نايف بن تركي
23-07-05, 11:18 PM
السلام عليكم ورحمه الله وبركاته
أعجبتني هذه القصيدة للـشاعر : عبد الرزاق الذيابي ، لغتها الجميله ، الاحاسيس التي تكتنزها ، والاعتزاز بالنفس والرقي في التعبير عن مناقب القبيلة والفخر بها .....
اترككم مع هذه الابيات ، واتمنى أن أكون قد وفقت في نقلها لكم ..
ودّي اسـأل ياخَجوله0جاوبـي علـى سؤالـي
يوم سلّمتي على سابك ذهب0 ليـه إستحيتـي؟ ((1))
ووش سببها الدمعتين اللـي ذرفتيهـا قبالـي؟
ليه يـوم إنـك سمعتينـي وشفتينـي بكيتـي؟
وليه تمتمتي بصوتك يوم قلتـي كيـف حالـي؟
وعَن عيوني0 ليه دنّقتـي براسِـك وإرتخيتـي؟
إرفعي راسك كفـاك إدمـوع يابنـت الحلالـي
دام جيتـي للذيابـي! زان فـالـك وإحتميـتـي
إطمئنّي,وإسفهِللّي,وإضحكـي والـراس عالـي
وإرفعي صوتك وقولي: عاااايدي والبيـت بيتـي
لعنبو غيرك0تراك اليـوم صرتـي فـي ظلالـي
شعرةٍ من لحيتـي0 معقولـه إنّـك مادريتـي!؟
عينك إبـعيني أشوف! إيه إضحكي ويزين فالـي
لبّى هالبسمه ولبّى كـل وصـفٍ لـه حويتـي
سولفي لي عَن حوالِك0وإسأليني عَـن حوالـي
وعلّميني وش حصل من يوم رحتي لين جيتـي؟
وإشرحي سرّ القلـوب الـي تعَلَّـق بالجَمَالـي
إذكري لي أيّ حاجـه0 يمكـن افهـم لاحكيتـي
ووضّحي مالفـرق مابيـن التَدلُّـع والدلالـي؟
ولا غلطتي أو نسيتـي قلـت ياعمـري عِليتـي
والعلوم الباقيـه! عنـدي ليـا جالـي مجالـي
أشّري لي بس بالرمش العَكَش لامـن قضيتـي
وتبشرين إبـكل علم ٍ زيـن دام الجـوْ صفالـي
إييييييييه0 ياكثر السوالف بس قولـي لابغيتـي
وش بغيتي من سوالـف؟ يابعـد كـل الغوالـي
الميانـه طايحـه مـن بيننـا لحظـة لفيـتـي
عَن سوالف بدونـا؟ ولاّ السياسـه والقتالـي؟
ولاّ اسولف عَن فالنتايـن0 وقصّـة نفرتيتـي؟
آمري,تدلَّلي0ويجيـك فالـي مــع عقـالـي
وحالفٍ لك من حزامي مـاسكـت الاّ لارضيتـي
ترغبين الشعر!؟ سَمّي0 والقصايـد راس مالـي
أبشـري دامـك طلبتـي للقوافـي وإشتهيتـي
والله إنّي من خِصال الشعر0وإهوَه من خِصالـي
خِصلـةٍ تلقينهـا فـابيـات شعـري لاقريتـي
إيه شاعر,وإبدوي0 والشعر دلَّـه مـن دلالـي
آتقهواها0ويزهـى كيفهـا لامــن طريـتـي
إيه شاعر0 وأشهر الابيـات! ذَودٍ مـن جمالـي
المغاتير,السمان0اللـي عليـهـا ذاع صيـتـي
إيه شاعر من عرب0 وابوي ناشد عَن خوالـي
لايغـرِّك هالتواضع,والمكـان الـلـي رأيـتـي
البساطه! من سِمـات الطيبيـن إمـن الرجالـي
الرجال اهل المواقف لـن نصيتـي,وإن نخيتـي
إيه انا مـن لابـةٍ تشهـد لهـا شِـمّ الجبالـي
لانصيتـي طفلهـم! عـزّ الله الوالـي نصيتـي
إيـه حنـا محتميـن الـراي ذربيـن العيالـي
مانقول إليا نصانـا العلـم0 لـوّ إنـي وليَتـي
الكرم من طبعنا (والغرب فـوق النـار سالـي)
(ولانَهَمنا الناس!) نفجعها (على قول الثبيتي) (2)
الفـخـر! لعتيـبـه الهيلا0ولـلَّـه الكمـالـي
(ومدح ربعي! مايذم الناس) وانتي! لاهفيتي
القبايل,والحمايل,والـعـوايـل! فـالمـعـالـي
ماعليهم زود0 شئتـي فـالزمـن0 ولاّ أبيَتـي
وآخر المشوار! روحي غاليـه والـراس عالـي
وسولفي للناس عنّـي0 علّميهـم وش لقيتـي
وسلامتكم
منقووووووول
الشاعر // عبدالرزاق بن مخلد الذيابي العتيبي
1) (( سابك ذهب )) هو لقب الشاعر
2)= يقول المرحوم الشاعر مطلق الثبيتي:
حنّا على جمر الغضى! دايم نصب الغرب صَبّ
,,,,,,,,,,,,,,,,,, وإليا نَهَمنا الناس! ينشب زادها في حلوقها
أبـــ تركي ـــو
أعجبتني هذه القصيدة للـشاعر : عبد الرزاق الذيابي ، لغتها الجميله ، الاحاسيس التي تكتنزها ، والاعتزاز بالنفس والرقي في التعبير عن مناقب القبيلة والفخر بها .....
