مافيه غيرك لا تضيقة جيته

[فلاح سعود]

هذي قصيدة اعجبتني للشاعر المبدع / ثامر شبيب .. اتمنى تعجبكم


لا تلومني لا جيت كلي من اقصاي
مافيه غيرك لا تضايقت جيتـه


جيتك ولا غـيرك ذكرتـه بمسـراي
جيتك وكل انسان غيرك نسيته


جيتك وانـا مـانـي بتايـه الـــراي
جيتك وانا مدري وش اللي بغيته


جيتك وقلبـي دقتـه تسبــق خطــاي
جيتك اقول مفارقـك مـا قويتـه


وان مر يوم بالعمر منت وياي
اشتاق لك شوق المسافر لبيته


مثل الهوى تحتاجه الناس والماي
يحتاج لك قلب(ن) هواك وهويته


انت الوحيد اللي يرد بسمة شفاي
وانت الوحيد اللي بروحي فديته


دامك معي ما قصرت يوم دنياي
دامي خذيتك وش بقى ما خذيته


وان كان تنشد بعد ليه انا جاي
ابشر برد(ن) يقنعك لا قريته


جيت اعترف بالفرق يا آخر مناي
بينك وبين اللي عشانك جفيته


اني ليا من جيت لك همك رضاي
واني ليا من جيت له ما لقيته


لا تلومني لاجيت كلي من اقصاي
مافيه غيرك لا تضايق جيته

[ريحنه*]

روووووووووووعه
تسلم لسان قايلها
وتسلم يدك ناقلها
بنتظار جديدك دائما

[احترافي غير]

ما باقي إلا صورةٍ كنها طيف
وعطرٍ نسيم العشق للروح جابه

[نوره]

.

الشاعر ثامر شبيب
اجدت الإختيار والله

سلمت يمناك وصح الله لسان الشاعر
قصيده رائعه وبقوه

لاهنت

:)