عتاب

[حسن خليل]

مدري علامي صرت ضايق ومليت ..
قعدت أفكر في زمان مضى لي ..
وسال دمعي فوق خدي وصديت..
صدت حزين غربلته الليالي..
لا شك ما راح أنساك مهما تناسيت ..
ورقمك بدقه كل" ما ضاق بـــالـــي"..

طمني وخبرني وش هي آخر علومك
اوصف لي اوضاعك وعلمني
اشلون تقضي باقي يومك
ولا برسالة شوق راسلني
واكتبلي افراحك مع همومك
واذا نويت ترد خبرني
ابحتفل ياخلي بقدومك

توقعت ان بفراقك تقوم الدنيا وتقعـد
واثـاري الفرقـى عاديـه ولا حسيـت بفراقـك

خذني بحضنك ابغفى مبطي آآآه ما غفيت
وان لمحت دموع عيني سو نفسك ما لمحت
خذني بحضنك وفتش في جروحي وان قضيت
هزلي كتفك وقلي : عيب تبكي لو سمحت
ضمني يمك وضحكني اليا مني بكيت
ودي اذكر كيف كانت ضحكي لامن بكت

فيني خلايا تنزف الحزن والهم وفيني طلاسم محدن قد قراها
فيني هموم تذرف دموعها دم وأنت الحروف الباقية عن سواها
لك خافقي رحب وهلا وسلم ولك العيون تعيش لأقصى مداها

يفز دمعي واقهره داخل العين........!!
أخاف عذالي يقولوا هزيمه........!!
لا والذي ألف قلوب المحبين.........!!
ما حدرت دمعات عيني ظليمه..!!
بكيت من الوفا والوفا دين..!!
لجل الصديق وذكرياتن قديمه..!!

أبشرك ما عاد يوجعني فراق,وأقسى وجع فيني يزول بثواني..
عودت قلبي إذا حمل هم أو ضاق أرمي وما أسأل عن اللي رماني..
عودت نفسي للمتاهات ما أنساق..ولا يسيل دمع عيني وأعاني..
خل الحياة أتروح والعمر أرزاق لابد يوم يضحك لي زماني..

ما عدت أحن لشوفتك وأشتاقك
لو كنت تسوى بالوجود أعياني
جيتك أبشربالهجر خفاقك
ممكن خفوقك منيتة هجراني
أنا بحقق رغبتك بفراقك
كرامتي عن عشرتك تنهاني
البارحة أحرقت كل أوراقك
ومحيت نجمك من سما وجداني

أبشرك إني بخيــــــــــــــر
قلبي من أوجاعه شفـــــا
والوضع عندي صار غير
والجفن بالنوم احتفــــــــا
مشكور يا ذاك العشيــــر
أقولها وقلبي عفـــــــــــا
يجزاك ربي كل خيـــــــر
والسعد لك حضن ودفـــا

سمعت نغمة رسالة قلت يالله عسى خير
وأنا ثلاث أيام محدن ذكرني
فتحتها بلهفة من الفرح باطير
وأقول يالله من اللي أفتكرني
أثرها من الجوال يرسل فواتير
هو الوحيد اللي أبد ماهجرني

صدق الشجر واقف يموت بلا مطر
وصدق القدر ماله مرد ولا فرار
وصدق الصبر يضيع مني وذا فقر
ومن ما صبر يشقى
والشقى يذوقه المرار

قل للعيون اللي شكت بعد الأحباب
وقل للدموع اللي من الشوق هلت
وقل للشعور اللي من الهم منصاب
وقل للجروح اللي بالاحساس حلت
وقل للخفوق اللي عجز عنه الأطباب
ترى المشاعر من عنا البعد "ملت"

شفت منهو تحبه صد من دونك
إقرا علية الفاتحة وريح أعصابك
قلة ترى الشمس ما وقفت على كونك
يجيب غيرك أكيد الوقت اللي جابك
حرام لا صد تسهر لجله عيونك
لا عاش منهو لجور الوقت ضحى بك

كني ليا من تذكرت ما فات
يتيم وطاحت في يدة صورة أمة
وقام يتذكر الليال القديمات
وقام يتذكر يوم كانت تضمة
وعود على دولابن أغراضة شتات
ثم شاف برقعها وأبطى يشمه
وهلت دموع من عيونه غزيرات
يبكي ويمسح دمعته فوق خده

ما هقيت الليله اللى جابت الفرقا طويله..!
لين صارت ليله امس بعينى اطول من شهرها..!
والعذاب اللى يذوب بعين من يفقد خليله..!
عندى اكبر من عذاب العين لو تفقد بصرها..!

