محمد الطويان
23-07-05, 11:16 PM
السلام عليكم والمطر والسلامه
واسعد الله جميع اوقاتكم بالشعر والمسرات
لكم الحق من هنا حتى آخر حدود الرضا
ولعل ما يشفع لي عدم التواصل معكم معرفة الاخوة القائمين على هذا الصرح الشامخ لظروفي التي حالت دون ذلك
واعتذر لكم جميعا كل بأسمه وصفته
ولن أطيل عليكم اكثر من ذلك
فإذا حضر الشعر فلندعه يتكلم
تفضلوا وسامحوني
خوالي الروقه طويلين الاشبار = وأنا الزعيم اللي بدا بالزعامه
محيّف على بيض الحباري بالاقفار=في صفحة أمجاد التواريخ شامه
ياهوه ياشاطر ترى فيه شطار = بعض الكلام أخف ذنبه غشامه
مالك ومال الشيخ واللعب بالنار = تحرق بأصابيعك وتبكي ندامه
احسن تعيش بجو لينه وبشار = لو شق براق العوارض غمامه
ان كان ماتدري ترى مابه أسرار = كل على وزنه معاني كلامه
بسيط ترديد السوالف والاخبار = الصعب يفهم مدعين الفهامه
إخذ النباء شاهر على روس الاحبار = وقاّد ضو ٍ فوق راس العدامه
حنا رجال كبار وعلومنا كبار = منهاج كساب المدايح غرامه
صغير وتظن العرب كله صغار = عندك مقام وعند غيرك مقامه
نعم نعم حنا سلاطين وأذكار = الشيخ سعدون العريعر علامه
شيخ الشيوخ ومنتهى العلم لا دار= مزبان من حده زمانه وضامه
قبل الهبوب تهب والريح تندار = قاد الخليج وحط قومه حزامه
نعم نعم تلقى لنا ر سم وأثار = في نجد وحدود الخليج وتهامه
إن كان ميراث البطل بس الاشعار = واخبار جده وين ركّز خيامه
حنا الدول صارت لنا اليوم تذكار = مر القرين ولا تهاب الملامه
عند الصباح العلم يا ضو الاقمار = الصبح يكشف من سناها ظلامه
لو المحابر يعتري شمسها غبار = الوقت يجلى عن سماها عسامه
قومي بني خالد مقاديم الاخيار = حكام طيب ومحتوين الشهامه
أولاد هبس مرويّة كل بتار = بالساعه اللي شبه يوم القيامه
نطاّحة الهيجاء صواعيط الاشرار = لا صد عنها مطلبين السلامه
كعاّمة العايل صواريم الاحرار = المرعبين بوقت حذف العمامه
أسياد لا ركبوا على قب الامهار= واسياد لو كل ٍ تحلوى منامه
وإليا تعلوّا وإرتكوا شد الاكوار = عون الرفيق وستر زاهي زمامه
أولاد هبس اللي لهم بالعلا كار = الطيب قلب وكف ربعي هيامه
زبن الدخيل ومزبن الضيف والجار = المال يلقى من يديهم عدامه
عواصف النجدات لو يضرب اعصار = مضارب الامجاد لين وصرامه
قوم ٍ بحزات الملازيم حضار = كسابة الواجب بوقت إزدحامه
تلقى شواهدنا على بيض الاسطار = رسوم عز وللزمان إنصرامه
من حد طيبه وأخر حدود سنجار = لين الخليج وحد قلب المنامه
وأقصى شمال أرض الجزيره والابيار = من وين ماوجهّت نرسم علامه
كم واحد ٍ قلنا له يديك والحار = دونك خشوم طويق وإلا سنامه
واليوم موفين العهد سيّد الدار = شيخ ٍ مقره في قصور اليمامه
مواطنين أحرار وأحرار وأنصار = مادام شرع الله ضمان و دعامه
الله يبارك في طويلين الاعمار = درع الوطن وحدود شذرة حسامه
حكام نجد وروس حكام الاقطار = آل سعود أهل الوفا والكرامه
