشتري براده لأحد المساجد او بير في أحد المناطق الفقيره

وحبيت أقولكم عن طريقتنا ممكن تستفيدون منها والدال على الخير كفاعله

فااااااااااااااااصل


فيه مويضيعات ودي أرد عليه يدي تحكن بس أمي تقول أقضبي أرضتس لا يبطتس الدبوس

ولاتستنكرون تغير الاسلوب تراي انا واميمتي نكتب بهالمعرف ههههههه مو مثل بعض الناس معرفين وثلاثه خخخخخخخخ

# ابو ليان #
11-10-11, 03:04 PM
ماشاالله ونعم العمل ............... الله يوفق الجميع لمرضاته

لكن من بيرد علي انتي او امك

اخو مزنـــــة
11-10-11, 03:07 PM
أفهم من سياق القصة انكم وعيال جيرانكم تحبون جدتك الله يرحمها , عشان الريالين والخمسة

ماهب حب حقيقي للرحم والصلة فيه

ثاني شي تبيننا نطبخ ونبيع على بعض ونجمع قروش ونشري مواد غذائية للفقراء

طيب ليش من البداية ما نطبخ ونعطي الفقراء او عمال النظافة او غيرهم
ياحبكم للقروش او الدراهم بتعبير اصح


ثالث شي
احنا نجتمع يوم الجمعة بالبيت تغدينا امي دجاجة محروقة مع كرارة القدر
ونتقهواء انا واخواني وبعدين اطلع للبحرين اتمشي
اشوف الناس الى عايشة صح ... ماهب حنا

عبادي نت
11-10-11, 03:08 PM
هههههههههه


حتى المعرف قطه


الله يخليك لأمك

ويخلي الماما لبنتها

ويرحم التيته



وصراحة نفتقد مثل هذه التجمعات

العالم الإجتماعي اصبح عالماً وهمياً ايضاً



وطرق الخير لم تعدم



وبوركتما

يادنيا اعذريني
11-10-11, 03:19 PM
هلا والله جنان اسال الله العظيم ان يغفر لجدتك ويرحمها
وان يغفر لجميع موتى المسلمين
بس عندي فكره حبيت اضيفها لك
هو وضع صندوق في البيت وكل يوم حطو فيه الي تقدرون عليه
لو حط كل واحد في البيت ريال احسبو بنهاية الشهر كم بيطلع
وفي نهايه الشهر طلعوه صدقه

لولا الامل
11-10-11, 03:21 PM
أفهم من سياق القصة انكم وعيال جيرانكم تحبون جدتك الله يرحمها , عشان الريالين والخمسة

ماهب حب حقيقي للرحم والصلة فيه

ثاني شي تبيننا نطبخ ونبيع على بعض ونجمع قروش ونشري مواد غذائية للفقراء

طيب ليش من البداية ما نطبخ ونعطي الفقراء او عمال النظافة او غيرهم
ياحبكم للقروش او الدراهم بتعبير اصح


ثالث شي
احنا نجتمع يوم الجمعة بالبيت تغدينا امي دجاجة محروقة مع كرارة القدر
ونتقهواء انا واخواني وبعدين اطلع للبحرين اتمشي

اشوف الناس الى عايشة صح ... ماهب حنا

اقول انت الله يرحم حالك

والله ما في راسك شي

من شاف تعييبك و حشك في مجتمعك و ناسك قال هذا الحين

لبناني و الا كندي

وراس مالك اخو مزنة :rofl951:

( شر البلية ما يضحك )

لولا الامل
11-10-11, 03:24 PM
مرحبا جنونة ..

طرح مفيد وان شاالله نفيد و نستفيد ..

وفكرتكم رائعة تبارك الله

بالنسبة لجمعتنا احنا ( الله لا يفرقها )

حطينا صندوق تبرعات وكل ما اجتمعنا الكل يحط فيه ريال فقط من صغار و كبار

حتى الشغالات واي مناسبة تمر نجمعهها و نشتري بها حاجيات للفقراء

والله ينفع به .


خل نشوف تجارب اخرى و نستفيد

اخو مزنـــــة
11-10-11, 03:50 PM
اقول انت الله يرحم حالك

والله ما في راسك شي

من شاف تعييبك و حشك في مجتمعك و ناسك قال هذا الحين

لبناني و الا كندي

وراس مالك اخو مزنة :rofl951:

( شر البلية ما يضحك )



ياعمري على البدو الى يقولون ( والله مافي راسك شي )

اصير ددسن ياشيخ لعيون وضحي

:ham020:
ابك ابك ابك وخري عن الحصان هذا لايتوطاك

جنـان
11-10-11, 04:01 PM
ماشاالله ونعم العمل ............... الله يوفق الجميع لمرضاته

لكن من بيرد علي انتي او امك


آآآآآآآآآآآآآمين ابو ليان الله يوفقنا للعمل لرضاه سبحانه شاكره لك مرورك


أكيد أنا اللي برد لأن أمي متودبتني<<الترجمه محذرتني ماأنزل موضوع وأسألها وش أرد على هذا وش أقول

جنـان
11-10-11, 04:23 PM
أفهم من سياق القصة انكم وعيال جيرانكم تحبون جدتك الله يرحمها , عشان الريالين والخمسة

ماهب حب حقيقي للرحم والصلة فيه

ثاني شي تبيننا نطبخ ونبيع على بعض ونجمع قروش ونشري مواد غذائية للفقراء

طيب ليش من البداية ما نطبخ ونعطي الفقراء او عمال النظافة او غيرهم
ياحبكم للقروش او الدراهم بتعبير اصح


ثالث شي
احنا نجتمع يوم الجمعة بالبيت تغدينا امي دجاجة محروقة مع كرارة القدر
ونتقهواء انا واخواني وبعدين اطلع للبحرين اتمشي
اشوف الناس الى عايشة صح ... ماهب حنا

هلا أخو مزنه أولا منو قالك مانحب جدتي الا عشان الفلوس

بس الموضوع عن الفلوس والصدقه عشان كذا تكلمت عن هدايا جدتي الله يرحمه

ثانيا انا ماقلت لك أطبخ قلت خل مزنه تطبخ وتبيع عليك وتتصدق بالفلوس

بس هو لازم بجمعتنا ناكل ونبلع فقلنا هالبلع لابد له من فايده المجموعه اللي بالعاده عليهم

