المساعد الشخصي الرقمي

مشاهدة النسخة كاملة : انا مصدومه جداااا فأرشدووني يا اعضاء قصيمي نت


تحكمني قناعاتي..
08-08-10, 08:45 PM
السلام عليكم ورحمة الله وبركاته

الحمدلله انا متزوجه وعندي ثلاث اطفال وحياتي الحمدلله تسير على افضل مايمكن
وانعم بحياه هادئه ولدي زوج طيب ومتفهم جداا .

لكن قبل اسبوعين صدمت وصعقت جدااا وذلك عندما اكتشفت ان زوجي مسجل في مواقع الزواج
ويطلب الزواج والادهى والامر يرسل صوره ويحادث بالمسن بغرض التعرف بين الطرفين ليتم الزواج
وكثر كلامه هذه الايام عن امنيته بالزواج باخرى وبان امرأه واحده لاتكفيه ..

انا في كل اجازه اروح عند اهلي اسبوع او اسبوعين لتغيير الجو لي ولاولادي وننسى روتين
وتعب عام كامل بسبب الدراسه والغربه عن الاهل وهو يجلس في البيت مايروح معنا الا يوم او يومين.

وكلما عدت الى منزلي وجدت الكمبيوتر مليء بصورة الشخصيه والمسن مليء بالمضافات
واجده تغير تماما ..مع العلم بانه طالب علم وامام مسجد ومشهود له بالخير كثيرا .

رجعت الى بيتي ومسج جميع المضافين عنده في المسن كما اخبرني وانسحب من الموقع
كما اخبرني ايضا ..لكن يؤكد لي بانه يريد الزواج وسيحدث ذلك في خلال سنه او سنتين

لا اخفيكم والله العظيم اصبت بصدمه نفسيه رهيبه جدا وعدت الى بيتي الذي يبعد عن اهلي 1000 كيلو وانا محمله بالهموم وبالتحطيم النفسي ..
كرهت نفسي وبيتي وكل من حولي اصبحت لا اثق باحد ولا اجد اي مكان انسى فيه همومي
ولو قليلا .

صرح زوجي لي بانه يحبني كثيرا واني لم اقصر في حقه لكن هو يريد الزواج مع العلم اني الحمدلله متعلمه ومثقفه واهتم بشؤوون بيتي وابنائي كثيرا .

كيف لي ان انسى هذه الطعنات التي طعني بها زوجي في غيابي ..وكيف لي ان احلم بمستقبل مشرق..كان حلمي ان اكمل تعليمي وان ادخل عالم الاعمال لاشارك زوجي في بناء بيت العمر وتوفير الحياه الكريمه لابناءه


كيف لي ان اخطط وارتب حياتي وانا افكر ان يوما ما سشاركني اخرى في زوجي
ارجووكم انصحوني ووجهوني فليس بعد الله احدا اشكي اليه همي سواكم
لاني اعلم ان بينكم الكثير من اصحاب الاراء السديده والافكار النيره فانا متابعه لكم
منذ زمن .

في انتظاركم ...

تحكمني قناعاتي..
08-08-10, 08:55 PM
لا احد يلومني يقول ليه رحتي وتركتيه انا رحت برضاه
وهو اللي يعرض علي اروح عشان اولاده وكنت اتصل فيه كثييير
واقوله تعال عندنا او خذنا عندك لكن عذره (خلي العيال ينبسطوون )

ريحة فارس
08-08-10, 09:02 PM
لو كان صادق وملتزم مارضى بأضافة النساء بالماسنجر فقد يكون يتلبس بلباس الدين لتنفيذ ماربه وماكثرهم في هذا الزمان


ولكن انتي ماوضحتي هو وش وظيفته ومستواه التعليمي

هل لديه شلة واسترحات واصدقاء ومانوعية اصدقاء


وضحي اكثر

بنتـ المذنبـ
08-08-10, 09:07 PM
كيف لي ان اخطط وارتب حياتي وانا افكر ان يوما ما سشاركني اخرى في زوجي
ارجووكم انصحوني ووجهوني فليس بعد الله احدا اشكي اليه همي سواكم
لاني اعلم ان بينكم الكثير من اصحاب الاراء السديده والافكار النيره فانا متابعه لكم
منذ زمن .

في انتظاركم ...

شوفي أختي الغالية مادام فكر يتزوج ثانيه فما راح أي قوة بالدنيا تمنعه أو تغير رأيه ..
وخلينا واقعيين صحيح هذا الشي مؤلم لكِ والرجل على مايقولون خشير العقل ..
لكن هم يرون انه شي من حقهم ولا يفكرون كما نفكر أو ينظرون للأمر انه خيانه
أو تقليل من شأن المرأة بالعكس هم يشوفون انه
حتى لو تزوجوا يبقى قدر المرأة الأولى ماتغير
ياخيتي لاتشغلين نفسك بهذا الشي واستسلمي
وسلمي امرك لله وادعي الله انه مايكون اكبر همك
وعيشي حياتك بواقعها فالرجل للأسف ليس
ملكاً للمرأة ..
وكان الله في عونك

تحكمني قناعاتي..
08-08-10, 09:09 PM
لو كان صادق وملتزم مارضى بأضافة النساء بالماسنجر فقد يكون يتلبس بلباس الدين لتنفيذ ماربه وماكثرهم في هذا الزمان


ولكن انتي ماوضحتي هو وش وظيفته ومستواه التعليمي

هل لديه شلة واسترحات واصدقاء ومانوعية اصدقاء


وضحي اكثر

مستواه التعليمي ثانوي ومسجل في الجامعه حاليا
وموظف وظيفه حكوميه
بالعكس ماعنده اصدقاء ولا استراحات ولاشيء
من البيت للعمل للمسجد وبس داااائما في البيت
بس زملاءه في العمل كل كلامهم عن الزواج
واتأثر بهم بشكل كبيير ..

نوف.
08-08-10, 09:12 PM
يارجاااااااااااااال عليكم بالتعدد ماعليكم من كلام المسلسلات اللي خلوه جريمة وخيانة




العوانس ترسو البيوت


اتقوا الله فينا ياحريييم

تحكمني قناعاتي..
08-08-10, 09:12 PM
شوفي أختي الغالية مادام فكر يتزوج ثانيه فما راح أي قوة بالدنيا تمنعه أو تغير رأيه ..
وخلينا واقعيين صحيح هذا الشي مؤلم لكِ والرجل على مايقولون خشير العقل ..
لكن هم يرون انه شي من حقهم ولا يفكرون كما نفكر أو ينظرون للأمر انه خيانه
أو تقليل من شأن المرأة بالعكس هم يشوفون انه
حتى لو تزوجوا يبقى قدر المرأة الأولى ماتغير
ياخيتي لاتشغلين نفسك بهذا الشي واستسلمي
وسلمي امرك لله وادعي الله انه مايكون اكبر همك
وعيشي حياتك بواقعها فالرجل للأسف ليس
ملكاً للمرأة ..
وكان الله في عونك



صادقه اختي وربي كلامك عين العقل
لكن انتي عارفه ايش معنى الوحده ان زوجها يتزوج عليها
يعني كسرها وخانها .
انا بالنسبه لي تحطمت بمجرد انه فكر .فكيف لو يتزوج فعلا
والله صرت اخاف على نفسي كثثثر وافكر فابنائي
لكن ...دعواااتك لي

ريحة فارس
08-08-10, 09:15 PM
شوفي مايحق لك ياختي منعه من الزواج لو كان يبي يتزوج وكان ميسور الحال فمن حقه

يمكن ماشبع من واحدة ومن السنة انه يتجوز


ولا انتي اخر او أول وحدة زوجها تزوج عليه

ولكن حاولي انك


تتزين امامه وتغيرين بنفسك وأسلوبك


لاتثقلين علي بالمصاريف يمكن هو كره هذا الشئ فيك


لاتفتشين جهازه ولا دار انك تفتتشين لاب توبه ترا بيكرهك كره شديد حتي لو كنت علي صواب لاتعالجين خطأ بخطأ


وتذكر الشدة تقابله شدة واللين يقابله لين


واوصيك أنك تغيرين من اسلوبك باللباس وبالمكياج



وانا اؤيد كلام اختي بنت المذنب بحذافيره لانه الصحيح

بنتـ المذنبـ
08-08-10, 09:16 PM
يارجاااااااااااااال عليكم بالتعدد ماعليكم من كلام المسلسلات اللي خلوه جريمة وخيانة




العوانس ترسو البيوت


اتقوا الله فينا ياحريييم

هذا وقته كلن على همه سرى
ولامصائب قوم عند قوم فوائد ؟؟

تحكمني قناعاتي..
08-08-10, 09:16 PM
يارجاااااااااااااال عليكم بالتعدد ماعليكم من كلام المسلسلات اللي خلوه جريمة وخيانة




العوانس ترسو البيوت


اتقوا الله فينا ياحريييم


لوكنتي عائشه في هدوء مع زوجك وابناءك ترضين تدخل عليك وحده تخرب حياتك؟؟؟؟

ريحة فارس
08-08-10, 09:18 PM
المشكلة ياتحكمني

مش بالزواج من ثانية بل هي سنة

ولكن المشكلة لو كان الزوج ظالم وماهو عادل مع واحدة عشان يتزوج ثانية

عذب السجــايا
08-08-10, 09:19 PM
اختي
اولا ابيك تفهمين ان الزواج من اخرى قد يكون لسبب او بدون سبب...يعني يمكن انك تكوني فعلا مقصره في حقك ...وبعدك عنه خلق في نفسه الحاجه للزواج من أخرى ..يعني اذا كنتي بعيده ...هي تكون قريبه وتعوض مكانك ...فيجب انك تراجعين نفسك من جديد وتشوفي مواطن الخلل والقصور ...ولاتقولين منيب مقصره..لأ حاولي تجلسي مع نفسك وتكوني منصفه وتعدلين من وضعك اذا كان في خلل

