المساعد الشخصي الرقمي

مشاهدة النسخة كاملة : المارينــــــــــــــــــا مول .. فـي الكويت


الله عليها عودت
29-06-05, 06:45 PM
هالموضوع بناء على طلب اخوي سعد العتيبـــي

وللأمانه اهو منقول من ايميلــــي بس محتفظه فيه للآن

حياكم جميعا ونبـــدأ رحلتنــــــا للمارينا موووووول


مجمع المارينا مول والمارينا كرسنت ... طبعا يحتوي المجمع على عدة محلات ... منها نيكست.. بودي شوب .. ومحل مال ديكور ومادري شنو ... وفافافوم هذا مال ميك اب وعطورات ... فيرجن وغيس وفرينش كوليكشن ومحل كله يبيع شغلات ورديه مصففهم بالفاترينا... بدال مايسحب البنات ساحب الشباب الله يغربل بليسه ومخليهم بس يتنحون جدام هالمحل وفي بعد محلات احذيه مااذكر منها ولااسم ولاأحد يسألني عن الاسامي لأني ادخل المحل من غير ماعرف اسمه زين مني عرفت اسامي اللي قبله .. ويحتوي المجمع على مطاعم حق البلعه بالدور الثاني ... ويحتوي على دور سينما بعد ... ويحتوي ايضا هالمجمع على عدة كافيهات وهذا المفروض اللي يسمونه جذي مجمع الكافيهات .. ووتر ليمون ستاربكس اللي تلاقيه بكل داعوس بل عليه ولونوتر وريشو الخ الخ ... المهم نظام المجمع دائري يعني اللي بيتسوق يدش من مكان على ماتطق فره والا واصل حق نفس المكان اللي دشيت منه سبحان الله شلون ماتدري ياربي شفتوا شلون؟؟



http://www.hamaden73.com/comp29.JPG
هذا منظر خارجي للمارينا مول ... والفتحات اللي تحت هذي مواقف المجمع ...

http://www.hamaden73.com/comp28.JPG

وهذا الصوب الثاني للمجمع من بره ... ويظهر من الخارج فيرجن ... طبعا دايما تلاقون زحمه عند المدخل الرئيسي للمجمع بتعرفون ليش ؟؟ لأنه اكو ناس وايد اتحب المظاهر ويوقفون جدام المجمع عشان والله السواقين ملوت المجمع ياخذون السياره ويصفطونها .. حتى لو المجمع فاضي تخيلواهم يوقفون جدّام الباب حق الترزز ... ومن هالنوعيات شبابنا الله يهديهم اللي حاط بغترته طن نشا ماتتحرك من على راسه ... خو البنات معذورين كيفهم عاد يمكن مالها خلق او شي مني مناك او لعدة اسباب لايجب على الواحد ذكرها بس انت ريال شكبرك اشعرضك عيزان تمشي بالمواقف اللي تحت؟؟ لاوبالاخير لما يخلص فرارته قعد على الغنفات اللي عند الباب ناطر السياره .. اي من عذر اريولك ماارتاحت من الفراره داخل المجمع يارايح فوق الجسر وماشي لي المارينا كرسنت وانت اللي راد واذا رد كملها فراره داخل المجمع .. انزين تكفى اشتر شي عن الحلال والحرام .. انزين مانبي منك شي وجبه بيج ماك وانت اللي راكب سيارتك
المهم تعالوا ندش داخل المجمع ونشوف شكو ماكووو
هذي انا سميتها ساحة الصفاة اللي بالوسط ... اللي تبي تتهزأ اتمر بساحة الصفاة هذي اللي بالوسط وشوفوا شلون تتمصخر ... اتلاقي الناس الفاضيه اللي ماعندها شغل بس قاعدين في هالكافيهات يخزخزون فيها والله تتقطع البنت من كثر الخز ... خو شتبون خلوا خلق الله يلبسون اللي يبون ولاتطالعون؟؟ ... بلا تخزز بخلق الله ياخي طلّه وحده وبعدين صد الا اتفصلها تفصيل ؟ ^_^

http://www.hamaden73.com/comp48.jpg

هذا منظر لساحة الصفاة من فوق ... طبعا اللي فيه خير يروح حق هالمكان في عطلة نهاية الاسبوع والله مالكم مكان من الزحمه حشا الناس واقفه ماكو شغل ... لا وتلاقي الواحد واقف ساعه ساعتين ماعنده مشكله ابد ابد عااااااااااادي عنده كله يهون في سبيل يقعد في احد الكافيهات
http://www.hamaden73.com/comp46.jpg


