@@ وظائف شاغرة لأعضاء المنتدى من تماسيح وسحالي @@ [الأرشيف]

الرمادي

13-07-05, 09:38 AM

http://www.rmooosh.net/up-pic/uploads/0b6216109f.jpg

هذي المزرعة وفيها ابقار واغنام ودجاج وطيور
ويوجد ايضاً نخل وأشجار فواكه يعني بختصار مزرعه متكامله
اي عضو يشوف مقوماته تساعدة على النجاح في العمل يقدم طلب الى المدير التنفيدي المهندس المــــــــرح
السعودة هدفنا ولا فيه مانع نقبل الاخت احزان فهي سعوديه منا وفينا
علماً ان وظيفه حلب البقر محجوزه للمشرفات

المـــــــــرح .... ومساعده الشباب والبنات على العمل

شبيـه الريـح

13-07-05, 10:22 AM

المـــــــــرح .... ومساعده الشباب والبنات على العمل

ماشاءلله تبارك الله يالمهندز المرح أجل صرت توظف شباب وشايبات :)

سجل عندك : شبيه الريح مهندس زراعي والدب المرح مدير مكتبي والمسؤل عن توظيف الموظفين والموظفات:)

والمهندز المرح هذا عضو جديد علشان كذا يصير نائب لي :)

فتكوو بعافيه وهناء :)

ياسـر

13-07-05, 01:04 PM

اوكيه خيو مرح......

انا ودي امسك قسم اسلحة الخراب الشامل ..... بما اني مهندز كيماويه...

واذا ما ودك .....

خلني اصير المسؤل الاعلى لشؤن البركة....

وش قلت..................

ام أيمن

13-07-05, 01:19 PM

المعندس المرح

ممكن لغير حاملي الجنسية السعودية

شيهانة

13-07-05, 01:45 PM

الله يفشلك...اخر عمرنا نشتغل في مزارع
بس دامنك ملزم...
مقدر اكسر بخاطرك...

انا ابغى اشتغل مديرة العلاقات العامة>>>تحب الرزة
بس كم بتعطوني راتب...وفيه بدلات ...وحوافز..>>>انقلبت مصريه
علمني قبل لا اتوهق..ويطلع ماوراكم الا الفقر ..

ام أيمن

13-07-05, 02:27 PM

لو غير الجنسية السعودية مقبول في الوظيفة

ابغى اصير مديرة الشؤون القانونية ولن ارضى عن هالمنصب بديل

والمرتب لازم يكون بالدولار المغربي

نازف ألم

13-07-05, 02:35 PM

انا امنيتي اخرف التمر من نخله طويللللللللله ودي بشداد على فوق بس مايبط عيني الخوص
ودي بواحد راعي فلاحه تراها ياجماعه ماتفرق عن رياضة تسلق الجبال ياويل تسبدك ,,

نازف ألم

13-07-05, 03:01 PM

انا امنيتي اخرف التمر من نخله طويللللللللله ودي بشداد على فوق بس مايبط عيني الخوص
ودي بواحد راعي فلاحه تراها ياجماعه ماتفرق عن رياضة تسلق الجبال ياويل تسبدك ,,
ترجمه لبعض الكلمات فيه كثير يدربون روسهم مايدرون وش السالفه انا ماقلت امينه
اخرف يعني اقطف التمر
شداد الرباط اللي يلتف على ظهر متسلق النخله
يبط يعني يجخروينغز
الخوص اوراق النخيل التي طرفها مشوك

الرمادي

13-07-05, 04:12 PM

ماشاءلله تبارك الله يالمهندز المرح أجل صرت توظف شباب وشايبات :)

سجل عندك : شبيه الريح مهندس زراعي والدب المرح مدير مكتبي والمسؤل عن توظيف الموظفين والموظفات:)

والمهندز المرح هذا عضو جديد علشان كذا يصير نائب لي :)

فتكوو بعافيه وهناء :)

مشاء الله عليك ياشبيه الرياح شكلك جايب واسطه قويه الدب المرح الله يذكره بالخير
لكن مع هذا نبي نخليك مع المهندس المرح تسوي له القهوة والشاهي وتدرب على تشغيل مكينه المويه

الرمادي

13-07-05, 04:17 PM

اوكيه خيو مرح......

انا ودي امسك قسم اسلحة الخراب الشامل ..... بما اني مهندز كيماويه...

واذا ما ودك .....

خلني اصير المسؤل الاعلى لشؤن البركة....

وش قلت..................