أمامسألة الثقافة والعلم والدراسه و....الخ هذي حتى لوكانت موجوده في الزوجه تضل هناك متطلبات للرجل في الزوجه غيرها ...مثلا الطبخ حسن تدبير البيت واللبس والتزين للزوج وغيرها.....يعني الطلبات الي يبحث عنها الرجل في الزوجه...فيجب ان الزوجه تكون عندها الاستطاعه والقدرة الكامله على تقديم هذه المتطلبات

طبعا انتي لازم تحاولين تستكشفين سبب رغبة زوجك في الزواج من غيرك اذا فعلا كان قصور منك فعالجيه ورح يصرف النظر عنه ...أما اذا قدّم لك مبررات واهيه غير مقنعه فاعرفي انه ناوي ناوي الله لايعوق بشر

أعيد وأكرر حاولي تراجعي نفسك وتسدي الفراغات الموجوده في حياتك وان شاء الله رح يصرف النظر عن الزواج من الثانيه وتعيشوا مع بعض احلى حياه

لكن ابي اقول لك شي ...لنفرض ان زوجك تزوج عليك ...يعني وقع الفاس في الراس..لاتخلين الموضوع مشكلتك في الحياه ...خلاص حاولي تتعايشين معه ورتبي امورك وربي عيالك اهتمي فيهم لأنهم هم مكسبك في الحياة...ومنتي اول وحده يعرس عليها زوجها ولا آخر وحده ....الرسول صلى الله عليه وسلم تزوج على زوجاته وكثير من الصحابه كذا ...
ومثل ماقلت لك لاتفرطين في زوجك مجرد انه تزوج عليك ...يمكن لاتزوج الثانيه يبدا يقتنع انك انتي مامثلك ويكبر قدرك عنده ومكانتك ....لأن هالايام الزوجه الثانيه توري زوجها الويل فيبدا يحن للأولى
وابشرك ابوي اعرس على امي مرتين وصار صدرها بحر ....مهيب زعلانه تقول بكيفه اهم شي عيالي الله يخليهم لي....والله انها عايشه معنا كنها عروسه كل واحد يمازحها ويضحك معها ويجيب لها هدايا....يعني مدللينها اخر دلال
(qq22)

عذب السجــايا
08-08-10, 09:22 PM
التعدد مافيه شي اذا كان الرجال كفء
أما اذا كان مهوب قده لاوالله لايعرس ...لايظلم بنت الناس

ريحة فارس
08-08-10, 09:22 PM
اختي

اولا ابيك تفهمين ان الزواج من اخرى قد يكون لسبب او بدون سبب...يعني يمكن انك تكوني فعلا مقصره في حقك ...وبعدك عنه خلق في نفسه الحاجه للزواج من أخرى ..يعني اذا كنتي بعيده ...هي تكون قريبه وتعوض مكانك ...فيجب انك تراجعين نفسك من جديد وتشوفي مواطن الخلل والقصور ...ولاتقولين منيب مقصره..لأ حاولي تجلسي مع نفسك وتكوني منصفه وتعدلين من وضعك اذا كان في خلل

أمامسألة الثقافة والعلم والدراسه و....الخ هذي حتى لوكانت موجوده في الزوجه تضل هناك متطلبات للرجل في الزوجه غيرها ...مثلا الطبخ حسن تدبير البيت واللبس والتزين للزوج وغيرها.....يعني الطلبات الي يبحث عنها الرجل في الزوجه...فيجب ان الزوجه تكون عندها الاستطاعه والقدرة الكامله على تقديم هذه المتطلبات

طبعا انتي لازم تحاولين تستكشفين سبب رغبة زوجك في الزواج من غيرك اذا فعلا كان قصور منك فعالجيه ورح يصرف النظر عنه ...أما اذا قدّم لك مبررات واهيه غير مقنعه فاعرفي انه ناوي ناوي الله لايعوق بشر

أعيد وأكرر حاولي تراجعي نفسك وتسدي الفراغات الموجوده في حياتك وان شاء الله رح يصرف النظر عن الزواج من الثانيه وتعيشوا مع بعض احلى حياه

لكن ابي اقول لك شي ...لنفرض ان زوجك تزوج عليك ...يعني وقع الفاس في الراس..لاتخلين الموضوع مشكلتك في الحياه ...خلاص حاولي تتعايشين معه ورتبي امورك وربي عيالك اهتمي فيهم لأنهم هم مكسبك في الحياة...ومنتي اول وحده يعرس عليها زوجها ولا آخر وحده ....الرسول صلى الله عليه وسلم تزوج على زوجاته وكثير من الصحابه كذا ...
ومثل ماقلت لك لاتفرطين في زوجك مجرد انه تزوج عليك ...يمكن لاتزوج الثانيه يبدا يقتنع انك انتي مامثلك ويكبر قدرك عنده ومكانتك ....لأن هالايام الزوجه الثانيه توري زوجها الويل فيبدا يحن للأولى
وابشرك ابوي اعرس على امي مرتين وصار صدرها بحر ....مهيب زعلانه تقول بكيفه اهم شي عيالي الله يخليهم لي....والله انها عايشه معنا كنها عروسه كل واحد يمازحها ويضحك معها ويجيب لها هدايا....يعني مدللينها اخر دلال

(qq22)




والله انكم اشناب كفوووووووووووو والله


بس بعد امك لازم انها تودك ابوك وتحبه لأنه ابو عياله ولما تزوج عليه ماهي نهاية العالم

وامك لازم انه تحشم ابوك وتغليه

وانت تقوي علاقات مع اخوانك واخواتك الي ماهم اشقاء

بنتـ المذنبـ
08-08-10, 09:23 PM
صادقه اختي وربي كلامك عين العقل
لكن انتي عارفه ايش معنى الوحده ان زوجها يتزوج عليها
يعني كسرها وخانها .
انا بالنسبه لي تحطمت بمجرد انه فكر .فكيف لو يتزوج فعلا
والله صرت اخاف على نفسي كثثثر وافكر فابنائي
لكن ...دعواااتك لي

شوفي ياعمري كسرها ايه بس خانها لا
يااختي زواج الزوج من ثانيه ليس خيانه بالشرع والدين وهذا شيء لازم نسلم فيه
وقلت لك هم يرون الشي هذا انه حق مشروع لهم
ويقيسون الامور بغير مقياسنا
والله ادري ان الموقف صعب جداً ياغالية
لكن مثل ماقلت قبل
عيشي حياتك بواقعها وارضي بقدرك
ولاتستسلمين للهموم ترى والله ماحد بيخسر صحته ونفسه إلا انتِ

راس العز
08-08-10, 09:26 PM
السلام عليكم ورحمته وبركاتة

0وعسى ان تكرهوا شي وهو خير لكم 0

اول شي شوفي المصلحة العامة من منظور اوسع


بعدين انتي في بلاد الحرمين اذا كنتي فيها الحين ايش قاعد بك هنا ؟

ادعي بالصالح لك



والمرء له حق على نفسة اذا قفلت السبل وانفصلتوا

اسال الله ان يبدلك خيرا منة واعلمي ان الانسان خطاااء

الله يوفقك ويصلحك لما يحبة ويرضاة

ريحة فارس
08-08-10, 09:26 PM
ترا عندك ثلاثة اولاد هم سندك


وزوجك يمكن يحبك بس محتاج لثانية

اكثر من الصلاة والدعاء ودعاء الكرب وتفريح الهموم


وقولي هذا الدعاء سبع مرات ومن قاله سب مرات سواء كان صادقا او كاذبا وشوفي نتجيته

حسبي الله لاإله إلا هوعليه توكلت وهو رب العرش العظيم (سبع مرات).


وهناك دعاء فك الكرب تحصلينه بالأنترنت

تحكمني قناعاتي..
08-08-10, 09:34 PM
اختي

اولا ابيك تفهمين ان الزواج من اخرى قد يكون لسبب او بدون سبب...يعني يمكن انك تكوني فعلا مقصره في حقك ...وبعدك عنه خلق في نفسه الحاجه للزواج من أخرى ..يعني اذا كنتي بعيده ...هي تكون قريبه وتعوض مكانك ...فيجب انك تراجعين نفسك من جديد وتشوفي مواطن الخلل والقصور ...ولاتقولين منيب مقصره..لأ حاولي تجلسي مع نفسك وتكوني منصفه وتعدلين من وضعك اذا كان في خلل

أمامسألة الثقافة والعلم والدراسه و....الخ هذي حتى لوكانت موجوده في الزوجه تضل هناك متطلبات للرجل في الزوجه غيرها ...مثلا الطبخ حسن تدبير البيت واللبس والتزين للزوج وغيرها.....يعني الطلبات الي يبحث عنها الرجل في الزوجه...فيجب ان الزوجه تكون عندها الاستطاعه والقدرة الكامله على تقديم هذه المتطلبات

طبعا انتي لازم تحاولين تستكشفين سبب رغبة زوجك في الزواج من غيرك اذا فعلا كان قصور منك فعالجيه ورح يصرف النظر عنه ...أما اذا قدّم لك مبررات واهيه غير مقنعه فاعرفي انه ناوي ناوي الله لايعوق بشر

أعيد وأكرر حاولي تراجعي نفسك وتسدي الفراغات الموجوده في حياتك وان شاء الله رح يصرف النظر عن الزواج من الثانيه وتعيشوا مع بعض احلى حياه

لكن ابي اقول لك شي ...لنفرض ان زوجك تزوج عليك ...يعني وقع الفاس في الراس..لاتخلين الموضوع مشكلتك في الحياه ...خلاص حاولي تتعايشين معه ورتبي امورك وربي عيالك اهتمي فيهم لأنهم هم مكسبك في الحياة...ومنتي اول وحده يعرس عليها زوجها ولا آخر وحده ....الرسول صلى الله عليه وسلم تزوج على زوجاته وكثير من الصحابه كذا ...
ومثل ماقلت لك لاتفرطين في زوجك مجرد انه تزوج عليك ...يمكن لاتزوج الثانيه يبدا يقتنع انك انتي مامثلك ويكبر قدرك عنده ومكانتك ....لأن هالايام الزوجه الثانيه توري زوجها الويل فيبدا يحن للأولى
وابشرك ابوي اعرس على امي مرتين وصار صدرها بحر ....مهيب زعلانه تقول بكيفه اهم شي عيالي الله يخليهم لي....والله انها عايشه معنا كنها عروسه كل واحد يمازحها ويضحك معها ويجيب لها هدايا....يعني مدللينها اخر دلال

(qq22)



اشكرك اخي عذب السجايا على هذه الكلمات
التي تنم عن عقل وفكر ناضج
الله لايحرمكم من الوالده ويحفظكم لها .