أرواحنا للبيع وإن صار ماصار = من دونهم وتروح برد وسلامه
وإن كان للأرهاب زمره ومزمار = ناطا على روس الحيايا ضرامه
هذا جواب ملاعب الحرف وطيار = لعب العديم بقلب فرخ الحمامه
حضرة جناب اللي بالاشعار بيطار = راس ٍ على روس الشواعير هامه
هذا جوابه والوفي غيره مجار = الطيب من فضل الاله إنقسامه
لو الجزيره كلها فحول شعار = يبين فكاّك السلف والجهامه
ولو كل من هد القرانيس صقار =ماعاد نلقى بالجزيره حمامه
وإن ردّد ألحانه مهايط وفشار = بطن الثرى مزبان راس النعامه
غر ٍ يسوقه للخطاء بعض الاغرار = حماّل عماّل الاشاعه دوامه
ثور ٍ ليا أوحيته محرج وسمسار=خطو الضعيف المُبتذل والفدامه
يوم اصبح المعنى سواليف تجار = قلنا سلام وطب سوقه وسامه
ويوم إعتلوا كوره غريبين الاطوار = منعمّين الهرج كل ٍ وزامه
رفعت خشم السالفه ميل وأمتار = أتبع حلال الحرف وأجفى حرامه
وإن جيت لو إني على البعد مراّر = والزير ابو ليلى تخونه عظامه
ماجيت أبا أطرب صوت خالد وتذكار = ولا رحت لحجاب النحيت وسلامه
وإن قلت يالمعنى ترى الوقت غدار = للمختلف والمشتبه واللمامه
بالذاكره خالد وبالقلب مسمار = وإلا هشام وموبقات إنهشامه
مليون جاهل يستبيحك وثرثار = ومليون مسلم منك يجرح صيامه
ماهو بأنا سماع هرجات الاشرار= سود المخابر والمظاهر وسامه
مسح الظهور اللي يشيلون الاسفار = يقرون طيب ويكتبون الرخامه
( خطو الولد مثل البليهي لياثار) = يزهاه بالزرفال نصبة سنامه
قد قالها مبطي من القوم مغوار = شيخ ٍ لنجم سهيل مرسل سلامه
وإن كان جيت ألعب على بعض الاوتار= والوقت ضيق وهد ذيب إحتدامه
ماقول أنا وجه العرب يلبسه عار = من حد صنعاء لأخر حدود شامه
أقول كنا نشتكي ظلم غوار = وإن كان رحنا إبعيد فاتن حمامه
واليوم أكاديمي بعد سوبر ستار = أخف زلات السقيط الهلامه
وإن جيت يالقدس الجريحه بالاعذار = لا تسمعين من البليد إنهزامه
وإن مر شارون اليهودي وعزار = نادي صلاح الدين الاقصى وإمامه
لا تعتزين أسياد نشجب والانكار = أكبر شيوخ الشجب صاروا عمامه
وإن قلت يادار الرشيد الكرى طار = وإبن الصليب الكلب يسكن منامه
بعد إرتوى غيّه على زاوية بار = هد الكلاب وراح نادم مدامه
تدمير شامل نوع تحرير وإعمار = ضاموك والعربيد ضاموا حطامه
ينصرك رب البيت والرب نصار = تنساق لك من فيض جوده كرامه
وياصاحبي لا دق بالقلب مسمار = لا زاد بي هم ٍ وزاد إهتمامه
يامسندي وإن بان في حالي أضرار = والوقت بيّن لي معاني خصامه
دواس خطرات المساري والاخطار = صاحبك دسمات الهواجس طعامه
إلزم بيمناك السعد روس الافكار = اللي على الوزن السريع ونظامه
وإركب على اللي لا مشى يطرب القار = وش عاد يارجل ٍ تمسك خطامه
جيب ٍ كما وصف النداوي لياطار = لا رف بالجنحان وأدرك مرامه
صنايع أقوام ٍ مواريهم قصار = فطس الخشوم ومبدعين الفخامه
من دار هيتاشي مجانيه فكسار= أبيض وديكوره يزيد إحترامه
إليا وقف ضابط مقدم وطيار = بين الجنود وفوق صدره وسامه