خلاص ياسر
المزرعه بحاجه يعني مقبول على طول شف جميع المواد المطلوبه علشان نجيبها
ولو تبي نسوي لك معمل خلف حضيره الدجاج جاهزين لاتقول لي بعدين ابصير دكتور بيطري تراها محجوزه للشنفرة
هو عندنا كم ياسر

شيخة الكعبي

13-07-05, 04:18 PM

هلا والله بأخونــا المرح تصدق أنك فكيت زنقتي << على قولة المصاروة .......،،

محجوز : انا بحلب البقـر

بس ياخوي ماقلت كم الراتب ؟؟؟؟؟؟ وكيف طبيعه العمل وساعاتـه .. وهل فيه مجال نبيع الحليب على الاعضاء هنيـه ؟؟

الرمادي

13-07-05, 04:27 PM

المعندس المرح

ممكن لغير حاملي الجنسية السعودية

افا
اسف أمينة انتِ مع احزان وظايفكم جاهزه ومانستغني واطالب الحكومه اعطائكم الجنسيه صح الشروط دكتور ومهندس وش من كذا
لكن انشاء الله بعد العمل في المزرعه راح اطالب لكم بالجنسيه خصوصاً اذا صارت الوظيفه جمع بيض الدجاج من الحضيره تراها تحتاج مؤهلات كبيره وشروط منها اهم شيئ النظر 6\6 لزوم البحث الجيد عن البيض

ام أيمن

13-07-05, 04:30 PM

أنا اقترح
ان المتحد تعطوه مهمة يشوي درة
وناوي شر يسقي البقر
ونازف الم يوكل الحمار اعزكم الله
والعتيبي يحفر الابار
ومستغرب يجمع الحصى
والمهندس المعماري يبني الحوش للبقر
وياسر يجمع الشوك من الارض

ام أيمن

13-07-05, 04:32 PM

ترجمه لبعض الكلمات فيه كثير يدربون روسهم مايدرون وش السالفه انا ماقلت امينه
اخرف يعني اقطف التمر
شداد الرباط اللي يلتف على ظهر متسلق النخله
يبط يعني يجخروينغز
الخوص اوراق النخيل التي طرفها مشوك
شكرا على الترجمة نازفووووووووووووو شوك بكبدتس

ام أيمن

13-07-05, 04:33 PM

عاوزة ترشحون واحد من التماسيح يغسل سيارتي

مو أنا المديرة القانونية للمزرعة

ام أيمن

13-07-05, 04:44 PM

افا
اسف أمينة انتِ مع احزان وظايفكم جاهزه ومانستغني واطالب الحكومه اعطائكم الجنسيه صح الشروط دكتور ومهندس وش من كذا
لكن انشاء الله بعد العمل في المزرعه راح اطالب لكم بالجنسيه خصوصاً اذا صارت الوظيفه جمع بيض الدجاج من الحضيره تراها تحتاج مؤهلات كبيره وشروط منها اهم شيئ النظر 6\6 لزوم البحث الجيد عن البيض
خلاص مستغنية عن العمل معكم
ان كنت راح اخد عقد عمل للخليج احلب بقر احسن لي اجلس هنا واحلب بقرنا

نازف ألم

13-07-05, 04:44 PM

عاوزة ترشحون واحد من التماسيح يغسل سيارتي

مو أنا المديرة القانونية للمزرعة
خلاص عرفنا ان معك فلكس واجن ياهووووه من قدك
(aqwa)

ام أيمن

13-07-05, 04:48 PM

خلاص عرفنا ان معك فلكس واجن ياهووووه من قدك
(aqwa)
هي فعلا ماركة سيارتي

نازف ألم

13-07-05, 04:52 PM

هي فعلا ماركة سيارتي
طيب مبروك بشري امك

(oo)

شبيـه الريـح

13-07-05, 04:56 PM

8
8
ليش حاط دوبك بدوب هالمسيكينه :(

الدب المهندس المرح تصرف معاه ..؟؟

نازف ألم

13-07-05, 04:58 PM

8
8
ليش حاط دوبك بدوب هالمسيكينه :(

الدب المهندس المرح تصرف معاه ..؟؟
اي مسكينه مصدق هذي تخرب بلد محترفه بالاجرام

شبيـه الريـح

13-07-05, 05:03 PM

8
8
8

ول بل ول دامها كذا أجل عليك بها ماأوصيك ...

مشتاق

13-07-05, 05:13 PM

المهندس / الدب المرح ..

وظائف حلوة في الحقيقة ,, مع إنه ماتليق بمستوى ( حضرة معاليي ) لكن مو مشكلة العوض ولا القطيعة ..

وعلى ملا قال المثل : ( تعبّر بأم شوشه لما تجي المنقوشة ) ..

وعقبال ما أصير مدير المكتب الخاص للدب المرح ..