بنتـ المذنبـ
08-08-10, 09:41 PM
وابشرك ابوي اعرس على امي مرتين وصار صدرها بحر ....مهيب زعلانه تقول بكيفه اهم شي عيالي الله يخليهم لي....والله انها عايشه معنا كنها عروسه كل واحد يمازحها ويضحك معها ويجيب لها هدايا....يعني مدللينها اخر دلال

(qq22)


والله ماضنيت صدرها بحر ياخيي وميب زعلانه
بس انتم ماتدرون
ترى ياخوي كل اللي تسونه معها هذا مايعوضها عن زوجها
المرأة قد تكابر أو تجامل على قولتنا وتدعي انه شي عادي وماهمها
بس ترى من داخلها تحترق
وعلى طاري هالسالفة وحدة من زميلاتي تقول ليلة زواج ابوي زعلنا وكل وحده
منا بغرفة من ضيقة الصدر المهم تقول وشمينا ريحة البخور ونزلنا بسرعة بنشوف وش السالفة
واثاريها امي تبخر ابوي ليلة عرسه (sad)
وتقول بعد ماطلع ابوي شرهنا على امي وشلون تسوين كذا
قالت زوجي وكيفي لااحد يتدخل تخيل (qq60)
المهم تقول بعد ساعتين بس طاحت علينا وودينها المستشفى
ارتفع عندها الضغط والسكر
ياعزتي له (cry)

واحدمن الناس
08-08-10, 09:55 PM
الحمدلله وحده والصلاة والسلام على من لا نبي بعده ..
اختي الكريمة..عليك بالصبر والجوء إلى الله والتضرع بالدعاء
بأن يحفظكم من الزلل والغواية ..وأن يثبت زوجك على الدين ومراقبة
الرحمن الرحيم ..فرجل الدّين ..لا ينبغي له أن يضيف إمراة ليست من محارمه ..حتى لو النوايا سليمة ..ولكن للبعد عن مواطن الريب والشك..
وانقى للقلوب..المشكلة ..ياأختنا الفاضلة في هذا الزمن ..ان الزوج يعاهدزوجته ورفيقة دربه ..وريحانة قلبه .. ..بأن يكون عادلا بينها وبين الزوجة الثانية ..
وأنها ستظل حبه الأول والأخير ولن تستطيع إمراة أن تحتل مكانها بقلبه
..وبعد الزواج بشهر وشهرين ..ينسى الكلام السابق,,فيرى الغلط صحيحا
والصحيح غلط ..هكذا طبع البعض ..ولكن وصية اخ مشفق,, اصبري وحتسبي..فالعيش مع ربع رجل خيرا من الطلاق ..وتشتت الأولاد ..اسأل الله أن يربط على قلبك ..وأن يجعل التوفيق والسعادة بطريقك وأن يديم علينا وعليكم ستره ورحمته وتوفيقه ,,,آمين

عــزالخــوي
09-08-10, 12:13 AM
وعليكم السلام ورحمة الله وبركاته!!
اجل زوجك طيب , عشان كذا استغربتيهامنه , والان وش بيطلع بنظرك اقشر وقيشرمثلأ
اصبح قليل خاتمه , اصبح مافيه خير , اصبح انه خائن مثل ماقلتي بردك
اقول انتي انانيه وتحبين نفسك اكثر زواجك منه حلال عليك وحرام على غيرك ,
يعني زوجك هو اول من يتزوج عليك , هل تعلمين كم عدد زوجات الرسول صلى الله عليه وسلم
اذالم تعرفين , فاعلمي ان عدد زوجاته , احدى عشر زوجه ,,
طالمنك متعلمه ومثقفه , اكيد رايحه تعرفين اسامي زوجاته رضي الله عنهم
فهل انتي افضل من خديجه من خويلد , اومن عائشة بن ابي بكر ,, الى اخرزوجاته
اقول ترابعض الحريم , تنتخ عينهاباصبعها يعني اذالشرع محلل لرجل اربع مالك حق تعترضين عليه
افضل ماينجرف بالحرام وغيرهـ
اقول تحمدي الله عندك اولاد منه بكره بعدالله بينفعونك بس لايوسوس لك الشيطان
وتسمعين كلام منيره ولاحصه ولا الي هي ,, ترمونافعيينك اذاجاتك ورقتك تمشي 1000حسب
بعد مدينتكم وبعدها,معدتنفع الدموع ولعدتنفعك الي قالت لك سوي كذاوسوي كذا
خليك عاقله ورزينه واتبعي السنه الشرعيه الي حللها الله سبحانه
وتركي عنك الخراط الي ماله سنع
بس حاولي انك تغيرين وضعك الروتيني المعتاد الي مل منه زوجك يعني فاجئيه , باشياءحلوه
وتزيني له وووو وشبعد ,, فاصـــــل اعلاني ,, يعني خليه يقول بينه وبين نفسه
معقوله هذي افلانه ماني مصدق (qq1)
واذاركب راسك الشيطان تذكري مستقبل بزرانك , بيصيرون زي اليتيم وضايعين بينك وبين ابوهم
يعني زبدت الكلام ,, اهجدي يامره ولاتجبين مشاكل لنفسك انتي في غناعنها

الآمـاكـــن
09-08-10, 12:29 AM
الي يحب مايتزوج علي زوجتــه حتي لو أيش

الظـاهر زوجك مزاجـي ويحب التعددد

وانتي ماتقدريـن عليــه

خليـه يتزوج

وبشرطــ

يكوون عادل بين حريمه

ولأهم انه يقدر يفتــح بيتين

الطراق
09-08-10, 01:37 AM
انامقدر شعورك لكن اذاكان مؤمن وممكن يعدل لاتخافي . انتي حاولى تفهميه ان العدل صعب وممكن يتعرض للأثم اذا لم يعدل واكيد يراجع نفسه . واذا كان قادر على العدل اطمئنى سيبقى الحب للحبيب الأول

المحــــارب **
09-08-10, 01:58 AM
تحكمني قناعاتي ... اولا اسمك يجعلك تتفهمين الامر كثيرا ...وهذا يسهل قولي عليك
مع احترامي لك الا ان زوجك معه حق 100 % ... خلي عنك كلام
شكشكات الانترنت ... زوجك كل مايقوم به هو حق شرعي له .. ويقدر
بنص القران ان يتزوج وحده ثانيه معك ... ويحط معكن سورية ويكتم لكن
بلبنانية بعد ...اجمل منكن كلكن :)
ولالك حق الاعتراض ابدا ... ابد

خلي عني هياط الانترنت وهرطقات الحريم ... انا ماسويت له شي .. انا ماقصرت معه .. انا صبرت معه ... انا في .. وانا في .. وتصور لكن عقولكن ان الزواج الثاني والثالث خيانه ونكران ... ورومانسياتكن اللي ابلشتنا فيها ...وسسموا افكاركن ...

انتي حلي لي مشكلة الدين وتعالي ناقشي ... فيه نص صريح يقول خوذوا واعدلوا
وعذركن ان مافيه احد يعدل ايضا كذب ... الغالب من الناس كل ليله عند وحده ويعدل بينهن بالنفقه وصلى الله وبارك ...
والرجل لسا شاب وملتزم ولايبغي يزيغ هنا ولاهنا ... ويبغى يبحث عن متعته بالحلال وبنص الدين فاين الجرم ... وليش جايه هنا تولولين ...
صدقيني لو يتزوج عليك ان تاخذين لك شهر ثم تجيك الغيرة وتقومين تقامزين حتى تصيرين احسن من الحرمه الجديدة وتنسين كل احزانك وتضبط امورك ... ويصير كل همك التميز (لوجود منافس )
لو لم تكن المرأه مهيأه نفسيا وعاطفيا لوجود ضره و2 و3 ماشرع الدين التعدد

انا اويد اللي يقدر ماليا وعاطفيا انه ياخذ بدل الوحده 4 ... ويحيي السنه ويفك ازمة البنات ... ويفتح باب للمتعة لنفسه ويضع حدا لتجاوزات زوجته ان وجدت ويوجد لها الحماس لوجود البديل والمنافس ومن هذا التنافس الزوج هو الكسبان
مافكرتي بوحدته يوم تروحين عند اهلك بالاسبوعين والشهر وهو لحاله بالبيت ... مافكر سموك بهالمسكين اللي جالس لوحده يطبخ لنفسه ويغسل ثيابه ...
لو فيه وحده غيرك .. كان ماحتي لاهلك الا يومين بالسنة (a14)
خليه يطق له بنت لارحتي لاهلك يلقا من يخدمه وطز بابو الاخلاص الزوجي كله اللي يخليني اجلس لحالي انتظر سموها متى تروق وتجي (a14)(a14)

