ركن الالغاز

[الطـرقي]

فكر على راحتك يامشرفنا الخلوق والمميز

ويفداك اللغز وراعيه...في قصيمي نت تعلمت

منك الاخلاق الوفاء والاخوهـ الصادقه

لله درك ياسعد الخلق الرفيع

محبك...

واحـــد يبي يحتك

اناشهد منك انت وياه تعلمنا ولازلنانتعلم

[سـعـد العتيبي]

واحـــد يبي يحتك

اناشهد منك انت وياه تعلمنا ولازلنانتعلم

ما عليك زووووووووود يالطرقي

بس نبي رمعاتك الطيبه

[حمد الشرعان]

لا تسرق ولا تخاف

التوقيع هديه لك والرابط سوف ياتيك برساله خاصه


وعتابه تعطي البل


والنعم بعتابه

اخوي سعد
انا اقصد ( معنى بيت القصيد اللي موقع به كاتم الونه)

حنا تجمعنا على خير وأحباب
هذا أخو فاضل وأختً كريمه
يكون شعارنا كلنا
وعلى العموم انت وكاتم الونه وشبيب والطرقي كوكبه سعدت بمشاركتهم
واللي ماذكرت اسمه يعذرني (خبرك الصيف جا ونجهز مطايانا للرحيل!!!!!!!
باختصار هذا المنتدى روعه.

[سـعـد العتيبي]

وش رايك في الصدف اللي يوجد به اللؤلؤ



عارف رمعه سماويه


بس لازم تظهر

[كاتم الونة]

والنعم بعتابه

اخوي سعد
انا اقصد ( معنى بيت القصيد اللي موقع به كاتم الونه)

حنا تجمعنا على خير وأحباب
هذا أخو فاضل وأختً كريمه
يكون شعارنا كلنا
وعلى العموم انت وكاتم الونه وشبيب والطرقي كوكبه سعدت بمشاركتهم
واللي ماذكرت اسمه يعذرني (خبرك الصيف جا ونجهز مطايانا للرحيل!!!!!!!
باختصار هذا المنتدى روعه.

أخوي عذب المشاعر....أبرك ساعه

وسعد عندما أعطاك...عطاك نيابه عني...لانه يمون يمون يمون على الرقبه

واللي ذكرتهم.....أخواني....وعلى راسي من فوق

هلابك غاااااالي والطلب....رخيص.....

محبك....ومغليك

[كاتم الونة]

وش رايك في الصدف اللي يوجد به اللؤلؤ



عارف رمعه سماويه


بس لازم تظهر

هلابك ....مرورك...يكفي...

يابعدهم...وكرر المحاوله لاهنت

محبك

[حمد الشرعان]

والله مدري هي تعتبر سماويه
والا ارضيه



((((((((( الريـــحان))))))))

[كاتم الونة]

والله مدري هي تعتبر سماويه
والا ارضيه



((((((((( الريـــحان))))))))


هلااوغلاااااا

أخوي الغالي

الريحان مالك لوى

ننتظرك

محبك

[حمد الشرعان]

العوووووووووووود اللي يعزفون به!!!!!

[كاتم الونة]

العوووووووووووود اللي يعزفون به!!!!!


هلاااااااااااااااااااااااابك مليووووووووون

والعود.....مالك لوى

والعود مايزبن شئ غااااااااالي ياغااااااالي

الا يزبن المعااااااااااااااااااااااصي

محبك....انتظرك

[سـعـد العتيبي]

أنشدك عن عودً عليه المثل لاق
لجله يزبن غاليً وسـط جوفـه
لايمشي الخطوه ولا قيل به ساق
ولاينطق الكلمه ولامدح شوفـه




للأحاطه فيه ناس ينطقونه مؤنث

(q34)(e)(e)(e)(q86)

[كاتم الونة]

أنشدك عن عودً عليه المثل لاق
لجله يزبن غاليً وسـط جوفـه
لايمشي الخطوه ولا قيل به ساق
ولاينطق الكلمه ولامدح شوفـه




للأحاطه فيه ناس ينطقونه مؤنث

(q34)(e)(e)(e)(q86)

:)..........:p

محبك....(q58)

[ابو خالد]