الحلى يبيعون الحلى وأكواب الكفي والمجموعه اللي عليهم الموالح

يبيعونها مع أكواب الشاهي فهمت عمو

وبالنسبه لعمال النظافه لهم نصيب امي وخالاتي كل وحده معوده العمال اللي بحيهم يجون

الصبح عند الباب ياخذون فطورهم يسلقون كل يوم طبق بيض ويحطون كل بيضه معه خبزه

وعلبة حليب السعوديه

وبعدين ترى الدراهم مراهم على قولتهم

اممممممممممم لذيذ دجاجه محروقه مع قراره ياسلام يكفي انه من يدين الغاليه

تبي الصراحه ياأخو مزنه مدري ليه حسيتك مهجن يعني مو سعودي ميه ميه باين من مواضيعك وردودك

جنـان
11-10-11, 04:29 PM
هههههههههه


حتى المعرف قطه


الله يخليك لأمك

ويخلي الماما لبنتها

ويرحم التيته



وصراحة نفتقد مثل هذه التجمعات

العالم الإجتماعي اصبح عالماً وهمياً ايضاً



وطرق الخير لم تعدم



وبوركتما




هلا عبادي

آآآآآآآآآآآآآمين ويخلي لك غواليك

بس غريبه تفقدون هالتجمعات أحسها شي أساسي بحياتنا يالسعوديين

وتفائل ليه العالم الاجتماعي وهمي بالعكس أحس الناس كل مالها وتتحسن علاقاتهم الاجتماعيه

وبورك فيك وفي ردك

جنـان
11-10-11, 04:36 PM
هلا والله جنان اسال الله العظيم ان يغفر لجدتك ويرحمها
وان يغفر لجميع موتى المسلمين
بس عندي فكره حبيت اضيفها لك
هو وضع صندوق في البيت وكل يوم حطو فيه الي تقدرون عليه
لو حط كل واحد في البيت ريال احسبو بنهاية الشهر كم بيطلع
وفي نهايه الشهر طلعوه صدقه



هلا بك يالغاليه يادنيا

اللهم آآآآآآآآآآآآآآآمين الله يقبل منا و منك

وبالنسبه لصندوق فكرته حلوه جدتي الله يرحمه كانت حاطته لخوالي وخالاتي لما يجتمعون

كل واحد يعطي عياله المقسوم ويحطونه بالصندوق وتحطه بمشروع بس شكلنا بنحط الصندوق ببيتنا
احسن

يسلمو يالغاليه على الفكره الحلوه متلك

مستغرب
11-10-11, 07:22 PM
ما شاء الله ربي يوفقكم لكل خير

انتي شكل جدك رحمه الله تعطيك ريالين

رمــــــــانه
11-10-11, 07:30 PM
يوم جمعتكم مع الاهل وش تسوون
للامـانه مانسوي شئ

جنـان
12-10-11, 03:06 PM
مرحبا جنونة ..

طرح مفيد وان شاالله نفيد و نستفيد ..

وفكرتكم رائعة تبارك الله

بالنسبة لجمعتنا احنا ( الله لا يفرقها )

حطينا صندوق تبرعات وكل ما اجتمعنا الكل يحط فيه ريال فقط من صغار و كبار

حتى الشغالات واي مناسبة تمر نجمعهها و نشتري بها حاجيات للفقراء

والله ينفع به .


خل نشوف تجارب اخرى و نستفيد

أهلين حياك لولا

الله لايفرقنا ولا اياكم بشر ويجعلها جمعا دايمه

فكرتكم مع الصندوق مره حلوه بنسويها ان شاء الله في بيتنا

مشكوره على المشاركه الحلوه الله يكتب أجرك

((قلم ودرع))
12-10-11, 06:41 PM
مرحبا جنان.....جعل مثواك ومحبيك الجنان

لما قرأت عنوان موضوعك خطر ببالي كثيرا من الأسر قد فككتها نوائب الدهر....

فذاك أب مسجوووووووون



وهناك زوجة تترقب ..قد اعتصر طول الإنتظارقلبها....؟؟!!


وتلك بنية كلما آوت لفراشها صارت تردد على مسامع أمها...أين أبي...؟؟!!
متى سيحضر...؟؟!!!!


وقد أعيت أمها الحيلة في إيجاد عذر كل ليلة..؟؟!!



وذاك شيخ هرم....ينتظر خروج فلذة كبده ....والذي كان هو حلقة الوصل في اجتماع الأسرة ...والتفافها حول بعض..قبل أن تتفرق وتتفكك وبقدرة قادر ..وطعنة غادر..

وتلك أم مكلوووومة قد طال سهادها......وقلَّ حتى رقادها....ودقَّ عودها.....وغارت عيناها وأوشكت على أن تبيض جراء فقدها فلذة كبدها ....

لم يغيبه الموت ...كــــلا...فلربما ذاك أهون....بل غيبه ظلم الظالمين ...

الحكاية تطول ...والسلسلة أطول...بلاشك.....ولكنها خلجات نفس...


عذرا إن كدرت صفو موضوعك
ولكني رأيت أن تجعلوا نصب أعينكم هذا الأمر


مع يقيني أنه لا يخفاكم وبالأخص أنت



لي عودة
والسلام

شايف وساكت
12-10-11, 07:15 PM
ياحلو الجمعه ..خاصه اذا كانت مع خوالك ..

جنـان
13-10-11, 02:18 AM
ما شاء الله ربي يوفقكم لكل خير

انتي شكل جدك رحمه الله تعطيك ريالين


آآآآآآآآآآآآآمين مستغرب الله يوفقنا واياك للعمل الصالح

أفااااااا مامليت عينك يومك تقول أخذ ريالين الله يهديك ماتشوفن خط شنبي ههههه

حياك وتعال خذ الريالين باقيه من هدايا جدتو الله يرحمه

جنـان
13-10-11, 02:24 AM
للامـانه مانسوي شئ


هلا بك رمانة قصيمي وراكم ماتسوون شي ينعنشكم ويغير جو ويوسع صدوركم فيه فايده في الدنيا والاخره


وعلى فكره أذا كنت من النوع اللي يحب اللعب ترى فيه لعبه حلوه دايم أمي وخالاتي يلعبونها أسمها لعبة البلوتوث

هذي اللعبه يمكن قديمه شوي بس حلوه كل وحده تختار أسم بلوتوث مضحك والا أستهبالي وتكتبه على

ورقه صغيره وتحاول تغير خطه عشان مايعرفونه بعدين تخلط الاوراق في كاس أو صحن المهم تخلط زين

وكل وحده يصير دورها تختار ورقه وتحاول تطلع صاحبة اللقب وهكذا لعبه ممتعه ومسليه

وحياك يالغاليه شاكره مرورك من هنا

جنـان
13-10-11, 02:33 AM
مرحبا جنان.....جعل مثواك ومحبيك الجنان

لما قرأت عنوان موضوعك خطر ببالي كثيرا من الأسر قد فككتها نوائب الدهر....