وألا فيديل وفي يده حط سيجار = ماجن ويظِهر للحشود إحتشامه
متمركي ٍ عنده وزيره وقيفار = ومنقش ٍ روس الحيايا وشامه
وإليا إنسكب كَنّه مع الدرب مدرار = سيل ٍ معَ واديه بان إنسجامه
يزحف كما فلك ٍ ضرب غب الابحار= الموج من خلفه وحوله وأمامه
تقول واقف لين يعكس بالانوار = وتشوف به لمعات جامه وجامه
وإليا بطش بطن الوعر روس الاحجار = تصير من تحت الكفارات خامه
مراتبه كرسي وزاره ودوار = وإلا سرير اللي بموعد فطامه
يهتز وتقول الهوى يمنا دار = ويميل وتشوف المسار إستقامه
كَنْ التوازن من تثنيه جمار = وإلا كما غصن ٍ رطيب ٍ قوامه
وإن دش بعروق ٍ مثل هل الامطار = تنهال وتدوّر بجوك غمامه
تحس به عود ٍ ضلالي وخمار = بعد إنضبط جوه وغلّق مدامه
شالت مع الشايب على الطيب بأصرار = لو كان طبعه طول ليله ينامه
وأقبل على جمع ٍ مع الليل سمار = تومي كتوفه ويتفلّت قرامه
في مِقِدمه لأسعاف الاجواد شنكار= غليون بيك ٍ فوق راسه كتامه
وإن جيت له من خلف وإسبيره خمار = مغناج خشف ٍ راح وأرخى لثامه
إركب عليه ورب الارباب ستار = وإنفض عن البستم بقايا ركامه
مشيك ٍ من كل الانواع بعيار = من الجميل اليوم دور إستلامه
وإليا إنتهى المآثور من ورد الاسفار = وقريت مفتاح القران وختامه
إشهر كما اللي لأبرق الريش نثار = حر ٍ رقى رجم المساري وحامه
من القصيم لعارض الطيب منحار = مع السريع اللي يهيض إنتظامه
لا تطري الكبريت وتلد الانظار = حتى تزل المجمعه والخطامه
وإن جيت حد العاصمه ميل يسار = وإنحر مصب الشمس وإمسك زمامه
بالهون حتى تختفي عنك الانوار = وتغيب لوحات البلد والثمامه
يجيك سعد وسفتي الجيب فرار = تفتيش لمجازات مرخي حزامه
وإن عاد زليته لو تشوف رادار = لا تلتفت وإلا تهاب الغرامه
عطه الابنص وزيدله وأوقد النار = وإرتك على يمناك وإمسك لجامه
وعقب الوسيع إقطع لك قياس مشوار = وتهبْ نفحات الخليج إستهامه
شوي واللوحات ( جوده ) ومعبار = للي سفايفهن زهت والمسامه
هناك لا تاخذ وتعطي بالاشوار = أوضح من البدر المنير بتمامه
تلقى الجماعه في رجا شوف خطاّر = رجوى العمى لعيون زرقا اليمامه
وتلقى بغاديد ٍ زهن صفة وجار = ومن وارد الرسلان تلقى علامه
مطعومها من سبع الاصناف واختار = وفنجالها للضيف عجل ٍ ولامه
من عقبها كبش ٍ معه در الابكار = اللي رعت عرق النفل والثمامه
وإليا إنتهى واجبك وأخذت مقدار = ثلثين ساعه قبل وقت الاقامه
صل الفروض مجمّعه وايضاً قصار = وتعوّذ من شرور وقتك وأثامه
وعَد الجواب وضمّنه ورد وأزهار = وقل للجميع العلم هذا تمامه
من شاعر ٍ لصروح الامثال عماّر = لا شيّد الخاسر معاني هدامه
تسجيل موقف وإعترافات واقرار = بإن الكريم يموت منصوب قامه
والله رقيب الخلق والخلق نظاّر = والجم جم وواردات ٍ حيامه
كان الصحيح هبال ياحيّه شهار = ( هبال طيب ولا صحاوة رخامه )
كلمة فهيم ٍ جاب در ٍ ومحار = ذكرني اللعبون وأريام رامه
وإسلم وسلم لي على الربع تكرار = وإ بك البقا ياصاحبي والسلامه