الراديو سعد

[سـعـد العتيبي]

خلووووووووووووووووووووووووووها مع الله


يقول منهو خاطره ضاق ثم ضاق ****مافيه غير البير هاذي وصوفه


كاتم ريحنا صح انا ولا اخونا الوليد واذا كلنا غلط علمنا

ريحنا الله يريحك

[سـعـد العتيبي]

خلووووووووووووووووه واللي عقد رووس الحبال يحلها







البال ياكاتم على لغزكم راق ...نرمع نقول البير ياخوك شوفه

[كاتم الونة]

يا مرحبا ترحيبةً كلها أشراق......ذبحت لغزي طخةً وسط جوفه
.................................................. ......................................

صححححححححححح لسااااااااااااااااانك ياسعد

((((((((((((((سرك في بـير)))))))))))))))) هذا الحل

بيض الله وجهك

وحياك اخوي الوليد اليامي

محبكم

[كاتم الونة]

صح لسانك يا سعد...2

[سـعـد العتيبي]

صح بدنك 1 و2 ومليار

لغز ينتظرك على نارهادئه

صبرك علي

[سـعـد العتيبي]

لغز بسيط مثل العاده



شي اذا ما شفته اكلته واذا شفته اكلته
يعني ماكله ماكله



انتظر الاجابات وخصوصا من كاتم

[حمد الشرعان]

لغز بسيط مثل العاده



شي اذا ما شفته اكلته واذا شفته اكلته
يعني ماكله ماكله



انتظر الاجابات وخصوصا من كاتم

بسيط مره
اعطي فرصه
لاخوي الكاتم
لاهنت سعد

[سـعـد العتيبي]

لا تعطيه فرصه جاوب ياعذب المشاعر

[حمد الشرعان]

لا تعطيه فرصه جاوب ياعذب المشاعر
الغالي سعد
رمعه
ولا تواخذي ذبحنا الحر

(المطب)

تحياتي

[سـعـد العتيبي]

طيب طيب


صح عليك واللغز عندك يالغالي


اخوووووووووووووووووك

[كاتم الونة]

صح لسانك اخوووووي عذب المشاعر

سعد هذا اللغز اللي على نار هاديه؟

محبكم

[سـعـد العتيبي]

لا والله غيره بس ماحبيت اطول عليكم

[حمد الشرعان]

طيب طيب


صح عليك واللغز عندك يالغالي


اخوووووووووووووووووك



لاهنت اخوي سعد

اللغز خفيف وطريف

"شي يرقىالجبل وينزل ولا يلمس الجبل "

[سـعـد العتيبي]

الظل


وتراها رمعة صاحبك

[حمد الشرعان]

الظل


وتراها رمعة صاحبك


صاحب وعزيز وغالي

مالك لوااااااا

[سـعـد العتيبي]

كاتم الله يرجك قل امين

[حمد الشرعان]

كاتم الله يرجك قل امين


عيَن خير اذكر الله ترى الماضوع ما يستاهل

......((( سهل مره.........كائن حي؟؟؟؟!!!!!))))...........

[سـعـد العتيبي]

بما ان صاحب اللغز ودع الى لقاءباذن الله باسباب سفره اخر نطرح لغز جديد



ياويش بنت زوجوها لرجال = واللي جمعهم شب نار الزواجي
رجالها للحمل صابر وشيال =والبنت للرجال مثل العلاجي


وسلامتكم

[كاتم الونة]

بما ان صاحب اللغز ودع الى لقاءباذن الله باسباب سفره اخر نطرح لغز جديد



ياويش بنت زوجوها لرجال = واللي جمعهم شب نار الزواجي
رجالها للحمل صابر وشيال =والبنت للرجال مثل العلاجي


وسلامتكم


يامرحبا ترحيبةً تشرح البال=اللغز يازينه وقع في مزاجي
الخرق له رقعه تسوا على فال=والبنشري ياخذ عليها خراجي
ياشايبً هاذي قديمه لهاأجيال=الحين صلح موترك باالكراجي
(تيوبلس)يفرع على طول بالحال=حطه مع العده( ولي) البواجي
ذكرتني بشايب عليه الزمن طال= البنشري صالح علي ولد ناجي

[سـعـد العتيبي]