بنت اهلي

13-07-05, 05:14 PM

طـــــــاط طــــــــــاط

المرح والله انك خطيـــــــر

ماهان عليك نهيت بهالاسواق

المهــمـ انا احس اني اصلــــــــح لــ

التبطــح تحــت الرشاشـــات :D

وشكـــراً

ت.ح.ي.ت.ي

الرمادي

13-07-05, 05:22 PM

الله يفشلك...اخر عمرنا نشتغل في مزارع
بس دامنك ملزم...
مقدر اكسر بخاطرك...

انا ابغى اشتغل مديرة العلاقات العامة>>>تحب الرزة
بس كم بتعطوني راتب...وفيه بدلات ...وحوافز..>>>انقلبت مصريه
علمني قبل لا اتوهق..ويطلع ماوراكم الا الفقر ..

الشغل ماهو عيب ولا يفشل
بعدين وظيفتك طال عمرك بعد ماتجمع أمينة واحزان البيض
يجي دورك علشان تبيعي البيض في سوق الحمام ترى البض البلدي مطلوب
ولك عموله خاصه على كل طبق بيض
والله تستاهلين

الرمادي

13-07-05, 05:26 PM

لو غير الجنسية السعودية مقبول في الوظيفة

ابغى اصير مديرة الشؤون القانونية ولن ارضى عن هالمنصب بديل

والمرتب لازم يكون بالدولار المغربي

القانون مطلوب في جمع البيض
وشعلتك مع جمع البيض محاكمه اي شخص يسرق من البيض
انا سمعت ان مستغرب يحب يشرب البيض البلدي على الريق حطو عينكم عليه

الرمادي

13-07-05, 05:29 PM

انا امنيتي اخرف التمر من نخله طويللللللللله ودي بشداد على فوق بس مايبط عيني الخوص
ودي بواحد راعي فلاحه تراها ياجماعه ماتفرق عن رياضة تسلق الجبال ياويل تسبدك ,,

اجل نبي ننقل عملك لمزرعتنا في حويلان فيها نخل طوال على كيف كيفك
وعلى فكرة شغلتك هذي عليها صنف بدل خطر
نازف اربط ثوبك وخذ الكر معك لحويلان

الرمادي

13-07-05, 05:33 PM

هلا والله بأخونــا المرح تصدق أنك فكيت زنقتي << على قولة المصاروة .......،،

محجوز : انا بحلب البقـر

بس ياخوي ماقلت كم الراتب ؟؟؟؟؟؟ وكيف طبيعه العمل وساعاتـه .. وهل فيه مجال نبيع الحليب على الاعضاء هنيـه ؟؟

بالنسبه للمرتبات ممتازه افضل من مرتبات الحكومه الايام هذي
والعمل على فترتين من الصباح الباكر حتى المساء فيه راحه وقت القيلوله
واذا تبي تحلبين البقر حاولي تقنعي بنت اهلى تجمع البيض بدالك
اهم شيئ عندي راحه الموظف

الرمادي

13-07-05, 05:36 PM

أنا اقترح
ان المتحد تعطوه مهمة يشوي درة
وناوي شر يسقي البقر
ونازف الم يوكل الحمار اعزكم الله
والعتيبي يحفر الابار
ومستغرب يجمع الحصى
والمهندس المعماري يبني الحوش للبقر
وياسر يجمع الشوك من الارض

الاقتراحات مرفوضه
عندي مركزيه في الادارة
لكن مايمنع نفكر فيها

الرمادي

13-07-05, 05:39 PM

عاوزة ترشحون واحد من التماسيح يغسل سيارتي

مو أنا المديرة القانونية للمزرعة

ماعندك الا سيارة البيض اجمعي فيها علشان شفايف ماتتأخر على سوق الحمام
القانون في المزرعه عندي انا بس خلي شهادة القانون تنفعك

الرمادي

13-07-05, 05:42 PM

خلاص مستغنية عن العمل معكم
ان كنت راح اخد عقد عمل للخليج احلب بقر احسن لي اجلس هنا واحلب بقرنا

بس بقرنا احسن من بقركم
بعدين تجديد في حلب البقر احد لاقي شغل الايام
الا كيف اشكال البقر في المغرب زي اللي عندنا

ابو خالد

13-07-05, 06:13 PM

احجزلي ابي اشتغل مقطف تمر الله يعافيك

زهـــ(الجوري)ـــرة

13-07-05, 06:49 PM

قال مزرعه قال....

آآآآخ شوقتن لمزرعة عمتي ببريده...

بس ماهنا مانع...نشتغل...

ابي اشتغل...سواقه لك...

طاريلي اسوق قلابي...>>>خبرك سيارتك قلابي...لان السيت مايكفيك..

ولامننا وصلنا لمكتبك الموقر...

اشغل اللي يقلب...

وادربيك الاك قاعدن ورا مكتبك...