اترككم مع هذه الابيات ، واتمنى أن أكون قد وفقت في نقلها لكم ..
ودّي اسـأل ياخَجوله0جاوبـي علـى سؤالـي
يوم سلّمتي على سابك ذهب0 ليـه إستحيتـي؟ ((1))
ووش سببها الدمعتين اللـي ذرفتيهـا قبالـي؟
ليه يـوم إنـك سمعتينـي وشفتينـي بكيتـي؟
وليه تمتمتي بصوتك يوم قلتـي كيـف حالـي؟
وعَن عيوني0 ليه دنّقتـي براسِـك وإرتخيتـي؟
إرفعي راسك كفـاك إدمـوع يابنـت الحلالـي
دام جيتـي للذيابـي! زان فـالـك وإحتميـتـي
إطمئنّي,وإسفهِللّي,وإضحكـي والـراس عالـي
وإرفعي صوتك وقولي: عاااايدي والبيـت بيتـي
لعنبو غيرك0تراك اليـوم صرتـي فـي ظلالـي
شعرةٍ من لحيتـي0 معقولـه إنّـك مادريتـي!؟
عينك إبـعيني أشوف! إيه إضحكي ويزين فالـي
لبّى هالبسمه ولبّى كـل وصـفٍ لـه حويتـي
سولفي لي عَن حوالِك0وإسأليني عَـن حوالـي
وعلّميني وش حصل من يوم رحتي لين جيتـي؟
وإشرحي سرّ القلـوب الـي تعَلَّـق بالجَمَالـي
إذكري لي أيّ حاجـه0 يمكـن افهـم لاحكيتـي
ووضّحي مالفـرق مابيـن التَدلُّـع والدلالـي؟
ولا غلطتي أو نسيتـي قلـت ياعمـري عِليتـي
والعلوم الباقيـه! عنـدي ليـا جالـي مجالـي
أشّري لي بس بالرمش العَكَش لامـن قضيتـي
وتبشرين إبـكل علم ٍ زيـن دام الجـوْ صفالـي
إييييييييه0 ياكثر السوالف بس قولـي لابغيتـي
وش بغيتي من سوالـف؟ يابعـد كـل الغوالـي
الميانـه طايحـه مـن بيننـا لحظـة لفيـتـي
عَن سوالف بدونـا؟ ولاّ السياسـه والقتالـي؟
ولاّ اسولف عَن فالنتايـن0 وقصّـة نفرتيتـي؟
آمري,تدلَّلي0ويجيـك فالـي مــع عقـالـي
وحالفٍ لك من حزامي مـاسكـت الاّ لارضيتـي
ترغبين الشعر!؟ سَمّي0 والقصايـد راس مالـي
أبشـري دامـك طلبتـي للقوافـي وإشتهيتـي
والله إنّي من خِصال الشعر0وإهوَه من خِصالـي
خِصلـةٍ تلقينهـا فـابيـات شعـري لاقريتـي
إيه شاعر,وإبدوي0 والشعر دلَّـه مـن دلالـي
آتقهواها0ويزهـى كيفهـا لامــن طريـتـي
إيه شاعر0 وأشهر الابيـات! ذَودٍ مـن جمالـي
المغاتير,السمان0اللـي عليـهـا ذاع صيـتـي
إيه شاعر من عرب0 وابوي ناشد عَن خوالـي
لايغـرِّك هالتواضع,والمكـان الـلـي رأيـتـي
البساطه! من سِمـات الطيبيـن إمـن الرجالـي
الرجال اهل المواقف لـن نصيتـي,وإن نخيتـي
إيه انا مـن لابـةٍ تشهـد لهـا شِـمّ الجبالـي
لانصيتـي طفلهـم! عـزّ الله الوالـي نصيتـي
إيـه حنـا محتميـن الـراي ذربيـن العيالـي
مانقول إليا نصانـا العلـم0 لـوّ إنـي وليَتـي
الكرم من طبعنا (والغرب فـوق النـار سالـي)
(ولانَهَمنا الناس!) نفجعها (على قول الثبيتي) (2)
الفـخـر! لعتيـبـه الهيلا0ولـلَّـه الكمـالـي
(ومدح ربعي! مايذم الناس) وانتي! لاهفيتي
القبايل,والحمايل,والـعـوايـل! فـالمـعـالـي
ماعليهم زود0 شئتـي فـالزمـن0 ولاّ أبيَتـي
وآخر المشوار! روحي غاليـه والـراس عالـي
وسولفي للناس عنّـي0 علّميهـم وش لقيتـي
وسلامتكم
منقووووووول
الشاعر // عبدالرزاق بن مخلد الذيابي العتيبي
1) (( سابك ذهب )) هو لقب الشاعر
2)= يقول المرحوم الشاعر مطلق الثبيتي:
حنّا على جمر الغضى! دايم نصب الغرب صَبّ
,,,,,,,,,,,,,,,,,, وإليا نَهَمنا الناس! ينشب زادها في حلوقها
أبـــ تركي ـــو