مـا أصـدق مستحيــل لا لا لا وألف لا

[شيخة الكعبي]

بسم الله الرحمن الرحيم


بدون مقدمات وبدوووووووون كلام مشفر او غير مباشـر



عطونـي حل لشعري اشوفـه قدام عيوني يتساقط ما أصدق وين شعري الكثيف الحـلــو

لاااااااااااااااء مابا أصيـر قرعــة :(



انتوا شو تسووون بشعوركم ........



الفـزعـة يالاياويـد ... دخيل الله

[بنت نجد]

بسم الله الرحمن الرحيم
السلام عليكم ورحمة الله وبركاته

آه يا شيخة ...
لا تقلبين المواجع تكفين :(
حبيبتي ...
اكيد غذائك غير صحي ...
وهذا اللي يخلي شعرك يتساقط ...
ايضاً .. الشامبو والبلسم لهم دور في تساقط الشعر ..
عموماً جربي الفيتامينات ...
و بإذن الله بتشوفين شعرك يبدأ ينبت من جديد ...

الله يحفظك
أختك
بنت نجد

[شيخة الكعبي]

شو أسوي يابنت نجد غصب عنـي عيـل أحط ايدي فشعري اشوف كتل تطيح آآآآآآآآآه ياقلبي :(


الفيتامينات وايد اوكيشن ... ان شالله بجربهم


بس الفيتامينات للناس اللي عندهم نقص في الفيتامينات ... أختي تاكلهم .



تحياتي لج يالغاليه :)

[جروحي تنزف أحزاني]

شيخه حسب خبرتي بهالمشكله

يمكن يكون نسبه الحديد ناقص عندك بالدم اعملي تحليل دم وتاكدي لان نقصانه يسبب التساقط هذا اولا"

ثانيا" اهتمي باكلك اكلي عدل فواكه خضروات

ثالثا" اهتمي بشعرك بالشامبو طريقه التمشيط حاولي دائما تخلينه حيوي

رابعا " احتمال تكون حاله نفسيه الحالات النفسيه لها دور كبير بتساقط الشعر

وعندي لك خلطه سهله ومفيده دائما اسمع عنها

خدي لك شويه (( سدر )) وضعي عليه مقدار 4 _ 3 كاسات مويه و بصله مقطعه وخليها تنقع طول الليل

وعند الاستحمام تغسلي شعرك بالمويه تبع السدر لا تخافين ريحك السدر راح يغطي على البصل

ان شاء الله تستفيدن من اللي قلته

[شيخة الكعبي]

جروحـي مشكوووووورة الغاليـــــة




الله كريــم :(

[جروحي تنزف أحزاني]

العفو ياقلبي

[عـتـيبـية وافـتـخر]

هلا حبيبتي شيخه ..

ترى وربي اغلب البنات يعانون من هالمشكله .. بس خواتي اذكروا الاسباب

و يمكن النوم القليل و السهر و قل الاكل يسبب تساقط الشعر ..

بعدين وخيتي دير بالج تمشطين شعرج و هو مبلل ترى يطيح الشعر بسرعه لان الشعرة تكون ثقيله من الماي اللي فيها

و جربي زيت الخروع تراه زين للشعر و لفروة الراس .. و حاولي تسوين مساج خفيف لفروة الراس بالوقت اللي تحطين عليه الزيت ..

و ترى اكبر سبب هو الحاله النفسيه .. يمكن انج متضايقه .. او في شي مكدرج ..

و احب اضيف شغله .. ترى استعمال الادويه اقصد اثناء المرض لها اثار جانيه و اولها سقوط الشعر ..

يمكن كنتي تاخذين ادويه لما كنتي مريضه ..

و حتى الهرمونات بالجسم تلعب دور كبير خصوصا لو كان عمرج ما بين 19 و 23 لانها تتغير ..

و ان شاء الله و بأذن واحد احد انها مشكله مؤقتة و تنتهي و يرجع شعرج مثل الاول و احسن

اختج ..

" عـتـيـبـيـة وافـتـخـر"

[شيخة الكعبي]

فديتج يالعتيبيـة


لا والله اصلا انا ماحب الادوية وما اكلهم ... بس من أمس بديت اكل فيتامينات بناء على كلام بنت نجد وبعد ترا اختي تاكله وانا رحت معها عند الطبيب قال لها اكلي فيتامينات .


مادري تبين الصج والله مليت من شعري ياخوفي اصير قرعـة :(


زيت الخرووع ادري وايد زين .. بعد لمعلوماتكم اللي تبا رموشها تزيد تستخدم زيت الخرووع ان شالله بشتريـه وبجرب حليلي صار شعري حقل تجارب




ألف شكر حبيبتي



تحياتي

[عـتـيبـية وافـتـخر]

لا ان شاء الله منتي مقرعه .. اعوذ بالله ..

ما عليج شر يالغاليه .. كلها مسألة وقت ..