خلاص موافق...

ابو شدق

13-07-05, 07:05 PM

ياحبيبي

يالمرح

ابي وظيفة حصد الزقت

تراه لي محجوزه

هاه وش قلت حبيب البي

الرمادي

13-07-05, 07:19 PM

8
8
ليش حاط دوبك بدوب هالمسيكينه :(

الدب المهندس المرح تصرف معاه ..؟؟

شبيه الريح
تم التصرف مع نازف وخصم يومين من راتبه
علشان مايشغل العالم ويخليهم يشتغلون ويحللون رواتبهم
نازف اذا تكرر منك اشغال الموظفين سوف اضطر الى معاقبتك
بتنظيف بركه المزرعه

الرمادي

13-07-05, 07:22 PM

المهندس / الدب المرح ..

وظائف حلوة في الحقيقة ,, مع إنه ماتليق بمستوى ( حضرة معاليي ) لكن مو مشكلة العوض ولا القطيعة ..

وعلى ملا قال المثل : ( تعبّر بأم شوشه لما تجي المنقوشة ) ..

وعقبال ما أصير مدير المكتب الخاص للدب المرح ..

معاليك نبيك تعزق الارض وتنظف احواض النخل من الثيل
بس انتبه تأخذ شمراخ ترى شبيه الريح جاردهن

الرمادي

13-07-05, 07:24 PM

طـــــــاط طــــــــــاط

المرح والله انك خطيـــــــر

ماهان عليك نهيت بهالاسواق

المهــمـ انا احس اني اصلــــــــح لــ

التبطــح تحــت الرشاشـــات :D

وشكـــراً

ت.ح.ي.ت.ي

افضل عمل لك حلب البقر اذا تبي غيرها
نشوف لك حصد الكراث اهم شيئ عندي
الموظف يرتاح في مجال عمله

الرمادي

13-07-05, 07:27 PM

احجزلي ابي اشتغل مقطف تمر الله يعافيك

وظيفتك على المرتبه 39
اذا تبي ترقيه خليها ضميد تمر

الرمادي

13-07-05, 07:31 PM

قال مزرعه قال....
آآآآخ شوقتن لمزرعة عمتي ببريده...
بس ماهنا مانع...نشتغل...
ابي اشتغل...سواقه لك...
طاريلي اسوق قلابي...>>>خبرك سيارتك قلابي...لان السيت مايكفيك..
ولامننا وصلنا لمكتبك الموقر...
اشغل اللي يقلب...
وادربيك الاك قاعدن ورا مكتبك...
خلاص موافق...

الوظيفه على بند الاجور اذا تبين الترسيم فيه سواقه دينا
علشان تودي البقر للزراعه وتتمشين فيهن كنوع من تغيير الجو
ولا فيه مشكله اذا مصره على القلابي
بس بشويش على اخوك ترى جدار المكتب تم اعادة بناءه مرتين

الرمادي

13-07-05, 07:34 PM

ياحبيبي

يالمرح

ابي وظيفة حصد الزقت

تراه لي محجوزه

هاه وش قلت حبيب البي

هلا ابو شدق
انا قلت الوظيفه تصلح لك لا من اليوم قدم اوراقك
وكل حوض لك عليه عموله والحصد يدوي يعني بمخلب

شيخة الكعبي

13-07-05, 07:39 PM

المرح / يصير اشتغل شغلتين ؟؟ ابا احلب البقر واجمع البيض ترا نظري 6/6 اطمن ...

<< أخ يالدح

وأهم شي خدمة البلد والمزارع

والرواتب موب مستعيلين عليها << تخرط

الرمادي

13-07-05, 08:02 PM

المرح / يصير اشتغل شغلتين ؟؟ ابا احلب البقر واجمع البيض ترا نظري 6/6 اطمن ...

<< أخ يالدح

وأهم شي خدمة البلد والمزارع

والرواتب موب مستعيلين عليها << تخرط

لا اختي احزان انتِ اختاري الشغله المناسبه حنا كم عندنا من احزان
بس لاتتركي حلب البقر لين تشوفي بديل
والراتب اللي تبين قبل توقيع العقد حطي المميزات اللي تبين
وتذكره ذهاب للامارات على حساب المزرعه
وش تبين بعد

عبْث

13-07-05, 08:02 PM

مهنسوووووون

تعرف شغلتي محدش يئرررررررررررررررب ليها

زهـــ(الجوري)ـــرة

13-07-05, 08:04 PM

خـــــــــــــــلاص...

مـــــــــــوافقــــــــــه على القـــــــــــــلابي...

من ناحيه الجدار لاتاكل هم...

ادربيك على بعد عشره كيلو...