انا اشهد انك للصعيبات حلال=والفرق واضح بين حر ودجاجي



صح لسانك ياكاتم عطنا لغزك

[كاتم الونة]

[QUOTE=سـعـد العتيبي]
انا اشهد انك للصعيبات حلال=والفرق واضح بين حر ودجاجي



صح لسانك ياكاتم عطنا لغزك[/QU

صح بدنك لاعدمتك


أنت الذي ريفً لنـــا دوم وظـــلال=والعين ماتطلع على هالحجاجي
مثل الرجال اللي لهم زود الافعال=الفرم وبن حميد وايـضا العواجي
والعنقري اللي عليــه المثل قال=الشيـمه الشيـمه دوالي عــــلاجي
ولاهانو الدوشان والشيخ صـلال=ولاهان ابن هادي وراعي السراجي

ابشر ياطويل العمر..ثواني واطرح اللغز

[كاتم الونة]

أنشدك عن بنتً لها باالسماء دور= وبــاالقاع لـلـه مـالـهـا شئ لـلـه
بنـتً مـهمه شفـتها بقـول مـأثـور=يـافـاهمً لـغـزي تـفـضـل وحـلــه

(((((..هذا اللغز تفضلو..)))

محبكم

...

[سـعـد العتيبي]

[QUOTE=سـعـد العتيبي]
انا اشهد انك للصعيبات حلال=والفرق واضح بين حر ودجاجي



صح لسانك ياكاتم عطنا لغزك[/QU

صح بدنك لاعدمتك


أنت الذي ريفً لنـــا دوم وظـــلال=والعين ماتطلع على هالحجاجي
مثل الرجال اللي لهم زود الافعال=الفرم وبن حميد وايـضا العواجي
والعنقري اللي عليــه المثل قال=الشيـمه الشيـمه دوالي عــــلاجي
ولاهانو الدوشان والشيخ صـلال=ولاهان ابن هادي وراعي السراجي

ابشر ياطويل العمر..ثواني واطرح اللغز


صح لسانك وماعليك زووووووووووود ياكاتم
اشهد شهاده انك وافي

[سـعـد العتيبي]

أنشدك عن بنتً لها باالسماء دور= وبــاالقاع لـلـه مـالـهـا شئ لـلـه
بنـتً مـهمه شفـتها بقـول مـأثـور=يـافـاهمً لـغـزي تـفـضـل وحـلــه

(((((..هذا اللغز تفضلو..)))

محبكم


اي والله ياكاتم

هنا رمعه اولى السحاب >>>>>>>>>>>>>>>> سحابة صيف
وهنا ثانيه تقول النجمه

والله العالم ان الطخ سماوي

[كاتم الونة]

[QUOTE=كاتم الونه]


صح لسانك وماعليك زووووووووووود ياكاتم
اشهد شهاده انك وافي

صح بدنك يالغالي

ولا عليك زووووووووود

وتستاهل كل خير

محبك

[كاتم الونة]

اي والله ياكاتم

هنا رمعه اولى السحاب >>>>>>>>>>>>>>>> سحابة صيف
وهنا ثانيه تقول النجمه

والله العالم ان الطخ سماوي

سماووووووووووووي

في الانتظااااااااار

محبك

[كاتم الونة]

هل من مبارز

[سـعـد العتيبي]

هل من مبارز
(q17)

كاتم من سماء الى ارض الى قول ماثور
وش خليت بس

[سـعـد العتيبي]

وش رايك في اللي يقول دابة البراق

[عاشق عنود الصيد]

الميم او الثريا

[عاشق عنود الصيد]

مالي بنهج الشعر نهج ولا دور
ماني خلف هذال ولا ابن حله
نجم الثريا والشمس تلف وتدور
واظن حرف الميم يافلان كله

[كاتم الونة]

سعد العتيبي__

عاشق__

البراق _ الثرياء _ الميم

الحل غير صحيح _

شكرا لكما

[راعي قبه]

ساكم الله بالخير اقول ياكاتم الونه ماهي
النجم او النجمه
تحياتي لك مجرد رمعه0

[كاتم الونة]

راعي قبه

النجمه والنجم _ غير صحيح

[كاتم الونة]

أنشدك عن بنتً لها باالسماء دور= وبــاالقاع لـلـه مـالـهـا شئ لـلـه
بنـتً مـهمه شفـتها بقـول مـأثـور=يـافـاهمً لـغـزي تـفـضـل وحـلــه

(((((..هذا اللغز تفضلو..)))