ان بغى زوجك زوجة ادور له ... يستاهل رجل محافظ وامام مسجد وجامعي طموح
من يلقا مثله هذا .... سلمي لي عليه والله انه ولد قلبك (a14)(a14)(a14)

بنت الهيلا
09-08-10, 02:02 AM
حياك الله وبياك

الله يكون بعونك والله جاني ماغص من يومن قرآت موضوعك حاسه فيك والله الله يقهرهم بس

الي ماعنده عذر ليه يتزوج فراغه

الله يصرف نظره ومايشوف الا انتى

شموخ بدوية
09-08-10, 02:08 AM
شووفي يالغالية اذا كان اعتراضك على حركاته من جد مايجوووز وهذا هو امام مسجد وطالب علم يحق لك الزعل


لكن مسألة زواجه .هذا من حقه وش راح تسوين ..اذا الله لايقدر تزوج عيشي حيااااااااااااتك

ترى الدنيا ماوقفت على رجل الدنيا حلووووة بس نفهمها > وش عندها ليلى مراد









دائم اقول لمن حوولي لو اني رجال ومقتدر كان صكيت 4 حريم > فيس مبتسم

عــزالخــوي
09-08-10, 02:12 AM
حياك الله وبياك

الله يكون بعونك والله جاني ماغص من يومن قرآت موضوعك حاسه فيك والله الله يقهرهم بس

الي ماعنده عذر ليه يتزوج فراغه

الله يصرف نظره ومايشوف الا انتى

جاك ماغص عشان واحدبيتزوج على زوجته
اجل لوزوجك تزوج عليك ويش بيصيرفيك:SmileyBunny:

المحــــارب **
09-08-10, 02:12 AM
شووفي يالغالية اذا كان اعتراضك على حركاته من جد مايجوووز وهذا هو امام مسجد وطالب علم يحق لك الزعل


لكن مسألة زواجه .هذا من حقه وش راح تسوين ..اذا الله لايقدر تزوج عيشي حيااااااااااااتك

ترى الدنيا ماوقفت على رجل الدنيا حلووووة بس نفهمها > وش عندها ليلى مراد
خبله من جد غفر الله لك ياشيخة شموخ اق بيق ..اجل ليلى مراد (a14)(a14)(a14)(a14)


دائم اقول لمن حوولي لو اني رجال ومقتدر كان صكيت 4 حريم > فيس مبتسم

تعجبيني ...
وجه مفلطح من السعادة ... :SmileyBunny:

النجلاء ~
09-08-10, 02:17 AM
سبحان الله على هالمجتمع اللي ماودي اقول الاحمق
همن بكرى ترفعون علي دعوى عند ستار لزوم تتادب وتعطيها باند (a26)

الحين كل ماتزوج رجل على زوجته صارت العله والتقصير فيها
صباح الخير ياملائكه (qq167)

شوفي يابعدي اللي رجله بالماء البارد مو زي اللي رجله بالنار
انتِ محروق قلبك وما الومك ومن حقك تضيقين
لكن مالك الا الدعاء صدقيني هو اللي بينفعك
صلي تالي الليل واسجدي واشكي لربك واساليه ان يحير زوجك عن الحريم
وبأذن الله ما راح تشوفين الا اللي يسرك

العوافي

هوووفي
09-08-10, 02:34 AM
يارجاااااااااااااال عليكم بالتعدد ماعليكم من كلام المسلسلات اللي خلوه جريمة وخيانة




العوانس ترسو البيوت


اتقوا الله فينا ياحريييم

العواااااااااااااانس اوووووو اقصد الاوااااانس
ماشكو لك الحال (ekaj)(ekaj)(ekaj)





(ودمتم سالمين)

بنتـ المذنبـ
09-08-10, 02:38 AM
... ويحط معكن سورية ويكتم لكن
بلبنانية بعد ...اجمل منكن كلكن :)
ولا لك حق الاعتراض ابدا ... ابد

ورومانسياتكن اللي ابلشتنا فيها ...وسسموا افكاركن ...

ان بغى زوجك زوجة ادور له ... يستاهل رجل محافظ وامام مسجد وجامعي طموح
من يلقا مثله هذا .... سلمي لي عليه والله انه ولد قلبك (a14)(a14)(a14)


سبحان الله ياأخي ليست كل الأمور تتحمل الهزل
عندك أن السورية واللبنانية اجمل منا .... الخ
افرد لهن موضوع خاص وطلع اللي بقلبك
المرأة تريد حل وأنت تتهكم ؟؟

بنت الهيلا
09-08-10, 02:43 AM
جاك ماغص عشان واحدبيتزوج على زوجته
اجل لوزوجك تزوج عليك ويش بيصيرفيك:smileybunny:

الله لا يقوله اذا تزوج بسيطه المآذون الي بيطلع ورقة زواجه بيطلع ورقة طلاقي

الزواج شرع ومانقول الا سمعآ وطاعه لكن الله لا يكتبها علي

انثى حره
09-08-10, 02:46 AM
الله يعينك ويساعدك

المشكله الاكبر مو في زواجه في حركات المراهقين و البنات اللي ضايفهن على المسن

ومواقع الزواج يعني بالله لو هو يبغى يتزوج بيآخذ وحده تعرف عليها في

مواقع الزواج واللي هي أغلبها لعب عيال ومسيار ومسفار وماني عارفه ايه !!

هذا الشي غير مقبول أبدا يبغالك تآخذي موقف وتنصحيه مره وثلاث وعشره

البنات اللي يتعرف عليهن من هذي المواقع ما أعتقد انهن صالحات للزواج أبدا

اتأكدي الله يرضى عليك هو بالفعل يبغى يتزوج والا يآخذ الزواج حجه

عشان يسوي هذي الخرابيط خاصة انو مجتمعنا لا يتقبل هذي النوعيه من الارتباط





و اذا ربي كتب و تزوج اش بتسوي يعني ماراح تمنعيه عيشي حياتك والله ما ينفعك

كلام فلانه وعلانه عيشي حياتك وربي عيالك مانتي أول ولا آخر وحده يتزوج

عليها زوجها صحيح انها حرقة قلب بس الدنيا ما تتوقف على رجال

الميسم
09-08-10, 02:48 AM
أمنية زوجك في الزواج من أخرى عادي جدًا جدًا
لكن طريقته هي الي عليها ملاحظة , يعني الطريقة فقط نحط عليها شمع أحمر لأنها مخالفه..
لكن طلبه للزواج من أخرى ليست مخالفه بل حق من حقوقه ..
والرجل متى ما فكر في الزواج والله ولا أكبر قوة في العالم تقدر ترده , والوضع محد يعيشه
غيرك يعني أنت أدرى مننا بوضعك , فكيف نرشدك وصاحب الأمر نفسه يخطط بينه وبين نفسه
يعني مسألة التخمين ويمكن وما يمكن هذي ما تنفع إطلاااقًا ..
كل شخص أدرى بحاله وعارف نقاط الضعف عنده وهو المعالج الوحيد لنفسه ..
الأمور هذي بالذات ما فيها أرشدوني , لأن الطرف الآخر معطينا ظهره يعني فيه شريك
المشكلة فيها طرفين واحد قدامنا والثاني وين ..؟!!!
الملجأ الوحيد لك هو الله سبحانه , ادعي الله أن يصرفه والم يصرفه أن يسخره لك
يعني مب معنى أن الرجل تزوج تكون نهاية العالم , ليه تتوقعين الأسوء خليك متفائلة
حتى لو كان وضعك الحين حسن يمكن بزواجه يكون أحسن ..
بعدين هو الحين يهدد يعني الله يهديه أشهر سلاحه من رأيي أن يطعنني ويخلصني
ولا يقعد كل شوي يهددني ..رمح أطعن به ولا رمح أوعد به ..!!

ياعمري عمر النساء أشغلتها الرجال ..(asj)
الله لا يشغلنا إلا في طاعته ..

هوووفي
09-08-10, 02:54 AM
شوفي عزيزتي
اكيد زوجك زايده فلوسه هاذي اليومين
هم كذا الرجال وخصوصا اذا كانو مثل زوجك مايفكر بالعرس الا اذا نغنغ
اول شي تسوينه انك تحاولين انه مايقعد ع النت لحاله خلك حوله وحواليه اخاف يراسل احد ويتعلق عقله
وقلبه
ثاني شي كان عنده قرشين زايد حاولي تطلعينها من عنده
مثلا اثثي بيتك او غيري البويات او اي شي اهم شي فيه صرف فلوس
اكيد بيعترض لانه جامعا لست الحسن بس اقنعيه يمين شمال فوق تحت طلعي منه فلوسه
ثالث شي ألفي قصص عن الزواج بهاذي الطريق ابدعي خليه يعيد حساباته من جديد وانشالله يتراجع
واخيرا اذا مانفع اي شي من الي قلت
بقولك شي واعتبريه نصيحه
انا مقدره القهر الي في خاطرك واكيد انك زعلانه منه بس لو قالك اني بتزوج او حاول يستفزك
او مااستفزك انتبهي تساومين على نفسك انتبهي تقولي يا انا يا اهي
احفضي كرمتك وعيشي حياتك
ماوقفت الدنيا عشان رجال


(ودمتم سالمين)

