يا كاتم الـقلب عـذبـني وعذبته...!!!!

[الطـرقي]

يا كاتم ..الـقلب عـذبـني وعذبته...!!!!


الى الاخ الغالي/كاتم الونه مع التحيه



الله مـن ضــيقـة في الـبال والفته= ادله القـلـب لـين انـتل مـعلوقه
واخترت اناكاتم الونه وكلفته= اللي بصرف الجواهر حامي سـوقـه
نوادر الـشعر عاشقها وعاشـقتـه= يجنيه جني الثمـر مـن زاهـي عذوقه
يا كاتم... الـقلب عـذبـني وعذبته= عيـا يـوالف زمان كـاثـر بـوقه
لا قلت يا قلب جـاملـني وجاملته= عيا على منهجـه الاول وطـاروقـه
كم مجلس جـيت عـاني له وجنبته= لـوان كبـدي علـى المجلاس محروقه
لا شفت بعـض الاوادم فيه ماطقته= الجـاهـل اللي لسانه يضرب شدوقه
متشيـخ في مــساكـين مزعمته= زعـامـة بيـن عـارية ومسروقـه
لوان بعض العـرب يبقى على سمته= حافض على مستواه وحفظت حقوقـه
الرجل مـادام صامت جمّله صـمته= ولا احد درى عنه ويش اللي بصندوقه
واليا تكلم معـك لحظه وكـلمـته =حددت شخصيته لا اوحيت منطوقـه
وتزداد به معرفـه لامنـك جـربته= في موقف يرجع الرجال لعـمـوقـه
هذي معانـاة قلـب شام من وقته= ما هي توجـاد معشـوق لمـعـشوقه
وصلاة ربـي نهاية كل ما قلته= عـلى النـبي عـد نو ناضت بروقـه
.
.
.
وســـلامة قلوبكـــــــم

[سـعـد العتيبي]

حجز

واهداء

http://songs1.6arab.com/3abady..ala-ya-wail.ram

اتمنى ان تنال على اعجابك يالطرقي

[سـعـد العتيبي]

الطرقي صح لسانك مليار مليون


قصيده نازفه


ومنا للشاعر كاتم الونه


لاهنت وانا اخوك

تستاهل التثبيت


سعد العتيبي

[كاتم الونة]

صحححححح لسانك أخوي الشاعر......الطرقي

مليون.....ولي عوده بحول الله بعد الصلاه

وافر التحايا......محبك كاتم الونه

[كاتم الونة]

أهلاً هلا عــد ما الــــبراق خايلــته =ياالطــرقي ياللي عريب الدم بعروقه
جينا نودع وغــث القلب مـــاشفته =مشاعر(ن)من شديـــــد الوقت محروقه
أن كان غثــك قليل السمت صادفته =أحذر تصيبه وخــــل الرمي من فوقه
شرواكِ اليا هــــرج للخبل شرفته =وعندك أوادم على القالات مـــطفوقه
كلفتني مع همومي هـــم مــــاطقته =وأنا عليمي ( وشاص)الشعـر ماسوقه
وحطيت أسمـــــي بقافك كيف جملته =في منتــــدى زادة ألانـوار بشروقه
وحملت أسمك بقلبي غــصب حمــــــلته =في خانة(ن) تصــلح لـشرواك مرموقه
بعض العرب تعرفه من ساع كلــمته =يفرض عليك الغلا مــن حـسن منطوقه
وبعض العرب يخذلك لوكان صـــلحته =يحوس سـدك وجرحك زاد بــــــفتوقه
راعي الطبع مع قليل العرف علمته =علامة(ن)تصـلح لشرواهِ مـــــشقوقه
قريت قافك وأنا صاحي وحـــللته =لقيت حر(ن)شلع ثم طار بـــــسبوقه
ياشيخ وألله ووألله لــو تحمــــلته =يشره عليك الرجال وكـــــل مخلوقه
مهما ترقع حشا لا تظــــن كملته =مسكـين دود الحسد قد زاد بخـــــروقه
وأهلاًهلابك عدد مـاالنذل علـــمته =بزين السجايا وقع مادش في ســوقه
أودعــك للأســـف والـرد ســــلمته =والحــــنجره من عــظيم الهمِ مخنوقه

