المساعد الشخصي الرقمي

مشاهدة النسخة كاملة : لاتعآتبني ولا تشتآق لي


اميرة نفسي
07-10-11, 12:47 PM
اسعد الله جميع اوقآتكمم
وجمعة مبآركة عليكم

.

.

يقولون العتب دآيمآ يكون بين الاحبآب
وانآ اشوف العكس احس ان العتب يدمر العلاقه بين الاحبآب
عني انآ مآحب احد يعآتبني موليآ (q104)

واللي يقهر اكثر شي لمآ تكون اصغر اخوآنك والكل يعتب عليك لأن الحق لهم بحكم انهم اكبر منك والواجب عليك كل شوي تتصل عليهم وتسأل عنهم والله شي يقهر :bb55bh:

والمثل الثآني اللي يقول مآيسبك الا اللي يحبك خخخخخخخ
هذا بعد مآدري من وين جآي :(
ولا يكون صديقك وغآلي عليييك وفجأة يقطع فيك ومآتدري وين اختفى وبعد فتره تلقآه رآجع لك ويقول ليش مآسألت عني يوم كنت غآيب يعني مآتوقعتك تنسآني بهآلسهوله !!
طيب هو ويينه لمآ كنت بحآجته وهو مختفي لاحس ولا خبر
بصرآحه كل يوم اكتشف شي غريب بهآلعآلم :hgfyhg14k

كآنت هذه مجرد فضفضه

وسلامتكم

ذعذاع
07-10-11, 12:58 PM
الي يشتاق يسأل والي مايشتاق مايسأل
هاذي الدنيا وهلها
بالنسبه للأمثله مالها داعي على قولك

تااالين
07-10-11, 01:08 PM
أهلاً
أميرة شوفي اللي بيحب رح يسأل عن المحبوب وصحيح المقوله من سبك حبك
ليه لأنو في البعض عاوز يلفت انتباه اللي بيحبو فيسبه او يتحركش فيه
والعتب على قدر المحبه
خلاس الى هنا(q30)

انتركوم
07-10-11, 01:21 PM
طيب هذا المتعارف عليه الكبير هو اللي له احق !!
لاكن والله لوجربتي ان اخوانك اللي اكبر منك هم اللي يسألون عنك ويتصلون شينه والله الكبير له التقدير والاحترام مهما كان !!! اخ اخت صديق !!
فيه مراحل بالعمر الشخص يحب ان الناس هي اللي تسأل عنه او بالاصح لاحد يسأل عني ولا اسأل عن احد فكونا !!

ابوخداش
07-10-11, 01:33 PM
من تغلا يخلا
والمحبه من الله والاحترام يفرضه الشخص من الاشخاص المقابلين له
اما لا احد يسال ولاني بسائل من جد انعزاليه مررره خخخخ سوري ع الاسلوب

تفاصيل
07-10-11, 02:24 PM
بالعكس يا أميره

مافي أحلى من تعاتيب الخلان والأحباب

والعتب منهم من زود الغلا

لو مو مهتمين ماعاتبوك على الغياب

وهذا دليل إنهم فاقدينك

عكس اللي ماتشوفينه من سنين

و إذا شافك كنه شايفك البارح

سلام بارد وسوالف بارده

.

شموخ بدوية
07-10-11, 02:41 PM
بالعكس العتاب على قدر المعزة والمحبة والتقدير..

لكن اللي ماله مكانة في حياتي ..مااعاتبه ولاأشره عليه ....

ظغط عاالي
07-10-11, 02:58 PM
فيه غلط لدي البعض عن مفهوم العتب المقصود هنا


بعضهم يتجاوز حد العتب الى حد الانتقاص واخراج الشخص على انه مقصر وان سلوكياته بالحياه غلط ..وهوملاك لا يبدر منه الا كل خير


يعني كمثال يجي واحد ويقول يا ظغط وش بلاك ما تمرنا يا اخي ترا حنا اقربائك وانت بكذا تقطع صلة قرابتك الظاهر انك خربت وخربت اخلاقك حنا نحبك نبيك تمرنا وتسير علينا ..هنا نقدر نقول عليه هذا موب عتب هذا تهجم بطريقه حلوه غلافه الحرص على الشخص وداخلها اتهامات مبطنه ....


ايضا فيه ناس يحبون الشخص ويعاتبونه لمصلحتة بالمقام الاولى لكن يغفلون عن محدوديه الامور اللي يحق لهم العتب فيها .....كمثال تصرفات تصدر من الشخص داخل اطار مشاكله الخاصه ويجي واحد يعاتبه والدافع كله الحرص عليه اعتقد هذي غير مقبوله ...




بالنسبه لمن سبك حبك هذي اعتبرها مقوله مثل مقولة الرجال ما يعيبه الا جيبه

اقاويل ما انزل الله بها من سلطان ..والمجتمع يفرضها علينا ...تحت غطاء الحرص على المصلحه للشخص ودافعها الحب للشخص



المناصحه والمكاشفه غير ويتم فيها كشف العيوب للطرفين والاخطاء التي وقعو فيها والعتب والسب يتم فيه فيه انتقاص لأحد الاطراف وتغييب اخطاء المحب المعاتب



ولا ننسى وترا العتاب يفرق الاحباب ......


