المساعد الشخصي الرقمي

مشاهدة النسخة كاملة : يوم إني تهورت وسقت سيارة<= يوجد آكشن بالداخل هع


مــلآمح خـجـووله..~
11-01-11, 07:25 PM
http://www.nsaayat.com/up/uploads/nsaayat7d699c19e6.gif


بسم الله الرحمن الرحيم توكلت على الله<= وش عندها الاخت مسافره ؟؟

احم احم واحد ثنين ثلاثه الو الو احد سامعني <=بندوها تكفون

كيف حالكم جميعا اخباركم واخبار الدراسه
انا وحده وش زيني مااحب الرسميات وتسذا رحب فيني وارحب فيك لا وش ارحب فيك <=نفسيات

المهم طفشانه قلت اخربط عليكم بهروجي البثرا<=يحلفون ان الاعضاء طلعوا كلهم بعد ماسبت موضوعها هع

المهم في يوم من الايام كنت طفشانه موت موت موت<=ووجع ان شاء الله اخلصي http://dc01.arabsh.com/i/00071/iptb64hqlhss.gif

وقلت يابنت العني بليس وروحي دوري لتس شين يفيدتس واقمز اروح اطقطق ع النت لكن ماش حتى النت صاير بايخ ويجيب الغلقه <=تذكرت ناصر القصبي دايما يقولها هع

وابد اقوم الف ببيتنا يمين يسار خلاص بموت من الغلقه واقعد افكر بشي يخلي يومي آكشن
ومير يجي شيطاني التسلب ويقول لي يابنت قومي والبسي ثوب اخوتس وسوقي سيارته المفتاح معلق اخذيه
اهلتس راحو للعرس بالرياض واوب رادين غير الساعه 1 الليل

وانا اللي اتفل عن يساري والعن خيره هع http://m55o.com/vb/images/smilies/13.gif

ومير يرجع مرة ثانيه ويقول لي يابنت انتي تعرفين للدرايفر خلاص سهلة السوآقه<=نسيت اقول لكم شيطاني التسلب عنده لغات ههههههhttp://m55o.com/vb/images/smilies/13.gif

وانا اللي تطق براسي ذي الفكرة واقوم البس ثوب اخوي وكاب وارسم لي شنب مثل شنب ابو شهاب هههههههههه

ويوم وصلت عند الباب وانا اللي اتوهق
الحين بطلع تسذآ بدون غطى وعباية
لا لا إرجعي يآبنت
وافتح الباب واستفتح بببنقالي قام يخزني همن راح <=بلا رده والله
واشغل السيارة وامشي ياعيني بس ياحبني لي http://www.m55o.com/vb/images/smilies/004.gif
تدرون امشي 50 70 ماادعس مرة واطلع للشارع العام وعلى مهلي
والناس تاشرلي بغت تنعمي عيني
واشوف اللي يسب فيني ويتفل علي هع
وانا بغيت ابتسي
واقول لنفسي يابنت لاتبتسين لا يابو عراده الرجال مايبكون<=تعزز في عمرها الضعيفه
بعدين بعد ماتاقلمت شوي وانا اللي ادعسس اعلى شي ومااسمع غير طوووط طوووط <=اوب تليفون هذي الدوريه

وانا اللي مدري وت اسوي واقوم اتذكر اخوي يومنه يسرع يدخل في الحواري الضيقه
والف على اقرب حارة همن ضعت
والقالي هندي واقف
ناديته وقلت له
صديق تكفى كيف انا يطلع برا الحارة
ويعلمني همن عطيته ريالين <=كريمه اسم الله علي هع

وشوي الا اطالع في الساعه والقاه 1 وانا اللي يمغصني بطني ابوي ابوي رجع
الحين يشوف السيارة مو في مكانها http://www.m55o.com/vb/images/smilies/004.gif
ويطلع شيطاني الخبيث ويقول يابنت هي خ|آرابه بس روحي كملي محد داري عنتسhttp://www.m55o.com/vb/images/smilies/redface.gif


بعدين جعت ونزلت للبقاله اخذت اغراضي وحاسبت ولاتكلمت كلمة راسي بالارض هههه
<=يحلفون انه فيني توحد خخخخخخخخخ

وبعدين قلت يابنت خلاص ارجعي للبيت ورجعت بسرعه ورجعت المفتاح ورحت رقدت <= من الراعهhttp://www.m55o.com/vb/images/smilies/004.gif
وتوته توته خلصت الحتوته <=ماتنوهقت في النهايه ابد ترى http://www.m55o.com/vb/images/smilies/004.gif

ملاحظه كل اللي صار من وحي الخيال

ملتوووووش

http://m55o.com/vb/images/smilies/75.gifhttp://m55o.com/vb/images/smilies/75.gif
http://m55o.com/vb/images/smilies/brows.gif http://m55o.com/vb/images/smilies/brows.gif

[هكَر عآقل]
17-01-11, 04:04 AM
هههههههههههههههههههههههه عآرفتلهآآ الحوآري آلضيقه عليميه مشآءالله عليهآآ

وهي صصآدقه النت صصآير يطفش ويجيب الغلقه ع قولتهآآ < سلكت :p

مشكوره