ويسلم قلبك......محبك....كاتم الونه

[سـعـد العتيبي]

صح لسانك ياكاتم ابدعت ابداع لا استغربه منك


هنئياً لنا بوجودكم ( الطرقي وكاتم الونه ))


اخوكم سعد

[الطـرقي]

الله الله الله



لله درك وصح لسانك مدد ماهو بعدد وان لزمت علي ابدا من الواحد الى مالا نهايه

الغالي كاتم الونه شهادتي فيك مجروحه00يابعد راسي

وفيت وكفيت


دمت للشموخ أستاذى


اخوك ومغليك/الطــرقي

[الطـرقي]

مشرفنا الغالي الله ماكثر غلاك
وترى الغلا تستاهله وانت غالي

هـــــــــــديه فــاتنه ياسعــد
وربي ماتصفح المنتدى الا وانا اسمعها
رررررايقــــــــــــــــــــــــــــــــــــــــــ ه


لاخلا ولاعدم


الله يعطيك العافيه

[العاذريه]

روعه يالطرقي لكن موضوعك موضوع كبار بقصيدتك ورد اخوي كاتم عليك ووجود اخونا البعيد بهالقصيدة
صحت السنكم والله يعطيكم العافيه.

[الطـرقي]

روعه يالطرقي لكن موضوعك موضوع كبار بقصيدتك ورد اخوي كاتم عليك ووجود اخونا البعيد بهالقصيدة
صحت السنكم والله يعطيكم العافيه.

حاسبي على كلامك وانا خوك هو فعلاً موضوع كبار مايعلق عليه ولاياخذ ويعطي فيه الا (كبار)ركزي على اللي بين الاقواس


عرفت معنـى قيمـة السمعـة وميـزان الـرواة
واني قبل عين الصديـق بعيـن عدوانـي كبيـر

عرفت كيـف اخلـي احـلام السنيـن المدبـرات
تقبل عليه واحتضن حظـي واقـول انـي بخيـر

عرفت وش هي كذبة الحب وغنج ضحك البنـات
وان المحبـة لاشـعـور ولاحـيـاة ولاضمـيـر

النـاس فالدنيـا مراتبهـا سـجـلّ ومنـجـزات
ماهيب قصـة ذاك اميـر وذاك اجيـر وذا وزيـر

[العاذريه]

حاسبي على كلامك وانا خوك هو فعلاً موضوع كبار مايعلق عليه ولاياخذ ويعطي فيه الا (كبار)ركزي على اللي بين الاقواس


قصدي ياخوي اني مهما كتبت واثنيت عليه ما اوفيه حقه
أعتذر ان كانت مداخلتي ضايقتك لكن العتب على اللفظ ولا النيه الله اعلم بها..

[سـعـد العتيبي]

قصدي ياخوي اني مهما كتبت واثنيت عليه ما اوفيه حقه
أعتذر ان كانت مداخلتي ضايقتك لكن العتب على اللفظ ولا النيه الله اعلم بها..

الى الطرقي الغالي

اعتقد فهمت قصد العاذريه وانا اطلعت على الرد قبلك وفاهم القصد

الاختلاف في وجهات النظر لايفسد للود قضيه

الى اختي العاذريه

الامور هاذي تحصل في ارقى العائلات والطرقي اعرفه زين ماراح يرفض الاعتذار

وانا امون عليه

تقبلو مداخلتي اخوكم سعد

[بونواف]

صراحه ابدعت يالطرقي في هذه الهجينية الرائعه

دمت لنا مبدعا وغاليا

واصل الابداع وواصل نثر هذه الدرر .