طبعا هني دايم تلاقي عروض سيارات اشكال وانواع وهذا مادري شكو راز ويهه الظاهر عاجبه المكان ... للعلم فقط يحيط بهذه الساحه كافيهات من كل صوب فمن جذي قاعدين نقول انه العالم تتيمع فيها ماعندهم شغل ... انزين اكل بالعافيه واشرب اللي بتشربه وقوم شكو مرتز اربع ساعات؟؟؟ تكفى ماعندك شغل ؟ وهات يابلوتوث .. يالهوييييييييييي عاد هذا مصيبة الزمان هالبلوتوث الكل مشغلين البلوتوث وقاعدين واخرتها شنو؟؟ يعني ترى بيضبطون بعض ... ترى لو اتركزون فيهم شوي ماتلاقونهم قاعدين يسولفون ياخز في بنات خلق الله او روسهم بالموبايلات مشغلين البلوتوث وطايحين له بحث وارسال .. بحث وارسال ... طيح الله حظكم .. عاد اضحك على النكات ... اللي تلاقي نكها الحوله واللي الولهان يعني ذابحه العشق واللي كاتب ماكو حب ... يعني ترى انا اكسر الخاطر واعوير وازوير والمنكسر واللي مافيه خير الخ الخ الخ خلوها على الله بس ... للعلم فقط اعرف ناس والله مايروحون المارينا الا عشان يقعدون بالكافيهات ويشغلون بلوتوث ويتحرشون ... وتسأله تقوله ها فلان شعندك يقول ماكو والله ياي اتسوق وتعبت قلت اشرب لي قهوه .. بزززززززززز على البراد

وتلاقي عاد الناس عموما في هالمجمع بعد مايخلص من القعده بالكافيه يقوم يصعد فوق المطاعم عشان يبلع يقولك ارخص من اكل الكافيه يامال الفقر ... بس يالله عوافي على قلوبكم

http://www.hamaden73.com/comp47.jpg

من الغريب والحلو في هالمساحه سبحان الله ... انه اكو شير طالع بوسط المجمع لااله الا الله ... شفتوا شلون لي وين وصل العلم والتطور ؟؟؟ ...


طبعا قبل لانروح للطرف الاخر من المجمع هم حبيت اقول شغله عن البنات اللي مادري شفيهم هالايام ... ذابحهم الحر زياده عن اللزوم ههههههههههه جنه اول مره يحسون بالحر ماجنه الكويت متعودين عليها حروره ... يبا صح احنا قلنا لبسي اللي تلبسين بس ترى والله هم الشباب ماينلامون ... يبا تغطي شوي ... خو بعرف الزنود ليش مطلعتهم ..؟؟؟ يعني التطعيم صار حلو الحين ؟؟ الا اتورينهم التيّنه اللي بالجتف يعني ؟؟ يبا ترى ربعنا على طريف ... خو تغطي شوي بلا زنود بلا بطيخ ... اشفيها الدراعه ها ؟؟؟
طبعا انا ماقول كل البنات لأ انا اقصد قلّه قليله من البنات ... ولو انه فيهم بعضهم والله موعارفين شنو لابسين بس يالله مع الموضه وانتي اللي ماشيه
فلا تلومون الشباب لما يتنحون عليكم

يالله الحين خلونا انروح للطرف الاخر من المارينا مول نبي نصعد الجسر اللي فوق شارع الخليج ونروح صوب الكافيهات صوب المارينا كرسنت اللي صوب البحر يالله
GO GO GOoOoOoOoOo


http://www.hamaden73.com/comp51.JPG

هذا هو الجسر المعلق فوق شارع الخليج

http://www.hamaden73.com/comp50.JPG

http://www.hamaden73.com/comp49.JPG


لقطه عالماشي لشارع الخليج من فوق الجسر ... واحنا اللي رايحين صوب البحر ... عاد هني تعال شوف العجب العجاب العالم ماكو شغل ورايحين ورادين ووناسه وسوالف ورايحين ورادين وامخازز عتاويه واشويه اشويه ورايحين ورادين
وصلنا المارينا كرسنت ^_^

http://www.hamaden73.com/comp52.JPG

وصلنا للصوب الثاني من المارينا مول صوب البحر حق الكافيهات اللي هناك ... هذي طبعا لقطه للمكان ويبين فيها الكافيهات والمطاعم الموجوده ... اهوه خوش مكان وحلو وصاد عن اللويه فانصحكم فيه الصراحه

