عرق قصمـ ـ ـ ـنجي
14-08-05, 03:57 AM
كل دايم وانا احترم الاشارات المروريه
ما عمري ولا يوم قطعت الاشاره والمرور يشوفني ( أمحق احترام )
المهم ما علينا .......
يوم ثالث العيد وانا ماشي في حالي ( مهيب اغنيه هذي بداية السالفه )
ما دريتا الا والدوريه تحدني وتقول
وقف ياراعي الكامري وقف ياراعي الكامري
عاد انا مطنش لاني كل ابو دايم متعود الدوريه تقول وقف ياراعي الونيت وقف ياراعي الورنيت
البناخي جالس جنبي ( البناخي يعني ولد اوختي ) (qq107)
يقولي : ياخالي طارق
قلت تخلخلت عظامك وش تبي
قال الدوريه تنده عليك ( تنده يعني تنادي مهوب تندة الموتر بس عشان الورع يوديه ابوه مصر كل ابو دايم )
المهم ......
عرفت وتأكدت ان الدوريه تبيني (qq84)
وانا اللي اوقف يسار الخط
قال العسكري : وقف يمين ياثور ( صيغة مبالغه ولا العساكر متعلمين ما يقولون ثور )
يوم وقفت ما دريت الا ثلاث دوريات حولي قلت بس بروح اعام (qq61)
بصراحه .........
شكيت في نفسي
قلت ياولد يكون اليوم دعستلي بس وانا مدري !!
رجل الأمن : هات هويتك وهوية اللي وزانك ( وزانك يعني بجانبك )
انا : ابشر .. طيب والرخصه ما تبيها ؟؟
رجل الأمن : مشكلتك ليست مروريه هات هويتك وانت ساكت
انا : قل قسم يعني ما شفتوني وانا احترم الاشارات المروريه
رجل الأمن : اقول هرجك لا يكثر .. اركب سياراتك والحقني
انا : وين موديني الله يرحم والدينك
رجل الامن : خلك وراي وانت ساكت (qq141)
حركت وكانت فيه دوريه قدامي ودوريه وراي
قابلتنا اول اشاره
الدوريه اللي قدامي شطفتها
ويوم اني بغيت احترم قواعد المرور واوقف
صاحت علي الدوريه اللي وراي : لا توقف لا توقف ياراعي الكامري
بصراحه ........
استانست وخفت في آن واحد ( ياعمري يا آن واحد انت ياعربي يافصيح )
استانست لاني اول مره اقطع اشاره وانا مرتاح البال (a98)
وخفت لان الدوريه ما خلتني اقطع الاشاره الا أكيد فيه مشكله كبيره تنتظرني قدام (tsfs)
تكرر المشهد في اربع اشارات
بعد الاشاره الرابعه
وقف قلبي لين وقف قلبي :cl:
الدوريات والعالم متجمهره وش كثرهم ينتظروني عند السوبرماركت
ياربي رباااااااااااه انا وش سويت
ويوم اني وقفت سيارتي
ما أمداني أنزل انا والبناخي الا ولقطونا ويركبونا الدوريه وهاتك تفتيش في السياره
وآآآآآآخرتها ..........
نزلوني من الدوريه وقالولي مجرد اشتباه في بلاغ على نفس سيارتك واعتذرولي باسلوب حظاري ( امحق حظاري )
عاد انا ركبت سيارتي وكنت زعلان بالمره (qq95)
وانا اللي افحط عليهم واقطع الاشاره اللي قدامهم وهم يناظرون
على بالي بيراعون شعوري ويمشونها لي من مبدأ ( روح النظام )
اي روح نظام واي مراعاة شعور ( شعور ولا ناجل هع هع )
طردني واحد الظاهر ان دفتره حق القسايم باقي ما خلص
وصكني بذيك القسيمه ( وتراهم سموها قسيمه عشانها تقسم نصف الراتب ) (q14)
وركبني الدوريه وحطوني بالحجز مع تماسيح الله لا يوريكم
عاد سواليفي في الحجز مع التماسيح يبيلها موضوع بلحاله
قدن باي ومع السلامه
---------------
ما عمري ولا يوم قطعت الاشاره والمرور يشوفني ( أمحق احترام )
المهم ما علينا .......