الرمادي

13-07-05, 08:18 PM

مهنسوووووون

تعرف شغلتي محدش يئرررررررررررررررب ليها

ابشر يالراسي
وظيفتك ماحد تقدم لها الى الحين وانا حاط شروط تعجيزيه
اهم شرط خبره ثلاثين سنه والعمر مايتجاوز عشرين
لا تخاف بس متى تباشر طال عمرك

الرمادي

13-07-05, 08:21 PM

خـــــــــــــــلاص...
مـــــــــــوافقــــــــــه على القـــــــــــــلابي..
من ناحيه الجدار لاتاكل هم.
ادربيك على بعد عشره كيلو...

خلاص وانا موافق
بس عشره كيلو مسافه طويله
لازم تجيبي معك سيكل ياسر
علشان ماني فاضي ادقها مشي

بنت اهلي

13-07-05, 08:29 PM

افضل عمل لك حلب البقر اذا تبي غيرها
نشوف لك حصد الكراث اهم شيئ عندي
الموظف يرتاح في مجال عمله

يعنـي لازم ادخل ابوي بكل شي

يالله ميخالف ابنظف رشاشات المويه

بس ماتبعدووونن عنهن :(

الرمادي

13-07-05, 11:14 PM

يعنـي لازم ادخل ابوي بكل شي

يالله ميخالف ابنظف رشاشات المويه

بس ماتبعدووونن عنهن :(

خلاص ماعندي مانع اشغلتينا عند الرشاشات
بس بشرط تثبتون لي موضوع في الايام الجايه

بنت اهلي

14-07-05, 02:07 AM

8

8

ههههههههههههههههههه

اوكي ولا يهــــــــــمــــــــك

الرمادي

14-07-05, 05:46 AM

8

8

ههههههههههههههههههه

اوكي ولا يهــــــــــمــــــــك

خلاص اعتمدي الوظيفه ماهي تنظيف رشاشات
الا مديره الرش ونبي نعطيك سياره حوض
وفيها مكينه رش النامس و الباعوض
واختاري الحي ولو تستاهلين
لاتنسين الوظيفه حكوميه
والله الواسطه قويه بعد تثبيت الموضوع

المُهرة

14-07-05, 06:09 AM

المــــرح (q61)

بقدم طلب وظيفة عندكـ (e)

مووووووومكن (wtg) <<< ابوكـ يا الأدب :p

خلوني اخرف النخل واشوتسهن بعد (aqwa)

تراني فنانة في هالشي (a)

دايم متعلقتن في نخيلات اهلي اخرفهن :o

الرمادي

14-07-05, 06:22 AM

8
8
8

المزرعة وضعت للجميع كلكم مقبولين ولا احد يخاف على مستقبله الزراعي
انا موافق يالمهرة على خرف النخل لكن اشوفك في موقع ثاني افضل
انتِ تصلحين تروسين ودربين راسك عند السواقي وتعدلين الماء على الاحواض
معك مسحا وراقبي اللي يحصدون عارفه انتِ مشرفه ولك تقدير وبحكم الخبره بالمراقبه

الــنــوخــذة

14-07-05, 06:24 AM

ههههههههههههههههههههههههههههههههههه سجلني معكم حلاب بقر وغنم لانه ياكثرهم بالمزرعة يبون يصيرون خخخخخخخخخخخخخخخخخخخخخخ بس ترى اكتشفت بقر تبغى تهرب وصورتها لك لا ومن زين الطبع شف وشلون تبي تنحاش

http://www.w6w.net/album/16/w6w_w6w_2005042800142936fa77d8a.jpg

المتحد

14-07-05, 06:24 AM

المرح مزرعتكم بحويلان
ياخي أعزمنا وأعتبرني أوفر تايم اللي تبي
بس أسدح لنا كم جوز حمام وأبشر بسعدك

أمينه
أشوي دره وأقزقز لب بمزرعة المرح
ياعلي نثريه كبسه تاكلون أصابعكم وراها
.

ناوي ابعاد

14-07-05, 06:28 AM

المرح
ان كان لي خاطر عندك
ابي المهره وبنت اهلي بحوض البصل يقطعن
وشذى القصيم الريس عليهن <<< لا تنسى تحط لها شماسه

وامينة مدري من اللي لاعب عليها وقايل انك مغربية

المُهرة

14-07-05, 06:29 AM

8
8
8

المزرعة وضعت للجميع كلكم مقبولين ولا احد يخاف على مستقبله الزراعي
انا موافق يالمهرة على خرف النخل لكن اشوفك في موقع ثاني افضل
انتِ تصلحين تروسين ودربين راسك عند السواقي وتعدلين الماء على الاحواض
معك مسحا وراقبي اللي يحصدون عارفه انتِ مشرفه ولك تقدير وبحكم الخبره بالمراقبه
^
^

والله ودي ادربي في السواقي روس بعض الناس اللي غاسلين وجيههم بمرق (ekaj)

المتحد

14-07-05, 06:31 AM

وامينة مدري من اللي لاعب عليها وقايل انك مغربية
أها
أنا أخبرك ماتمشي ألا على ورق ومستندات
يعني تقوله صادق وش تتوقع تصير
.