وسلامتك

بنتـ المذنبـ
07-10-11, 03:30 PM
[QUOTE=اميرة نفسي;9110117]
يقولون العتب دآيمآ يكون بين الاحبآب
وانآ اشوف العكس احس ان العتب يدمر العلاقه بين الاحبآب
عني انآ مآحب احد يعآتبني موليآ (q104)



عتب عن عتب يفرق ياأميرة ؟؟
فيه عتب يكون بالتجريح والتوبيخ وتعظيم اخطائك
حتى تكرهين نفسك ؟
وهذا العتب المذموم واللي يدمر العلاقة بين الأحباب مثل ماقلتي وينفر
خاصة إذا جاء من شخص ليس أهل للنصح وليس بقدوة
ويكون تعود انه يكثر من العتب لمجرد العتب وبس

و فيه بالمقابل عتب محمود لأنه يقوم ويهذب ....
متى ما جاء بوقت مناسب و بأسلوب لطيف لين .. وتخلله نصح وتوجيه
حتى يجعلنا نتنبه لأخطاءنا ونعيد حساباتنا ونستفيد
وهذا هو اللي يكون بين الأحباب ونكون بحاجته ولاغنى لنا عنه
وفي مقولة لعمر بن الخطاب .......
لا تقطع أخاك على ارتياب ، ولا تهجر دون استعتاب






والمثل الثآني اللي يقول مآيسبك الا اللي يحبك خخخخخخخ
هذا بعد مآدري من وين جآي :(


الأنسب يمكن ( من طقك حبك )
واللي يمثل هذا المثل ضرب الآباء لأبناءهم وقسوتهم عليهم احياناً من اجل مصلحتهم
و من خوفهم عليهم
وعلى هذا ينطبق على كل من قسى علينا من أجل مصلحتنا

» سنيوره «
07-10-11, 03:42 PM
لا أميره العتب من المحبة وقدر الشخص والا وش ابي باانسان ابي فرقاه وأعاتبه أقول وينك ووين مختفي ؟

يقال العتاب صابون القلوب " ..

* المثل ( جاك الي يسبك تراه يحبك ) صحيح نوعا ما .. المحبة واضحة من أي شخص تعرفين وش ورى كلامة..

حتى لو سب وربي يبين الحب والغلا والحرص بخلاف أنواع السب والتهجم الأخرى الي تبين الكره والعداوة

مشرقه
07-10-11, 04:51 PM
بالعكس العتاب على قدر المعزة والمحبة والتقدير..

لكن اللي ماله مكانة في حياتي ..مااعاتبه ولاأشره عليه ....





كلام سليم ..وازيد عليك... وفرقاه ابرك

" ريما "
07-10-11, 05:35 PM
عجبني العنوان اميرة ..لاتعاتبني ولا تشتاق لي .. الله الغني
نسيتي بعد مقولة .. عتبي على من احب شديد .. كرهتها من كثر ماسمعتها
كثر العتب واللق لق لق يفك اللحام << لا تدققون

فيه شخص كبير عندنا بالعائلة .. قد ما اعزه واحترمه .. الا اني اشيل هم مكالمته .. واتهرب منها
نص المكالمة عتب من جهته والنص الثاني اعذار من جهتي .. ولسان حالي يقول الله يخارجنا
مشكلة الكبار فاضين .. يبونك كل يوم تتصلين ... واذا اتصلتي .. غسلو شراعك ..

سكره,,وأسوي جو
07-10-11, 05:42 PM
بالعكس السؤال عن الشخص ومعاتبته بلطافه ,,دليل على انه شخص مهم بحياتي


حلو الانسان يحس انه شي مهم بحياة الاخرين ,,لانه لو ماكان شي مهم ماكان فقدوه وعاتبوه


اما بالنسبه للسب ’’فهو حسب الشخص اللي قدامي ممكن اكون احبه بس يكون انسان مايتقبل المزح والتثقيل بالمزح ف ماراح اسبه بحجة هذا الشي لاني كذا بخسره




وسلامتك طال عمرك(qq15)

روابي نجد ..
07-10-11, 08:06 PM
مرحبــــاً أميرة ..


أولاً قول " جمعة مباركة " بدعة ..

وثانياً ياأميرة العتاب أو العتب له وقته ..

وبأسلوب تستشفي منه الود والحب ..

أما كثرة العتاب على الطالع والنازل وكل ماقابلك الشخص

عاتبك ...هذه تورث البغضاء ..

والتغاضي زين ..


وسلامتك ....

