هزاااع
23-05-05, 01:00 PM
[center]
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
وبعد
فهذه الملحمة الخالدية للشاعر /محمد بن سعد بن غشام الجناحي الخالدي
بسم منزل الأعـراف والطّـور والفرقـان
جعل محكم الآيـات فـي محكـم سورهـا
تباركـت يالرحمـن يالمعـطـي المـنّـان
وباسمك بديـت أبيـات شعـرٍ مصادرهـا
من الهاجس اللي لا انفجر كنـه البركـان
يذوّب صخـور الأرض ويرمّـد أخضرهـا
ولامن تنهّـد فـاح فوحـه كمـا الدخّـان
مـن علـوم صـدرٍ قـام يكثـر تسعّرهـا
ولامن تهيّـض للشّعـر مايجـي عجـلان
يصـفّ المعانـي صـفّ ثـم يتخيـرهـا
فـلا يانديبـي فـوق خطّافـة الأعـيـان
لها صورةٍ بالشّعْـر مـا احـدٍ يصوّرهـا
لطـيّ الأراضـي جهّزوهـا هـل اليابـان
وجـت مثـل مـا أرادوا وزادت تبخترهـا
بعد جمّعت بأوصافهـا "الجيب"و"السيـدان
"أنا ما هقيـت أحـدٍ يبـا يجهـل جررهـا
عليها نديبي يسرح الصبح مـن "شامـان"
قبل ماتبيـن الشّمـس والأرض تسفرهـا
من أرض"القويعية"سرح لأجل شانه شـان
و"للعاصمـة"وجّـه ذلـولـه وسـيّـرهـا
عطيت النّديـب الخـطّ وإلا تـرا العنـوان
يعرفـه كمـنّ الشمـس ماعيـن تنكرهـا
توجّـه لـدار معـزّب الرّبـع والضيفـان
سليل الرّجال اللـي فَخَرْهـا مـن سيرهـا
توجّه لدار الشيـخ و اقلـط معـه يافـلان
وبلّـغ سـلامـي والتحـيـات كـررهـا
تحيّات فيها المسـك والشيـح والريحـان
وبالـورد والـكـادي ثنـاهـا معطّـرهـا
وبعد ما تسلّم لـي عليـه أعطـه القيفـان
وقل لـه تـرا هـذي القصيـدة محررهـا
محمد ولد غشّام" وأصله مـن "الجنحـان"
وقـل :ماعليكـم زود،والقـاف صـدّرهـا
لشيخ البديدة طير حـوران ابـن حـوران
وشيخة "بني خالد"بقـت فـي "عريعرهـا"
وهو"خالد"السرحـان ابن"نايف"السـرحـان
أمير"الخوالد"حَضْـر وضعـون وأشهرهـا
كريـمٍ كمـا الهـدّاج للبـدو والحضـران
ذهيـنٍ فهـيـمٍ والمعـاديـن يقهـرهـا
سلالـة رجـالٍ حكمهـا فالجزيـرة بـان
ميات السنيـن ومااحْـد يقـدر يقهقرهـا
رضت ورضخت للواقع"التـرك والسلطـان
"بعد عجزت تزيـح "الخوالد"عـن ديرهـا
وعجزت تناوشهم يـد الحَضْـر والبـدوان
ياكيف يتنـاوش طايـل القـوم قاصرهـا
"بني خالد" اللـي كـل مـا ميّـل الميـزان
رسوا مثل ما ترسـي البسيطـة عناقرهـا
لهم دولةٍ تـدري بهـا "الترك"و"الرومـان
"وأبفخر بها وأذكر طـرف مـن مفاخرهـا
"ضناهبس"حبس الدار عن طمعة إنس وجان
ما احد غيرنـا بيـض الحبـاري يحيّرهـا
من "عمان"إلى"عمّان" مع "نجد" و"الصمّـان"
من "السِّيف" إلى قلب "الجزيرة" نسيطرهـا
علوم"الخوالد"فعل، مـا هـي قلـم ولسـان
علوم"الخوالد"تتـعـب الـلـي يـزوّرهـا
علوم "الخوالد"كيف يطـرا لهـا النسيـان