المُهرة

14-07-05, 06:32 AM

المرح
ان كان لي خاطر عندك
ابي المهره وبنت اهلي بحوض البصل يقطعن
وشذى القصيم الريس عليهن <<< لا تنسى تحط لها شماسه

وامينة مدري من اللي لاعب عليها وقايل انك مغربية
^
^
موافقه بس بشرط (e)

لا دمعت عيوني و سرب خشمي ودليت انشق ترا بمشهن في شماغكـ (hjh)

ناوي ابعاد

14-07-05, 06:37 AM

أها
أنا أخبرك ماتمشي ألا على ورق ومستندات
يعني تقوله صادق وش تتوقع تصير
.
ما حط بذمتي شيء
ولا تكلمت باليوزرات
وكلك نظر

ناوي ابعاد

14-07-05, 06:38 AM

^
^
موافقه بس بشرط (e)

لا دمعت عيوني و سرب خشمي ودليت انشق ترا بمشهن في شماغكـ (hjh)

يا عالم
مو المفروض اسمها الدحمي

المتحد

14-07-05, 06:38 AM

أنـــا ماني مثل غيري
................... أجي مع دقة الأصبع

أنـــا مُهرة بلا فارس
.................. عجز منهو يروضها
^
^
(qq4)

الرمادي

14-07-05, 06:42 AM

المرح مزرعتكم بحويلان
ياخي أعزمنا وأعتبرني أوفر تايم اللي تبي
بس أسدح لنا كم جوز حمام وأبشر بسعدك

أمينه
أشوي دره وأقزقز لب بمزرعة المرح
ياعلي نثريه كبسه تاكلون أصابعكم وراها
.

ترى محتاجين واحد ينتف الحمام وش رأيك

الرمادي

14-07-05, 06:44 AM

ههههههههههههههههههههههههههههههههههه سجلني معكم حلاب بقر وغنم لانه ياكثرهم بالمزرعة يبون يصيرون خخخخخخخخخخخخخخخخخخخخخخ بس ترى اكتشفت بقر تبغى تهرب وصورتها لك لا ومن زين الطبع شف وشلون تبي تنحاش

http://www.w6w.net/album/16/w6w_w6w_2005042800142936fa77d8a.jpg

خلاص مقبول
وشوف مين اللي تحلب البقرة وعطها انذار شديد اللهجه على هذا التسيب والاهمال
بعدين هذا سيكل ياسر الله يعين عليه

المتحد

14-07-05, 06:45 AM

ترى محتاجين واحد ينتف الحمام وش رأيك
هذي لعبة ناوي ينتف الشكه
مادام فيه حمام ننتف أن بغيت الغنم قل تم << حدحده
.

الرمادي

14-07-05, 06:46 AM

المرح
ان كان لي خاطر عندك
ابي المهره وبنت اهلي بحوض البصل يقطعن
وشذى القصيم الريس عليهن <<< لا تنسى تحط لها شماسه

وامينة مدري من اللي لاعب عليها وقايل انك مغربية

العمل على حاجه الموقع
يعني اليوم بحوض البصل باكر راقيات النخل
اهم شيئ العمل مايتوقف
لكن ماقلت ياناوي وش تبي تشتغل

الرمادي

14-07-05, 06:47 AM

هذي لعبة ناوي ينتف الشكه
مادام فيه حمام ننتف أن بغيت الغنم قل تم << حدحده
.

انا ولد ابوي الا تم ونص
يفداك الشبك والعامل بعد

ناوي ابعاد

14-07-05, 06:48 AM

لكن ماقلت ياناوي وش تبي تشتغل

ابشتغل شمعه بقلبك
<<< ابووك يالزحف

المُهرة

14-07-05, 06:49 AM

^
^
(qq4)

(q66)

7
7
7

http://www.city-love.com/up/pic/image.gif

http://3ssom.com/uploader/uploads1/almotahed4.gif

الرمادي

14-07-05, 06:50 AM

^
^

والله ودي ادربي في السواقي روس بعض الناس اللي غاسلين وجيههم بمرق (ekaj)

:p:p:p

الرمادي

14-07-05, 06:52 AM

ابشتغل شمعه بقلبك
<<< ابووك يالزحف

(qq26)