قفر
07-10-11, 08:28 PM
لاتعآتبني ولا تشتآق لي

ليه كذا بس؟؟؟(q78)

يعني تموت المشاعر

ليه التحطيم؟؟

الميسم
07-10-11, 08:54 PM
لازم نفرق بين العتاب والخصام
العتاب لغته تختلف إختلاف كلي عن لغة الخصام
نظرة المعاتب ...تختلف عن نظرة المخاصم
لذلك أقول إلا عاتبني وعاتبني , فهو أفضل من الصمت , وصمت الحبيب قاتل
والقتل يكون بعد فوات الفرصة لمصارحته وتوضيح نقطة الإختلاف , ثم الندم وآآآآه من الندم..!
***
أما بالنسبة للمثل ما يسبك إلا الي يحبك ..!
فهذا مثل غريب عجيب , يسبني ..!
يعني وشلون يسبني ..؟!
قدامي ولا من وراي , ولو قلت قدامي فالسب يحطم , ينبش العيوب ولا يعرض الحلول
بالله وشلون يحبني ..!
ما اقتنعت بهالمثل أبدًا ..!

وأما أمر الصديق فكلانا صدر منه التقصير ..
هو يسأل لما لم تسأل لأنه يعتقد أن الحق له , والآخر أيضًا يظن أن الحق له ..
وإذا حرصا على عودة المياه لمجاريها ليس لهما إلا أن يعترفا بأن الحق عليهما ..


تدرين أميره
هذي مشكلتنا وفي كل الأمور
كلن يقول أنا المجني علي ...
طيب إذا كان الجميع مجني عليهم ....إذن من هو الجاني ..؟!!!
بجد تعقدني هالنقطة ..!

الماسهss
07-10-11, 08:57 PM
انا مومن عوايدي اسال عن احد

ولا انتظرمن احد يسال عني عايشه حياتي

لولا الامل
07-10-11, 09:30 PM
بعض العتاب تتقبله بصدر رحب

لانك تشعر بمحبة من يعاتبك لك

لكن هناك عتاب لا يطاق فيه على قولتهم ( تشره ) و تظلم

و طلب حقوق وما ادري ايش

بس عموما ما يعاتبك الا اللي يحبك .. من جد ..

لان اللي ما يحبك ما يهمه انك تواصله والا لا كله واحد عنده

وطبعا الاصغر من العائلة دائما يحمل كل الحق

فهو مطالب بما لا يطالب به الكبار من الاتصال و السؤال

والقيام بالواجب ولا يعذر ابدا
اشكرك اختي اميرة

شايف وساكت
07-10-11, 09:34 PM
لاتعآتبني ولا تشتآق لي

أقعدي لحالك أجل إذا ماتبين لاعتاب ولاإشتياق(a21)

Miss : FDOo
07-10-11, 09:52 PM
إشتيــــااق ..... إيه


خصـــآإم بعد إيــه ..... لكـــن بشويش (q79)




>> لكــن ( العتب ) .... مـــااحبوووش (q78)


بحس وقتهــــاا لســـآإنــي ( يتربط ) .. ولا أعرف إحكــي بنوووب ,,

أشلاء الحب
08-10-11, 12:11 AM
هههه يوم قريت مووضوعك تذكرت ابو العيال الله يحفظه..
هذي كلمته..الله يسخر لنا...

رانـسـي
08-10-11, 12:41 AM
انا اقولك يااختي انو الشخص مايعتب الاع الغالي انا عن نفسي عمري ماجيت زميله وقلت ليه ماسالتي عني
وبيني وبينك علاقة الاخوان والاخلاء
مافيه انا سالت وهو ماسال اللي يشوف نفسه فاضي يدق
واللي نفسه اخف يدق اللي يدقق ع اشياء زي كذا يتعب والله

تحياتي لك

اوتار الغلا
08-10-11, 01:14 AM
فيه غلط لدي البعض عن مفهوم العتب المقصود هنا


بعضهم يتجاوز حد العتب الى حد الانتقاص واخراج الشخص على انه مقصر وان سلوكياته بالحياه غلط ..وهوملاك لا يبدر منه الا كل خير


يعني كمثال يجي واحد ويقول يا ظغط وش بلاك ما تمرنا يا اخي ترا حنا اقربائك وانت بكذا تقطع صلة قرابتك الظاهر انك خربت وخربت اخلاقك حنا نحبك نبيك تمرنا وتسير علينا ..هنا نقدر نقول عليه هذا موب عتب هذا تهجم بطريقه حلوه غلافه الحرص على الشخص وداخلها اتهامات مبطنه ....


ايضا فيه ناس يحبون الشخص ويعاتبونه لمصلحتة بالمقام الاولى لكن يغفلون عن محدوديه الامور اللي يحق لهم العتب فيها .....كمثال تصرفات تصدر من الشخص داخل اطار مشاكله الخاصه ويجي واحد يعاتبه والدافع كله الحرص عليه اعتقد هذي غير مقبوله ...




بالنسبه لمن سبك حبك هذي اعتبرها مقوله مثل مقولة الرجال ما يعيبه الا جيبه

اقاويل ما انزل الله بها من سلطان ..والمجتمع يفرضها علينا ...تحت غطاء الحرص على المصلحه للشخص ودافعها الحب للشخص



المناصحه والمكاشفه غير ويتم فيها كشف العيوب للطرفين والاخطاء التي وقعو فيها والعتب والسب يتم فيه فيه انتقاص لأحد الاطراف وتغييب اخطاء المحب المعاتب



ولا ننسى وترا العتاب يفرق الاحباب ......