محبكم

...
_____________________________________________

حل اللغز

حل اللغز _ _هي الهمزه_ _ وهي موجوده بكلمة السماء وكلمة _ مأثور _ _ والقاع لايوجد بها همزه

وأقرب محاوله _ من عاشق عنود الصيد _ حين قال حرف الميم لكن حرف الميم مذكر وكاتم الونه

يسأل عن بنت _ _ _ _

__________________________________________________ _______________
وقد كلفني أخوكم كاتم الونه بوضع حل اللغز اليوم الجمعه _ ويسلم عليكم جميعاَ ...

[سـعـد العتيبي]

يالله حيه اللغز وانحل بس انت وينك

[«§((«قهـر»))§»]

يالله شباب وين المفكرين واهل العقووول السليمه
هذا لغززز مره سهل وفي نفس الوقت صعب
ههههههههههههههههههههههههههههههههه0
0
0

انشدك عن رجل(ن) مقيد و مربوط000صيف العرب عنده يوافق ربيعه

و اسمه يدل انه مع الناس مبسوط0000و هو الذي يمشي بعكس الطبيعه

[الذيب0]

مسااااء الخير
والله الحقيقه يوم قلت انه سهل قلت لازم احله واول رمعة لي هي المكيف
وعساها تكون في محلها

[راعي قبه]

نا اوافق الديب على انه المكيف
تحياتي للجميع

[«§((«قهـر»))§»]

مسااااء الخير
والله الحقيقه يوم قلت انه سهل قلت لازم احله واول رمعة لي هي المكيف
وعساها تكون في محلها



صح يالذيب

اجابتك صحيحه

هو المكيـــــــــــــــــــــــــــــــــــــف

[الذيب0]

اجل الدور على الله يعين
يقول اللغز
ويش بنت صغيره مع الناس ===ومربطين عيالها في رقبتها
اعيالها يجون اشكال واجناس===والناس لولا اعيالها مابغتها

ودمتم سالمين

[>الحصــــــان<]

المداليه

[الفاروق المنير]

دخلت هنا بحذر وفرح ولكن أحببت أن
أمسي عليكم وأقول :

مساء الخير على الجميع

الظاهر رمعة الزميل الذي بالأعلى ما خابت

الرمعه يبدو أنها فعلا :: الميدالية

أعتذر عن الخطأ والتقصير إن حصل .


يالله راعي اللغز عطنا جوابك

كلنا أنتظار




فمان الكريم
والشكر لراعي اللغز وللجميع

دمتم بخير





صادق الإحساس
الفـاروق المنـير

[الذيب0]

جبتها ياللحصان ورمعتك في محلها
والدور عليك

[>الحصــــــان<]

أسف ماعندي لغز من عنده لغز يجيـبه

[صمت البوح]

السلام عليكم ورحمة الله وبركاته

أولا أبارك لأخي الحصان سرعة البديهة

وبما إني محبة للألغاز وأخونا أعطانا الصلاحية

إليكم اللغز الجديد

جرم بلا نفس بيته يشله *** لحم بلا دم ما أحد يمله

راس بلا عيون ماينفطن له *** وهذي وصوف اللغز يامن يحله

[عبد الهادى نجيب]

أسف ماعندي لغز من عنده لغز يجيـبه

اضع انا اللغز مكانك

شىء اذا قلبتة يمتلىء

واذا عدلتة يفرغ

تحياتى

[>الحصــــــان<]

اضع انا اللغز مكانك

شىء اذا قلبتة يمتلىء

واذا عدلتة يفرغ

تحياتى

سبقك بها عكاشه ياعبد الهادي نجيب /// صمت البوح سبقتك تعال نحاول نحل لغزها <<<<لغزك القارب

[صمت البوح]

السلام عليكم ورحمة الله وبركاته

حياك الله أخوي الحصان

رمعتك طيبة بس حاول مرة ثانية الله لا يهينك

[>الحصــــــان<]