فذاك أب مسجوووووووون



وهناك زوجة تترقب ..قد اعتصر طول الإنتظارقلبها....؟؟!!


وتلك بنية كلما آوت لفراشها صارت تردد على مسامع أمها...أين أبي...؟؟!!
متى سيحضر...؟؟!!!!


وقد أعيت أمها الحيلة في إيجاد عذر كل ليلة..؟؟!!



وذاك شيخ هرم....ينتظر خروج فلذة كبده ....والذي كان هو حلقة الوصل في اجتماع الأسرة ...والتفافها حول بعض..قبل أن تتفرق وتتفكك وبقدرة قادر ..وطعنة غادر..

وتلك أم مكلوووومة قد طال سهادها......وقلَّ حتى رقادها....ودقَّ عودها.....وغارت عيناها وأوشكت على أن تبيض جراء فقدها فلذة كبدها ....

لم يغيبه الموت ...كــــلا...فلربما ذاك أهون....بل غيبه ظلم الظالمين ...

الحكاية تطول ...والسلسلة أطول...بلاشك.....ولكنها خلجات نفس...


عذرا إن كدرت صفو موضوعك
ولكني رأيت أن تجعلوا نصب أعينكم هذا الأمر


مع يقيني أنه لا يخفاكم وبالأخص أنت



لي عودة
والسلام

حياك الله درع وقلم تدري أفرح دايم بردودك وأحب أقرى كتاباتك الا هذي المشاركه الله يهديك

آآآآآآآآآآآلمتني نكأت الجراح وأسأت الطرح ليس الا أني قبل قليل عدت من جمعتنا يملؤني الامل ويكاد

جرحي يلتئم وبعد قراءتي لردك خرج من القلب أنين وآآآآآآآآآآهات لاحول ولا قوة الا بالله العظيم أشكر

لك تذكرنا والتألم من أجلنا ولا يعني هذا أنا نسيناهم لا والله فلهم نصيب الاسد من الصدقات لدفع البلاء

تقبل الله منا ومنك ولي عوده بأذن الله على ردك

جنـان
13-10-11, 02:38 AM
ياحلو الجمعه ..خاصه اذا كانت مع خوالك ..


حياك شايف الاجتماع أمل وزرع بسمه والفرقه ألم وتشويه رسمه

جمع الله شملنا وشملكم في الدنيا على طاعته وفي الاخره على سرر متقابلين

((قلم ودرع))
13-10-11, 09:32 AM
حياك الله درع وقلم تدري أفرح دايم بردودك وأحب أقرى كتاباتك الا هذي المشاركه الله يهديك

آآآآآآآآآآآلمتني نكأت الجراح وأسأت الطرح ليس الا أني قبل قليل عدت من جمعتنا يملؤني الامل ويكاد

جرحي يلتئم وبعد قراءتي لردك خرج من القلب أنين وآآآآآآآآآآهات لاحول ولا قوة الا بالله العظيم أشكر

لك تذكرنا والتألم من أجلنا ولا يعني هذا أنا نسيناهم لا والله فلهم نصيب الاسد من الصدقات لدفع البلاء

تقبل الله منا ومنك ولي عوده بأذن الله على ردك


أطرح عذري بين يديك من جديد....ثم إني شرفت بثناءك لشخصي المتواضع...

أختي الفاضلة:

جميل أن نكون ممن يساهم في معالجة الجراح ...
"أي جراح كانت"
وذلك بالمشاركة في اجتماعات الأسرة والتشجيع عليها ..
وتلطيف الأجواء إن عكرها أحد...
"حتى ولو بالكذب"
لأجل الإصلح...

موضوعك جميل جدا...وجدير بالإشادة ..ولكم نحتاج إلى مثله
وأكثر من الأمور التي من شأنها أن تعيد الألفة والمحبة
والروابط الإجتماعية فيما بين الأسر...
وبخاااااصةفي هذا الوقت
الذي يكاد الأخ أن يفر من أخيه...وأمه وأبيه....بدواعٍ وأسباب دنيوية واهية أوهن من بيت عنكبوت

فلكم سمعنا...وقرأنا.....ولربما عايشنا ...أسرا مفككة ولو فتشنا عن السبب لوجدناها مشاغل
دنيوية دنية..؟؟!!


وليس أجمل من أن أكون ذاك المجاهد لأجل رأب الصدع ولم الشمل وإعادة
الأجواءالأسرية التي تدل على الترابط والألفة والمودة.....

فيما لو كنت واحدا ممن ابتلوا بأمر كهذا

لا أريد أن أطيل....ثم إني أعتذر إن رأيتني قد خرجت عن السرب من خلال حديثي


دمت في خير وافر

نكهه القهوه
13-10-11, 12:01 PM
والله افكار حلوة
احنا كل اربعاء نقول الاربعاء الجاي بنسوي كذا
ولانسوي شي
ناكل ونتقهوى ونطلع
بس افكاركم حلوة قواك الله

جنـان
13-10-11, 12:57 PM
مرحبا جنان.....جعل مثواك ومحبيك الجنان




وأياك اللهم آآآآآآآآآآآمين ماأجمل تلك الدعوات تقبلها ربي وفتحت لها ابواب السماء

أعتذر منك كثيرا أخي درع على ردي السابق فقد كان من لوعة الفقد وشدة الوله لقلوبهم الطاهره

أنت القلب الكبير المسامح ياتاج الزمان ونبراسه فأنت بالوسام جدير شكرا لك على ردك النقي



لما قرأت عنوان موضوعك خطر ببالي كثيرا من الأسر قد فككتها نوائب الدهر....