وسلامتك


ليشششششششششش يفرق ليش بالعكسس مااعاتب الامن زود حبي لهم

بالعكس كيف يعرفون غلاهم عندي اذا ماعاتبتهم :gcr852:

اميرة نفسي
08-10-11, 10:02 AM
الي يشتاق يسأل والي مايشتاق مايسأل
هاذي الدنيا وهلها
بالنسبه للأمثله مالها داعي على قولك

شي طيب ان اللي يشتآق يسأل
البلا من اللي إذا أشتآق يعآتب (g)

اميرة نفسي
08-10-11, 10:12 AM
أهلاً
أميرة شوفي اللي بيحب رح يسأل عن المحبوب وصحيح المقوله من سبك حبك
ليه لأنو في البعض عاوز يلفت انتباه اللي بيحبو فيسبه او يتحركش فيه
والعتب على قدر المحبه
خلاس الى هنا(q30)

اهلين توالي
انآ اعترآضي مو على السؤآل والحب بحد زآتو انمآ على على العتب وليش مآسألت عني ومآتصلت
يعني هم يشتآقووون لي يبووون أنآ اتصل فيهم شفتي شلووون (vv)
يعني مثل ماقلتي يحبووو يتحركشو ويتمركشو (q39)

اميرة نفسي
08-10-11, 10:22 AM
طيب هذا المتعارف عليه الكبير هو اللي له احق !!
لاكن والله لوجربتي ان اخوانك اللي اكبر منك هم اللي يسألون عنك ويتصلون شينه والله الكبير له التقدير والاحترام مهما كان !!! اخ اخت صديق !!
فيه مراحل بالعمر الشخص يحب ان الناس هي اللي تسأل عنه او بالاصح لاحد يسأل عني ولا اسأل عن احد فكونا !!

طيب الكبير له حق والصغير مسكين دآيم يشيلهم فوووق رآسه ولآ يصير غلطآن !!
مآفيهآ شي يسألون وهم اللي لهم الحق حرآم ولا حرآم يعني :bb55bh:
على الأقل يحسسون اللي اصغر منهم انهم فعلآ مشتآقين له
ومآقصدهم يفرضون حقهم عليه :(

اميرة نفسي
08-10-11, 11:07 AM
من تغلا يخلا
والمحبه من الله والاحترام يفرضه الشخص من الاشخاص المقابلين له
اما لا احد يسال ولاني بسائل من جد انعزاليه مررره خخخخ سوري ع الاسلوب

بهآلزمآن اشووووف العكس من تغلى ينشب له وينتقعد له حتى يبطل تغلي
وفعلاآنآ انعزآليه واحب الأنفرآد بنفسي واحتمآل اسوي بيآت شتوي بمآ ان الشتاء على الأبوآب (a14)

اميرة نفسي
08-10-11, 11:14 AM
بالعكس يا أميره

مافي أحلى من تعاتيب الخلان والأحباب

والعتب منهم من زود الغلا

لو مو مهتمين ماعاتبوك على الغياب

وهذا دليل إنهم فاقدينك

عكس اللي ماتشوفينه من سنين

و إذا شافك كنه شايفك البارح

سلام بارد وسوالف بارده

.

يآهلآ بالتوفي

عآرفه ان العتب من زود الغلآ
وهذآ اللي مصبرني عليهم
يلبى قلووبهم بس
لكن مشكلتي انآ احبهم بصمت
وهم مآيسكتوون لي (qq152)

اميرة نفسي
08-10-11, 11:19 AM
بالعكس العتاب على قدر المعزة والمحبة والتقدير..

لكن اللي ماله مكانة في حياتي ..مااعاتبه ولاأشره عليه ....





صدقتي ياشوشو لكن العتب الرقيق وليس المبآلغ فيه

اميرة نفسي
08-10-11, 11:49 AM
فيه غلط لدي البعض عن مفهوم العتب المقصود هنا


بعضهم يتجاوز حد العتب الى حد الانتقاص واخراج الشخص على انه مقصر وان سلوكياته بالحياه غلط ..وهوملاك لا يبدر منه الا كل خير


يعني كمثال يجي واحد ويقول يا ظغط وش بلاك ما تمرنا يا اخي ترا حنا اقربائك وانت بكذا تقطع صلة قرابتك الظاهر انك خربت وخربت اخلاقك حنا نحبك نبيك تمرنا وتسير علينا ..هنا نقدر نقول عليه هذا موب عتب هذا تهجم بطريقه حلوه غلافه الحرص على الشخص وداخلها اتهامات مبطنه ....
مم ط

ايضا فيه ناس يحبون الشخص ويعاتبونه لمصلحتة بالمقام الاولى لكن يغفلون عن محدوديه الامور اللي يحق لهم العتب فيها .....كمثال تصرفات تصدر من الشخص داخل اطار مشاكله الخاصه ويجي واحد يعاتبه والدافع كله الحرص عليه اعتقد هذي غير مقبوله ...