ياصمت البوح رمعتي لعبد الهادي نجيب ////انتي لغزك تحت التحميض وكنه ظهر لي شئ 1/ عامود الخيمه2/ الفقع
3/راس الحكمه مخافة الله//حسب فهمي للألغاز لغزك له أجزاء ثلاث///قد اكون مخطي <<<<شكلي مع جنبها
شو راي اختي///وكانه جزاء واحد ///ماعندي غير البيضه<<<<<الحصــــــــــان<<<<<

[صمت البوح]

حياك الله أخوي الحصان

أنا رديت على حسب كلامك قلت تعال نحاول نحل لغزها

على كل حال حصل خير

وأنا بانتظار انتهاء التحميض والرمعة النهائية

[سـعـد العتيبي]

جرم ولحم بدون دم
وراس بلا عيون

الله يرج عدوك ياصمت البوح

لي 3 ايام افكر

[صمت البوح]

حياك الله أخوي سعد

طيب المهم بعد التفكير وش طلعت فيه

يالله عطنا رمعتك يالذيب

[صمت البوح]

السلام عليكم ورحمة الله وبركاته

؟؟؟؟؟؟؟؟؟؟؟؟؟

؟؟؟؟؟؟؟؟؟؟؟؟

؟؟؟؟؟؟؟؟؟؟

؟؟؟؟؟؟؟؟

[حمد الشرعان]

اختي صمت
رمعه
يمكن يكوون المحار

[صمت البوح]

السلام عليكم ورحمة الله وبركاته

حياك الله أخوي عذب المشاعر

رمعتك طيبة بس ننتظر منك محاولة ثانية الله لا يهينك

ولتقريب الاجابة فقد وردت في رد أحد الإخوة الأفاضل

[حمد الشرعان]

اختي صمت
وش رايك بالفقع
(الكمأ)

[الفاروق المنير]

السلام عليكم ورحمة الله وبركاته
أولا أبارك لأخي الحصان سرعة البديهة
وبما إني محبة للألغاز وأخونا أعطانا الصلاحية
إليكم اللغز الجديد
جرم بلا نفس بيته يشله *** لحم بلا دم ما أحد يمله
راس بلا عيون ماينفطن له *** وهذي وصوف اللغز يامن يحله


مرحبا
بالأستاذة صمت البوح


رمعتي للغز إن ماخاب ظني

الكاميرا / فيلم الكاميرا


ههههههههههههههه

أسف إن كان الحل خطأ

أعتذر عن التقصير والسموحة



لكِ
عطر النرجس



صادق الإحساس
الفـاروق المنـير

[صمت البوح]

السلام عليكم ورحمة الله وبركاته

ألف ألف مبروك أخوي عذب المشاعر

وأخيرا جبتها يالذيب(a99)(a99)(a99)(a99)



حياك الله أخوي الفاروق المنير وفرصة سعيدة

[الفاروق المنير]

هههههههههههه


ألف مبروووك

ألف مبرووووك

عذب المشاعر

تستاهل

كابدت لين نلت

يالله جاء الوقت اللي تأخذ مخلاصك من هل الألغاز

عاد جب اللغز اللي يحير الأستاذ والأستاذة

لا وصيك

سلمت والله يالذيب





أبقاك الله يالأستاذة
وما راح شيء فاقدينه
أنا وعذب المشاعر سوى



صـ الإحساس ــادق

[حمد الشرعان]

جاكم اللغز


انشدك عن رجل(ن) رفع شانه الدين=ماله بكل الكون شئ مشابه
تخضع له الحكام ... واهل الملايين=والناس شافو فيه عز ومهابه
غالي ولا يقدر... على حبه اثنين=موجود من قبل النبي والصحابه


شكرا اختي صمت
ولا هنت اخوي الفاروق المنير

لكل استاذ واستاذه
منتظر الرد

[جهام]

ياهلا اخوي عذب المشاعر وصح لسانك والرمعة الحجر الاسود

اذا كانت الرمعة صحيحة اللغز مهدى لك على شان كاتم الونه الله يشفيه

اخوك

جهام

[حمد الشرعان]