ومـن يدّعـي نسيانهـا غصـب يذكرهـا
بدا حكمنـا باللـي لهـم هيبـة وسلطـان
بدا "بالجبور"اللـي هـل الديـن تشكرهـا
حموا "ديرة الإسلام"عن"سربـة الصلبـان"
تجيهـا الأساطيـل الكثيـرة ونحشـرهـا
من "البرتغال"جيوش تاتـي بـلا حسبـان
لَكَـنَّ "الخوالـد" بالمراهيـف تحصـرهـا
ويا كمّ راهب طرْح راسـه عـن الأمتـان
يحسْبَ الجزيـرة تحتـري لـه ينصّرهـا
ولو يعلم أنّـه تحتـري شوفـه الظفـران
تراجـع علـى صلبانـه العـوج يكسرهـا
لَكَنَّ الله أرسلنـا كمـا المـوت للرهبـان
والأقـدار مـا تقـدر تخالـف مقـدّرهـا
وياكـم ردّينا"النصارى"عـن أرض"عمـان
"بحدب النّمَش ماهـوب بأمـوال نهدرهـا
100عام وأكثـر ، دولـةٍ تحكـم البلـدان
وتنحّت ولكنّ أختهـا جـت علـى أثرهـا
وعمر أختها قرنين،وجـا جمعهـا وكـدان
ثلاثـة قـرون، وربّـي اللـي معمّـرهـا
بدا حكمها "زامل" ، وهو مخْلـي المرحـان
صميـدع ونيبانـه لخصـمـه مكشّـرهـا
زحف"للدواسـر"و"آل عايذ"علـى الغـدران
بجيشه وحـاز الـدّار وأستـاق أباعرهـا
وجاهـا بواديهـا وراضـتـه بالـذيـدان
وبالخيـل والأمــوال حـتّـاه يعـذرهـا
وصبّح على"العتش""الفضول"ومـن الدمّـان
ماعاد تعرف ويش أخضرالأرض وأحمرهـا
وأباد"الزّعوب"ومن فزع من"هـل الزبـلان"
تبـي تفـزع ودارت عليـهـا دوايـرهـا
وغزا"سبيـع"و"آل مغيرة"وخذهـم كحيـلان
وطفّـى منايـرهـا ولا نــار نايـرهـا
وبعده حكم "سيف" ابنه الفـارس الطعّـان
وجـيـهٍ يــهللها و وجـيـهٍ يمعّـرهـا
وأخوه"أجود"المعـروف كاسرجيوش"إيـران
"وتَعَرْفـه ديار"الخـرج" وإيّـا "دواسرهـا"
وهو اللي لفَتْه "آل المغيرة" تبـي الغفـران
وياكـمّ زلّـة و"أجـود" القـرم يغفـرهـا
ونشر سنّة آخـر مرسـلٍ بآخـر الأديـان
نشر سنّة المختار فـي "هجـر" وهجرهـا
وهو في ثواب الخالـق المعتلـي طمعـان
وعساه بجنان الخلـد مغمـوس بأنهرهـا
وبعده ولده "محمد"علـى الوغـى شفقـان
دروبٍ يسهّـلـهـا ودروبٍ يـوعّـرهـا
وجا بعدهم "مقرن" وهـو كاسـر العـدوان
هو اللي حمى سيـف الجزيـرة وسوّرهـا
وأغاث "الشريف" بجيش مثل الرّعد دنّـان
ونصرسربة"الأشراف""مقرن"وصـاهـرهـا
وكسرمن جيوش"الروم" أساطيـل ماتنهـان
حمى "ديـرة الإسـلام" لأنـه غضنفرهـا
مجاهـد معاهـد واثــقٍ بالله الرّحـمـن
شهيـدٍ شـرى الجنّـة بنفسـه ودوّرهـا
وذبحنا فدى"لمقرن" ملك "هرمزٍ" "طـوران"
هو الشاه شاه الفرس ثـم عـوّد أحقرهـا
وبعده حكم عمّه "علـي" وأوقـد الضيّـان
وإذا قربت العـدوان ، بالسّيـف شطّرهـا
وبعده حكم "ناصـر" حكيـمٍ وسيـع بطـان
و"ناصر" ثـلاث سنيـن بالديـن ناصرهـا
وبعده حكم "قطـن" المسمـى بحـدّ الـزان
