المساعد الشخصي الرقمي

مشاهدة النسخة كاملة : أمثال وحكم الشيبان المتناقضة والجميلة أيضا


مطلق البراك
15-03-11, 12:51 AM
(vv)
السلام عليكم ورحمة الله وبركاته


في البداية لا أحد يجي ويقول الشيبان فيهم الخير والبركة ادري فيهم الخير والبركة بس نبي نهستر شوي (vv)

سوف اتكلم بهذا الموضوع عن بعض أمثال ونصائح الشيبان وسوالفهم المتناقضة المتكررة وكذلك السوالف البايخة حقتهم وهياطهم ونظرياتهم المتناقضة ,,,(vv)
الناس في وقتهم تصنع صواريخ وهم واحد يذبح الثاني عشان قهوة ههههه

نبدأ اولا

مسامير الركب :

بعض الشيبان يقول ان مسامير الركب هو التمر وبعضهم يقول انه الجريش وبعضهم يقول اللبن وبعضهم يقول الخبز وبعضهم يقول المرقوق (vv) وهكذا القائمة تطول وكل واحد يخترع من عنده ههههههه



الوسم :

بعضهم يقول بالتاريخ الفلاني يدخل الوسم ووالبعض الآخر يقول لا بالتاريخ الفلاني المشكلة ان لو بينهم يوم او يومين تقول نمشيها لكن الفارق بالأسابيع احيانا تاصل السالفة للأرقاب عشان الوسم هههههههه



المطر :

ااااه يالمطر

كل سنة نسمع العبارة الشهيرة اذا جاء مطر كثيف نسمع بعض الشيبان يقولون ما عمرنا مطرنا مثل هالمطر من 20 سنة المشكلة معلقين على عشرين سنة مدري ليش ...وكل سنة نسمع العبارة تتكرر معلقين عليها




عبارة يوم حنا كبركم :

ياكثر ما سمعناها ...يوم حنا كبركم ما ننام ويوم حنا كبركم كنا نشيطين وفعلنا وتركنا ,,,وهم خراطين اصلا هههههه ماعندهم إلا الهواش والسرقات وناس تسرق ناس هههههه


القصيد:

اذا قلت لبعض الشيبان اقصد تروح كل القصيدة كلها مدري شلون ومدري شلون انتهت القصيدة وصح لسانك




الدخان مايتبع إلآ المزيون :

هذا المثل أثبت العالم بأسرة أنه مثل فاشل 100 % أذكر واحد من الربع وجهه تقل كربة نخلة دايم الدخان يروح اتجاهه ههههه


للأمانة وإبراء للذمة سوف نذكر الأمثلة الجميلة

المثل الشهير :

مايفل الحديد إلا الحديد

(هرج في الماضي نقصان بالعقل

(أحذر عدوك مره وأحذرصاحبك مليون مره.....

إتق شـر من أحسنت إليه .



هناك العديد من الأمثال سوف اتطرق لها إذا تذكرتها .....

(vv)(vv)(vv)(vv)

مطلق البراك
22-03-11, 03:08 PM
ليش ماتردون وينكم 45 مشاهدلا ولا رد الظاهر انكم شيبان بعد ههه

الأميرة بدور
22-03-11, 06:54 PM
أخي العزيز ذكرتني بمادة النصوص 1م فيه درس يتضمن بعض الامثال العربية
وكنت أربطها بأمثال شعبية قديمة حتى يسهل فهمها
.................................................. .............................
كلمات رائعه جداً وبسيطة وفيها نوع من الشفافية
كم أشتقنا لهذة العبارات الجميلة
مشاركة رائهة مسطرة بماء الذهب
تقبل مروري

مطلق البراك
23-03-11, 01:15 AM
حياك الله