فذاك أب مسجوووووووون


آآآآآآآآآآآآآآآآآآآه من ذاك السجين آآآآآآآه ممن هو خلف قضبان الحديد

وهل كان سببا في أجتماعنا وتآلفنا غير ذاك السجين كان لايسمح بتغيب أحد

كان في كل أجتماع يحفز الاطفال للأصرار على والديهم بالحضور وذلك بتوزيع هدايا شبه أسبوعيه لمن يسمع آيتين من القرآن

من وضع تلك الافكار وخطط لها غيره فذاك السجين هو عيننا وكل جوارحنا ولعل هذا الموضوع يكون صدقة عنه


وهناك زوجة تترقب ..قد اعتصر طول الإنتظارقلبها....؟؟!!


وتلك بنية كلما آوت لفراشها صارت تردد على مسامع أمها...أين أبي...؟؟!!
متى سيحضر...؟؟!!!!


وقد أعيت أمها الحيلة في إيجاد عذر كل ليلة..؟؟!!



وذاك شيخ هرم....ينتظر خروج فلذة كبده ....والذي كان هو حلقة الوصل في اجتماع الأسرة ...والتفافها حول بعض..قبل أن تتفرق وتتفكك وبقدرة قادر ..وطعنة غادر..

وتلك أم مكلوووومة قد طال سهادها......وقلَّ حتى رقادها....ودقَّ عودها.....وغارت عيناها وأوشكت على أن تبيض جراء فقدها فلذة كبدها ....


تلك صور تفتت القلب كمدا تمر علي دائما بل أحيانا بشكل يومي كم من أخت بكت فقد عضدها وساعد الاسره الايمن

وكم من طفل فقد ذاك القلب الحنون والواجه البشوش ؟؟

وكم من أم فقدت فلذت كبدها وأكثرهم برا وتلك الابتسامه المشرقه والوجه النير من كثرة العبادات؟؟

وكم من أب فقد ولي عهده رجل البيت الاول من يمسح عين ذاك الاب من يخفف زفرات صدره وسهاد ليله من يداوي جرح قلب تلك الام ؟؟

من فجع هذه بولدها ردو ولدها اليها آآآآآآآآآآه ثم آآآآآآآآآه على تلك الجراح !!!!!


تلك الزوجة الشريفة العفيفه الوفية تقوم بتربية أبنائها على حب الله ورسوله وتذكرهم بأن رسول الله

أسر وتقرأ كل يوم على مسامعهم بلاءت الانبياء والرسل والتابعين والسلف الصالح وتذكرهم بأن

والدهم يحمل هم هذا الدين ويناكف عن هذا الوطن ليحميه من شرذمة تجرح في خاصرته

وتحاول الفت في عضده من يعيد لعينيها بريق الامل من يعيد لفلبها ذاك الوطن ذاك السكن

متى ستلتئم الجراح وليتم الشمل؟؟؟؟؟؟؟؟؟؟؟؟؟؟؟؟


لم يغيبه الموت ...كــــلا...فلربما ذاك أهون....بل غيبه ظلم الظالمين ...

الحكاية تطول ...والسلسلة أطول...بلاشك.....ولكنها خلجات نفس...


عذرا إن كدرت صفو موضوعك
ولكني رأيت أن تجعلوا نصب أعينكم هذا الأمر


لاتعتذر فأنا من يجب أن أعتذر منك لقسوتي عليك في ردي السابق ولكنه الالم ولتعلم أنهم لم يختفو عن أعيننا وقلوبنا أبدا

مع يقيني أنه لا يخفاكم وبالأخص أنت


شكرلك كثيرا وليس بأخيرا فأنت درع الامان لنا ولهذا الصرح الكبير جعلك الله ذخرا للأسلام والمسلمين


لي عودة
والسلام

وعليك السلام ورحمات ربي تتوالى

طالبة رحمة الله
13-10-11, 01:27 PM
ماشاء الله حلوة أفكاركم

والله يرحم جدك يارب

عوافي

نآآآآيف
13-10-11, 01:37 PM
رحم الله جدتك

لكــن

آمك لآزم تسوي نفسهآ ^ــ^
:

:

سموة ذاتي
13-10-11, 03:25 PM
يا زين الجلسة والكراث يوم الاربعاء

علشان تصير ليلة الخميس ليلة رومنسية صح

هههههههههههه

الصراحة يوم الاربعاء يوم عادي بالنسبة لي نادر أطلع برا البيت

أهم شيء ما فيه مدارس بكرا

وسالفة الطبخ وعمل سوق خيري ما دخلت مزاجي

اللي يبي يتصدق يعطي جاف وهم يتصرفون فيه

والله يجزاكم خير على مجهودكن حلو بنات يفكرون هالتفكير

بنات هالايام كل وحدة حاطه راسها في شاشة البلاك بيري وداخله جو خاص

جنـان
14-10-11, 03:46 AM
أطرح عذري بين يديك من جديد....ثم إني شرفت بثناءك لشخصي المتواضع...

أختي الفاضلة:

جميل أن نكون ممن يساهم في معالجة الجراح ...
"أي جراح كانت"
وذلك بالمشاركة في اجتماعات الأسرة والتشجيع عليها ..
وتلطيف الأجواء إن عكرها أحد...
"حتى ولو بالكذب"
لأجل الإصلح...

موضوعك جميل جدا...وجدير بالإشادة ..ولكم نحتاج إلى مثله
وأكثر من الأمور التي من شأنها أن تعيد الألفة والمحبة
والروابط الإجتماعية فيما بين الأسر...
وبخاااااصةفي هذا الوقت
الذي يكاد الأخ أن يفر من أخيه...وأمه وأبيه....بدواعٍ وأسباب دنيوية واهية أوهن من بيت عنكبوت

فلكم سمعنا...وقرأنا.....ولربما عايشنا ...أسرا مفككة ولو فتشنا عن السبب لوجدناها مشاغل
دنيوية دنية..؟؟!!


وليس أجمل من أن أكون ذاك المجاهد لأجل رأب الصدع ولم الشمل وإعادة
الأجواءالأسرية التي تدل على الترابط والألفة والمودة.....