بالنسبه لمن سبك حبك هذي اعتبرها مقوله مثل مقولة الرجال ما يعيبه الا جيبه

اقاويل ما انزل الله بها من سلطان ..والمجتمع يفرضها علينا ...تحت غطاء الحرص على المصلحه للشخص ودافعها الحب للشخص



المناصحه والمكاشفه غير ويتم فيها كشف العيوب للطرفين والاخطاء التي وقعو فيها والعتب والسب يتم فيه فيه انتقاص لأحد الاطراف وتغييب اخطاء المحب المعاتب



ولا ننسى وترا العتاب يفرق الاحباب ......


وسلامتك

يآهلآ بآلظغط العآآآلي
اي والله تكفى فهمهم محد فآهمني :(


بالنسبه للي يعآتبك على انك المقصر وفيك عيوووب الدنيآ وهو الملآك اللي مآيبدر منه خطأ هذا فعلآ موجود وهو نوووعية من النآس اللي اقوول ان عتبهم ثقييل ومآتتقبله النفس

وامآ اللي يجيك ويقووول ليش انت قآطع ومآتشآف وحنآ نحبك ونشتآق لك طيب هم لمآ يشتآقون ليش مآيبآدرون بالتوآصل والزيآره بدل ماينضروون زيآرتي عشآن يعتبوون علي !!

وايضا كمآ ذكرت التدخل في الامووور الخآصه وليش مآسويت وهذآ صح وذآ غلط على سبيل الميآنه الزآيده يسويهآ الكثير منهم من دوون مآيحس انه على خطأ
بالعكس يتوقع انه عين الصوآب

امآ الأمثآل هذي فعلا مآل امها دآعي (q39)

وكل الشكر لك هذا المرور المميز والشآمل للموضوع
يعطيك العآفيه

. غيور
08-10-11, 01:41 PM
أولاً قول " جمعة مباركة " بدعة ..





اختي الكريمة اللفظة لا شيء فيها ان كانت من غير اعتقاد سنيتها ومن غير مداومة فقط دعاء .. والجمعة عيد المسلمين

مشكلتنا ناخذ اول جملة في الفتوى او عنوانها ونترك التفصيل !!

الفتوى بالتفصيل ..
فالتزام قول المسلم لأخيه المسلم بعد الجمعة أو كل جمعة ( جمعة مباركة ) لا نعلم فيه سنة عن رسول الله صلى الله عليه وسلم ولا عن صحابته الكرام، ولم نطلع على أحد من أهل العلم قال بمشروعيته، فعلى هذا يكون بهذا الاعتبار بدعة محدثة لا سيما إذا كان ذلك على وجه التعبد واعتقاد السنية، وقد ثبت عن النبي صلى الله عليه وسلم أنه قال: من عمل عملا ليس عليه أمرنا فهو رد . رواه مسلم والبخاري معلقا، وفي لفظ لهما: من أحدث في أمرنا هذا ما ليس منه فهو رد .


وأما إذا قال المسلم لأخيه أحيانا من غير اعتقاد لثبوتها ولا التزام بها ولا مداومة عليها، ولكن على سبيل الدعاء فنرجو أن لا يكون بها بأس، وتركها أولى حتى لا تصير كالسنة الثابتة





واظنها من ابرز مساويء المنتديات النسائية والمعلومات السطحية التي تبث فيها.. والدرعمة النسائية المعهودة !

تووق
08-10-11, 02:09 PM
بنظري وهو يخصنى

العتب احيان يقطع الوصل كثيرآ !
لما لان هذا الزمان حتى العتب صار تجريح ماهو عتب واستفسار

اصبحوا كانهم يمتلكوننا وعتباتهم لاتنتهي !!
العتب على قدر المحبه هذا يبله شخص يتقن دوره واسلوبه صح وبما أن المجتمع يندر به هذة الصفات الآفضل يتكرمون بسكوت

اما من يقطع بي وبعدها يعتبنى وينك ليه ماتسألين ..!

ياكثرهم هم فوق العتب والنقد وانت دائمآ تصرفاتك تحت المجهر لما!!

نحن من سمح لهم بتمادي علينا وجعلهم يعاتبوننا دون أن نقول انتم من قطع !!

اذا استطعنا تقويم سلوكنا واخذنا مواقف من الآخرين لما يتجراء احد علينا ابد


وفى الآخير

اعملى ما أنتِ مقتنعه به فقط وليس ماهم مقتنعون به


كوني بخير يا غلا

الشـــــادن
08-10-11, 03:23 PM
اذا كان الود محفوظ .. والغلا ثابت وموجود .. فـ العتب مرفووووض (qq171)