الرمادي

14-07-05, 06:55 AM

يا عالم
مو المفروض اسمها الدحمي

مبسوط انك تعرف اسمي لا تفضحني >> خلك حليل

المُهرة

14-07-05, 07:01 AM

يا عالم
مو المفروض اسمها الدحمي
لا الدحمي اسم رومانسي (q58)

وش رايكـ بأسم فدغوش :o

احس انه ينطبق علي مرررررررهـ (qq168)

<<<< ميته من الضحكـ (q69)

الجلكسي

14-07-05, 09:08 AM

ماشاء الله تبارك الله
عيني عليكم بارده
والله الاعمال تدهر بالمزرعه
اخوي الدب
(a99)
والعمال ماشالله يتنافسون
على مراقى النخيل والخراف

انا بشوف ان استمر هالنشاط
بدخل معك شريك ..
علي انا مصنع التمور
وعليك انت عاد التمور

تسنييييز بالدريم ويب
برحي بالشوكولاه
حنيني جالكسي
معمول سكري
ديت كولا
مكسرات حتات
والافكار بعد تدهر ...
نبي نستثمر الجثث
ونسوي منهن قوارب ..

لجنة التطوير الاقتصادي .. القصيم

الرمادي

14-07-05, 09:16 AM

مكسرات حتات

اضحكتيني حتى بدت نواضحي الشينه
من وين جبتيها والله لم اسمعها منذو مبطي
لكن مادم كل الخبره مانستغني عنك يد عامله
شوفي كان تبين الجثايث تشلقين منهن الجمار
القصيم .. ارض الخير العميم

الجلكسي

14-07-05, 09:29 AM

والصنوخ والكوافير والعذوق
والقنيان والشماريخ والليف
والعسيب والسعف والعبس والقموعه
والكرب والجذامير
وحتى النقاده لاتجدعونه ترى مهنا بألذ منه !!
كله بركه النخله الله يخليه لنا
بس عسى عدلتوهن زين هالسنه !!

7
7
7
7

امينه .. يمكنك الاستعانه بصديق

الرمادي

14-07-05, 09:50 AM

والصنوخ والكوافير والعذوق
والقنيان والشماريخ والليف
والعسيب والسعف والعبس والقموعه
والكرب والجذامير
وحتى النقاده لاتجدعونه ترى مهنا بألذ منه !!
كله بركه النخله الله يخليه لنا
بس عسى عدلتوهن زين هالسنه !!

7
7
7
7

امينه .. يمكنك الاستعانه بصديق

الا انا الي ابستعين بصديق والله شكلك من الجاده يالجلكسي
خلاص نشوف لك مشرفه على المزارعين مدام الخبرات مشاء الله عليك
الجلكسي ... وتراث القصيم القديم >> الا فيه تراث جديد

ابو شدق

14-07-05, 11:29 AM

هلا ابو شدق
انا قلت الوظيفه تصلح لك لا من اليوم قدم اوراقك
وكل حوض لك عليه عموله والحصد يدوي يعني بمخلب

بس بشرط ابجيب مخلبي معي

حاكم ان المحالب الي بالسوق مهب زينه

وشوفك عيشه حبيب البي

لكن صدز المزرعه بحويلان والله من البراد

ذبحنا الحر بالضاح

متى اباشر العمل

وعلى فكره ترا عندي خبره بتطليع الغطاسات ووزن الطرنمبه

وتغير زيت المكينه

ووزن الرشاش

المفروص اصير مستشارك الخاص

ولا

الرمادي

14-07-05, 12:00 PM

بس بشرط ابجيب مخلبي معي

حاكم ان المحالب الي بالسوق مهب زينه

وشوفك عيشه حبيب البي

لكن صدز المزرعه بحويلان والله من البراد

ذبحنا الحر بالضاح

متى اباشر العمل

وعلى فكره ترا عندي خبره بتطليع الغطاسات ووزن الطرنمبه

وتغير زيت المكينه

ووزن الرشاش

المفروص اصير مستشارك الخاص

ولا

حبيبي ابوشدق
وين الضاحي والله من الحر ازين مابهم يحبون التعاون
لكن انت مستشار خاص ووكيل بعد انا ابسلمك المزرعه
وبروح للضيعه اللي في القصيعه جوله تفقديه
همن ابروح للهديه لخط اللبيب تشييك همن ابطلع للدبتس
حط بالك على المزرعه وانتبه ترى به ناس تسرق الجح

بنت اهلي

14-07-05, 09:48 PM

العمل على حاجه الموقع
يعني اليوم بحوض البصل باكر راقيات النخل
اهم شيئ العمل مايتوقف
لكن ماقلت ياناوي وش تبي تشتغل

هــــــي انــــــــت وايــــــاه :

