المساعد الشخصي الرقمي

مشاهدة النسخة كاملة : الى اهل الاختصاص ....... مع جزيل الشكر

الجلكسي
14-06-05, 12:42 AM
صباح الخير على اهل الفن والذوق

ابي اسماء محلات او متعهدين
بالرياض او عنيزه او بريده بس بشرط *****
لكل من :

مطابخ خشب
ورق جدران .... وتنفيذ جدران قماشيه
رسم ثلاثي الابعاد على الجدران والاسقف
مظلات خشبيه للحدائق وديكورات للمسابح
منجرة للديكورات الخشبيه الداخليه
واي شي عن الاثاث الصيني اوالارابيسك
واذا بيجي معه لمحه عن الاسعار يكون افضل

واذا الدعايه ممنوعه اتمنى ترسلونه لي على بريد قصيمي نت
باقصى سرعه ... وتوبه اذا فكرت بالعمار مره ثانيه
تحياتي
اختكم المتوهقه
الجلكسي
المهندس
14-06-05, 10:29 AM
بالنسبة للمطابخ اخت جلكسي
فيه عندنا في بريده
1_المطابخ الالمانية بجانب تسجيلات احد امام مركز النخيل بلازا
2_فيه الدولي طريق المدينه من افضل المصانع تعاملاً وجوده
3_روزايت لمطابخ التيسير ..........جوده عالية وهو ايضاً طريق المدينة



اما مصانع الاثاث والديكورات الخشبية الراقيه الداخلية فانصحتس بالمصنع العصري الحديث وهو موجود في المدينة الصناعية بين بريده وعنيزة

وابي انصحتس دام انتس متوهقة بالعمار تروحين لصالة مزاراتي للتصميم الداخلي ايضاً طريق المدينة راح تجدين مايسرك وتنسين هم التوهيقة
وجميعهم لي تجارب معاهم ولم ازكيهم الا من خلال جوده اعمالهم

اتمنى اني افادتك بجزء من استفسارتك
مذهله
14-06-05, 10:34 AM
قريت اهل الاختصاص ودخلت كاني مختصة
واخاف يطردني المهندس من القسم ههههههههههههههههه
ان شاء الله تلاقين طلبك مع الاخ المهندس والعمار اه ثم اه منه ما يتركه وراه الا خراب بالجيب
اسمحي لي اني اقتحمت الموضوع وان شاء الله مبروك عليك البيت الجديد وشكرا للمهندس وما قصر
وللاسف انا مو من الخليج كنت ساعدتك
جسيكا
14-06-05, 02:21 PM
ونا معك ياامينا.... داخله واثقه <<<<<<<<(qq6)
كتبت موضوعين في هالقسم وأخذت مقلب...:p

هههههههههههههههه

مبروك البيت وعقبال ماتسكنين فيه قريبا.... (qq19)

بيت الهناء والسعادة اننشالله....

جسيكــــــــــــــــا
الجلكسي
15-06-05, 01:48 AM
اخوي المهندس المعماري
الف شكر على المساعده وهذا اللي كنت انتظره
من بشمهندزنا (wtg)
ابحاول اذا جيت للقصيم اروح الاماكن اللي قلته
بس فيه سؤال>>>>>>> تنشب بالحلق
روزايت عندنا بعنيزه لكن ألمنيوم
وغالبا المطابخ الالمانيه المنيوم وانا ابي خشب !!
المحلات اللي ذكرت عندهم مطلبي ؟؟

ومره ثانيه الف شكر وما قصرت ... :)
الجلكسي
15-06-05, 01:49 AM
امينا .. الله يبارك فيك
اما من ناحية خراب الجيب هذي يتحمله الوالد الله يخليه
لكن الاعصاب من اجيبه !! مشكله تكونين البنت الوحيده بالعائله
وينتظرون منك اللمسات الجميله .. امحق لمسات !! (hjh)
الجلكسي
15-06-05, 01:49 AM
تسلمين جسيكا ويكفيني مرورك وتبريكك
وبيني وبينك ودي ما اسكن فيه !!
بخليه لاهلي وانا اروح لبيت ابو العيال
بس وينه عسى الله يجيبه (ekaj)
المهندس
15-06-05, 07:49 AM
اخوي المهندس المعماري
الف شكر على المساعده وهذا اللي كنت انتظره
من بشمهندزنا (wtg)
ابحاول اذا جيت للقصيم اروح الاماكن اللي قلته
بس فيه سؤال>>>>>>> تنشب بالحلق
روزايت عندنا بعنيزه لكن ألمنيوم
وغالبا المطابخ الالمانيه المنيوم وانا ابي خشب !!
المحلات اللي ذكرت عندهم مطلبي ؟؟

ومره ثانيه الف شكر وما قصرت ... :)

المطااااااااابخ الالمانيه كلها خشب وانا اخوتس بس ترى متره شي وشويات .......بعدين المطااااااابخ الخشبية قد تتأثر مع الوقت بالرطوبة خاصة ان الموضه الحين المطاااااااابخ الالمونيوم واشكااااااااااال فاخرة ماتملين شوفتها
مذهله
15-06-05, 07:30 PM
شدي حيلك باللمسات الاخيرة لانها اهم شئ
بيت السعد يا بيتكم ان شاء الله
ومثل ما قال المهندس المطابخ الالمنيوم هي عمليه اكثر واحسن من ناحية النظافة من الخشب اللي يفقد لونه مع الوقت او مع دخان المطبخ

اتمنى تفكرين زين لاني مجربته في بيتي المنيوم باللون الابيض مع الزجاج ومع الاظاءة كثير كثير حلو
وحتى لو كنت من عشاق الخشب في المطبخ في وسيلة لجعل المنيوم على لون الخشب وهو كمان حلو كثير