لكن في نفس الوقت هو ضروري جدآ في العلاقات .. للمحافظه على بقاء الود .....
في حالـة .. اذا جد امر جديد ، او كان فيه ملاحظه على الآخر ، او لوم على أمر معين ...
فـ المصارحه والعتب تزيل مافي النفس من رواسب ، وتصحح الخطأ ان وجد ....
لانه خبرك احياناً يكون في الموضوع سوء فهم والي بدوره يعمق الخلاف ويكبر الفجوة ...
والصمت في هذه الحاله .. والاخذ في الخاطر والسكوت وعدم المصارحة ... يطيل المشكله .. ويخرب على العلاقة ..!
اما في الحالات العاديه والاسباب غير مهمه فالمفروض الواحد يقدر وما يجتهد في المعاتبه .. ويحرج الآخر ويضغط عليه . ..
ولا احد يحب ان يُعاتَب .. خصوصا لاجاء العتب من شخص له معزه فانه يسبب ضغط نفسي شديد (gfp)

اميرة نفسي
08-10-11, 10:37 PM
[quote=اميرة نفسي;9110117]
يقولون العتب دآيمآ يكون بين الاحبآب
وانآ اشوف العكس احس ان العتب يدمر العلاقه بين الاحبآب
عني انآ مآحب احد يعآتبني موليآ (q104)



عتب عن عتب يفرق ياأميرة ؟؟
فيه عتب يكون بالتجريح والتوبيخ وتعظيم اخطائك
حتى تكرهين نفسك ؟
وهذا العتب المذموم واللي يدمر العلاقة بين الأحباب مثل ماقلتي وينفر
خاصة إذا جاء من شخص ليس أهل للنصح وليس بقدوة
ويكون تعود انه يكثر من العتب لمجرد العتب وبس

و فيه بالمقابل عتب محمود لأنه يقوم ويهذب ....
متى ما جاء بوقت مناسب و بأسلوب لطيف لين .. وتخلله نصح وتوجيه
حتى يجعلنا نتنبه لأخطاءنا ونعيد حساباتنا ونستفيد
وهذا هو اللي يكون بين الأحباب ونكون بحاجته ولاغنى لنا عنه
وفي مقولة لعمر بن الخطاب .......
لا تقطع أخاك على ارتياب ، ولا تهجر دون استعتاب






والمثل الثآني اللي يقول مآيسبك الا اللي يحبك خخخخخخخ
هذا بعد مآدري من وين جآي :(


الأنسب يمكن ( من طقك حبك )
واللي يمثل هذا المثل ضرب الآباء لأبناءهم وقسوتهم عليهم احياناً من اجل مصلحتهم
و من خوفهم عليهم
وعلى هذا ينطبق على كل من قسى علينا من أجل مصلحتنا
هلآبك بنت المذنب
هو اكيد العتب انوآع
ولكن العتب بجميييع انوآعه ثقيل على النفس

al pacino
08-10-11, 10:40 PM
لا تعاتبني عن الزله تغاض
كيف اقابل حبك الصادق جحود

يا الاميرة العتب والمشاريه راحت مع زمان اول

هالحين الناس ما تستاهل من يعتب عليها او يبادلها المشاعر والاشواق

واللي يزعل هالايام ما جبت خبره ولا دريت عنه ويدور اقرب جدار يرضيه اذا زعله بدون اسباب تستاهل

اميرة نفسي
08-10-11, 10:51 PM
لا أميره العتب من المحبة وقدر الشخص والا وش ابي باانسان ابي فرقاه وأعاتبه أقول وينك ووين مختفي ؟

يقال العتاب صابون القلوب " ..

* المثل ( جاك الي يسبك تراه يحبك ) صحيح نوعا ما .. المحبة واضحة من أي شخص تعرفين وش ورى كلامة..

حتى لو سب وربي يبين الحب والغلا والحرص بخلاف أنواع السب والتهجم الأخرى الي تبين الكره والعداوة







عآرفه والله ان العتب من زووود الغلآ والمعزه لكن انآ لنسآنه مآحب اعآتب احد وبآلمقآبل مآ اتحمل احد يعآتبن حتى لو يتخلى عن شووقه(q30)
(q30)

تفاصيل
08-10-11, 10:54 PM
لا تعاتبني عن الزله تغاض
كيف اقابل حبك الصادق جحود

يا الاميرة العتب والمشاريه راحت مع زمان اول

هالحين الناس ما تستاهل من يعتب عليها او يبادلها المشاعر والاشواق

واللي يزعل هالايام ما جبت خبره ولا دريت عنه ويدور اقرب جدار يرضيه اذا زعله بدون اسباب تستاهل



ياساااااتر :(



.

اميرة نفسي
08-10-11, 10:57 PM
.

اميرة نفسي
08-10-11, 10:59 PM
عجبني العنوان اميرة ..لاتعاتبني ولا تشتاق لي .. الله الغني
نسيتي بعد مقولة .. عتبي على من احب شديد .. كرهتها من كثر ماسمعتها
كثر العتب واللق لق لق يفك اللحام << لا تدققون

فيه شخص كبير عندنا بالعائلة .. قد ما اعزه واحترمه .. الا اني اشيل هم مكالمته .. واتهرب منها
نص المكالمة عتب من جهته والنص الثاني اعذار من جهتي .. ولسان حالي يقول الله يخارجنا
مشكلة الكبار فاضين .. يبونك كل يوم تتصلين ... واذا اتصلتي .. غسلو شراعك ..