http://www.hamaden73.com/comp53.JPG

منظر عام للكافيهات والقعده الحلوه اللي اترد الروح عاد يقولكم هالايام الجو حلو ... يويل حالي ^_^ الحين خل نتكلم شوي عن هالمكان الزين فيه انه هم فيه ممشى يعني اذا ماتبي تقعد تمشى جنه مو لك وشوف الاوادم واذا تعبت اقعد في واحد من هالكافيهات والا اقولكم شي ثاني تعشوا بالمره ... بس قعدوا بره عشان الريحه لاتحمض داخل المطعم والا الكافيه عشان اتضيع السالفه بالطوشه وتستطيع وانت من مكانك ان تشاهد البحر وتشم الهواء والنسيم العليل وتشوف المراكب والطراريد واليخوت العالميه ... بس تستغرب تشوف زحمة مواقف ماتلاقي مكان تصفط سيارتك وتنزل ماتلاقي هالاوادم ... ياه وين راحوا الاوادم ؟؟


http://www.hamaden73.com/comp54.JPG
هني اعتقد كان اكو نوافير بس الظاهر والله اعلم انهم سكروهم ترشيدا لأنفاق المياه حسب كلام وزارة الكهرباء والماي ... ادري اسمها الطاقه بس جذي كيفي انا ليما الحين عايش بشغل قبل ^_^
عموما نتمنى لكم زياره ممتعه للمارينا مول والمارينا كرسنت .
والسسسسسسسسلام .

عـتـيبـية وافـتـخر
29-06-05, 11:39 PM
روووووووووووووووووووووووووووووووعة

شوووووووووقتيني حيييييييييييييييل

فعلاااااااا المريناااااا .. عجيب .. بس زحمة بشكل موطبيعي .. و الله الناس ما ينلامون .. المكان عجيب

مشكووووووورة حبيبتي

الطـرقي
30-06-05, 02:17 AM
ياماااااااااااال العافيه
يالبى الكويت واهلها جيتها مره واحــده

ولالالالالالازم زياره ابي اخذ لفه بها السووووق الرررررررئع االجميل

دمتم ودامت الكويت

تحياتي

الله عليها عودت
30-06-05, 01:35 PM
حيـــــــــــــــــــــــــــــاكم الله


:)

حسن خليل
30-06-05, 01:41 PM
مشكورة على الصور الجميلة

الله عليها عودت
30-06-05, 10:51 PM
حياك اخوي حسن

والشكر موصول لك يا الغالـي

العود الأزرق
04-07-05, 02:19 PM
دام جابر شيخها ويا سعد

ودام ابو ناصر لها ذخر وسند

افرحوووووووووا يا اهل الكويت بأرضكم


عندكم والله


جنــــــــــــه


مو بلد


يابعد عمري وقلبي يالكويت

صوووور رووووووووووووووعه تسسسسسسسسلم ايدج الله عليها عودت

الله عليها عودت
04-07-05, 09:17 PM
حيــــــــــــــــاج حبيبة قلبي

:)

سـعـد العتيبي
05-07-05, 08:12 PM
يالكويتيه مشكوره على ما قدمتيه من شرح موجز ومزود بالصور

وياسلامي عليكم يالكويتيه

لاهنت

الله عليها عودت
05-07-05, 09:50 PM
الشكــر كل الشكــر لمرورك اخوي سعد

وحياك الله

ابوفهيد
06-07-05, 01:17 PM
الله يعطيك العافيه

الله عليها عودت
08-07-05, 04:03 AM
يعافيـــــــــــــــــك اخوي بوفهيد

وهلا وغلا

خالد المطيري
10-07-05, 04:49 AM
السلام عليكم ،،

مساك الله بالخير ..


مــرحــ بنت الكويت ــبــا


ماشاء الله قمه في التصميم مجمع المارينا بس أغلط بينه وبين المهلب >>>>>>كالعادهـ مضيع(e)


مشكورهـ ويعطيك العافيه ..


دمت بود ..

الله عليها عودت
11-07-05, 02:31 AM
هههههههههههههههههههه

:p


حياك الله اخوي هجيـــــــــر الدار

salem2005
12-07-05, 12:40 AM
بنت الكويت
الله يعطيك العافيه على الصور الحلوه

هيضتينا على السفر للكويت

مرهاش
12-07-05, 07:19 AM
عندنا سوق بو ريالين أطلق منه (a24)

الأميــرة
15-07-05, 04:35 AM
مااقول الا الله يهدي شبابنا وبناتنا ..

الله عليها عودت
15-07-05, 10:52 PM
اخوي مرهاش هههههههههه

غربل الله بليسك

اذكر ايام الغزو في بوعشره ريال الحين صار برياليين

ههههههههههههههه الله يديم الرخص :p:p

الله وكيلك

احنا كله بازدياد ماكو شيء ينقص

.

.

.


حياج الله اختي اميره

وعســى الله يهدي الجميـــــــــــع

فجر
24-07-05, 01:32 AM
تشكرات

الله عليها عودت
25-07-05, 05:43 AM
اخوي salem2005

حياك الله والدار داركـــ يا الغالــي

:)


.

.

.


فجر العفووووووووووو حبيبتي