محمد الطويان
واسعد الله جميع اوقاتكم بالشعر والمسرات
لكم الحق من هنا حتى آخر حدود الرضا
ولعل ما يشفع لي عدم التواصل معكم معرفة الاخوة القائمين على هذا الصرح الشامخ لظروفي التي حالت دون ذلك
واعتذر لكم جميعا كل بأسمه وصفته
ولن أطيل عليكم اكثر من ذلك
فإذا حضر الشعر فلندعه يتكلم
تفضلوا وسامحوني
خوالي الروقه طويلين الاشبار = وأنا الزعيم اللي بدا بالزعامه
محيّف على بيض الحباري بالاقفار=في صفحة أمجاد التواريخ شامه
ياهوه ياشاطر ترى فيه شطار = بعض الكلام أخف ذنبه غشامه
مالك ومال الشيخ واللعب بالنار = تحرق بأصابيعك وتبكي ندامه
احسن تعيش بجو لينه وبشار = لو شق براق العوارض غمامه
ان كان ماتدري ترى مابه أسرار = كل على وزنه معاني كلامه
بسيط ترديد السوالف والاخبار = الصعب يفهم مدعين الفهامه
إخذ النباء شاهر على روس الاحبار = وقاّد ضو ٍ فوق راس العدامه
حنا رجال كبار وعلومنا كبار = منهاج كساب المدايح غرامه
صغير وتظن العرب كله صغار = عندك مقام وعند غيرك مقامه
نعم نعم حنا سلاطين وأذكار = الشيخ سعدون العريعر علامه
شيخ الشيوخ ومنتهى العلم لا دار= مزبان من حده زمانه وضامه
قبل الهبوب تهب والريح تندار = قاد الخليج وحط قومه حزامه
نعم نعم تلقى لنا ر سم وأثار = في نجد وحدود الخليج وتهامه
إن كان ميراث البطل بس الاشعار = واخبار جده وين ركّز خيامه
حنا الدول صارت لنا اليوم تذكار = مر القرين ولا تهاب الملامه
عند الصباح العلم يا ضو الاقمار = الصبح يكشف من سناها ظلامه
لو المحابر يعتري شمسها غبار = الوقت يجلى عن سماها عسامه
قومي بني خالد مقاديم الاخيار = حكام طيب ومحتوين الشهامه
أولاد هبس مرويّة كل بتار = بالساعه اللي شبه يوم القيامه
نطاّحة الهيجاء صواعيط الاشرار = لا صد عنها مطلبين السلامه
كعاّمة العايل صواريم الاحرار = المرعبين بوقت حذف العمامه
أسياد لا ركبوا على قب الامهار= واسياد لو كل ٍ تحلوى منامه
وإليا تعلوّا وإرتكوا شد الاكوار = عون الرفيق وستر زاهي زمامه
أولاد هبس اللي لهم بالعلا كار = الطيب قلب وكف ربعي هيامه
زبن الدخيل ومزبن الضيف والجار = المال يلقى من يديهم عدامه
عواصف النجدات لو يضرب اعصار = مضارب الامجاد لين وصرامه
قوم ٍ بحزات الملازيم حضار = كسابة الواجب بوقت إزدحامه
تلقى شواهدنا على بيض الاسطار = رسوم عز وللزمان إنصرامه
من حد طيبه وأخر حدود سنجار = لين الخليج وحد قلب المنامه
وأقصى شمال أرض الجزيره والابيار = من وين ماوجهّت نرسم علامه
كم واحد ٍ قلنا له يديك والحار = دونك خشوم طويق وإلا سنامه
واليوم موفين العهد سيّد الدار = شيخ ٍ مقره في قصور اليمامه
مواطنين أحرار وأحرار وأنصار = مادام شرع الله ضمان و دعامه
الله يبارك في طويلين الاعمار = درع الوطن وحدود شذرة حسامه
حكام نجد وروس حكام الاقطار = آل سعود أهل الوفا والكرامه
أرواحنا للبيع وإن صار ماصار = من دونهم وتروح برد وسلامه