نكهه القهوه
09-08-10, 02:57 AM
لاحول ولا قوه الا بالله
الله يكتبلك الثبات
اول شي يا قلبي ركزي بنفسك ونفسيك وان عيالك خسرو ابوهم لايخسرونك
لحد يقولي عدل وخرابيط ها الرجال
ما في عددددددددددددددددل بلا اعذار واهيه
من يتزوج يسفط زوجته وعياله قلب رجال ورقه وما تدرينمن يطيح فيه
عاد وش ها الطريقه بعد نت وخرابيط ومواقع زواج
انا اقوللك عن الملتزمين وموضتهم واعرف مشايخ يطلعون بتلفزيون كل يوم طاق له كوافيره من مشغل مسيار
ويقول حلال بشرع
كل جمعه وحده وينا فيه وان صار معه فلوس وطاقه يضيع بنات الناس ويخسر نفسه عند عياله عشان ايش
وانت منثبره عنده سنه كامله يوم رحتي اسبوع موقادر يصبر
يصوم يومه ملتزم ابرك له
لااحد يقص عليك
انا اقول راجعي نفسك واثبتي وجودك
ولا تزعلين لا تثورين ولا اقول تطلقي ولا ااطلعي من البيت
لاكن لاتتقبلين الامر على انه واقع يعاش
ارفضي الفكره واطعلي وروحي وسعي صدرك وكملي دراستك وابني مستقبلك
ضحيتي عشانه وهوراح يشوف حياته

فكري بطريقه تستقلين فيها حاولي تتوظفين والزم ما عليك ابنائك لا يعيشون في جو مشاكل
ولا تهزين صوره ابوهم لان اغلب الحريم ان قلبت على الرجال عمت اولاده معه
هم فرحتك بدنيا وهم عزوتك
والرجال مالهم امان يا قلبي
الله يخلي عيالك لوالله يبعد عن زوجك ها الفكره
>قلبي معك لان ظرفنا مشابهه

# النوار #
09-08-10, 03:09 AM
خليه يعرس ويعف نفسه ترى الرجال احيانا ما تكفيه زوجة وحدة وحرام تخلينه يلجا للمعصية ويكلم بنات وربي محلل له ومشرع بالدين اللي يناسبه ويعينه على البعد عن الفتن

اذا تزوج صدقيني بترتاحين وبتاخذين راحتك وبتشيل الزوجة الثانية من المسؤولية على الاقل اليوم اللي عندها تنامين لين تشبعين وتهتمين بنفسك وهواياتك وتشتاقين له ويفارق عنك شوي هههه

حاولت في زوجي يعرس لكنه لزقة الله يهديه ولا ابي ابلش بنات الناس فيه

اكيد بتغارين واكيد بتتضايقين لكن وش احسن برايك يتزوج وتنملي عينه والا يسوي علاقات مع بنات ؟

اذا تحبينه فعلا بتخلينه يسوي اللي يرضي ربه عنه وبتساعدينه لان لك الاجر ان شاء الله وصدقيني راح يعوضك ربي وبتكبرين في عينه ونافسي الزوجة الجديدة بشرف مو تنكدين عليه وعليها
وتأكدي ان الرجل العاقل العادل من السهل جدا عليه ان يحب ثنتين وثلاثة واربع بدون لا يضر اي وحدة فيهم او يقصر معاها لان ربك خلقه كذا

الله يثبتك ويسهل عليك ويكتب لكم الافضل والانسب

بنت الهيلا
09-08-10, 03:13 AM
خليه يعرس ويعف نفسه ترى الرجال احيانا ما تكفيه زوجة وحدة وحرام تخلينه يلجا للمعصية ويكلم بنات وربي محلل له ومشرع بالدين اللي يناسبه ويعينه على البعد عن الفتن

اذا تزوج صدقيني بترتاحين وبتاخذين راحتك وبتشيل الزوجة الثانية من المسؤولية على الاقل اليوم اللي عندها تنامين لين تشبعين وتهتمين بنفسك وهواياتك وتشتاقين له ويفارق عنك شوي هههه

حاولت في زوجي يعرس لكنه لزقة الله يهديه ولا ابي ابلش بنات الناس فيه

اكيد بتغارين واكيد بتتضايقين لكن وش احسن برايك يتزوج وتنملي عينه والا يسوي علاقات مع بنات ؟

اذا تحبينه فعلا بتخلينه يسوي اللي يرضي ربه عنه وبتساعدينه لان لك الاجر ان شاء الله وصدقيني راح يعوضك ربي وبتكبرين في عينه ونافسي الزوجة الجديدة بشرف مو تنكدين عليه وعليها
وتأكدي ان الرجل العاقل العادل من السهل جدا عليه ان يحب ثنتين وثلاثة واربع بدون لا يضر اي وحدة فيهم او يقصر معاها لان ربك خلقه كذا

الله يثبتك ويسهل عليك ويكتب لكم الافضل والانسب




كيفك ام عبدالرحمن لك وحشه بصراحه دمك ثقيل بذا المعرف يازين الاول معرف ام عبدالرحمن

نكهه القهوه
09-08-10, 03:28 AM
اوما نافسي بشرف يا ام عبدالرحمن
ارحمنا عاد هههههههههههه
هو يا ناخذه كله يا يروح كله
النص هذا مش كويس متعب نفسيا

# النوار #
09-08-10, 03:40 AM
كيفك ام عبدالرحمن لك وحشه بصراحه دمك ثقيل بذا المعرف يازين الاول معرف ام عبدالرحمن


ههههههههههههههه

هههههههههههه

وبعد

ههههههههههههههههههههههه الاخيرة اطولهم :SmileyBunny::SmileyBunny:


يا شيخة قلبتي علي عشاني قلت للمرة تخلي رجلها يعرس (a14)

حتى رجلك خليه يعرس يمكن يهجد ويصير احسن واحد في الدنيا (a26)

الله يخليه لك ويتمم عليكم بس انتي لا تخلينه يقرا هالموضوع (qq152)

وبعدين دمي من زمان ثقيل توك تدرين (qq22) بس الحين زاد ثقلاً هههه

يمكن بسبب نقص الحديد عندي
تراني احبك وتعجبني عفويتك وما راح اغير رايي فيك حتى لو سميتي نفسك الهيلا بدون بنت (d)

صح وانا بخير وبكامل قواي العقلية واسلم عليك (a24)

بنت الهيلا
09-08-10, 03:46 AM
ههههههههههههههه

هههههههههههه

وبعد

ههههههههههههههههههههههه الاخيرة اطولهم :smileybunny::smileybunny:


يا شيخة قلبتي علي عشاني قلت للمرة تخلي رجلها يعرس (a14)

حتى رجلك خليه يعرس يمكن يهجد ويصير احسن واحد في الدنيا (a26)

الله يخليه لك ويتمم عليكم بس انتي لا تخلينه يقرا هالموضوع (qq152)

وبعدين دمي من زمان ثقيل توك تدرين (qq22) بس الحين زاد ثقلاً هههه

يمكن بسبب نقص الحديد عندي
تراني احبك وتعجبني عفويتك وما راح اغير رايي فيك حتى لو سميتي نفسك الهيلا بدون بنت (d)

صح وانا بخير وبكامل قواي العقلية واسلم عليك (a24)


ياويل حالي حتى لهجتك تغيرت لا مابي ذا المعرف ابي ام عبدالرحمن

انتي تقولين جارنا وهو زميل لزوجي تزوج على زوجته كل ماكلم زوجي جاني الماغص مابي طاريه ابدآ وش اسوي يام عبدالرحمن ربي كرهني بالطبينه والله انها غبينه

زعيمهـ فللهـ
09-08-10, 03:53 AM
اختي الكــــــــــريمه صح شي يجـــــــرح ويقهر

بس معررروف الرجال مهما كان ماله امـــــــــــان>>>>>تسمع من خواتها خخخخخخ

بس عندي نصيحه لكـــــــــــ

وهي ان تصلي في منتصف الليل وادعي ربـــــــــكــ بكل ماتريدي

وكثري الاستغفااااااااااااااااااااااااااااااااااااار انه ييسر الامووووور

بااذن الله ترجع حيـــــــــاتكـــــ احلى من قبل

والله لايفرقكم وبالتوووووووووفيق خيتووووووووو

# النوار #
09-08-10, 03:54 AM
ياويل حالي حتى لهجتك تغيرت لا مابي ذا المعرف ابي ام عبدالرحمن

انتي تقولين جارنا وهو زميل لزوجي تزوج على زوجته كل ماكلم زوجي جاني الماغص مابي طاريه ابدآ وش اسوي يام عبدالرحمن ربي كرهني بالطبينه والله انها غبينه


الله لا يكتب لك مكروه

لكن اذا ربي كاتب لك شي وصار اكيد بترضين وبتحاولين تتعايشين معه لانك انسانة مؤمنه ومتوكلة عليه سبحانه - نحسبك كذلك والله حسيبك ولا نزكي على الله احد -


الواحد يوطّن نفسه في هالدنيا لتقبل كل شي لان ما فيها راحة هي دار ممر والبقاء والسعادة الكاملة في الجنة ان شاء الله

كلنا نكره الضرة لكن نكره بعد معارضة شرع رب العالمين وما نعترض على شي فيه

بنت الهيلا
09-08-10, 03:57 AM
الله لا يكتب لك مكروه

لكن اذا ربي كاتب لك شي وصار اكيد بترضين وبتحاولين تتعايشين معه لانك انسانة مؤمنه ومتوكلة عليه سبحانه - نحسبك كذلك والله حسيبك ولا نزكي على الله احد -


الواحد يوطّن نفسه في هالدنيا لتقبل كل شي لان ما فيها راحة هي دار ممر والبقاء والسعادة الكاملة في الجنة ان شاء الله

كلنا نكره الضرة لكن نكره بعد معارضة شرع رب العالمين وما نعترض على شي فيه



اكيد شرع الله وعلى العين والرآس ومانقول الا سمعآ وطاعه

لااالو
09-08-10, 04:14 AM
الله يعينك بصراحه حاولت احط حالي بمكانك بس مامشي الحال خيالي ضيق ..
لكن بقول اقتراح متواضع واقل من مستوى الحصله الي انت فيها ..
اعزميه بشكل رسمي وبمكان خارج بيتك عند اهلك او اي مكان مناسب واتكلمي معه بجديه وحاولي تتعرفي ع السبب لان مافي شي الا يكون له دافع ايش ماكان حاولي تعرفيه .وحسسيه بمشاعرك وصدمتك ..واذا لاقدر الله فشلت محاولاتك وتزوج انصحك
(اذا طاقتك تسمح)تصبري وتتحتسبي وتركزي ع آخرتك ولاتركزي همك انك تكسبيه تماما خليك ع الواجب وبحدود رضاه وبلاش منافسات لانها مالها اخره تفتنك وتشغلك المنافسات لما تلاقي ربك بعد عمر طويل وانت بأجواء المنافسه..
(سامعه ياعزيزتي ام عبدالرحمن (qq167)).