لا تشتكي من جور الأيام للناس
وادفن همومك في ثرى الصمت كله
اسرار عمرك خلها تحت الانفاس
لا صار هراج القفا فاطن له
هذاك يفرح لا لمس جرح الاحساس
وهذا من اهلا لقى فيك عله

فديت من كان لغيابي يعاني
فديت أنا ممشاه وخطاويه
ماني بقاطع رجاه لو دهري
( جفــــــــاني )
هو تاج راسي وبعيني اداريه
شوفته تسوى كل عمري وزماني
وجرحه بدموع عيني اداويه

تفضل.. اجرح احساسي و ابعد
مع ذيك الأيام اللي احتوتنا ..
بس تساءل .. منهو فينا يتعب اكثر ..
انت؟
وانت تعافر رمل القسى هجران..
وإلا انا؟
و انا اداعب آثار جرحك!
ادري انك ما وصلت للنهاية
واسمع انه بين خطواتك تردد..
و أكثر وأكثر..
قالوا ان بخاطرك نيران ..
ما وضح رسمك تخيل ؟!
ما وضح لي غير غدرك..
منتشر بين الزوايا..
وصدى صوت يردد:

" انا انســــــــــــــــان"

لو تلتقي في يوم عينك بعيني
مري وعديني مثل باقي الناس
لابد من يوم يجي وتذكريني
لا من دريتي عن سبب صمت الاحساس
ماني خيالي واقعي صدقيني
ركزت في صدر الامل بيرق الياس

دكتور لو تشرح عن عيونه السود
ابرك لنا من شرحك في علم الاعصاب
تشرح لنا الاعصاب في مخ مولود
واعصابنا ذابت من فراق الأحباب
تشرح و انا عقلي من العام مفقود
عقلي مع اللي كامل الزين جذاب

سؤال ...جاوبني عليه ...
أبيع قلبي .. تشتريه ؟؟
لا تنزل عيونك خجل ..
تبيه ولا ما تبيه ؟؟
ضحكت!!
مني تقبله .. صحيح تبغي توصله ؟؟
تعال يالله اشغله ..
ولك حق بس تموت فيه ..
وأوعدك ما تحصل شريك..
ولا أحط مخلوق عليك ..

[الطـرقي]

ســـــــؤال ...جــاوبــنـــي عــلــيـــه ...
أبـــيــــع قــلــبـــي .. تــشــتــريــه ؟؟
لا تـــنــــزل عــيـــونـــك خــــجــــل ..
تــبـــيـــه ولا مــــــــا تـــبـــيـــه ؟؟
ضــــــــــحــــــــــكــــــــــت!!
مـنــي تقـبـلـه .. صـحـيـح تـبـغـي تـوصـلـه ؟؟
تــــــعــــــال يالله اشــــغــــلـــــه ..
ولــــك حــــق بــــس تــمــوت فــيـــه ..
وأوعـــــدك مـــــا تـحــصــل شـــريـــك..
ولا أحـــــــط مــخــلـــوق عــلـــيـــك


كرذاذ المطر أتت حروف رائعتك هذه

لتغسل الجفاف العالق بأروقة الشعر

ولتعطي أرض الأبجدية خصوبة اعمق

صح لسانك وسلم بنانك ..

وافر إعجابي ممزوجاً بعاطر التحايا ..

الطرقي

[برد الشمال]

ورقـمــك بـدقــه كـــل" مـــا ضـــاق بـالــي"..

طـمـنـي وخـبـرنـي وش هـــي آخـــر عـلـومــك

صح لسانك
اخوي

ولاهنت ويعطيك الف عافيه

تحياتي

[قلب القلوب]

صح لسانك
قصيدة رائعة


تستحق اخي حسن خليل ان تكون احد نجوم منتدانا الغالي



اختك
قلب القلوب

[حسن خليل]

أشكر الأخ الغالي الطرقي على مروره للقصيدة وما أتحفني به من رده الجميل عليها.

كذلك أشكر الأخ برد الشمال على مروره الجميل للقصيدة ورده الطيب.

كما أشكر الأخت قلب القلوب التي غمرتني بردها الجميل وما أنا سوى أحد أعضاء هذا المنتدى الغالي.

[سـعـد العتيبي]

ابــرك لـنـا مــن شـرحـك فــي عـلـم الاعـصــاب
تـشـرح لـنــا الاعـصــاب فـــي مـــخ مـولــود


اخوي حسن اشكرك جزيل الشكر على هذه الابيات الرائعه

ذوق فوق فوق وعال عال
لاهنت ولاهان غاليك

[حسن خليل]

العفو يا حضرة المشرف سعد العتيبي أنا زعلان عليك تعرف ليش احزر؟

[سـعـد العتيبي]

افا ليش ياخوي وليتك ماتكتب حضرة المشرف وتكتب ياخي سعد
عجل علي بالرد

[حسن خليل]

في عادتي ما أكتبها ولكن لحبي لك وزعلي عليك كتبتها

وأشوف ما عرفت ليش خويك زعلان ظنيت انك تلقطها

طيب ما ودي أكثر الهرج أحسن أعصابك تتعب زيادة

كان بودي أشوف ردك على القصيدة أول ما أشوفه

والبقية سلامتكم

وتسلم لي يا الغالي