دخيلك بس لا تبكي

[اليمامه]

شاب متهور تعرض إلى حادث وكان معه أمه فتوفيت وبقي هو علي قيد الحياه وكتب القصيده هذي:


يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني

[حسن خليل]

شكراً لك يا اختي اليمامة على هذا النقل الرائع.

قصيدة قوية ومؤثرة جداً وخصوصاً لمن قلبهم رقيق ولديهم حنان ذو طابع خاص تكاد تذرف الدمعات لدي من قراءة القصيدة وتعبر الوجنات من شدة التأثر بها لما لها من اسلوب محزن وقلب مجروح وندم على ما فات وتبدو لمحات الصدق في الكاتب تسطر هذه القصيدة الرائعة.

[ابو جلمبو]

شكراً لك يا اختي اليمامة على هذا النقل الرائع.

الله يعطيك العافيه

[بوصلة احساس]

اوجعني قلبي

الله يعينه ويساعده

الله يعطيك العافيه على ذا الموضوع

:)

....

[شبيـه الريـح]

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني


صح لسان القايل وسلمت يد الناقل

قصيدة أكثر من رائعة من ناحية الإحساس والمشاعر

أجدتي في الطرح فأمتعتنا بما طرحتي

أشكرك على هذا الطرح الجميل

وننتظر جديدك فلا تحرمينا منه

تقبل تحيتي وتقديري

[كاتم الونة]

الاخت الكريمه.....اليمامه

صح لسانك وتسلم يمينك

بارك الله فيك.......

أخوك....كاتم الونه

[عبْث]

فداك القلب يايمه ومهما قلت من كلمات

صغيره في كبر حقك بس اتمنى تعذريني

=============================



حزينه وتبكي القلب قبل العين


صح لسانه


وتسلمين يمامه على هالانتقاء المميز

[اليمامه]

حسن خليل


ابو جلنبو


بوصلة إحساس


شبيه الريح


كاتم الونه


الراسي


اشكركم جميعآ على مروركم الكريم

وحسكم المرهف وتسلمون على الرد

[بونواف]

الله يعطيك العافيه على تحريك مشاعرنا

اختياراتك رااائعه



بس ياوخيتي

مازلتي تعانين من عقدة الحوااادث ..

شاب تعرض لحادث شنيع وماات امه وهو مامات ..!!!

الله يستر لاتتحول حياتك الى مآسي بسبب اشرافك على قسم الحوادث



بس العلاج لازم تمرين قسم سعة الصدر ثلاث مرة في اليوم

مره صباح ومره اذا قمتي من النوم ومره قبل ماتروحي للمدرسه ..

[اليمامه]

الله يعطيك العافيه على تحريك مشاعرنا

اختياراتك رااائعه



بس ياوخيتي

مازلتي تعانين من عقدة الحوااادث ..

شاب تعرض لحادث شنيع وماات امه وهو مامات ..!!!

الله يستر لاتتحول حياتك الى مآسي بسبب اشرافك على قسم الحوادث



بس العلاج لازم تمرين قسم سعة الصدر ثلاث مرة في اليوم

مره صباح ومره اذا قمتي من النوم ومره قبل ماتروحي للمدرسه ..




ههههههههههههههههههههههههههههههاااي


بو نواااافووووه يعني لازم اواضب على هالوصفه

ألا وش رايك تجي معاي في القسم وأهو تونسني

الله يديم عليك الوناسه قول آمين

[سكري]

.
.
وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني
.
.
.

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني
.
.
واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

.
.

ابيات روعه في الوصف والترحم والتوجد على المحبوب
وخصوصاً اذا كان المحبوب الام
هذه الابيات يجب ان تكون قدام كل عاق كل واحد مطنش امه والبيت كل واحد يسهر ولا صلي الفجر
.
.
.دمتي لنا اختي اليمامة
اختيار موقف 100%100
.
اخوكم ومحبكم سكري

[الوافي3]

الفاضلة اليمامة
قصيدة مبكية ، دامعة نسأل الله أن يرحم والدتة
وأن يشفية
شكرا لك على هذه الاختيار الجميل
أخوك
الوافي3

[اليمامه]

.
.