اسأل الله لك التوفيق وان يجعل حبك حجاب بين زوجك ونساء الدنيا..تحياتي للجميع ..

مشرقه
09-08-10, 04:28 AM
هلابك عزيزتي

ماقصرو الاخوان والاخوات معاك

بس فيه شي واحد يبحث عنه زوجك

أبحثي عنه وامنحيه زوجك قبل لايطير

وأذا طار ركزي على تربيه أبنائك لأنهم هم من يستحق الاهتمام بهم

والزواج حق مشروع لايحتلف عليه أثنين

الله يثبتك وعليك بسهام الليل ..........صدقت بنت الهيلا

مغصني بطني يوم قريت مشكلتك

تحكمني قناعاتي..
09-08-10, 04:45 AM
شوفي عزيزتي
اكيد زوجك زايده فلوسه هاذي اليومين
هم كذا الرجال وخصوصا اذا كانو مثل زوجك مايفكر بالعرس الا اذا نغنغ
اول شي تسوينه انك تحاولين انه مايقعد ع النت لحاله خلك حوله وحواليه اخاف يراسل احد ويتعلق عقله
وقلبه
ثاني شي كان عنده قرشين زايد حاولي تطلعينها من عنده
مثلا اثثي بيتك او غيري البويات او اي شي اهم شي فيه صرف فلوس
اكيد بيعترض لانه جامعا لست الحسن بس اقنعيه يمين شمال فوق تحت طلعي منه فلوسه
ثالث شي ألفي قصص عن الزواج بهاذي الطريق ابدعي خليه يعيد حساباته من جديد وانشالله يتراجع
واخيرا اذا مانفع اي شي من الي قلت
بقولك شي واعتبريه نصيحه
انا مقدره القهر الي في خاطرك واكيد انك زعلانه منه بس لو قالك اني بتزوج او حاول يستفزك
او مااستفزك انتبهي تساومين على نفسك انتبهي تقولي يا انا يا اهي
احفضي كرمتك وعيشي حياتك
ماوقفت الدنيا عشان رجال


(ودمتم سالمين)



لاعنده قرشين ولاهم يحزنون
الراتب يادوب يمشي لاخر الشهر
بيته ماهو قادر يأثثه بالطريقة اللي تريحني وتريحه
وسكن بالاجار
لكن رجال مجاااانين

احلى الحلوبن
09-08-10, 04:48 AM
الله يسخره لك ..<<ماحبيت اطلع بدوون رد ..

تحكمني قناعاتي..
09-08-10, 04:59 AM
اتمنى ماتنسوني من دعووواتكم

هوووفي
09-08-10, 06:31 AM
لاعنده قرشين ولاهم يحزنون


الراتب يادوب يمشي لاخر الشهر
بيته ماهو قادر يأثثه بالطريقة اللي تريحني وتريحه
وسكن بالاجار
لكن رجال مجاااانين



هذا الي يذبح القلب ذبح الذبايح عيد الضحيه...... ادري مالك خلق مو وقت الفلسفه
والله من جد طفران ويبي يعرس قهرررررررررررررررررررر
يمكن الي فيه مراهقه متأخره
7
7
7
7
7
7
أقول رمضان الابواب عاستغلي هذا الشهر
مالك إلا ربك


(ودمتم سالمين)

الشيخـــــه شجـــــون
09-08-10, 08:07 AM
اولا زوجك فعلا خائن لانه يسوي اللي قلتي عليه بالنت

ولو مو النت مخربه يمكن ماكان جات هالافكار براسه

وطرقه ملتويه فطلب الزواج

وخائن لانه مدعي الالتزام وهو من جنبها

والان محد بيساعدك في حل هالمصيبه الا وحده سبحانه

اكثري من ذكره وادعيه انه يزيل عنك هالغمه

وكل كلام ماعجبك ارميه وراك ولا كانك شفتيه

واياك تهملين فعيالك لانهم مثلك ضحيه لافكر فيك ولافيهم فكر بس فنفسه

وان صمم وسواها فكوني على قناعه ان العيب فيه مو فيك لان طريقته واسلوبه ملتويين

الله يعينك على ماابتلاك

عــزالخــوي
09-08-10, 12:53 PM
لحد يقولي عدل وخرابيط ها الرجال
ما في عددددددددددددددددل بلا اعذار واهيه
من يتزوج يسفط زوجته وعياله قلب رجال ورقه وما تدرين من يطيح فيه

اوووووووشكلك مجربه لاتكونين انتي الزوجه الثانيه:smileybunny:
ومن قالك مافيه عدل ,, العدل موجود ولاكن يبقاالعدل بيد الزوجه , اذاهي اعرفت تجذب زوجهاوتنافس زوجته الثانيه على ارتياح الزوج
وكل وحده تنافس الثانيه .اعتقد لازم يعدل لان ماله عذر ,لاكن وحده تزبرق وتزين ,ووحده حتى خلاقينهاماتغيرها.بلاه وشلون اعدل .(a26) شفتي يوم اقول ان العدل عن الحريم


انا اقوللك عن الملتزمين وموضتهم واعرف مشايخ يطلعون بتلفزيون كل يوم طاق له كوافيره من مشغل مسيار
ويقول حلال بشرع
كل جمعه وحده وينا فيه وان صار معه فلوس وطاقه يضيع بنات الناس ويخسر نفسه عند عياله عشان ايش
مشكلت صاحبة الموضوع ان زوجهامطوع
وملتزم وامام مسجد , يعني صفات الجهاد اجتمعت فيه ونامستغرب انه حتى الان مابعدتزوج ,لان الملتزمين لهم وضع ثاني
وبعض حريمهم تنصح زوجهابان يتزوج رافتن بحالها,يعني فاصل اعلاني مافيه (qq1)
والمسيارحلال . وبعدين شوالمشكله اذاكل جمعه طقله وحده بكرتونها ,مافيهاشي
حلال محلله ربي , انتو يالحريم مشكلتكم مشكله اذالرجال تزوج ثانيه وثالثله قامت الدنيا يعني انتوتبون ازواجكم .يلفون ويدورون من وراكم ويسلكون درب الحرام ’ترادروب الحرام واجد وخاصه بهاالوقت .اوتبونهم يتزوجون على سنة الله ورسوله ,اناااتوقع والله اعلم من بعض كلام الاخوات الي مريت على ردودهن انهاتفضل زوجهايسلك طرق غيرشرعيه ولايتزوج عليهاا,ليش عشان ماياخذعليهامرتن ثانيه تضيع مستقبلها(z)
البعض منهن تقول والله ,انه قهر,والله انه غبينه ,والله لاطلب طلاقي والبعض منهن متدين الله يهديهن







عوافي ام زياد

حبيب القصمان
09-08-10, 01:05 PM
الصراحه هي روح النقاش الجاد
لو لم يجد تقصير منك لم يفكر بالزواج
اعذروني على الرد
اختي روحي المشتشفي واعملي عملية ترجعك بنت (اكيد فهمتي)
وشوفي اللي يفكر بالزواج وعنده اولاد
اكيد يبي تجديد في الفراش

اللطيفة
09-08-10, 01:20 PM
أشاطرك الهم وأسأل الله أن يفرج ماتعصى عليك
من أمور صعبه !!
أولاًحينما أحاول أنادي العقل وأطلب منه
العودة وأن يشاركني الأحزان
ويعطيني التوجيهات الصحيحة لابد
أنأعمم بإن كلام زوجي هذا أغلب الرجال
يشعرون بهم زوجاتهم ليس شرط أن هذا الكلام يدل على حدوث تقصير مني !!
الواضح أنك أمرأه عاقلة بدأت تخضع وتسيطر عليها عواطفها :)
وهذا شيء مجبوله عليه المرأة شئنا أم أبينا
لكن أنا ضد أن تتسب العاطفة في إلغاء عقولنا لسبب
بسيط متى ماسيطرت العاطفة على عقولنا فإنها ستغيب
جانب العقل ولن نشعر بلذة الصلاة والمناجاة !!
العاطفة بدأت تسيطر لأمر من يدري ربما يتحقق بعد سنه أو سنتين
ومن يضمن حياته وأنه سيعيش !!:)
لذا تفكيرك في هذا الأمور سيتعبك وهذا بحد ذاته خطأ فادح
وسيكون له تبعات في المستقبل !!
ثانياً:-الخطأ الآخر الذي وقعتي فيه تفتيشك لما كان يفعل زوجك ؟
هذي أيضاًصدقيني ستترك تراكمات نفسية أيضاًلها تبعات حتى
لو ماستشعرتيه حالياً!!
ليش أبحث وأنبش عن أشياء مؤلمه والله أمرنا بالحكم في الظاهر والباطن
على الله والله علمه فقط (qq1)
بعدين زوجك ماراح يتزوج من هؤالاء الشراذم صدقيني
ولكن تلك العينات ساعدت على نشؤتلك الفكره
على الرغم من أن زوجك ملتزم ورجل صالح هل كنتي
ترددين الدعوات إذا خرج وإذا دخل البيت ؟!!
أخيراً
عليك بالدعاء صدقيني غير كثيراًمن أفكار بعض الرجال وتوجهاتهم من إلى ؟!!:)
المهم لاتشعري زوجك بإنك فتشتي أوراقه
كل ماعليك التجاهل والدعاء والإستغفار
وترديد الدعاء هذا له عند الخروج من المنزل
اللهم أني أستودعك زوجي سمعه وبصره وقلبه وفرجه فاحفظه
من جميع بنات حواء
والله يرد لك زوجك ويجعله ماينظر في النساء إلى أفضل منك
تقبلي شكري وتقديري
اللطيفة00