ربوعـه تنـام بخيـر وعـداه يسهرهـا
و"قطن" أحتمى الدولة بسيفـه وبالحيطـان
وبعده"غصيـب" اللـي حكمهـا بأواخرهـا
لكـنّ "الخوالـد" طبعهـا توفـي الـديـان
تفـرّ وتكـرّ وتنحـر الـلـي يناحـرهـا
وشاعر "بني خالد" قحص وأعلن الإعـلان
وجتْه الشيوخ اللـي الزمـن مـا يغيّرهـا
ولفى الشيخ "براك الغرير" ومعـه خطـلان
الأيمـان قــومٍ مرهـفـاتٍ شواطـرهـا
و"برّاك" هجّد جيـش دولة"بنـي عثمـان"
وفرض نفسه بسيفه على"الترك"وأجبرهـا
تهـوّن عـن مناطحْـه فالبحـر والبـرّان
كمـنّ البحـر ربعـي حمتـه ببواخـرهـا
و"برّاك" مابه شـك نـاره علـى النيـران
لـه أفعـال لـو كانـت لغيـره تكاثرهـا
قطع راس أمير "المنتفق" يوم حكمـه زان
وهو"راشد بن مغامـس" أقـوى عناترهـا
وأمير "الظفير" أسير عنـده بـلا جحـدان
"سلامة بـن سويـط" المحابيـل جرجرهـا
ونازل"بني سهل"برمـاح ونصـى "قحطـان
"على"الحرمليّة" وأعتـرك مـع "جحادرهـا"
وشاعر "تميـم" الشاعـر الماهر"رميـزان
"مـدح فعـل "بـرّاك" بهناديـب سطّرهـا
وجا"محمد بـن غريـر" وأعطـى الديـار
أمان ولن عاندته النّـاس هجّـد مثوّرهـا
مثل مافعل "بالخرج" فـي سربـة "العثمـان
"ومعها "الفضول" ومن فزع يـوم خسّرهـا
وكسرسربة"العسّاف" مع سربـة "النبهـان
""بحاير سديـر" وعـادة الشيـخ يمخرهـا
و"سعدون"بعده شدّ محزَمْه ، أبـد مـا لان
وشاعره "راعي البيـر" قيفانـه أظهرهـا
أخذ"زعب" في هيّة و ودّب هـل العصيـان
و"فالحجرة" جمـوع "الظفيـري" محجّرهـا
و"بترا نفـود السـرّ" تشهـد نهـارٍ ثـان
به"فضول"وجمـوع "الظفيـري" تضافرهـا
وشال المدافع وسط جيشـه عيـان بيـان
ودكدك بهـا "آل كثيـر" واللـي يقاصرهـا
وبعده "عليّ" أخُـوه ثـمّ أخْـوه "سليمـان
"وهواللي مع "الحكّام" مـن قبـل سعّرهـا
تحسّب حسابه نجـد واللـي بهـا سكّـان
وعان "العيينـة" يسمـع أمـره "معَمَّرهـا"
وبعض العرب ظن العـرب تعبـد الأوثـان
وقومٍ تجـي ضـده علـى الفـور كفّرهـا
وبالفعل هـذا زاد فأهـل الطغـى الطغيـان
وبالفعـل هـذا عـن مقاصـدْه نفّـرهـا
وجا راعي الهدلا"عريعر" وهـو المزبـان
وإذا صرّت العدوان هـو فاتـق صررهـا
هو اللي غزا "الدرعية" وهـدّم السيسـان
ولا تصمـد السيسـان لاجـت "قنابرهـا"
وهواللي تواعد مع رجال من أهل"نجـران
"وفـكّ الله أقـوامٍ نصـاهـا وحاصـرهـا
قبل مايجي خطّوا على الطّـرس بالكتمـان
مع"المكرمي" واستخلـص القـوم ماكرهـا
وبعد ما اكتفينا منهـم وشامـت العقبـان
مشينـا وعذاراهـا تمـشّـش عبايـرهـا
وبوقته منـاخ "العرمـة" مشيّـب الولـدان
بوادي الجنـوب تريـد تشمـل وحدّرهـا
وفي وقته بجيشه خـذ "بريـدة القصمـان"
وبـه نـاس ياسرهـا ونـاسٍ يوسّرهـا