فيما لو كنت واحدا ممن ابتلوا بأمر كهذا

لا أريد أن أطيل....ثم إني أعتذر إن رأيتني قد خرجت عن السرب من خلال حديثي


دمت في خير وافر



أعتذر مرة أخرى لتعجلي في الرد عليك مسبقا

ثم أن الاجواء الاسريه الحميمه لابد أن تكون مكثفه في ظل غياب شخصية مهمه بالنسبه للعائله

فكل من فقد أحد أحبابه لابد وأن يكون له دوره الفعال في جمع شتات الاسره وغيابه يسبب شرخا كبيرا

فلابد من جلب الافكار ورأب الصدع بأي عمل يساعد على ذلك

دمت سالما مشكورا

جنـان
14-10-11, 03:49 AM
والله افكار حلوة
احنا كل اربعاء نقول الاربعاء الجاي بنسوي كذا
ولانسوي شي
ناكل ونتقهوى ونطلع
بس افكاركم حلوة قواك الله



حبيبتي نكهه قهوه حياك الله

أتمنى أن تكوني سباقه للخير دائما ولتبدئي وتكسري الروتين الممل

والافكار منكم واليكم ونتمنى أثرائنا بأفكار جديده

أشكرك للتفضلك بالمرور من هنا

الشيخـــــه شجـــــون
14-10-11, 09:43 AM
الله يرحم جدتك ويغفرلها

بصراحه احنا مانسوي هالشغلات

احنا نطلعها نقد كلن بطريقته لكن ندل بعضنا بمن هم في حاجه

يعني سمعت عن ناس ابلغهم وهم ان سمعوا يبلغونا وعلى هالطريقه

شقيان
14-10-11, 10:08 AM
الله يرحم جدتك ويغفر لها وجميع اموات المسلمين


احنا عائلتنا امى وابوى واخوانى واخواتى الحمدالله عاملين صدقات جاريه بالهبل .. اللهم لارياء


بنينا مساجد .. عملنا ابار ماء ... عملنا وقف لمزارع بقر .. كفالة ايتام .. وقف عام .. صدقات


وانا انصح بكفالة الايتام


قال عليه السلام ( انا وكافل اليتيم كهاتين فى الجنه )


وكفالة الايتام غير مكلفه لاتتعدى 150 ريال بالشهر



انا كنت كافل بنت مصريه والحين ولد هندى


الله يتقبل منا ان شاء الله

جنـان
14-10-11, 02:31 PM
ماشاء الله حلوة أفكاركم

والله يرحم جدك يارب

عوافي


عافاك الباري لمرورك العطر الله يغفر لجدي وجدتي وأموات المسلمين

الحلو هو تشريفك هنا

فيــــصـــل 22
14-10-11, 04:16 PM
الله يرحم جدك وجدتك رحمة واسعة ويسكنهما فسيح جناته ,,
بكل اسف صلة الرحم قلة بين الاقارب وان حصلت وتمت هذة الجمعات فإن بالقلوب ماتحمل من عدم رغبة لهذا الحضور وهذة الصلة ..فتجد كل واحد وكأنه مجبر على الحضور لإن كبير العائله او والدة امره بالحضور ..( ليس الجميع فلا اعمم بالطبع )
هذا جانب ..
والجانب الاخر احييكم على بركم بجدتك وجدك رحمهما الله وجعل ما تقومون به في موازين حسناتكم ..وموازين حسناتهم
فقد اعجبتني همتكم وبركم بهما فهو مثال يحتذى ..ماشاء الله تبارك الله ..
ادامكم الله على فعل الخير ..
تقبلي ردي المتواضع ولكِ خالص شكري وتقديري

. غيور
15-10-11, 02:16 AM
الحريم .. ياكلون اكل ولحم آدمي !
والرجال .. ياكلون النوعين ايضا ولكن اللحم الآدمي في الغالب ما يكثرون منه
والبزران ياكلون في بعض !!!

في فكرة طيبة ولها مردود جميل في الوسط النسائي .. فالمعروف في جمعات النساء خمسة عشر امرأة مجتمعة وستة عشر موضوع يُدار في نفس الوقت !!!
وتعتمد الفكرة على وجود وحدة جريئة في الاسرة وتقدر تسكت الحريم وتجذب انتباههم .. لأن الحريم لا انطلقوا بالسوالف محد يلحق عليهم :)
وهي القاء كلمة خفيفة من الكتب او تفسير آية او معلومة فقهية مفيدة للنساء او حتى معلومات عامة عن التربية او فنون التعامل .. وطبعا المفروض من تلقيها عندها علم شرعي او علم بما ستلقيه وعندها براعة في الالقاء

ومو شرط تكون صاحبة الفكرة التزامها شديد او ما عليها اي ملاحظات لان الامر هذا صعب ومافي انسانة كاملة وقد تكون من تثبيط الشيطان لها ربط النصح بمستوى عالي من الالتزام ! .. وهي تحاول تلتزم باللي تلقيه عليهم قدر استطاعتها .. المهم ان نيتها تكون صافية في نفع قريباتها ونفسها وان اجتماعهم ينذكر فيه علم يقربهم لله ويفقهم في الدين

اكيد البداية راح تكون شوي صعبة لكن صدقيني بعد فترة بتصير عادة عندهم وبيطلبونها طلب اذا تكاسلت او استحت من القاء دروس مع انخفاض مستوى التزامها

وممكن يكون بآخر الكلمة اسئلة خفيفة عن المعلومات اللي انذكرت فيه مع شوية ضحك ومزح وجوائز وبكذا ترسخ المعلومات اكثر

واللي ما تعرف الالقاء ممكن تعد كلمة وتعطيها وحدة تعرف وبكذا يكون في تعاون جميل بين افراد العايلة

وبعد في حفظ القرآن والمراجعة والتسميع لبعض

وعندك بعد عمل مسابقات خفيفية معلوماتية او حركية للبنات وتوزيع جوائز .. وبكذا يجمعون بين الترفيه والفائدة

وبعد عمل مسابقة لأفضل طبق .. وبكذا يكون العشا جماعي ويخففون على اللي عندها الجمعة
وممكن بدون مسابقة كل وحدة تجيب طبق للعشا من باب التخفيف على صاحبة البيت