حبيب القصمان
09-08-10, 01:24 PM
اللطيفه
اشكر لك هذا الرد
وخطر على بالي بيت شعر تستحقينه


منهو حبيبك غايتي بس اهنيه =على حسن حظه عشانك حبيبه

رندورغد
10-08-10, 02:20 AM
الله يهديه ويصلحه ويسخره لكي ولا يشوف من النساء غيرك
مالك الا تدعين
تراني اعرف ثنتين كانو رجالهم بيتزوجو وماكتب الله لهم
عسى ربي يفرجها عليك ويسخره لك
امين

رندورغد
10-08-10, 02:25 AM
بعدين بقولك شي
لاتفتشين وراه ابد صدقيني ماراح تلاقين الي يسرك
اساليني خمس سنين الاقي بلاااااااااااااااوي ع زوجي لين بدا يخش سكران علي
فصرت اوهمه انه عاقل وانا مصدقته مع انه كل شوي سفره ويمين بالله انواع الدشاره عنده
لكن ما انقول الا اللهم اهديهم وحسبي الله على من ضلمني فيه وغشني فيه
ولا دريتي عن شي لاتقولينه خليها بقلبك تحرقك ولا طلعينها ويغثك بكلامه

اللطيفة
10-08-10, 02:57 AM
بعدين بقولك شي
لاتفتشين وراه ابد صدقيني ماراح تلاقين الي يسرك
اساليني خمس سنين الاقي بلاااااااااااااااوي ع زوجي لين بدا يخش سكران علي
فصرت اوهمه انه عاقل وانا مصدقته مع انه كل شوي سفره ويمين بالله انواع الدشاره عنده
لكن ما انقول الا اللهم اهديهم وحسبي الله على من ضلمني فيه وغشني فيه
ولا دريتي عن شي لاتقولينه خليها بقلبك تحرقك ولا طلعينها ويغثك بكلامه


بصراحة رد ضحكت له من الأعماق(a14)
ولاسخرية من كاتبة الرد
لكن الخط صغير مره وأحس بإنها تتختل وتمشي بخفاء عيوني دخلت في الشاشة
من الفضول
الله يرفع عن المسلمات ويفرج لهن
آمين يارب العالمين (q104)
اللطيفة00

تحكمني قناعاتي..
10-08-10, 04:21 AM
لا ادري كيف اسجل شكري لاعضاء هنا
اهدوا الي نصيحه او اشاروا عليه بما يعتقدوه صوابا في نظرهم
او سجلوا دعواتهم لي ..
صدقووني مهما كتبت لن اوفيكم حقكم ..فمنكم صاحب العقل الناضج
وصاحب التجارب والدروس ومنكم من لايملك الا الدعاء فأبى ان يخرج
بدون ان يرد ولو بدعوه .
اشكركم ..اشكركم جميعا على كل حرف خطته ايديكم
ولا املك لكم الا الدعاء .

وابشركم الحمدلله كأن زوجي بدأ يلغي فكرة الموضوع من راسه
وان شاء الله يكون احساسي محله ..وربي يقدرني على اسعاده
وقتل الفكره التي تدور في راسه .

وتكفوون لاتنسوني من دعاءكم بان يفرج الله همي ..ويعينني ويوفقني
في مشروعي يالقادم .

قــصــيــ100
10-08-10, 04:27 AM
لكاتبة الموضوع..

تعلقي بالرجل مادام عندك عيال لأنه أحسن من غيره عليهم...

لكن زي ماحطك على جنب وفكر بنفسه..حطيه على جنبين وناظري عيالك بس..

والله نفسك وعيالك وهو آخر شيء .... ينفع تناظرين البعيد قبله,,هههه...

ولاتنسين الدعوات ربي اللي بيفرجه ويرده لك غصب عليه..

تاهت افكاري !
10-08-10, 04:36 AM
بعدين بقولك شي
لاتفتشين وراه ابد صدقيني ماراح تلاقين الي يسرك
اساليني خمس سنين الاقي بلاااااااااااااااوي ع زوجي لين بدا يخش سكران علي
فصرت اوهمه انه عاقل وانا مصدقته مع انه كل شوي سفره ويمين بالله انواع الدشاره عنده
لكن ما انقول الا اللهم اهديهم وحسبي الله على من ضلمني فيه وغشني فيه
ولا دريتي عن شي لاتقولينه خليها بقلبك تحرقك ولا طلعينها ويغثك بكلامه



لاحول ولا قوة الا بالله
الله يعظم اجرك
ويعينك على مابلاك (qq152)

تحكمني قناعاتي..
10-08-10, 04:36 AM
الله يجزاك خير ويبلغك رمضان وانتي بخير وصحه .

الميسم
10-08-10, 04:41 AM
بصراحة رد ضحكت له من الأعماق(a14)
ولاسخرية من كاتبة الرد
لكن الخط صغير مره وأحس بإنها تتختل وتمشي بخفاء عيوني دخلت في الشاشة
من الفضول
الله يرفع عن المسلمات ويفرج لهن
آمين يارب العالمين (q104)
اللطيفة00



اللطيفة

رد الأخت مؤلم مؤلم جدًا

لم أفهم ما سر الضحكة قرأته متألمة لحالها ثم قرأت ردك فتألمت أكثر
وتملكتني الحيرة ..!!

ضحكتي له أو عليه المهم أنها ردة فعل غريبة , وما جعلني أتعجب أكثر أنها من اللطيفة ..!!

ولدعاؤكِ نؤمن اللهم آمين ....اللهم آمين ..

hamboos
10-08-10, 04:51 AM
الله يعينج ويفرج همج وماراح ازيد على إلي قالوه الاخوة لأن مثل ما قالوا الرجال الي حاط في راسة ان يتزوج زوجة ثانية بيتزوجها بس نصيحتي لج شوفي انتي شو مقصرة معاه ومب منتبها لنفسج اتسويه سويلة اياه وطول ان بعد ماخذ الثانية غيري من احوالج وطبايعج وتصرفاتج وادلعي عليه وسايسيه ولا تظغطي عليه ولا تذكريه بسالفة الزواج وانشاء الله مايسويها وتعيشون بسعادة وسلام

الصابره بإذن الله
10-08-10, 10:05 AM
السلام عليكم ورحمة الله وبركاته



قرأت موضوعك أختي الفاضلة قبل يومين .. ودعوت لكِ ..


ولكني جئت اليوم لأهديكِ هذه القصيدة للشافعي ..






http://www.ahlq6r.com/forums/images_cache/8864.jpg (http://www.ahlq6r.com/forums/images_cache/8864.jpg)






أتمنى أن تقرأينها بتمعن ..


في الغالب أختي الكريمة الرجل خصوصاً إذا كان كحال زوجك ملتزم لا يقبل بالزواج ممن يضيفها على ايميله ..
فكوني عاقلة وزني الأمور بعقلكِ جيداً .. خصوصاً أنني كما فهمت أضاف الكثير أو عدة فتيات .. فهل قلت الطرق أو السبل ليتزوج ولم يجد منها متاحاً إلا النت ؟!!

فالنساء من حوله وعن يمينه وعن شماله :)

يا عاقلة زوجك والله أعلم يبحث عن التسلية في غيابكِ معهن وإذا أتيتي أنتِ بَطُلَ التيمم :)

فالكثير يخادع النساء هكذا بقصد الزواج وهو في الواقع لا يقبل هذه الطريقة !!


وهذا حال بعض الرجال هداهم الله يغيب عقله عندما يفقد زوجته وتذهب لزيارة أهلها أو النوم عندهم وكأنها هي المغني له فقط لا غير !!

فيتناسى بأن هنالك مراقبة ذاتية يفترض أن تعمل لديه من تلقاء نفسه طالما هو مسلماً عاقلاً ..

ذكرّيه إذا كان باب النقاش بهذا الأمر مفتوحاً بأن يتقي الله في نفسه وبهن وألا يتلاعب بعواطف الآخرين باسم الزواج فهذا جرم عظيم في حق نفسه وحقهن !!

وليتقي الخلوات بهن ......


ضعي هذا الحديث له على سطح المكتب كخلفية دون تعليق فلعله يتعظ ..


عَنْ ثَوْبَانَ رضي الله عنه عَنْ النَّبِيِّ صَلَّى اللَّهُ عَلَيْهِ وَسَلَّمَ أَنَّهُ قَالَ :
( لَأَعْلَمَنَّ أَقْوَامًا مِنْ أُمَّتِي يَأْتُونَ يَوْمَ الْقِيَامَةِ بِحَسَنَاتٍ أَمْثَالِ جِبَالِ تِهَامَةَ بِيضًا ، فَيَجْعَلُهَا اللَّهُ عَزَّ وَجَلَّ هَبَاءً مَنْثُورًا .
قَالَ ثَوْبَانُ : يَا رَسُولَ اللَّهِ صِفْهُمْ لَنَا جَلِّهِمْ لَنَا ، أَنْ لَا نَكُونَ مِنْهُمْ وَنَحْنُ لَا نَعْلَمُ .
قَالَ : أَمَا إِنَّهُمْ إِخْوَانُكُمْ وَمِنْ جِلْدَتِكُمْ وَيَأْخُذُونَ مِنْ اللَّيْلِ كَمَا تَأْخُذُونَ ، وَلَكِنَّهُمْ أَقْوَامٌ إِذَا خَلَوْا بِمَحَارِمِ اللَّهِ انْتَهَكُوهَا ) .