وجا"بطين ولد عريعـر" ونـازل العربـان
وبعـده "دجيـن" أخـوه وأذكـى منايرهـا
و"سعدون ولد عريعر"اللي كمـا الشيهـان
ليـا هـدّ بالحالـه دمـا القـوم نثّـرهـا
و"فالعتش"قوم"الوشم"و"سدير" مـع ديقـان
تلاحم"بن عريعـر" مـع القـوم وأعثرهـا
و وصلت كبار الرّوس ماهيـب فالذّرعـان
والأبيـات مـا تحتـاج قـولٍ يفسّـرهـا
وجيش "الخوالد" لاوطى مارجـع خسـران
وياكثر ناسٍ في ضحـى الكـون ناسرهـا
وفي "عيون الأحسا" جيشنا فـرّق الخـلاّن
وخلّـى هـل "الدرعيّـة" تبكّـي عتـرهـا
وقدّامنـا اللـي ترتجـف منهـم الأبـدان
ومـن قابـل "الحكّـام" صعـبٍ يناورهـا
وفزعنا مع "جديع بن هـذّال بـن حبـلان
"ونـاسٍ نجسّرهـا ونــاسٍ نسجّـرهـا
وإذا حامت صقور السّما تقصـر الغربـان
كمـنّ الصقـور لهـا صقـورٍ تصاقرهـا
وجا "دويحس بن عريعر" مـروّع الأذهـان
وبوقعة"سويقة"خـاف خصمـه وغادرهـا
بعد غادر الميدان خصمـه وهـو مشتـان
وهـوّن عـن دروبٍ مـن أوّل تجاسرهـا
وسبب وقعة "غريميل" لأهل العقـول يبـان
ما فـلّ الحديـدة غيـر شـيٍّ يناضرهـا
وهي خطّةٍ يقصـد بهـا طيحـة العمـدان
ألا ما أخبث علوم الخديعـة ومـا أقذرهـا
وجا أخوه "زيد" اللي كريـمٍ كمـا الهتّـان
والأوضـاع مشحونـة بشـيٍّ ينغبـرهـا
و"برّاك" بعده لاضـرب يضـرب النيشـان
والأفعـال يظهرهـا ولاهـوب يضمـرهـا
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
وبعد
فهذه الملحمة الخالدية للشاعر /محمد بن سعد بن غشام الجناحي الخالدي
بسم منزل الأعـراف والطّـور والفرقـان
جعل محكم الآيـات فـي محكـم سورهـا
تباركـت يالرحمـن يالمعـطـي المـنّـان
وباسمك بديـت أبيـات شعـرٍ مصادرهـا
من الهاجس اللي لا انفجر كنـه البركـان
يذوّب صخـور الأرض ويرمّـد أخضرهـا
ولامن تنهّـد فـاح فوحـه كمـا الدخّـان
مـن علـوم صـدرٍ قـام يكثـر تسعّرهـا
ولامن تهيّـض للشّعـر مايجـي عجـلان
يصـفّ المعانـي صـفّ ثـم يتخيـرهـا
فـلا يانديبـي فـوق خطّافـة الأعـيـان
لها صورةٍ بالشّعْـر مـا احـدٍ يصوّرهـا
لطـيّ الأراضـي جهّزوهـا هـل اليابـان
وجـت مثـل مـا أرادوا وزادت تبخترهـا
بعد جمّعت بأوصافهـا "الجيب"و"السيـدان
"أنا ما هقيـت أحـدٍ يبـا يجهـل جررهـا
عليها نديبي يسرح الصبح مـن "شامـان"
قبل ماتبيـن الشّمـس والأرض تسفرهـا
من أرض"القويعية"سرح لأجل شانه شـان
و"للعاصمـة"وجّـه ذلـولـه وسـيّـرهـا
عطيت النّديـب الخـطّ وإلا تـرا العنـوان
يعرفـه كمـنّ الشمـس ماعيـن تنكرهـا
توجّـه لـدار معـزّب الرّبـع والضيفـان
سليل الرّجال اللـي فَخَرْهـا مـن سيرهـا
توجّه لدار الشيـخ و اقلـط معـه يافـلان
وبلّـغ سـلامـي والتحـيـات كـررهـا