اما الصدقات فأخفاؤها افضل .. لا تعلم شماله ما انفقت يمينه

وفي شغلة بسيطة وسهلة وهي ان الواحد قبل الاجتماع يكون عنده نصيحة او فائدة جميلة يحاول يدرجها في كلامه العادي مع الناس .. يعني يعود نفسه انه يفيد من يجتمع فيهم وان ما فادهم ما ضرهم


وهذا رابط لمواقع تساعد في فكرة القاء الكلمات
http://www.ahlalhdeeth.com/vb/showthread.php?t=171532



اما الرجال فارى اجتماعهم في الغالب طيب وفي أمور مفيدة .. دنيويا على الاقل وان كان هناك بينهم اصحاب علم شرعي فاكيد راح يستفيدون من بعض في القضايا الدينية

وقد تشتمل جلساتهم على ذكر النساء بخير او بشر :)

عود العتبآن
15-10-11, 04:48 AM
مآشآء الله عليكم ..معروف جدتك وأخلآقهآ مآرآحت سدى..هه هذآكم بتقومون بصدقه لهآ وتنفعونهآ يمكن أكثر من أولآدهآ مآشآء الله..
والله ودي بهالجمعه وودي أروح كل آسبوع لجدتي من أبوي وعمآني..بس كل مآرحت أرجع تعبآنه (ekaj) من جيت أمس فيني حرآره عقب روحتي لمهم ..وكل مآجيت منهم لآزم فيني حرآره (qq60) مليييت وتعبت والله ..
يسلمونيشن حبيبتي حمستينآ عن جد..الله يخليلك أمك ويسعدكم..(q87)

غفوة اوجاع
15-10-11, 04:55 AM
الله يخليكم لبعض

جنـان
15-10-11, 04:02 PM
رحم الله جدتك

لكــن

آمك لآزم تسوي نفسهآ ^ــ^
:

:



آآآآآآآآآآمين ويرحم جميع موتى المسلمين

حياك اخوي نايف بس مافهمت لك عن امي وش تقصد

جنـان
15-10-11, 04:15 PM
يا زين الجلسة والكراث يوم الاربعاء

علشان تصير ليلة الخميس ليلة رومنسية صح

هههههههههههه

الصراحة يوم الاربعاء يوم عادي بالنسبة لي نادر أطلع برا البيت

أهم شيء ما فيه مدارس بكرا

وسالفة الطبخ وعمل سوق خيري ما دخلت مزاجي

اللي يبي يتصدق يعطي جاف وهم يتصرفون فيه

والله يجزاكم خير على مجهودكن حلو بنات يفكرون هالتفكير

بنات هالايام كل وحدة حاطه راسها في شاشة البلاك بيري وداخله جو خاص


سموة ذاتك حياك يالغاليه

الاربعاء يوم حلو بالنسبه لي لأنه بعد تعب الدوامات بيصير حماس وتفكير بالحركه الجايه الجديده

وماحزتي بالنسبه لنا مانعرف الكراث وهالاشياء بس بأقولك في مره سوينا يوم الزي العالمي

كل عائله تلبس زي دوله وتسوي أشهر الاكلات لهالدوله وتكتب لوحه مميزات هالدوله وأهم الاطباق

الرئيسيه وموقع الدوله منها تثقيف جميع أفراد الاسره من أطفال ونساء كبيرات وبنفس

الوقت تغيير جو وعلى فكره اليوم العالمي كنت ممثله دولة اليابان بزيهم وأكلت السوشي

وانتي الصادقه لما الواحد وده يتصدق ناشف على قولتك تصير الحمدلله بس أقصد تغيير

وبالنسبه للبنات فيهم خير لما توجهيهم كلنا يالبنات معنا هالاجهزه مامنعتنا لا نسوي

هالحركات وبالعكس أستغلينا هالاجهزه في سهولة التواصل والترتيبات بالتصوير والرسائل

يسلمو يالغاليه على المرور وحياك حاولي تسوين شي يمتعك لو كان مو هنا وعطينا أفكارك

جنـان
15-10-11, 04:21 PM
الله يرحم جدتك ويغفرلها

بصراحه احنا مانسوي هالشغلات

احنا نطلعها نقد كلن بطريقته لكن ندل بعضنا بمن هم في حاجه

يعني سمعت عن ناس ابلغهم وهم ان سمعوا يبلغونا وعلى هالطريقه



حياالله شيختنا هلا بك يالغاليه

حبيبتي حلو لما تدلون بعضكم على عوائل محتاجه

بس أنتي مافهمتي قصدي عادي لما تطلعينها نقد

يعني روتين عادي الكل يسويه والحمدلله نطلعها نقد بس السالفه على تغيير الروتين

وتعويد الاطفال الاهتمام بالاموات والدعاء لهم والصدقه عنهم ماتتخيلي آخر مره أعتمرنا قال أخوي الصغير أنا نويت عمرتي عن جدتي

أقصد الطريقه أحيانا تشجع الصغار والكبار على الصدقه

جنـان
15-10-11, 04:28 PM
الله يرحم جدتك ويغفر لها وجميع اموات المسلمين


احنا عائلتنا امى وابوى واخوانى واخواتى الحمدالله عاملين صدقات جاريه بالهبل .. اللهم لارياء


بنينا مساجد .. عملنا ابار ماء ... عملنا وقف لمزارع بقر .. كفالة ايتام .. وقف عام .. صدقات


وانا انصح بكفالة الايتام


قال عليه السلام ( انا وكافل اليتيم كهاتين فى الجنه )


وكفالة الايتام غير مكلفه لاتتعدى 150 ريال بالشهر



انا كنت كافل بنت مصريه والحين ولد هندى


الله يتقبل منا ان شاء الله



حياك اخوي شقيان


اللهم آآآآآآآآآآآآآآآمين ويغفر لكل أموات المسلمين


ماشاء الله عليكم تقبل الله منا ومنكم وجعل أعمالنا وأعمالكم خالصه لوجهه الكريم


وصدقت أخوي مافيه أفضل من السقيا وكفالة اليتيم بالرغم أنها سهله وتدر البركه على البيت الناس غافله عنها

الله يبارك لك ولأهلك ويتقبل صدقاتكم بس غالب اللي ردو مافهمو قصدي من الموضوع

السالفه مو عن الصدقه بحد ذاتها بس الاساليب أحيانا تساعد وتشجع خاصه فئة الشباب والبنات

