بعد طول الغياب .. الطايف احلى

[الزاحف]

بسم الله الرحمن الرحيم
السلام عليكم ورحمة الله وبركاته
احبتي في هذا المنتدى الغالي اعتذر عن طول الغياب
فلقد كلفت من قبل العمل في الآنتقال الى الطايف لمدة اربعة اشهر انا وزميل لي واعتذر عن ذكر اسمه تلبيةً لطلبه

وأليكم هذه القصيده وردي عليها


يامل قلباً حزين وجرله ونه = غطى صداها المصيف وهزت ركونه

من هاجساً في ضميري ترتجف منه = كل المعاليق من خلفه ومن دونه

اسهل هواجيس قلبي يوم يكونه = ازود من اللي بحام النار يكوونه

لوكان سود اليالي مايكيدنه = ولا يكيده مفارق شوف مضنونه

في هالبلد يالمطيري خاطري كنه = خاطر سجيناً دخل غرقان بديونه

قالولي الطايف احلى قلت ماضنه = ماهو صحيح الكلام اللي تقولونه

قالو مصيف البلاد وقلت لو انه = يالله عسى ماوراه يحول من دونه

الآدمي له عيون وعقل يكفنه = في ديرة شهار بالله لاتلومونه

اكبر دليل ان بلدهم زايداً جنه = شهار واعداد مابه ناس مجنونه

ماهو عيوني وبس اللي يشوفنه = يشوفه الله وخلق الله يشوفونه

لقيت ناساً تخالف مذهب السنه = حتى السلام وعليكم مايردونه


وصلتني هذه القصيده من زميلي وجاء ردي كما يلي

حـي الـرسـاله وحي اللـي بعث فنه = يامــرحبـابـه عـدد وبـلٍ مـن مـزونــه

ابيات مـثـل الذهب تسمع لـهـا رنه = ولا كـمـا قـلادةٍ فـي عـنـق مـزيـــونه

من شـاعـرٍ اعـذب الــقـيـفـان نادنه = وابـيـات شـعـره عـن الميلات موزونه

ياونــةً حــركــت جــروح مــندفـنه= مـضـى لهـا ايام باقصى القلب مدفونه

واليوم فاحت جروح القلب حتى انه= عاف الزمـان وتــغـير وانـقـلـب لونـه

في هـالـزمـان اكـثر العـربان منجنه = مـيـر الـمصـيبه ترى لو زادت جنونه

وكـلاً بـداره مولـع لـو ضـحك سنه = واصبر على هالزمن لو كثرت طعونه

وصـل الـفـرج يـا........ مابها منه = وانـغـادر الـطـايـف اللـي انـتم تسبونه

وان قـالـو الطايف احلى قلت لاكنه = حـلاه نـاقـص وحـتـى لـوتـزيـدونــــه

وخـتامـهـا ياعـسـانـا من هل الجنه = والـك الـتحـيـه مـع الـتـقـدير مـقرونه

والطايف مدينه غاليه ولايزعلون اهلها

وهذه القصيده لتسليه فقط

[شيخة الكعبي]

الحمدلله على سلامتك اخووووووووووووووي وياهلا ومرحبابك ..


في هالزمان اكثـر العربـان منجنـهمير المصيبه ترى لو زادت جنونـه

رائعه اخوي وصح السانك والسان ربيعك

[سـعـد العتيبي]

اخوي الزاحف

ارحب بك وبحضورك وحمدً لله على سلامتك

واسجل اعجابي بما قراته

ومساجله جميله


صح لسانك لو ان اهل الطايف بيزعلون عليك

واليوم فاحت جروح القلب حتى انه= عاف الزمـان وتــغـير وانـقـلـب لونـه

[بونواف]

حيالله الغالي

الحمد لله على السلامه ووالله ان لك وحشه

ماصارت والله طولت الغيبه يالحبيب..

ولكن اللي جاء من بعدك وفاء وكفا وماقصر


ومع ذلك تأكد ان لك مكانه في قلوبنا كبيرهـ

اخي الكريم

روعه ماسطرت أناملك وأبـــدعـــه قافك ....


ولكن الشاعر القديم سبقك وقال

وكم منزل يسكنه الفتى .. ولكنه حبه لاول مـنــزلـي..