تحيّات فيها المسـك والشيـح والريحـان
وبالـورد والـكـادي ثنـاهـا معطّـرهـا
وبعد ما تسلّم لـي عليـه أعطـه القيفـان
وقل لـه تـرا هـذي القصيـدة محررهـا
محمد ولد غشّام" وأصله مـن "الجنحـان"
وقـل :ماعليكـم زود،والقـاف صـدّرهـا
لشيخ البديدة طير حـوران ابـن حـوران
وشيخة "بني خالد"بقـت فـي "عريعرهـا"
وهو"خالد"السرحـان ابن"نايف"السـرحـان
أمير"الخوالد"حَضْـر وضعـون وأشهرهـا
كريـمٍ كمـا الهـدّاج للبـدو والحضـران
ذهيـنٍ فهـيـمٍ والمعـاديـن يقهـرهـا
سلالـة رجـالٍ حكمهـا فالجزيـرة بـان
ميات السنيـن ومااحْـد يقـدر يقهقرهـا
رضت ورضخت للواقع"التـرك والسلطـان
"بعد عجزت تزيـح "الخوالد"عـن ديرهـا
وعجزت تناوشهم يـد الحَضْـر والبـدوان
ياكيف يتنـاوش طايـل القـوم قاصرهـا
"بني خالد" اللـي كـل مـا ميّـل الميـزان
رسوا مثل ما ترسـي البسيطـة عناقرهـا
لهم دولةٍ تـدري بهـا "الترك"و"الرومـان
"وأبفخر بها وأذكر طـرف مـن مفاخرهـا
"ضناهبس"حبس الدار عن طمعة إنس وجان
ما احد غيرنـا بيـض الحبـاري يحيّرهـا
من "عمان"إلى"عمّان" مع "نجد" و"الصمّـان"
من "السِّيف" إلى قلب "الجزيرة" نسيطرهـا
علوم"الخوالد"فعل، مـا هـي قلـم ولسـان
علوم"الخوالد"تتـعـب الـلـي يـزوّرهـا
علوم "الخوالد"كيف يطـرا لهـا النسيـان
ومـن يدّعـي نسيانهـا غصـب يذكرهـا
بدا حكمنـا باللـي لهـم هيبـة وسلطـان
بدا "بالجبور"اللـي هـل الديـن تشكرهـا
حموا "ديرة الإسلام"عن"سربـة الصلبـان"
تجيهـا الأساطيـل الكثيـرة ونحشـرهـا
من "البرتغال"جيوش تاتـي بـلا حسبـان
لَكَـنَّ "الخوالـد" بالمراهيـف تحصـرهـا
ويا كمّ راهب طرْح راسـه عـن الأمتـان
يحسْبَ الجزيـرة تحتـري لـه ينصّرهـا
ولو يعلم أنّـه تحتـري شوفـه الظفـران
تراجـع علـى صلبانـه العـوج يكسرهـا
لَكَنَّ الله أرسلنـا كمـا المـوت للرهبـان
والأقـدار مـا تقـدر تخالـف مقـدّرهـا
وياكـم ردّينا"النصارى"عـن أرض"عمـان
"بحدب النّمَش ماهـوب بأمـوال نهدرهـا
100عام وأكثـر ، دولـةٍ تحكـم البلـدان
وتنحّت ولكنّ أختهـا جـت علـى أثرهـا
وعمر أختها قرنين،وجـا جمعهـا وكـدان
ثلاثـة قـرون، وربّـي اللـي معمّـرهـا
بدا حكمها "زامل" ، وهو مخْلـي المرحـان
صميـدع ونيبانـه لخصـمـه مكشّـرهـا
زحف"للدواسـر"و"آل عايذ"علـى الغـدران
بجيشه وحـاز الـدّار وأستـاق أباعرهـا
وجاهـا بواديهـا وراضـتـه بالـذيـدان
وبالخيـل والأمــوال حـتّـاه يعـذرهـا
وصبّح على"العتش""الفضول"ومـن الدمّـان
ماعاد تعرف ويش أخضرالأرض وأحمرهـا
وأباد"الزّعوب"ومن فزع من"هـل الزبـلان"
تبـي تفـزع ودارت عليـهـا دوايـرهـا
وغزا"سبيـع"و"آل مغيرة"وخذهـم كحيـلان