الله يقبل منا ومنك وماقصرت مشكور على طرحك

جنـان
15-10-11, 04:37 PM
الله يرحم جدك وجدتك رحمة واسعة ويسكنهما فسيح جناته ,,
بكل اسف صلة الرحم قلة بين الاقارب وان حصلت وتمت هذة الجمعات فإن بالقلوب ماتحمل من عدم رغبة لهذا الحضور وهذة الصلة ..فتجد كل واحد وكأنه مجبر على الحضور لإن كبير العائله او والدة امره بالحضور ..( ليس الجميع فلا اعمم بالطبع )
هذا جانب ..
والجانب الاخر احييكم على بركم بجدتك وجدك رحمهما الله وجعل ما تقومون به في موازين حسناتكم ..وموازين حسناتهم
فقد اعجبتني همتكم وبركم بهما فهو مثال يحتذى ..ماشاء الله تبارك الله ..
ادامكم الله على فعل الخير ..
تقبلي ردي المتواضع ولكِ خالص شكري وتقديري



حياك كفاني جروح

الله يرحم والدي ووالديهم وجميع أموات المسلمين وأحيائهم اللهم آآآآآآآآآآآمين

وبالنسبه للأجتماعات ممكن في بعض العوائل تشوف ضعف الترابط بس قله ولله الحمد

وبالمناسبه ممكن تعملون حفلات نجاح وأعياد حلوه فيه حركات ومهرجين وبرامج ونطيطان

وكل الحركات اللي بتجذب الاطفال وتحمسهم للحضور وتتسهل جمعاتكم لما يصير الجميع يحب الاجتماع

لو ماكان فيه شي يتألفون ويتقاربون الله يجمع شملنا وشملكم ويعينا واأياكم على بر والدينا وووالديهم

الشكر موصول لك لردك المميز تقبل الله دعواتك

الشيخـــــه شجـــــون
16-10-11, 04:44 AM
حياالله شيختنا هلا بك يالغاليه

حبيبتي حلو لما تدلون بعضكم على عوائل محتاجه

بس أنتي مافهمتي قصدي عادي لما تطلعينها نقد

يعني روتين عادي الكل يسويه والحمدلله نطلعها نقد بس السالفه على تغيير الروتين

وتعويد الاطفال الاهتمام بالاموات والدعاء لهم والصدقه عنهم ماتتخيلي آخر مره أعتمرنا قال أخوي الصغير أنا نويت عمرتي عن جدتي

أقصد الطريقه أحيانا تشجع الصغار والكبار على الصدقه

فاهمه قصدك ياجنان

بس احنا ماشاء الله لاقوة الا بالله عائلتنا كبيره وعددنا كثير

يعني احنا البنات لوحدنا وزوجات العيال او مع اخوانا نسوي زحمه فكيف لو جبنا معنا الصغار

فلمانفكر نجتمع عند الوالده ماناخذ معانا المزعجين

عدا الصغار مره اللي ماينتركون بالبيت اما الاعمار الوسط يجلسون مافينا للازعاج

ومرات ناخذهم بس نتاكد انه مو الكل جاي مره ازعاج يعني بدال مانونس الوالده والوالد

نطلع واحنا مصدعينهم يعني مافيه مجال لهالفعاليات لان الدنيا بتنقلب راس على عقب

كلن يعود عياله بطريقته ببيتهم مانجمعهم الا فحفلات النجاح والعيد نسمح لهم يهيصون اماغيره

كله بالتقنين حتى لاتكون جيتنا ثقيله

جنـان
17-10-11, 02:16 PM
الحريم .. ياكلون اكل ولحم آدمي !
والرجال .. ياكلون النوعين ايضا ولكن اللحم الآدمي في الغالب ما يكثرون منه
والبزران ياكلون في بعض !!!

في فكرة طيبة ولها مردود جميل في الوسط النسائي .. فالمعروف في جمعات النساء خمسة عشر امرأة مجتمعة وستة عشر موضوع يُدار في نفس الوقت !!!
وتعتمد الفكرة على وجود وحدة جريئة في الاسرة وتقدر تسكت الحريم وتجذب انتباههم .. لأن الحريم لا انطلقوا بالسوالف محد يلحق عليهم :)
وهي القاء كلمة خفيفة من الكتب او تفسير آية او معلومة فقهية مفيدة للنساء او حتى معلومات عامة عن التربية او فنون التعامل .. وطبعا المفروض من تلقيها عندها علم شرعي او علم بما ستلقيه وعندها براعة في الالقاء

ومو شرط تكون صاحبة الفكرة التزامها شديد او ما عليها اي ملاحظات لان الامر هذا صعب ومافي انسانة كاملة وقد تكون من تثبيط الشيطان لها ربط النصح بمستوى عالي من الالتزام ! .. وهي تحاول تلتزم باللي تلقيه عليهم قدر استطاعتها .. المهم ان نيتها تكون صافية في نفع قريباتها ونفسها وان اجتماعهم ينذكر فيه علم يقربهم لله ويفقهم في الدين

اكيد البداية راح تكون شوي صعبة لكن صدقيني بعد فترة بتصير عادة عندهم وبيطلبونها طلب اذا تكاسلت او استحت من القاء دروس مع انخفاض مستوى التزامها

وممكن يكون بآخر الكلمة اسئلة خفيفة عن المعلومات اللي انذكرت فيه مع شوية ضحك ومزح وجوائز وبكذا ترسخ المعلومات اكثر

واللي ما تعرف الالقاء ممكن تعد كلمة وتعطيها وحدة تعرف وبكذا يكون في تعاون جميل بين افراد العايلة

وبعد في حفظ القرآن والمراجعة والتسميع لبعض

وعندك بعد عمل مسابقات خفيفية معلوماتية او حركية للبنات وتوزيع جوائز .. وبكذا يجمعون بين الترفيه والفائدة

وبعد عمل مسابقة لأفضل طبق .. وبكذا يكون العشا جماعي ويخففون على اللي عندها الجمعة
وممكن بدون مسابقة كل وحدة تجيب طبق للعشا من باب التخفيف على صاحبة البيت