شكلي خربطت في البيت بس هذا اللي جابته الذاكرهـ

[شبيب العتيبي]

الزاحف الي بيوت الشعر ياطنه=من خطر اللي جميع الناس يوحونه
خل المطيري به الايام يرمنه=في درب منه هو على الايام يقضونه
ياهيه طبع ان0000عنك خلنه=ماحرك اجبال الهداء شيٍ يقولونه
بعض العرب مثل البهايم دوم يرعنه=اعطي مثل وقبلي ناس يعطونه
مصيف فيصل وريح الهيل والبنه= والدين لله والانته خامس الركونه
والله لولا الحياء ياناس لارنه=رنه حتى يشوف الدرب بعيونه

[كاتم الونة]

يامرحبـــا ترحيـبـة الكاااتم الونـــه=لـلزاحف ااااااللي بـــه القيفان مفتونه
حنـــا نـشدنا ولاحــدً فادنـا عنــــه=دنيااااااء دنـــيه قبل هالعصـر ملــعونه
كــــم فرقتنا وهــذه لأسـف سـنــه=ولا اااااانت لـلي يــعرفك دوم بـعــيونه
حقك نرحب بجرت شـايل الشنــه=ومن الشحم لك يغطي عالي اصحونـه
الطيب لأهل الطيب ماله ولا منــّه= ولا النـفــوس الرديــه دوم مــهـيـونـه
جتك المشاعر حقيقه من بحر كنه= كنه بــحر ثـارت الامـواااج بركـونــه
صدق المشاعر هدفنا عالي الجنه=محبــةً فـي جلال اااااألله مــصيــونــه
يامرحبــا ترحيــبة الكاتــم الونــه=بالزاااحف اللي به الجزلات مقــرونــه



مرااااااااااااحب ملاااااااااااااااااااااااااااايـــــيــــــن

وبــــــــدون تــــــــــــــــعلـــــــــــــــيـــــــــق

[الزاحف]

احزان قلب

الله يسلمك وصح بدنك

والف شكر على هذا الحضور الجميل

[الطـرقي]

هلا بك من هنا حتى تصير الشمس قدر الميل=هلا بك لين ترضى يا المطيري ميه بعدها ميه
لقيتك جرح ينزف من معاناته يون اسهيل=مثل بركان خامد لكن النيران به حيه
ترى الطائف على خبرك بها حب الكرم تأصيل=بها مدفون لي حب وغرام أحلام ورديه
تعلمنا الرماية (والشقرديه)وعسف الخيل=على احدود الشفاء 0وسط الهدا وأطراف مح ويه
سما حبي بها وارفع بها صوتي أزيد القول=هوى قلبي جنوبية جنوبية جنوبية

وحياك الله اخوي الزاحف

والحمدلله على السلامه

قصيدتين عبرت رأي مبدعيها


حضور وتسجيل اعجاب

دمت بهذا التألق . .

لك فائق تقديري واحترامي

[الزاحف]

مشرفنا الغالي والمتميز

سعد العتيبي


الف شكر لك على الترحيب

والله يسلمك

وصح بدنك ولاهنت

[سيف العداله]

القصيد هنا نار وبراكين وابداع من الزاحف لنهاية الرد من الطرقي

بس اشم ريحة حريق بيشب بين الزاحف وشبيب والسبه الطايف :)

يا ناس طفوها قبل تولع

[جهام]

الحمدلله على سلامتك اخوي الزاحف ومن طول الغيبات جاب الغنايم

وياهلابك ولا تحرمنا من مشاركاتك عهدي بك قمة في النشاط فلا تحرمنا من ابداعاتك

اخوك

جهام

[النجديه]

الحمد الله على السلامه اخوي الزاحف

وصح السانك على هالقصيده

[الزاحف]

اخي المبدع دائماً ابونوااااااف

الله يسلمك يالغالي

ولا جابني الا انت وامثالك من الطيبين
وهذا من طيبك


وصح بدنك والف شكر لك اخي العزيز

[الزاحف]

شبيب العتيبي
لآريد ان انزل الى هذا المستوى
و حفاضاً على الذوق العام اكتفي بهذا البيت فقط




اشوف ناساً تحد السيف وتسنه = وقت الشدايد ماضني يشيلونه

[الزاحف]

كاتم الونه

الف شكر على هذا الترحيب والآبيات الغاليه

وهذا مما يدل على حسن اخلاقك وكرمك

وتقبل ودي وتقديري

[ذايع الصيت]

لم اكن اود ان تكون اول مشاركة معكم هي الرد والتعقيب

ولكن بعد قراءة قصيدة هذا الزاحف على الأرض اجبرت على ذلك

عجباً لك ايها الزاحف تسب مصيف المملكه وتسب اهلها وتريد ان يسكت عنك

بل وزدت انت وصاحبك وقذفتهم في دينهم وأخرجتهم من مذهب اهل السنة والجماعة

فياليتك صنت لسانك وحفظت نفسك عن بعض الامور.