ههههههههههههه آخيرآ لقيت احد نفس حآلتي
عندي وآحد خلآص بطلت اكلمه بسبب كثرة معآتبه وكأنه يطلبن شي (q20)

( تركي )
08-10-11, 11:02 PM
.

.

يقولون العتب دآيمآ يكون بين الاحبآب
وانآ اشوف العكس احس ان العتب يدمر العلاقه بين الاحبآب
عني انآ مآحب احد يعآتبني موليآ (q104)





آحسن عتابك وسوف يقبل الأخر عتابك
حينما يكون عرضك سيء سوف يرفضك الناس ويرفضون عرضك
لا لأن الناس يعترضون على مضمون عرضك
ولكن لأن عرضك هو السيء !
لذلك الناس تحب العتاب وتشعر بالامتنان لمن يعاتبهم
ولكن حينما يعلمون أن الدافع هو الحب وتمني الخير
واهم شيء هو تجنب اذية المشاعر .

شمس
08-10-11, 11:24 PM
العتب على قدر المحبة أميرة ... ليه ثقيل على نفسك شكلك حساسة

بالعكس اللي يعاتبني أكيد يحبني و علاقته معاي قوية ... اللي في قلبه شي يقول افضل من السكوت و التطنيش

الرسمية تسبب نفور و تباعد القلوب

" ريما "
09-10-11, 12:03 AM
عآرفه والله ان العتب من زووود الغلآ والمعزه لكن انآ لنسآنه مآحب اعآتب احد وبآلمقآبل مآ اتحمل احد يعآتبن حتى لو يتخلى عن شووقه(q30)
(q30)


ايوااااه .. عليك لمبة
انا بعد مااا احب اعاتب بتاتا البتة
اخوي بالشهور ماشوفه وحنا بنفس المدينة
واحبه واموت فيه << احلفي
والله ماعمري عتبت عليه والا قلت ليه ماتتصل .. ولا ماتجي
اذا اتصل احلى ترحيب وسلام وكلام .. وبلا كثر لق لق لق
الدنيا مشاغل .. والناس مو مثل اول .. نلتمس العذر للغايب
ونرحب بالحاضر .. وباااااس

كاني كثرت هرج

الآمـاكـــن
09-10-11, 12:07 AM
حلــو العتــآب لاجـا من شخص تحبه

ولآشتييياق من انســان .... غالـى عليكـ

العنــوان لآتعاتبنـى ولاتشتاق لى

ماحد راح يعتابك الا انسان يحبش ولاشتقيان من انسان يموته ع دباديبك ههههههههه

اميرة نفسي
09-10-11, 11:21 AM
بالعكس السؤال عن الشخص ومعاتبته بلطافه ,,دليل على انه شخص مهم بحياتي


حلو الانسان يحس انه شي مهم بحياة الاخرين ,,لانه لو ماكان شي مهم ماكان فقدوه وعاتبوه


اما بالنسبه للسب ’’فهو حسب الشخص اللي قدامي ممكن اكون احبه بس يكون انسان مايتقبل المزح والتثقيل بالمزح ف ماراح اسبه بحجة هذا الشي لاني كذا بخسره




وسلامتك طال عمرك(qq15)

حتى ولو كآن العتب بلطآفه فهو غير محبذ لي
واحسآسي بأهميتي ومعزتي عندهم يكون بسؤآلهم عني لمآ يفتقدوني
مو يسكتووون وإذآ شآفوني اشتغلو عتب (vv)
وسلآمة عمرك يآسكره

اميرة نفسي
09-10-11, 11:31 AM
مرحبــــاً أميرة ..


أولاً قول " جمعة مباركة " بدعة ..

وثانياً ياأميرة العتاب أو العتب له وقته ..

وبأسلوب تستشفي منه الود والحب ..

أما كثرة العتاب على الطالع والنازل وكل ماقابلك الشخص

عاتبك ...هذه تورث البغضاء ..

والتغاضي زين ..


وسلامتك ....


مرآحب روبي

وش فيهآ جمعة مبآركه زي مآنقول عيدك مبآرك :c010:

والله انآ عندي جميع الاوقآت غير منآسبة للعتب (qq22)

وش عآد على الطآلعه والنآزله مآصآرت (qq11)

اميرة نفسي
09-10-11, 11:38 AM
ليه كذا بس؟؟؟(q78)

يعني تموت المشاعر

ليه التحطيم؟؟




لآ مآتمووت

إذآ خلينآ العبآره

كل مآ شتقت لي اسأل عني (a14)

نكهه القهوه
09-10-11, 11:43 AM
الي يحبك راح يفقدك
وسشره عليك
ولا ودك ان حضورك وغيابك واحد

حسن خليل
09-10-11, 11:45 AM
وأسعد الله أوقاتكِ بكل خير وسرور يا أميرة نفسي.

بنظري أن العتاب إذا كان بأسلوب حسن وفي وقت مناسب وفي المكان المناسب، جيد إذا لم يُكثر منه الشخص. أمّا إذا كَثُر ذلك العتاب فينعكس الموضوع سلباً على صاحبه.