الله لايحرمنا من طلاتك الرائعه يالغالي

[برد الشمال]

صح لسانك

ومدري ايش اقول من ابداعك صراحه

لاكن

يسلمووووووووووووووووووووووووو

ولاهنت ولاتحرمنا من ابداعك

تحياتي

[الطـرقي]

وين انت ؟ والله فقدت الهرجه ... الذربـه=
من غبت .. ما لاق هرجن فـي مسامعنـا
وين أنت ؟ عني . ما به صبر اتصبر بـه=
العمر ينقص سنه .. والهجـر .. يقطعنـا
لاتاخـذ الهجـر ... مبـداك .. وتكبربـه=
حنا . وصالـك .. حـدود آخـر مطامعنـا
يكسرنـي البعـد .. والـعـذر اتجبـربـه=
ياما .. من البعـد .. وجروحـه تجرعنـا
تقول كن الحزن .. شـئ(ن) امبشـر بـه=
من غبت .. وخدودنـا .. ملفـى مدامعنـا
هـذا أنـت والعمـر . والايـام والغربـه=
يـا آخـر طموحاتنـا .. وأول مواجعنـا

[الطـرقي]

اعتقد فهمت قصد العاذريه وانا اطلعت على الرد قبلك وفاهم القصد

الاختلاف في وجهات النظر لايفسد للود قضيه حقيقه ياسعد صفحتي بيضا ولاعمري جرحت انسان....اجامل، وابتسم،للناس وانا كلي شقى واحــزان


اقلك كل هالدنيا فـــــــــــــــــــــــــــــــــــداك....


<<الاكـــرامتنا>>


والله يعطينا على قد نياتنا ياخوووك

[الطـرقي]

صراحه ابدعت يالطرقي في هذه الهجينية الرائعه

دمت لنا مبدعا وغاليا

واصل الابداع وواصل نثر هذه الدرر .

الله لايحرمنا من طلاتك الرائعه يالغالي

صدقني اخووي بونواف ان الابــــداع لم يكتمل ليكون ابـــــداع الا بالغالي كاتم الونه

اما الهجينيه كنك معاي بالجـــو


بأذن الله انه سيتم تعاون بيننا بهجينيه بصوتك العذب يسطـــــرها التــــاريخ ليشهد عليها الزمن

بأذن واحـــــــد احـــــــــــد


شاكر تواجدك الجميل

[الطـرقي]

صح لسانك

ومدري ايش اقول من ابداعك صراحه

لاكن

يسلمووووووووووووووووووووووووو

ولاهنت ولاتحرمنا من ابداعك

تحياتي


اخووي برد الشمال

استفدنا من منهل ابداعي الا وهو كاتم الونه
فالله در حروفه ... بها من الحكمه ما يميزها


شاكر لك تواجدك الجميل لاهنت

دمت اخااااااااا

تقبل تحياتي

[بونواف]

وين انت ؟ والله فقدت الهرجه ... الذربـه=
من غبت .. ما لاق هرجن فـي مسامعنـا
وين أنت ؟ عني . ما به صبر اتصبر بـه=
العمر ينقص سنه .. والهجـر .. يقطعنـا
لاتاخـذ الهجـر ... مبـداك .. وتكبربـه=
حنا . وصالـك .. حـدود آخـر مطامعنـا
يكسرنـي البعـد .. والـعـذر اتجبـربـه=
ياما .. من البعـد .. وجروحـه تجرعنـا
تقول كن الحزن .. شـئ(ن) امبشـر بـه=
من غبت .. وخدودنـا .. ملفـى مدامعنـا
هـذا أنـت والعمـر . والايـام والغربـه=
يـا آخـر طموحاتنـا .. وأول مواجعنـا

اخوي الطرقي شكل تخصصك هجيني

ماشاء الله عليك مبدع من جد

ياليت تنثر المزيد من هالهجينيات الرائعه

الله لايحرمنا منك

[الطـرقي]

اخوي الطرقي شكل تخصصك هجيني

ماشاء الله عليك مبدع من جد

ياليت تنثر المزيد من هالهجينيات الرائعه

الله لايحرمنا منك


مرات اهيجنها ومرات مسحوب ماقصة انثر يابونواف..ماتفرق عندك ماشالله..

وان بعدوناخوك ماتفرق لاكن ان نثرناه ضاعت حقوقنا


الله يعطيك العافيه
ولايحرمنا من تواجدك الجميل...لاهنت

[كاتم الونة]

في الذاكره ولا يمكن ننساها

للرفع...ألله أكبر يازمانً فات

[النجديه]

صح السانك يالطرقي

وصح السانك ياكاتم الونه

والله يعطيك العافيه