وانني اهنا اطالب المشرفين بحذف قصيدتك وقصيدة صاحبك لأنه لا مصلحة من نشرها


اخيراً لعلك ترجع لرشدك وتعتذر للطائف وأهلها لعلهم يسامحونك

[الزاحف]

الطرقي

الف شكر لك اخي الكريم على ابياتك العاطره

وترحيبك الذي محله القلب


وصح بدنك يالغالي

[الزاحف]

سيف العداله
هلابك يالغالي

والف شكر على حضورك الكريم

[ابوفهيد]

بسم الله الرحمن الرحيم


السلام عليكم ورحمة الله وبركاته


صح لسانك

[ذايع الصيت]

استلم يازاااااحف من احد الاخوان الذي يسكن مدينة الطائف التي تهجمت عليها انت وصاحبك





ياراكب اللي جداد من بلدهنه= بعون ربي من الخلات مضمونه
اربع دداسن من المعرض شروهنّه= والكل فيهن يصفر كل طبلونه
يدورن المطاري لين يلقنّه= مواجهه مايجوز العذر من دونه
الزاحف اللي عظامه مايقلنه =الناس راحت وهو يزحف على هونه
عند المواجه يجي في هرجة لنّه= ينسى العلوم الكبار ويختلف لونه
يعطونه العلم واذانيه يوحنّه= علم مسدد يقولونه ويفونه
يوم زاحف يذم الناس وش ظنّه = من طق باب العرب بابه يطقونه
ليا تعدى حدوده واغوته جنّه = تغويه نفسه ويلقى من يربونه
قومً تتل الصعب بالحبل وتنه= ان كان ماطاعهم ولا يخنقونه
.وان كان قفى يبي المنحاش سننه= واخر مصيره على وجهه يدقونه
يرغي وعقب الهدير يردها حنّه = يمشي على كيفهم من حيث يصغونه
هذا مصيف الوطن ياهن ابو هنّه = مثلك وشرواك غيبوا لا تطبونه
هذا مصيف الخليج ولله المنه = هذا مصيف الخليج اللي يحبونه
اسكت ولا انت برب النار والجنّه= والامر لله وخلق الله في كونه

[الزاحف]

اخي العزيز والمبدع

جهام


الله يسلمك واشكر لك حضورك الكريم


وصح بدنك

[الزاحف]

النجديه

الله يسلمك

وصح بدنك

[الزاحف]

ذايع الصيت

ودي اسئلك بماذا ذاع صيتك
واين ذاع لأنني لم اسمع به من قبل؟؟

.
سعيد بوجودك وتعقيبك وليتك قرات القصيده بشكل جيد

وأعتقد انك لم تقراء ايضا الآعتذار المسبق في اسفل القصيده

ومن ناحية الآسلام والمله فأنا لم اخرجهم من الآسلام وهل يستطيع شخص ان يخرج منطقه كامله من الآسلام ؟

واذا كنت تقصد بذالك قضية السلام ورده فلقد افشيت السلام في اكثر من مكان و محل تجاري و في الشارع وفي صراف بنك الراجحي فرع الفيصليه

وكأن لم احد يسمعني بل اصبح شي مستغرب وكأنهم يقولون ماذا يريد هذا

واذا كان عدم رد السلام يخرجهم من الآسلام فهم الذين اخرجو انفسهم .

الزاحف الطائر

[ذايع الصيت]

يا ايها الزاحف سألتني فسوف اجيبك

تقول اين ذاع صيتك وانك لم تسمع بي من قبل

اقول لك ذاع صيتي بين افراد قبيلتي وابناء عمومتي ولقبوني بهذا الاسم

والحمدلله افتخر به وليس فيه مايعيبني ، اما انك لم تسمع بي من قبل فأقول لست انت شمساً شارقه لتعرف كل من في هذا الكون

اما بعد ما اجبتك اريد ان اسألك


ما معنى الزاحف

هل انت معاق؟؟؟؟؟؟؟؟؟؟

ام انك ضعيف لاتستطيع المشي؟؟؟؟؟؟؟؟؟؟

ام انك من غير جنس البشر ونتنمي الى كائنات اخرى؟؟؟؟؟؟؟؟؟؟؟؟


افدني يا رعاك الله


اما بالنسبة للقصيدتك انت وصاحبك فلا فائده في الخوض فيها


ذااااااااااااااااااااااااااااااااااااااااااااااااا اااااااااااااااااااااااااااااااااااااااااااااايع الصـــــــــــــــــــــــــــــــيـــــــــــــــ ــــت

[الزاحف]

من اي قبيله انت ومنهم ابناء عمومتك ؟؟

لكي اتأكد بنفسي واسئل عن ذايع الصيت !

واما انا يااخي العزيز معافا ولله الحمد واتمتع بصحه جيده وذهبت الى الطائف والى اغلب مناطق المملكه

وانا بشر سوي

وبالنسبه للزاحف هذا اسم مستعار فقط وعند التسجيل في احد المنتديات اول مايطلب اسم المستخدم !!

واذا عندك زياده يمكنك مراسلتي ع الخاص لكي لانزعج اعظاء المنتدى الكرام

[الموووج]

(aqwa)

[ذايع الصيت]

(aqwa)


يازين ما جاب القرد لأمه