أريد جاكوزي للبيع

[اخت إبليــــــس]

السلام عليكم ورحمة الله وبركاته
انا مرتن اقبع في بريدة وابي لي جاكوزي امحض بوه جسدي المصنق واهم شي يكون السعر مناسب ومعقول ومايهمن مستعمل او جديد بس اذا كان الجديد قريب للمستعمل لا والله احبذ الجديد اما اذا اهنا فرق شاسع مايهمن المستعمل ننقعه بالشمس ونخليه جديد
الهرجه الي عنده استعداد يبيع لي او يعرف محلات ببريدة تبيع يخبرن بالمزيد
ولكم جزيل الشكر والعرفان:tha584:

[واحد من البشر !!]

لو عندي مابعتك مانبيع على الشياطين , وش هالأسم سبحان الله!!!!!!!!!!!!

[اخت إبليــــــس]

واحد من البشر خل لئامتك على جنب وانفهدز لاتقطع رزقي

[واحد من البشر !!]

واحد من البشر خل لئامتك على جنب وانفهدز لاتقطع رزقي


بالله من يقدر يترجمل لنا هذه الكلمات الشيطانيه ؟؟

اللهم إني اعوذ بك من إبليس واعوانه .

[اخت إبليــــــس]

هاه ياقماعتا الخير مامن قواب؟ اليش مامن قواب ماعندكم؟ اليش فاتحين منتدى خاص بالطلبات وبالاخير ماعندكم قواب؟ اليش اليش اليش؟

[الماء النقي]

اذا لقيتي علمين

بس عاد انا مانيب مصنق زيك

[البرفسر]

مادام انتم يالحريم مصنقات اجل الرجال وش يصيرون .....


ههههههههههه

[اخت إبليــــــس]

اذا لقيتي علمين

بس عاد انا مانيب مصنق زيك

لو منتب مصنق تسان ماقلت ابيه خل عنك الهلس ولاتميلح عند البنات اعترف انك طمل

[اخت إبليــــــس]

مادام انتم يالحريم مصنقات اجل الرجال وش يصيرون .....


ههههههههههه

الا انتم يالرجاجيل اعنبو حييييكم لو انا رجل تسان ماطلبت ابد شي ينظف جسمي بالدار اروح لحقين البخار الشاميين والمغربيين يفركون جسمك كلوه ويخلونك تبلص ب50 اريال بس،، وحنا ياحسره بس يدخلونتس بذاك الجخر الي يسمونه حمام بخار ويطلعونتس بدون فرك وتنكس عليتس وصاختس كما انتي عليه وتدفعين اقل شي 600 اريال شوفو الفرق بيننا ابعذرنا اذا صرنا طملات ومصنقات خلونا نتفرك بدارنا ازين لنا

[الماء النقي]

مانيب اتميلح ولا شي
ابيه زود نظافه

بعدين تراي خابرلك ليفت حديد يمدحونه(q81)(q62)

[سيف12]

اخى اتحصل طلبك بالحراج تجد كل شى وبعضة استعمال خفيف

[اخت إبليــــــس]

اخى اتحصل طلبك بالحراج تجد كل شى وبعضة استعمال خفيف

أخي<<<ترا الحرف الأخير ياء ايها المصري مهب الف مقصورة، لانه مافيه احد مايعرف يميز بين الياء والألف المقصورة الا المصريين مدري ليش؟
المهم معلومتك عن الحراج دسها بمخباتك، انا بنت مقدر اروح للحراج ولاعندي احد يشريلي غير هالمعلومة؟

[اخت إبليــــــس]

طيب ابتنازل شوي ابي مغطس
ملزمة