وطفّـى منايـرهـا ولا نــار نايـرهـا
وبعده حكم "سيف" ابنه الفـارس الطعّـان
وجـيـهٍ يــهللها و وجـيـهٍ يمعّـرهـا
وأخوه"أجود"المعـروف كاسرجيوش"إيـران
"وتَعَرْفـه ديار"الخـرج" وإيّـا "دواسرهـا"
وهو اللي لفَتْه "آل المغيرة" تبـي الغفـران
وياكـمّ زلّـة و"أجـود" القـرم يغفـرهـا
ونشر سنّة آخـر مرسـلٍ بآخـر الأديـان
نشر سنّة المختار فـي "هجـر" وهجرهـا
وهو في ثواب الخالـق المعتلـي طمعـان
وعساه بجنان الخلـد مغمـوس بأنهرهـا
وبعده ولده "محمد"علـى الوغـى شفقـان
دروبٍ يسهّـلـهـا ودروبٍ يـوعّـرهـا
وجا بعدهم "مقرن" وهـو كاسـر العـدوان
هو اللي حمى سيـف الجزيـرة وسوّرهـا
وأغاث "الشريف" بجيش مثل الرّعد دنّـان
ونصرسربة"الأشراف""مقرن"وصـاهـرهـا
وكسرمن جيوش"الروم" أساطيـل ماتنهـان
حمى "ديـرة الإسـلام" لأنـه غضنفرهـا
مجاهـد معاهـد واثــقٍ بالله الرّحـمـن
شهيـدٍ شـرى الجنّـة بنفسـه ودوّرهـا
وذبحنا فدى"لمقرن" ملك "هرمزٍ" "طـوران"
هو الشاه شاه الفرس ثـم عـوّد أحقرهـا
وبعده حكم عمّه "علـي" وأوقـد الضيّـان
وإذا قربت العـدوان ، بالسّيـف شطّرهـا
وبعده حكم "ناصـر" حكيـمٍ وسيـع بطـان
و"ناصر" ثـلاث سنيـن بالديـن ناصرهـا
وبعده حكم "قطـن" المسمـى بحـدّ الـزان
ربوعـه تنـام بخيـر وعـداه يسهرهـا
و"قطن" أحتمى الدولة بسيفـه وبالحيطـان
وبعده"غصيـب" اللـي حكمهـا بأواخرهـا
لكـنّ "الخوالـد" طبعهـا توفـي الـديـان
تفـرّ وتكـرّ وتنحـر الـلـي يناحـرهـا
وشاعر "بني خالد" قحص وأعلن الإعـلان
وجتْه الشيوخ اللـي الزمـن مـا يغيّرهـا
ولفى الشيخ "براك الغرير" ومعـه خطـلان
الأيمـان قــومٍ مرهـفـاتٍ شواطـرهـا
و"برّاك" هجّد جيـش دولة"بنـي عثمـان"
وفرض نفسه بسيفه على"الترك"وأجبرهـا
تهـوّن عـن مناطحْـه فالبحـر والبـرّان
كمـنّ البحـر ربعـي حمتـه ببواخـرهـا
و"برّاك" مابه شـك نـاره علـى النيـران
لـه أفعـال لـو كانـت لغيـره تكاثرهـا
قطع راس أمير "المنتفق" يوم حكمـه زان
وهو"راشد بن مغامـس" أقـوى عناترهـا
وأمير "الظفير" أسير عنـده بـلا جحـدان
"سلامة بـن سويـط" المحابيـل جرجرهـا
ونازل"بني سهل"برمـاح ونصـى "قحطـان
"على"الحرمليّة" وأعتـرك مـع "جحادرهـا"
وشاعر "تميـم" الشاعـر الماهر"رميـزان
"مـدح فعـل "بـرّاك" بهناديـب سطّرهـا
وجا"محمد بـن غريـر" وأعطـى الديـار
أمان ولن عاندته النّـاس هجّـد مثوّرهـا
مثل مافعل "بالخرج" فـي سربـة "العثمـان
"ومعها "الفضول" ومن فزع يـوم خسّرهـا
وكسرسربة"العسّاف" مع سربـة "النبهـان
""بحاير سديـر" وعـادة الشيـخ يمخرهـا
و"سعدون"بعده شدّ محزَمْه ، أبـد مـا لان