وابحثي عما يبحث هو عنه .. فلعله يبحث عن اهتمام فقط ..

وقللي من فترة غيابك عنه قدر المستطاع ..

أسأل الله لك حياة زوجية سعيدة وهانئة ..

تحكمني قناعاتي..
10-08-10, 11:56 AM
جزاك الله جنان عرضها السموات والارض اختي الصابرة

بالنسبه لكلامك ان زوجي يبغى التسليه في غيابي بالفعل هذا اللي توصلته
زوجي اللي يبحث عنه التسليه لكن بقصد الزواج فعلا ولا يلعب على بنات الناس انا متأكده
وشفت له اكثر من محادثه سابقا .

في العام الماضي نفس الشيء عندما أتيت من عند اهلي وجدته يحادث فتيات
بجميع وسائل الاتصال بقصد الزواج ..لكن هذا الامر لايحدث الا في غيابي
لانه كم مره عرض عليه الزواج من قبل جيرانه واصدقائه وفي احدى المرات
كانت التي عرضت عليه موظفه فرفض لانه كل همه اكمال تعليمه وتربية ابنائة وتعليمهم
ويرى ان الزواج من اخرى قد يعيقه عن اهدافه وما يخطط له .

لكن زملاءه في العمل كثييرا مايتحدثون عن رغبتهم بالزواج وانهم بالفعل مقدمين
على زواج المسيار وفي نظري تأثر بهم كثييييرا وتغيرت قناعاته السابقه ان الزواج يشغل الرجل عن
ابناءه .

الحمدلله قل كثيييييييييرا في المحادثه في المسن بعد حضوري ومسحت جميع
ارقام النساء من جواله وان شاء الله نسي الموضوع
بس اللي ذابحني التفكيير والهم انه فكر يتزوج ولو بعد 10 سنوات
احس اني كرهت كل المتع اللي حولي ..

عــزالخــوي
10-08-10, 02:22 PM
بعدين بقولك شي
لاتفتشين وراه ابد صدقيني ماراح تلاقين الي يسرك
اساليني خمس سنين الاقي بلاااااااااااااااوي ع زوجي لين بدا يخش سكران علي
فصرت اوهمه انه عاقل وانا مصدقته مع انه كل شوي سفره ويمين بالله انواع الدشاره عنده
لكن ما انقول الا اللهم اهديهم وحسبي الله على من ضلمني فيه وغشني فيه
ولا دريتي عن شي لاتقولينه خليها بقلبك تحرقك ولا طلعينها ويغثك بكلامه

لله درك ماصبرك ,,, صوره مع التحيه لصاحبت الموضوع , شوفي الفرق وحده صابره على بلاوي
زوجهاداشر وسكران ..
ونتي قومت الدنيا ولاقعتيهالان زوجك يريد الزواج على سنة الله ورسوله,,

لله حكمة في خلقه,,
الاخت رندورغد , الي مثلها يطلب الطلاق فورا لان زوجهاليس مؤهل للمسؤليه وهي صابره وتحتسب الاجر من عند الله,, يناس فكونامن الخربطه الي مالهاسنع اتقوى الله في انفسكم

عــزالخــوي
10-08-10, 02:35 PM
وابشركم الحمدلله كأن زوجي بدأ يلغي فكرة الموضوع من راسه
وان شاء الله يكون احساسي محله ..وربي يقدرني على اسعاده
وقتل الفكره التي تدور في راسه .

وتكفوون لاتنسوني من دعاءكم بان يفرج الله همي ..ويعينني ويوفقني
في مشروعي يالقادم .

اول شي موعلى كيفك ولاعلى كيف زوجك انه يلغي الفكره من راسه ,,
بعد مااتعبنا انفسناواخذموضوعك جل اهتمامناوافكارنا , بكل بساطه تجين وتقولين ابشركم
انه شال الفكره من راسه ,,سلامات اقووووووووول انا الي بجوزه وين مسجده الي يصلي فيه (r70yty)
اهم شي اسعاده ,, عشان مايطيرمنك ومري على ردي الاول بخصوص هالنقطه
وطبقيهابحذافيرها وصدقيني ان يقوم يصلي عندك في البيت موبالمسجد(gsggggg)
سنة الله ورسوله اصبحت هم ,, فعلأان المرأة ناقصه عقل ودين(sgsgs)

شموخ بدوية
10-08-10, 04:35 PM
جزاك الله جنان عرضها السموات والارض اختي الصابرة

بالنسبه لكلامك ان زوجي يبغى التسليه في غيابي بالفعل هذا اللي توصلته
زوجي اللي يبحث عنه التسليه لكن بقصد الزواج فعلا ولا يلعب على بنات الناس انا متأكده
وشفت له اكثر من محادثه سابقا .

في العام الماضي نفس الشيء عندما أتيت من عند اهلي وجدته يحادث فتيات
بجميع وسائل الاتصال بقصد الزواج ..لكن هذا الامر لايحدث الا في غيابي
لانه كم مره عرض عليه الزواج من قبل جيرانه واصدقائه وفي احدى المرات
كانت التي عرضت عليه موظفه فرفض لانه كل همه اكمال تعليمه وتربية ابنائة وتعليمهم
ويرى ان الزواج من اخرى قد يعيقه عن اهدافه وما يخطط له .

لكن زملاءه في العمل كثييرا مايتحدثون عن رغبتهم بالزواج وانهم بالفعل مقدمين
على زواج المسيار وفي نظري تأثر بهم كثييييرا وتغيرت قناعاته السابقه ان الزواج يشغل الرجل عن
ابناءه .

الحمدلله قل كثيييييييييرا في المحادثه في المسن بعد حضوري ومسحت جميع
ارقام النساء من جواله وان شاء الله نسي الموضوع
بس اللي ذابحني التفكيير والهم انه فكر يتزوج ولو بعد 10 سنوات
احس اني كرهت كل المتع اللي حولي ..



يالله يالغلا تفكرين في 10 سنين الله يحينا يارب


فكري في يومك واسعدي من حولك واولهم نفسك ..نفسك.. نفسك...
خلينا نكون واقعيين

تظمنين بعد شهر ورش راح يصير حالكم عشان تفكرين في 10 سنين قداااام !!!!


طيب لنفرض والسمووحة على كلامي

ربي اخد امانته فيك >> بعد عمر طويل ان شاء الله اسم الله عليك ..

تتوقعين زوجك راح يعيش على ذكرااك مستحيييل فترة بسيطة وراح يغير فرااشه وينسااك ..وهذا حقه ...

اذن فكري في عبادة ربك ويوم الحسااب واجعلي الاخرة همك ..

طيب لنفرض الله لايقدر توفى زووجك

انت مخيره..ممكن ترملين على عياالك وتعيشين لهم .

.وممكن تزوجين واحد يعينك على تربية عياالك ويؤنس وحدتك ...وهذا حقك ..وبرضه راح تنسين زوجك الأولي ..ويتغير الفرااش ؟؟


لاتقولين مستحييل اتزوج بعده ماادري ايش ..اذا الله كتب كتب لامفر من لك


عيشي حيااتك براحة وسعادة واعرفي كل شئ مقدر لكن عليك بالدعاء لايرد القضاء الأ الدعاااء ...



ترى الدنيا ماتسوى الواحد يزعل عشاانها ..

اي يوم يروح من عمرك مستحيل يرجع


اسفة اذا كلامي ضايقك يالغلا ....لكن شئ في خاطري وبغيت اقوله :)

SAUDI LORD
10-08-10, 05:09 PM
ربي اخد امانته فيك >> بعد عمر طويل ان شاء الله اسم الله عليك ..

تتوقعين زوجك راح يعيش على ذكرااك مستحيييل فترة بسيطة وراح يغير فرااشه وينسااك ..وهذا حقه ...

اذن فكري في عبادة ربك ويوم الحسااب واجعلي الاخرة همك ..

طيب لنفرض الله لايقدر توفى زووجك

انت مخيره..ممكن ترملين على عياالك وتعيشين لهم .

.وممكن تزوجين واحد يعينك على تربية عياالك ويؤنس وحدتك ...وهذا حقك ..وبرضه راح تنسين زوجك الأولي ..ويتغير الفرااش ؟؟


لاتقولين مستحييل اتزوج بعده ماادري ايش ..اذا الله كتب كتب لامفر من لك




شموخ
اتوقع الاخت نسيت الموضوع كله بعد هذا الكلام
موتيهم وحطيتي لهم اسوأ الاحتمالات (a14)
بصراحة حلو ان الواحد يحط احتمالات زي كذا عشان يكون مستعد للصدمات بس من غير تشاؤم بس ما ادري تجي والا لا

شموخ بدوية
10-08-10, 06:22 PM
شموخ
اتوقع الاخت نسيت الموضوع كله بعد هذا الكلام
موتيهم وحطيتي لهم اسوأ الاحتمالات (a14)
بصراحة حلو ان الواحد يحط احتمالات زي كذا عشان يكون مستعد للصدمات بس من غير تشاؤم بس ما ادري تجي والا لا





ياخوفي ياسعودي تعاف المنتدى كله وتتركه :SmileyBunny:



بالعكس لازم الواحد يحط اسوا لااحتمالات عشان يعيس مبسووط في يوومه ويعرف النعمة اللي هو فيها > تكفين بس (a14)


لازم تشاؤم شوئ المخرج عاوز كذا (a24)

اجل الضعيفة تفكر في 10 سنين قدااام (qq1)> الله يقطع شركم يالرجال هبلتوا في الحريم (qq11)




العوافي يالغلا لاتزعلين نمزح (qq152)

.لكن كلامي اللي فوق لا والله ماهو مزح الا واقع ونصيحة من اخت لك