ابيات روعه في الوصف والترحم والتوجد على المحبوب
وخصوصاً اذا كان المحبوب الام
هذه الابيات يجب ان تكون قدام كل عاق كل واحد مطنش امه والبيت كل واحد يسهر ولا صلي الفجر
.
.
.دمتي لنا اختي اليمامة
اختيار موقف 100%100
.
اخوكم ومحبكم سكري

هلا ومرحبا اخوي سكري

الأروع هو مرورك الكريم وحسك المرهف

اسعدني ردك الجميل

وربي يعطيك العافيه

[اليمامه]

الفاضلة اليمامة
قصيدة مبكية ، دامعة نسأل الله أن يرحم والدتة
وأن يشفية
شكرا لك على هذه الاختيار الجميل
أخوك
الوافي3

مرحبا فيك اخوي الوافي3


الجميل هو ردك وتواجدك

وآمين الله يرحم والدته وجميع موتى المسلمين

وربي يعطيك العافيه

[ماما نوره]

كلمات مؤلمه ..

<---------- عينها تدمع

[الطـرقي]

الله يكفينا شر الجــــــــرائم والحوادث

الله يعطيك العافيه

[نازف ألم]

مؤثره الله يرحمها والبكا مايرجع اللي راح

[شبيب العتيبي]

اختي اليمامه

سلمت تلك الانامل
التي نقليت

كان الاختيار

في قمة الروعه المعانه حياة الشاعر

وخرجت هذه القصيده من القلب

ولما لا وهي عن اغلى مافي الوجود الام

ياما نحتاج لمثل هذه القصايد والعبر لتحريك القلوب الغافله عن حقوق الوالدين

عشتي وجزيتي خيراً



ساورد بعض الابيات من قصيده لي كتبتها قبل عشر سنوات تقريباً


وقت الطفوله دايم الحضن مدفاه---------------------------يسكن حنان الام داخل خلدها

تبني عليه امال عمراً مرساه_--------------------------------تقول يكبر يوم يصبح سندها

اضاع حلم الام ماشي بقــاه--------------------------------اخر هديه منه امـــه جــحدها

فعله شنيعه كلنا اليوم شفناه----------------------------يقول مابيها اولا بي نكدها



اكرر شكري وتقديري

[اليمامه]

كلمات مؤلمه ..

<---------- عينها تدمع

هلا غاليتي ماما نوره

اسعدني مرورك

ويارب دموع فرح على طول

وربي يحفظك

[اليمامه]

الله يكفينا شر الجــــــــرائم والحوادث

الله يعطيك العافيه

آمين الله يكفينا شر الحوادث والجرائم(vv)


ربي يعطيك العافيه

شاكره لك طلتك البهيه على الموضوع

[اليمامه]

مؤثره الله يرحمها والبكا مايرجع اللي راح

صراحه مؤثره بالمره

وآمين الله يرحمها ويصبر ابنها

ومشكور اخوي نازف الم على الردالجميل

[اليمامه]

اختي اليمامه

سلمت تلك الانامل
التي نقليت

كان الاختيار

في قمة الروعه المعانه حياة الشاعر

وخرجت هذه القصيده من القلب

ولما لا وهي عن اغلى مافي الوجود الام

ياما نحتاج لمثل هذه القصايد والعبر لتحريك القلوب الغافله عن حقوق الوالدين

عشتي وجزيتي خيراً



ساورد بعض الابيات من قصيده لي كتبتها قبل عشر سنوات تقريباً


وقت الطفوله دايم الحضن مدفاه---------------------------يسكن حنان الام داخل خلدها

تبني عليه امال عمراً مرساه_--------------------------------تقول يكبر يوم يصبح سندها

اضاع حلم الام ماشي بقــاه--------------------------------اخر هديه منه امـــه جــحدها

فعله شنيعه كلنا اليوم شفناه----------------------------يقول مابيها اولا بي نكدها



اكرر شكري وتقديري


اسعدني وشرفني مرورك اخوي شبيب العتيبي

ومشكور على الإضافه الرائعه

ونعم الوالدين لهم حق كبير

وخسران من لم يوفيهم حقهم الذي لم نوفيه مهما فعلنا

ومشكوره اخوي شبيب

وربي يعطيك العافيه

[سـعـد العتيبي]

لاهنتي يا يمامه

ولكن الموضوع مكرر


العتيبي سعد