تكفون أفزعو لي يالنشاما

[شنكوتي 2]

السلام عليكم ورحمة الله وبركاته

أبي فزعه يا عزوتي تروا مطلوب مني قصيده موضوعها يكون في ( عتاب الاقارب على عدم صلة الرحم ) وهي ضروريه جدااااااااً وعليها تحدي ومن شروطها :

- لم يحدد قائلها .
- أن تكون قويه ومؤثر بحيث اللي يقراها لازم يدقها صياح .



ودمتم سالمين
شنكوتي 2

[شيخة الكعبي]

جااااااااااااري البحث ,,,

[شيخة الكعبي]

سؤال : كيف يعني لم يحدد قائلها ؟؟؟؟؟؟؟

[شنكوتي 2]

يعني لأي شاعر حيث لم يحدد قائل القصيده

ومشكورين على الرد

[شنكوتي 2]

(duk)
(tyv)
والله رفعتوا ضغطي ليش ما أحد يرد ما أحد عنده شي قولوا ما عندنا بس تتركوني كذا أنتظر ما يصير
والله صحيح ما يعتمد عليكم

[سـعـد العتيبي]

شنكوتي ليت هالابيات تجوز لك وانا اخوك




لا قـل مالـك قـل معـه الجماعـه=
والواجبه لا جـت عنـدك يصـدون
بدال وصـل الرحـم تلقـا قطاعـه=
وبدال فزعتهم معـك عنـك يقفـون
لا طحت لين اتطيح مالـك جماعـه=
بيصير حالك غصب من دون في دون
وان زاد مالك جوَك في كـل ساعـه=
من قبل تدخل عند واحـد يهلـوون
امَر وتلقـى عندهـم بـس طاعـه=
لوك تصلي شـرق خلفـك يصلـون
لـوك ردي مافيـك ذرة شجـاعـه=
باصبعك اشر لك على الشوك يمشون
المرجله في الوقت صارت بضاعـه=
كلمـة نعـم تنقـال للـي يزيـدون
يقولـه اللـي ماتغـيـر اطبـاعـه=
سـوا سـوا بريـال ولا بمليـوون

الــبــعــيـــد