اما الصدقات فأخفاؤها افضل .. لا تعلم شماله ما انفقت يمينه

وفي شغلة بسيطة وسهلة وهي ان الواحد قبل الاجتماع يكون عنده نصيحة او فائدة جميلة يحاول يدرجها في كلامه العادي مع الناس .. يعني يعود نفسه انه يفيد من يجتمع فيهم وان ما فادهم ما ضرهم


وهذا رابط لمواقع تساعد في فكرة القاء الكلمات
http://www.ahlalhdeeth.com/vb/showthread.php?t=171532



اما الرجال فارى اجتماعهم في الغالب طيب وفي أمور مفيدة .. دنيويا على الاقل وان كان هناك بينهم اصحاب علم شرعي فاكيد راح يستفيدون من بعض في القضايا الدينية

وقد تشتمل جلساتهم على ذكر النساء بخير او بشر :)

حياك غيور

بالنسبه للأكل اللحم اللي وزعته حرام ذاك نسوان أول اللي بيكثرو لحم الحين تطورو

وبالنسبه للحريم عندنا لو تتكلم الوحده ماعاد سكتت سالفه تجر سالفه والا سكتو فجأه جميع

عشان كذا نوقف ناخذ نفس لمدة خمس دقائق فيها تسبيح وأستغفار

وعندنا ثنتين من العائله ماشاءالله في الاسلوب وطرح القصص والفوائد

رهيب عشان كذا غالبا الجلسه بينهم

اما تفسير الايات فكرتها حلوه بأبدأها بأذن الله معهم هذا الاربعاء أسأل الله التوفيق

وبالنسبه للملتزمات الله المستعان لو خلينا كل شي عليهم ماسوينا شي الله يهدينا ويثبتنا

اما النصائح فكرتها ممتازه وبدينا فيها الحمدلله من الاربعاء اللي فات وكانت عن اللباس اللي كل ماله وينتهي

هين الرجال اتوقع مالهم سالفه غير النسوان الله يهديكم مدري وش مسلطكم علينا واكبر دليل موضيع المنتدى

مشكوووووووووووور أخوي غيور وتسلم الايادي على الرد المميز أستفدت منه كثير الله يبارك فيك وأستفدت بعد من الموقع وحفظته عندي

جنـان
17-10-11, 03:12 PM
مآشآء الله عليكم ..معروف جدتك وأخلآقهآ مآرآحت سدى..هه هذآكم بتقومون بصدقه لهآ وتنفعونهآ يمكن أكثر من أولآدهآ مآشآء الله..
والله ودي بهالجمعه وودي أروح كل آسبوع لجدتي من أبوي وعمآني..بس كل مآرحت أرجع تعبآنه (ekaj) من جيت أمس فيني حرآره عقب روحتي لمهم ..وكل مآجيت منهم لآزم فيني حرآره (qq60) مليييت وتعبت والله ..
يسلمونيشن حبيبتي حمستينآ عن جد..الله يخليلك أمك ويسعدكم..(q87)

حيا الله عود العتبان

شفتي شلون أزرع خير تحصده لو بعد حين

سلامتك يالغاليه من التعب ماتشوفين شر

بس أرقي نفسك وأقري وردك قبل تروحين لعمامك

تصدقين الوالده صار لها مثلك تقريبا جاها فتره أذا تعشت ببيت خوالي تتعب مرررره تجلس 3 أيام

مريضه وصارت لما يجي يوم الاربعاء تقرأ الرقيه وتحافظ على وردها مع أنها جلست سنه كامله ماتتعشى ببيت خوالي

الله يقويك ياعيوني شدي حيلك وسولفي علينا وش سويتي

مشكوره على مرورك ودعواتك الحلوه ياعسل الله يخلي لك أحبابك

همكم همي
17-10-11, 05:09 PM
هلا بالغاليه اختي جنان

عسى جدتك وجدتي باعلى الجنان

طرح جميل


ومثل ماقال اخوي اخو مزنه

اعطو الفقراء مباشره بدون طبخ ودوشه

يمكن يجي يوم تملون الطبخ وتضعفون بدفع الصدقه


ومجالات الصدقه كثيره

كثير نشوف في طريقنا وفي الاسواق محتاجين

حلو انا نعود\ انفسنا واعيالنا

أي طلعه من البيت مانرجع الا ودفعنا صدقه حتى لو قليل

بتشوفون اثرها بحياتكم وحياة ابنائكم وكثير بلاء يدفع عنكم

وان شاء الله اجرها بعد ياصل موتاكم

والله يمتعكم والجميع بلمة الاهل وصلة الرحم

جنـان
18-10-11, 12:19 AM
الله يخليكم لبعض


آآآآآآآآآآآآآآآآآمين واياك يالغاليه

حياك على المرور السريع بس ليت طرحتي لنا بعض أفكارك النيره

جنـان
18-10-11, 12:26 AM
هلا بالغاليه اختي جنان

هلا بك أكثر ياقلبي

عسى جدتك وجدتي باعلى الجنان

آآآآآآآآآآآآآآآآآآآآآمين ويجمعنا بهم في الفردوس الاعلى يارب

طرح جميل

أنتي الاجمل يالغاليه

ومثل ماقال اخوي اخو مزنه

اعطو الفقراء مباشره بدون طبخ ودوشه

يمكن يجي يوم تملون الطبخ وتضعفون بدفع الصدقه

لا حبيبتي لما ملينا من الطريقه المعتاده لصدقه اللي هي المباشره سوينا هالطريقه للمتعه والفايده

ومجالات الصدقه كثيره

كثير نشوف في طريقنا وفي الاسواق محتاجين

حلو انا نعود\ انفسنا واعيالنا

أي طلعه من البيت مانرجع الا ودفعنا صدقه حتى لو قليل

بتشوفون اثرها بحياتكم وحياة ابنائكم وكثير بلاء يدفع عنكم

وان شاء الله اجرها بعد ياصل موتاكم

صدقتي حبيبتي وهذا اللي نبي نوصل له أن الاطفال صارو يحرصون على الصدقه ويذكرونا

لما ننسى ويقولون وش الطريقه الجديده المبتكره لهالاسبوع الكل يتحمس

والله يمتعكم والجميع بلمة الاهل وصلة الرحم


آآآآآآآآآآآآآآآآآآآآآمين يارب وأياك شاكره لك تفضلك بالرد ياحلوه