وإن كان للأرهاب زمره ومزمار = ناطا على روس الحيايا ضرامه
هذا جواب ملاعب الحرف وطيار = لعب العديم بقلب فرخ الحمامه
حضرة جناب اللي بالاشعار بيطار = راس ٍ على روس الشواعير هامه
هذا جوابه والوفي غيره مجار = الطيب من فضل الاله إنقسامه
لو الجزيره كلها فحول شعار = يبين فكاّك السلف والجهامه
ولو كل من هد القرانيس صقار =ماعاد نلقى بالجزيره حمامه
وإن ردّد ألحانه مهايط وفشار = بطن الثرى مزبان راس النعامه
غر ٍ يسوقه للخطاء بعض الاغرار = حماّل عماّل الاشاعه دوامه
ثور ٍ ليا أوحيته محرج وسمسار=خطو الضعيف المُبتذل والفدامه
يوم اصبح المعنى سواليف تجار = قلنا سلام وطب سوقه وسامه
ويوم إعتلوا كوره غريبين الاطوار = منعمّين الهرج كل ٍ وزامه
رفعت خشم السالفه ميل وأمتار = أتبع حلال الحرف وأجفى حرامه
وإن جيت لو إني على البعد مراّر = والزير ابو ليلى تخونه عظامه
ماجيت أبا أطرب صوت خالد وتذكار = ولا رحت لحجاب النحيت وسلامه
وإن قلت يالمعنى ترى الوقت غدار = للمختلف والمشتبه واللمامه
بالذاكره خالد وبالقلب مسمار = وإلا هشام وموبقات إنهشامه
مليون جاهل يستبيحك وثرثار = ومليون مسلم منك يجرح صيامه
ماهو بأنا سماع هرجات الاشرار= سود المخابر والمظاهر وسامه
مسح الظهور اللي يشيلون الاسفار = يقرون طيب ويكتبون الرخامه
( خطو الولد مثل البليهي لياثار) = يزهاه بالزرفال نصبة سنامه
قد قالها مبطي من القوم مغوار = شيخ ٍ لنجم سهيل مرسل سلامه
وإن كان جيت ألعب على بعض الاوتار= والوقت ضيق وهد ذيب إحتدامه
ماقول أنا وجه العرب يلبسه عار = من حد صنعاء لأخر حدود شامه
أقول كنا نشتكي ظلم غوار = وإن كان رحنا إبعيد فاتن حمامه
واليوم أكاديمي بعد سوبر ستار = أخف زلات السقيط الهلامه
وإن جيت يالقدس الجريحه بالاعذار = لا تسمعين من البليد إنهزامه
وإن مر شارون اليهودي وعزار = نادي صلاح الدين الاقصى وإمامه
لا تعتزين أسياد نشجب والانكار = أكبر شيوخ الشجب صاروا عمامه
وإن قلت يادار الرشيد الكرى طار = وإبن الصليب الكلب يسكن منامه
بعد إرتوى غيّه على زاوية بار = هد الكلاب وراح نادم مدامه
تدمير شامل نوع تحرير وإعمار = ضاموك والعربيد ضاموا حطامه
ينصرك رب البيت والرب نصار = تنساق لك من فيض جوده كرامه
وياصاحبي لا دق بالقلب مسمار = لا زاد بي هم ٍ وزاد إهتمامه
يامسندي وإن بان في حالي أضرار = والوقت بيّن لي معاني خصامه
دواس خطرات المساري والاخطار = صاحبك دسمات الهواجس طعامه
إلزم بيمناك السعد روس الافكار = اللي على الوزن السريع ونظامه
وإركب على اللي لا مشى يطرب القار = وش عاد يارجل ٍ تمسك خطامه
جيب ٍ كما وصف النداوي لياطار = لا رف بالجنحان وأدرك مرامه
صنايع أقوام ٍ مواريهم قصار = فطس الخشوم ومبدعين الفخامه
من دار هيتاشي مجانيه فكسار= أبيض وديكوره يزيد إحترامه
إليا وقف ضابط مقدم وطيار = بين الجنود وفوق صدره وسامه
وألا فيديل وفي يده حط سيجار = ماجن ويظِهر للحشود إحتشامه