انا اتركووون بحالي .. اخترت شغلي وقضي

الامر الذي فيه تستفتيان:o

علــــــــمـ ؟؟

بنت اهلي

14-07-05, 09:52 PM

خلاص اعتمدي الوظيفه ماهي تنظيف رشاشات
الا مديره الرش ونبي نعطيك سياره حوض
وفيها مكينه رش النامس و الباعوض
واختاري الحي ولو تستاهلين
لاتنسين الوظيفه حكوميه
والله الواسطه قويه بعد تثبيت الموضوع

(e)

(e)

(e)

ام أيمن

15-07-05, 01:10 AM

8
8
ليش حاط دوبك بدوب هالمسيكينه :(

الدب المهندس المرح تصرف معاه ..؟؟
شكرا للدفاع

ام أيمن

15-07-05, 01:13 AM

اي مسكينه مصدق هذي تخرب بلد محترفه بالاجرام
أكيد راح ارتكب فيك جريمة

ام أيمن

15-07-05, 01:14 AM

8
8
8

ول بل ول دامها كذا أجل عليك بها ماأوصيك ...
عليه العوض ومنه العوض فيك

ام أيمن

15-07-05, 01:15 AM

القانون مطلوب في جمع البيض
وشعلتك مع جمع البيض محاكمه اي شخص يسرق من البيض
انا سمعت ان مستغرب يحب يشرب البيض البلدي على الريق حطو عينكم عليه
أرفض الوظيفة

ابو شدق

15-07-05, 03:51 AM

حبيبي ابوشدق
وين الضاحي والله من الحر ازين مابهم يحبون التعاون
لكن انت مستشار خاص ووكيل بعد انا ابسلمك المزرعه
وبروح للضيعه اللي في القصيعه جوله تفقديه
همن ابروح للهديه لخط اللبيب تشييك همن ابطلع للدبتس
حط بالك على المزرعه وانتبه ترى به ناس تسرق الجح

وكل ربك

الظاهر ان الضاحي ماراح يحبون التعون كثر حقين الساده

التعاون ياحبيلهم منول بس الحين خليت الكوره

وشف انتبه لارحت للدبتس

تراه خطر ولا به مزارع كثار

تحيتي حبيب البي

عبْث

15-07-05, 05:34 AM

وينه مالقيته

المهندس

16-07-05, 08:33 AM

امممممممممممممم انا ودي بس اجيب براااااااد شاي النعناع واجلس اتقهوى العصريه على حوض البرسيم

ممكن اربي عندكم ارانب بريه ههههههههههههه ياحبي لتقليعاتك الفانتاستكيه يالمرح

عاشق الغيد

16-07-05, 02:32 PM

يا المرح يامدير العزبه قصدي المزرعة

ابي اصير حول البركه او حول الرشاش اذا امكن

وترى تعرف يعني اذا ما فزعتلي انت من يفزع>> متعود على تدوير الواسطات

ياسـر

16-07-05, 02:50 PM

خلاص ياسر
المزرعه بحاجه يعني مقبول على طول شف جميع المواد المطلوبه علشان نجيبها
ولو تبي نسوي لك معمل خلف حضيره الدجاج جاهزين لاتقول لي بعدين ابصير دكتور بيطري تراها محجوزه للشنفرة
هو عندنا كم ياسر

تمام عليك......

واهم شي حظيرة الدجاج........................

وجي اكشف عليهم اذا جتهم انفلونزا الدجاج ...... نفسي اشوفهم يعاطسون ....... و........ والا بلاش ....

ام أيمن

16-07-05, 03:49 PM

أمينه
أشوي دره وأقزقز لب بمزرعة المرح
ياعلي نثريه كبسه تاكلون أصابعكم وراها
.
خلاص اشوي درة على الفطار

وفي العشاء كبسة من ايديك

ام أيمن

16-07-05, 03:51 PM

المرح
ان كان لي خاطر عندك
ابي المهره وبنت اهلي بحوض البصل يقطعن
وشذى القصيم الريس عليهن <<< لا تنسى تحط لها شماسه

وامينة مدري من اللي لاعب عليها وقايل انك مغربية
والله انا مغربية يا ناوي شر

وبطاقتي موجودة عند اداريين المنتدى وممكن تشوفه في طلب التسجيل بالمنتدى

ام أيمن

16-07-05, 03:56 PM

والصنوخ والكوافير والعذوق
والقنيان والشماريخ والليف
والعسيب والسعف والعبس والقموعه
والكرب والجذامير
وحتى النقاده لاتجدعونه ترى مهنا بألذ منه !!
كله بركه النخله الله يخليه لنا
بس عسى عدلتوهن زين هالسنه !!

7
7
7
7

امينه .. يمكنك الاستعانه بصديق
لا صديق ولا عدو
انا فهمت كلامك