امين عنيزه السابق والهجمة الشرسه

[امرأة عابره]

انا استغرب من اهل القصيم مجاراتهم للحملة الشرسة علي المهندس والله لو ان واحد من اهل الجنوب تعرض لربع ما نال المهندس ابراهيم لرأيت تكاتف كل الجنوب معه خاصة اذا كان في منطقة اخرى

المثالية الي ما شاء الله يحاول بها بعض القصمان منافسة عبدة خال وابو طالب وخلف الحربي الي تباروا في كيل التهم للمهندس

الشهري ليش مجهز نفسه مسبقا لتصوير الحادثة!!!

وهل من حقه ان يصور موظف حكومي بدون علمه؟

والله انه لا يربطني بعائلة المهندس لا معرفة ولا قرابة وانا اعيش خارج القصيم واشوف تكاتف ابناء المناطق مع بعضهم الا اهل نجد عامه والقصيم خاصة

هذه ليست عنصرية ولكن القليل من الوعي يا اهل القصيم والعدل فالرجل لم يمد يدا ولا رمي ملفا واصدر بيانا المسكين كانه ارتكب جريمه!! ما باقي الا يحب راس الشهرى

[cardiac]

أجل طلع قصيمي ؟

المفروض ما يسامحوه الا لما يحب رأس الشهري وأمام الكاميرا كما طرده أمام الناس والكاميرا (qq11)

[امرأة عابره]

والنعم والله باهل الجنوب اهل دين وشيمة بس هالشهري فاقع مرارتي

[الـعـمـده]

لا تخافون القصمان عروقهم بالماء

[سفير شمر]

وانتى وشوو اللى محرق رزك اذا ماتعرفينه ولا يقرب لك

[قفر]

الشهري ليش مجهز نفسه مسبقا لتصوير الحادثة!!!

وهل من حقه ان يصور موظف حكومي بدون علمه؟


ما دامت هذه حجتك، فنحمد الله أننا لا نمتلك الوعي الذي تدعين إليه.

بالمناسبة حقون عنيزة بالذات عندهم مشاكل (a26)

فقبل سنة تقريبا "توطى" مدير الشؤون الصحية بالقصيم (الخراز) وهو من عنيزة ببطن حارس أمن بمستشفى الملك سعود، وشاركه أولاده في هذه العملية الشهيرة

وعندما نقول "توطى" فنحن نقصد الكلمة فعلا.

والآن (الخليل) يطرد مواطنًا لأنه بث شكواه ثلاث مرات، وربما لو كانت لديه قدرة "لتوطى" في بطنه.


من جد عندكم مشاكل ... ترى (الحبيب) من عنيزة وفاتح مركز نفسي أمام سوق التمر مباشرة

لكن حتى الحبيب عنده مشاكل!


الله يستر من الثالثة بس.

[الم البوح]

هذا اكبر دليل ع ان القصمان ماعندهم عنصريه

مع انه مبين من زمان اصحاب هالمنتدى قصمان

ومع ذلك يتقبلون النقد اللي ماله داعي بكل صدر رحب

صديقتي تقول فشلنا قلت والله فشل روحه بس

بالمناسبة حقون عنيزة بالذات عندهم مشاكل (a26)

واحد اثنين ثلاثه مايمثلون عنيزه

ترى هنا فيه ناس تصدق

ماتفرق بين المزح والجد

[أوركيـد]

ألحين وش دخل المناطقية ..!! والعنصرية ..!! بهذه الحادثة ..؟


ياأهل الجنوب لا تسبون المسؤول الفلاني لانه من ديرتنا ..


وأنتم ياأهل القصيم لا تسبون فلان لانه من منطقتنا ..

تقل أطفال ...!!!!!!


مسؤول أخطأ بحق مواطن .. ومن حق أي مواطن إنتقاده ... بغض النظر عن إنتمائه الإقليمي ...

فقط بدون ان يحمل الموضوع اكثر من كذا ...