متمركي ٍ عنده وزيره وقيفار = ومنقش ٍ روس الحيايا وشامه
وإليا إنسكب كَنّه مع الدرب مدرار = سيل ٍ معَ واديه بان إنسجامه
يزحف كما فلك ٍ ضرب غب الابحار= الموج من خلفه وحوله وأمامه
تقول واقف لين يعكس بالانوار = وتشوف به لمعات جامه وجامه
وإليا بطش بطن الوعر روس الاحجار = تصير من تحت الكفارات خامه
مراتبه كرسي وزاره ودوار = وإلا سرير اللي بموعد فطامه
يهتز وتقول الهوى يمنا دار = ويميل وتشوف المسار إستقامه
كَنْ التوازن من تثنيه جمار = وإلا كما غصن ٍ رطيب ٍ قوامه
وإن دش بعروق ٍ مثل هل الامطار = تنهال وتدوّر بجوك غمامه
تحس به عود ٍ ضلالي وخمار = بعد إنضبط جوه وغلّق مدامه
شالت مع الشايب على الطيب بأصرار = لو كان طبعه طول ليله ينامه
وأقبل على جمع ٍ مع الليل سمار = تومي كتوفه ويتفلّت قرامه
في مِقِدمه لأسعاف الاجواد شنكار= غليون بيك ٍ فوق راسه كتامه
وإن جيت له من خلف وإسبيره خمار = مغناج خشف ٍ راح وأرخى لثامه
إركب عليه ورب الارباب ستار = وإنفض عن البستم بقايا ركامه
مشيك ٍ من كل الانواع بعيار = من الجميل اليوم دور إستلامه
وإليا إنتهى المآثور من ورد الاسفار = وقريت مفتاح القران وختامه
إشهر كما اللي لأبرق الريش نثار = حر ٍ رقى رجم المساري وحامه
من القصيم لعارض الطيب منحار = مع السريع اللي يهيض إنتظامه
لا تطري الكبريت وتلد الانظار = حتى تزل المجمعه والخطامه
وإن جيت حد العاصمه ميل يسار = وإنحر مصب الشمس وإمسك زمامه
بالهون حتى تختفي عنك الانوار = وتغيب لوحات البلد والثمامه
يجيك سعد وسفتي الجيب فرار = تفتيش لمجازات مرخي حزامه
وإن عاد زليته لو تشوف رادار = لا تلتفت وإلا تهاب الغرامه
عطه الابنص وزيدله وأوقد النار = وإرتك على يمناك وإمسك لجامه
وعقب الوسيع إقطع لك قياس مشوار = وتهبْ نفحات الخليج إستهامه
شوي واللوحات ( جوده ) ومعبار = للي سفايفهن زهت والمسامه
هناك لا تاخذ وتعطي بالاشوار = أوضح من البدر المنير بتمامه
تلقى الجماعه في رجا شوف خطاّر = رجوى العمى لعيون زرقا اليمامه
وتلقى بغاديد ٍ زهن صفة وجار = ومن وارد الرسلان تلقى علامه
مطعومها من سبع الاصناف واختار = وفنجالها للضيف عجل ٍ ولامه
من عقبها كبش ٍ معه در الابكار = اللي رعت عرق النفل والثمامه
وإليا إنتهى واجبك وأخذت مقدار = ثلثين ساعه قبل وقت الاقامه
صل الفروض مجمّعه وايضاً قصار = وتعوّذ من شرور وقتك وأثامه
وعَد الجواب وضمّنه ورد وأزهار = وقل للجميع العلم هذا تمامه
من شاعر ٍ لصروح الامثال عماّر = لا شيّد الخاسر معاني هدامه
تسجيل موقف وإعترافات واقرار = بإن الكريم يموت منصوب قامه
والله رقيب الخلق والخلق نظاّر = والجم جم وواردات ٍ حيامه
كان الصحيح هبال ياحيّه شهار = ( هبال طيب ولا صحاوة رخامه )
كلمة فهيم ٍ جاب در ٍ ومحار = ذكرني اللعبون وأريام رامه
وإسلم وسلم لي على الربع تكرار = وإ بك البقا ياصاحبي والسلامه
محمد الطويان