اخووي جهام
(aqwa)(aqwa)(aqwa)(aqwa)(aqwa)(aqwa)(aqwa)(aqwa)(a qwa)(aqwa)(aqwa)(aqwa)

كفو
اللعز عندك يالذيب
الله يشفي اخوي وحبيبي كاتم
انه ولي ذلك والقادر عليه آمين

[جهام]

صح بدنك يالغالي وتسلم يمينك واللغز مهدى لك ياعذب المشاعر ونحن في الانتظار

محبك

جهام

[الــســنــتــر]

السلام عليكم


توني ادري ان فيه موضوع


عن الالغاز لطالما بحث عن


هذا الموضوع




يالله وين اللغز قبل يروح


الحماس



وشكراً لصاحب الموضوع

[حمد الشرعان]

تسلم اخووي جهام

جاكم اللغز ويشهد الله ان فكري مشغووووول عند اخووووي كاتم عسى الله يشفيه




انشدك عن اثنين مؤثات=لهن انس ...ولهن جان
وحده فوق ... بالسموات=وحده لها الارض مسكان
وحدة شر(ن) ..للنبات=وحده شر(ن).... للانسان

وسلامتكم

[صمت البوح]

السلام عليكم ورحمة الله وبركاته

حياك الله أخوي عذب المشاعر

رمعتي هي النار ولو إني مو متأكدة

[حمد الشرعان]

السلام عليكم ورحمة الله وبركاته

حياك الله أخوي عذب المشاعر

رمعتي هي النار ولو إني مو متأكدة


مالك لوا استاذتي الفاضله
حاولي مره اخرى
رمعتك طيبه
بانتظارك

[جهام]

صح لسانك اخوي عذب المشاعر والله لا يهينك ورمعتي اللي في السماء نجم العقارب واللي في الارض العقرب

ودمت سالما


اخوك

جهام

[حمد الشرعان]

صح لسانك اخوي عذب المشاعر والله لا يهينك ورمعتي اللي في السماء نجم العقارب واللي في الارض العقرب

ودمت سالما


اخوك

جهام

صح بدنك اخووي جهام

اللغز عندك
اعفني منه
بانتظارك

كفو اشهد انك ذيب
تحياتي.....

وين سعد؟؟؟؟؟

[جهام]

اخوي عذب المشاعر ماعليك زود يالغالي واللغز مهدى لك ولك تحياتي

اخوك

جهام

[جهام]

عن اذنك اخوي عذب المشاعر الظاهر اني احرجتك وآسف وبعد اذن المشرفين الذين اكن لهم كل احترام لا اريد لهذه

الزاوية ان تموت لما فيها من فائدة التي لا تخفى على الجميع 0

واليكم هذا اللغز ارجو ان يحوز على رضى الجميع

انا بنشدك عن عودٍ مدخلٍ جوف عذراء 000 خطفته للروح أسرع من حرارٍ في هداده

ما قصد به خيرٍ ابد قاصدٍ فيه المضراء 000 حطه اللي في سجل الغدر له أعظم رياده

قصةٍ قشراء قديمة حاويه مكرٍ وغدراء 000 مير مولانا كشفها وصارت عليهم شهاده

وسام العصا

وسلامتكم

[الفاروق المنير]

عن اذنك اخوي عذب المشاعر الظاهر اني احرجتك وآسف وبعد اذن المشرفين الذين اكن لهم كل احترام لا اريد لهذه
الزاوية ان تموت لما فيها من فائدة التي لا تخفى على الجميع 0
واليكم هذا اللغز ارجو ان يحوز على رضى الجميع
انا بنشدك عن عودٍ مدخلٍ جوف عذراء 000 خطفته للروح أسرع من حرارٍ في هداده
ما قصد به خيرٍ ابد قاصدٍ فيه المضراء 000 حطه اللي في سجل الغدر له أعظم رياده
قصةٍ قشراء قديمة حاويه مكرٍ وغدراء 000 مير مولانا كشفها وصارت عليهم شهاده

وسام العصا
وسلامتكم


مرحبا أخوي
جهام


رمعتي والله أعلم

أنه المقصود به صدام حسين

المعذرة والسموحة عن الخطأ والتقصير


مشكور أخوي ويعطيك العافية



صادق الإحساس
الفـاروق المنـير

[جهام]