لكِ احترامي وتقديري.

اميرة نفسي
09-10-11, 12:11 PM
فآصله بصلب الموضوع (a14)


.

.


حظرتك طول الوقت تآركني كذا
والحين جآي ومآد بوزك يآسلآم

زعلآن لأني م اتصل طيب وإذا
سلآمتك ياللي ذبحك الاهتمآم

وين انت لمآ الشوق سبب لي أذى !!
وين انت لمآ عآفت عيوني المنآم !

مآكآن صوتك لي اشبه بالغذى
وشلون تتركني اجوعك مو حرآم !!

الورد قل وش قيمته لولا الشذى
والحب اصلآ وشهو من دوون اهتمآم !!

مآبي أكدر خآطرك أكثر لذا
يآمعشر العشآق في صدري كلآم

يآليت كل من فآرق احبآبه خذا
الذكريآت وكل اسبآب الهيآم

لجل حبيبه يقدر يسآمح وإذا
مر النعس في مقلته يقدر ينآم

اميرة نفسي
09-10-11, 04:25 PM
لازم نفرق بين العتاب والخصام
العتاب لغته تختلف إختلاف كلي عن لغة الخصام
نظرة المعاتب ...تختلف عن نظرة المخاصم
لذلك أقول إلا عاتبني وعاتبني , فهو أفضل من الصمت , وصمت الحبيب قاتل
والقتل يكون بعد فوات الفرصة لمصارحته وتوضيح نقطة الإختلاف , ثم الندم وآآآآه من الندم..!
***
أما بالنسبة للمثل ما يسبك إلا الي يحبك ..!
فهذا مثل غريب عجيب , يسبني ..!
يعني وشلون يسبني ..؟!
قدامي ولا من وراي , ولو قلت قدامي فالسب يحطم , ينبش العيوب ولا يعرض الحلول
بالله وشلون يحبني ..!
ما اقتنعت بهالمثل أبدًا ..!

وأما أمر الصديق فكلانا صدر منه التقصير ..
هو يسأل لما لم تسأل لأنه يعتقد أن الحق له , والآخر أيضًا يظن أن الحق له ..
وإذا حرصا على عودة المياه لمجاريها ليس لهما إلا أن يعترفا بأن الحق عليهما ..


تدرين أميره
هذي مشكلتنا وفي كل الأمور
كلن يقول أنا المجني علي ...
طيب إذا كان الجميع مجني عليهم ....إذن من هو الجاني ..؟!!!
بجد تعقدني هالنقطة ..!

صآدقه يآلميسم هو انوآع
وحلآته إذا كآن ولآ بد منه يكون بكلمه كلمتين ونظرة عتب وابتسآمه ودوده
بكذآ بيكوون مقبووول

امآ المثل يمكن مآيقصدوون السب بالشكل اللي نفهمه (qq15)
يمكن يقصدون شي ثآني خخخخ

منووووره يالميسم

اميرة نفسي
09-10-11, 04:31 PM
انا مومن عوايدي اسال عن احد

ولا انتظرمن احد يسال عني عايشه حياتي

ممتآز عليك أحسن شي (vv)

اميرة نفسي
09-10-11, 04:49 PM
إشتيــــااق ..... إيه


خصـــآإم بعد إيــه ..... لكـــن بشويش (q79)




>> لكــن ( العتب ) .... مـــااحبوووش (q78)


بحس وقتهــــاا لســـآإنــي ( يتربط ) .. ولا أعرف إحكــي بنوووب ,,

اخصمك آه اسيبك لااء هههههههههههه

هلآبك فتونآ

الخصآم اللي هو الزعل خلصين منووو محدش بيحبوو
والله لآيجيب الزعل

المشكله بالعتب على قولتك يرنبط لسآنك وتحسين انك مذنبه في قفص الأتهآم (qq89)

Miss : FDOo
09-10-11, 05:35 PM
اخصمك آه اسيبك لااء هههههههههههه

هلآبك فتونآ

الخصآم اللي هو الزعل خلصين منووو محدش بيحبوو
والله لآيجيب الزعل

المشكله بالعتب على قولتك يرنبط لسآنك وتحسين انك مذنبه في قفص الأتهآم (qq89)




بالعكس


الخصـــــآإم كتيير أحبوو ..

وهم الزعل أمـــووت عليه (a21) ........ وأوقات ( أبحث عليه :D)

تعرفــي ... ساعتهـــاا أقـــدر أحكـــي بكل شي

لا ... وأدخل بعنونهم بعد http://www.qassimy.com/vb/images/icons/icon10.gif









لكن ( العتب )

http://www.qassimy.com/vb/images/icons/icon9.gifhttp://www.qassimy.com/vb/images/icons/icon9.gif

وقتهــا .. (( تحمر خدوودي ... ويبتسم تمـــي ... وآكــل اصابيعي ... وترمش عنــووني ... ويتلعثم حكيي
وأخرتها ... إهـــئ بدوون صووت :gcr852: ~!