بعدين لاااا تحاتين وااااايد ترى التفكير الزايد يسوي عمايله مع الشعر .. ديري بااااااالج


اختج

" عـتـيـبـيـة و افـتـخــر"

[نووف المطيري]

حبيبتي شيخه راح أحط لج خلطه أرجو انتفيدج
-يجب أن تحضر عشبة كزبرة تؤخذ العشبة مقدار باقة وتضعها في وعاء وتضع فوقها خمسة ليترات من الماء وتوضع على النار وعندما تغلي تترك ربع ساعة من بعدها لتصبح باردة ثم تصفيها وتغسل رأسك مع صابون الزيتون ثلاث مرات في الأسبوع
-يعجن طحين الحبة السواء في عصير الجرجير مع ملعقة خل مخفف وفنجان زيت زيتون، ويدلك الرأس بذلك يومياً مساء مع غسلها يومياً بماء دافئ وصابون.

[شيخة الكعبي]

عتيبيـة ألف شكـر حبيبتـي واللـه


نووووووف تسلمين يالغاليه مادري شقايل اشكرج ..


أبشركم هذا اليوم الثاني اللي اكل فيه فيتامينات بنتظر النتايج ان شالله خيـر .. بدعيلكم من قلبي


تسلمون جميعاً



تحياتي

["نورالمها"]

حبيبتي ,,شيخة,,
كثييريعاني من هالمشكلة,,
مثل ماقالوا العزيزات خواتي,,ا

لتغذية اهم شي ,,والحديد بالدم له دور كبيير

وزيت الجرجيير والثوم يخلي الدورة الدموية مالته الراس تتحرك ويخلي الشعر من جديد يطلع ,,قولي ان شاءالله

[شيخة الكعبي]

اليـوم ان شالله بروح الجمعيـة بدور هالزيوت .. ان شالله يتوقف التساقط :(



مشكورة الغاليــه ..،،

[أبوشـrاrه]

بسم الله الرحمن الرحيم

السلام عليكم ورحمة الله وبركاته

شيخة العز

إسمحي لي أقدم ما عندي عسى أن أفيدك وأفيد باقي الأخوات
بالنسبة لزيت الخروع فإستعماله كدهون للرأس والحاجبين
والأهداب (دون أن يدخل للعين) وذلك من أجل النمو ولكن
ليس من أجل وقف تساقط الشعر!!!

يجب أن نعرف جميعاً قبل كل شئ حقيقة طبيعية ألا وهي
أن الشعر يتساقط من 50 إلى 100 شعرة يومياً وهذا شئ
طبيعي وبشكل مستمر. فإن كان تساقط شعرك يدور بتقديرك
حول هذه الأرقام فالحمد لله مافيك شئ ولايصيبك الوسواس (qq)

وإن كان الجواب لا، فأتمنى أن تأخذي دقيقة وتقفي هنا وتفكري بالأسباب
هل هو إنقاص للوزن؟ (ريجيم سريع مثلاً)
هل تستعملي صبغة كيميائية طويلة المدى؟
هل هناك أرق وعدم إنتظام في النوم؟
هل هناك ضغوط نفسية أو تفكير عميق متواصل؟

إن أجبتي في نفسك على أحد هذه الأسئلة بنعم قد يكون هو السبب
في مشكلة تساقط الشعر والله أعلم (ناهيك عن إجتماع أكثر من نعم)

وهناك أسباب لتساقط الشعر المؤقت وألخصها كالآتي:

1-الحمى الشديده
2-الولاده
3-نقص الحديد (كما ذكرت الأخوات جروحي ونور المها)
4-نقص التغذية
5-تناول الأدوية والعقاقير
6-مرض الغدة الدرقية
7-الثعلبة
8-الأمراض الفطرية
9-المبالغة في تجميل الشعر وغسله بالشامبو والبلسم وتسريحه وهو لايزال مبلل
(كما ذكرت الأخت عتيبيه)

وفي النهايه أتمنى أكون أفدتك ولكن يجب عليك معرفة أن الطبيب
المعالج هو (إختصاصي الأمراض الجلدية)

هذا وأتمنى للجميع وافر الصحة والسلامه

:)

[شيخة الكعبي]

ألف شكـر لكـ ياخوي ... أفدتنـي بهالمعلومات الطيبـة


جزاكـ الله خير ...


الله كريم :)

[هاويه]

الله يعطيك العافيه (q72)
مصائب قوم عند قوم فوائد
زين افدتونا ناخذ حتطاتنا

[شيخة الكعبي]

يالله اهم شي تستفيدون :)


الف شكـر لج يالغاليــة



تحيـاتـي@

[نورزاد]

بسم الله الرحمن الرحيم
السلام عليكم ورحمة الله وبركاته
ضعي مقدار من الآس في كوب ونصف ماء مغلي ويترك الليل كله ومن ثم يشطف به الشعر

[شيخة الكعبي]

وعليكم السلام ورحمة الله وبركاته


هلا بج أختـي ... شو يعنـي آس ..؟؟




ألف شكر يالغاليـة @

[ريم999]

مشكورة علىالنصايح الحلوة

واحب اضيف مويه المره وهى انك تنقعيها بمويه وتاخذىالمويه وتغسلى شعرك

يقويه صح ريحتها شوى لكن بخرى شعرك بعدها

اوالحلبه مع الزيت