يوم ثالث العيد وانا ماشي في حالي ( مهيب اغنيه هذي بداية السالفه )
ما دريتا الا والدوريه تحدني وتقول
وقف ياراعي الكامري وقف ياراعي الكامري
عاد انا مطنش لاني كل ابو دايم متعود الدوريه تقول وقف ياراعي الونيت وقف ياراعي الورنيت
البناخي جالس جنبي ( البناخي يعني ولد اوختي ) (qq107)
يقولي : ياخالي طارق
قلت تخلخلت عظامك وش تبي
قال الدوريه تنده عليك ( تنده يعني تنادي مهوب تندة الموتر بس عشان الورع يوديه ابوه مصر كل ابو دايم )
المهم ......
عرفت وتأكدت ان الدوريه تبيني (qq84)
وانا اللي اوقف يسار الخط
قال العسكري : وقف يمين ياثور ( صيغة مبالغه ولا العساكر متعلمين ما يقولون ثور )
يوم وقفت ما دريت الا ثلاث دوريات حولي قلت بس بروح اعام (qq61)
بصراحه .........
شكيت في نفسي
قلت ياولد يكون اليوم دعستلي بس وانا مدري !!
رجل الأمن : هات هويتك وهوية اللي وزانك ( وزانك يعني بجانبك )
انا : ابشر .. طيب والرخصه ما تبيها ؟؟
رجل الأمن : مشكلتك ليست مروريه هات هويتك وانت ساكت
انا : قل قسم يعني ما شفتوني وانا احترم الاشارات المروريه
رجل الأمن : اقول هرجك لا يكثر .. اركب سياراتك والحقني
انا : وين موديني الله يرحم والدينك
رجل الامن : خلك وراي وانت ساكت (qq141)
حركت وكانت فيه دوريه قدامي ودوريه وراي
قابلتنا اول اشاره
الدوريه اللي قدامي شطفتها
ويوم اني بغيت احترم قواعد المرور واوقف
صاحت علي الدوريه اللي وراي : لا توقف لا توقف ياراعي الكامري
بصراحه ........
استانست وخفت في آن واحد ( ياعمري يا آن واحد انت ياعربي يافصيح )
استانست لاني اول مره اقطع اشاره وانا مرتاح البال (a98)
وخفت لان الدوريه ما خلتني اقطع الاشاره الا أكيد فيه مشكله كبيره تنتظرني قدام (tsfs)
تكرر المشهد في اربع اشارات
بعد الاشاره الرابعه
وقف قلبي لين وقف قلبي :cl:
الدوريات والعالم متجمهره وش كثرهم ينتظروني عند السوبرماركت
ياربي رباااااااااااه انا وش سويت
ويوم اني وقفت سيارتي
ما أمداني أنزل انا والبناخي الا ولقطونا ويركبونا الدوريه وهاتك تفتيش في السياره
وآآآآآآخرتها ..........
نزلوني من الدوريه وقالولي مجرد اشتباه في بلاغ على نفس سيارتك واعتذرولي باسلوب حظاري ( امحق حظاري )
عاد انا ركبت سيارتي وكنت زعلان بالمره (qq95)
وانا اللي افحط عليهم واقطع الاشاره اللي قدامهم وهم يناظرون
على بالي بيراعون شعوري ويمشونها لي من مبدأ ( روح النظام )
اي روح نظام واي مراعاة شعور ( شعور ولا ناجل هع هع )
طردني واحد الظاهر ان دفتره حق القسايم باقي ما خلص
وصكني بذيك القسيمه ( وتراهم سموها قسيمه عشانها تقسم نصف الراتب ) (q14)
وركبني الدوريه وحطوني بالحجز مع تماسيح الله لا يوريكم
عاد سواليفي في الحجز مع التماسيح يبيلها موضوع بلحاله
قدن باي ومع السلامه
---------------