وشاعره "راعي البيـر" قيفانـه أظهرهـا
أخذ"زعب" في هيّة و ودّب هـل العصيـان
و"فالحجرة" جمـوع "الظفيـري" محجّرهـا
و"بترا نفـود السـرّ" تشهـد نهـارٍ ثـان
به"فضول"وجمـوع "الظفيـري" تضافرهـا
وشال المدافع وسط جيشـه عيـان بيـان
ودكدك بهـا "آل كثيـر" واللـي يقاصرهـا
وبعده "عليّ" أخُـوه ثـمّ أخْـوه "سليمـان
"وهواللي مع "الحكّام" مـن قبـل سعّرهـا
تحسّب حسابه نجـد واللـي بهـا سكّـان
وعان "العيينـة" يسمـع أمـره "معَمَّرهـا"
وبعض العرب ظن العـرب تعبـد الأوثـان
وقومٍ تجـي ضـده علـى الفـور كفّرهـا
وبالفعل هـذا زاد فأهـل الطغـى الطغيـان
وبالفعـل هـذا عـن مقاصـدْه نفّـرهـا
وجا راعي الهدلا"عريعر" وهـو المزبـان
وإذا صرّت العدوان هـو فاتـق صررهـا
هو اللي غزا "الدرعية" وهـدّم السيسـان
ولا تصمـد السيسـان لاجـت "قنابرهـا"
وهواللي تواعد مع رجال من أهل"نجـران
"وفـكّ الله أقـوامٍ نصـاهـا وحاصـرهـا
قبل مايجي خطّوا على الطّـرس بالكتمـان
مع"المكرمي" واستخلـص القـوم ماكرهـا
وبعد ما اكتفينا منهـم وشامـت العقبـان
مشينـا وعذاراهـا تمـشّـش عبايـرهـا
وبوقته منـاخ "العرمـة" مشيّـب الولـدان
بوادي الجنـوب تريـد تشمـل وحدّرهـا
وفي وقته بجيشه خـذ "بريـدة القصمـان"
وبـه نـاس ياسرهـا ونـاسٍ يوسّرهـا
وجا"بطين ولد عريعـر" ونـازل العربـان
وبعـده "دجيـن" أخـوه وأذكـى منايرهـا
و"سعدون ولد عريعر"اللي كمـا الشيهـان
ليـا هـدّ بالحالـه دمـا القـوم نثّـرهـا
و"فالعتش"قوم"الوشم"و"سدير" مـع ديقـان
تلاحم"بن عريعـر" مـع القـوم وأعثرهـا
و وصلت كبار الرّوس ماهيـب فالذّرعـان
والأبيـات مـا تحتـاج قـولٍ يفسّـرهـا
وجيش "الخوالد" لاوطى مارجـع خسـران
وياكثر ناسٍ في ضحـى الكـون ناسرهـا
وفي "عيون الأحسا" جيشنا فـرّق الخـلاّن
وخلّـى هـل "الدرعيّـة" تبكّـي عتـرهـا
وقدّامنـا اللـي ترتجـف منهـم الأبـدان
ومـن قابـل "الحكّـام" صعـبٍ يناورهـا
وفزعنا مع "جديع بن هـذّال بـن حبـلان
"ونـاسٍ نجسّرهـا ونــاسٍ نسجّـرهـا
وإذا حامت صقور السّما تقصـر الغربـان
كمـنّ الصقـور لهـا صقـورٍ تصاقرهـا
وجا "دويحس بن عريعر" مـروّع الأذهـان
وبوقعة"سويقة"خـاف خصمـه وغادرهـا
بعد غادر الميدان خصمـه وهـو مشتـان
وهـوّن عـن دروبٍ مـن أوّل تجاسرهـا
وسبب وقعة "غريميل" لأهل العقـول يبـان
ما فـلّ الحديـدة غيـر شـيٍّ يناضرهـا
وهي خطّةٍ يقصـد بهـا طيحـة العمـدان
ألا ما أخبث علوم الخديعـة ومـا أقذرهـا
وجا أخوه "زيد" اللي كريـمٍ كمـا الهتّـان
والأوضـاع مشحونـة بشـيٍّ ينغبـرهـا
و"برّاك" بعده لاضـرب يضـرب النيشـان
والأفعـال يظهرهـا ولاهـوب يضمـرهـا