هلا ومرحبا بالاخ العزيز الفروق المنير وليه تعتذر لك صدر المجلس وشرف لجهام انك تكون اول واحد يرمع وودي ان

الرمعه كانت صحيحة مالك لوى يالغالي

محبك
جهام

[حمد الشرعان]

عن اذنك اخوي عذب المشاعر الظاهر اني احرجتك وآسف وبعد اذن المشرفين الذين اكن لهم كل احترام لا اريد لهذه

الزاوية ان تموت لما فيها من فائدة التي لا تخفى على الجميع 0

واليكم هذا اللغز ارجو ان يحوز على رضى الجميع

انا بنشدك عن عودٍ مدخلٍ جوف عذراء 000 خطفته للروح أسرع من حرارٍ في هداده

ما قصد به خيرٍ ابد قاصدٍ فيه المضراء 000 حطه اللي في سجل الغدر له أعظم رياده

قصةٍ قشراء قديمة حاويه مكرٍ وغدراء 000 مير مولانا كشفها وصارت عليهم شهاده

وسام العصا

وسلامتكم

عزيز وغالي
اخوووي جهام
ليش احرجنتي وانا اخوووك
انا كنت مسافر ... ولي عود انشاء الله على هذا اللغز

[حمد الشرعان]

رمعه
اليهود عندما دحسوا السم للرسول عليه الصلاة والسلام

[جهام]

الحمدلله على السلامة اخوي عذب المشاعر وين الهديه

وصح لسانك نعم السم الذي وضع في كتف الشاة لرسولنا صلى الله عليه وسلم من قبل يهود عليهم لعنه الله وهو على

فراش الموت يقول لازالت تراودني اكلت خيبر لانه لاكها ولم يأكلها العود السم والعذراء كتف الشاة0000000الخ

صح لسانك رمعة موفقة

ننتظر لغزك اخوي عذب

محبك

جهام

[حمد الشرعان]

الحمدلله على السلامة اخوي عذب المشاعر وين الهديه

وصح لسانك نعم السم الذي وضع في كتف الشاة لرسولنا صلى الله عليه وسلم من قبل يهود عليهم لعنه الله وهو على

فراش الموت يقول لازالت تراودني اكلت خيبر لانه لاكها ولم يأكلها العود السم والعذراء كتف الشاة0000000الخ

صح لسانك رمعة موفقة

ننتظر لغزك اخوي عذب

محبك

جهام



ابشر الهديه ...
انت تامر

صح بدنك اخووووي جهام
احضر لك اللغز ....

[حمد الشرعان]

"انشدك عن رجال من خلقة الناس
=============لا حل اخوه بديرته شد عنها"



منتظر

[جهام]

هلا وغلا بعذب المشاعر وماانت مقصر بالهديه والشك زايل وهديتي رجوعك لنا بالسلامه

وصح لسان على اللغز

رمعة مستعجل وش رايك بالشعر والصلع اتمنى تكون الرمعة صحيحة لاني ابا اضحك حتى استلقي على قفاي كما

يقال بالادب العربي لاني وانا اخوك عندي فراسه حتى من خلال الكتابه

فراستي تقول ان كاتم من كثر الونات اللي كاتمهن صلع حتى هدب عيونه (hghhhg) شفه مستحي

وتراني بوجهك من كاتم ان صار شيء

مغليك

جهام

[كاتم الونة]

8
8
8
8(a19)
(qq166)
(a14)

[حمد الشرعان]

هلا وغلا بعذب المشاعر وماانت مقصر بالهديه والشك زايل وهديتي رجوعك لنا بالسلامه

وصح لسان على اللغز

رمعة مستعجل وش رايك بالشعر والصلع اتمنى تكون الرمعة صحيحة لاني ابا اضحك حتى استلقي على قفاي كما

يقال بالادب العربي لاني وانا اخوك عندي فراسه حتى من خلال الكتابه

فراستي تقول ان كاتم من كثر الونات اللي كاتمهن صلع حتى هدب عيونه (hghhhg) شفه مستحي

وتراني بوجهك من كاتم ان صار شيء

مغليك

جهام

هلا وسهلا بجهام وبكاتم
كلنا ما حنا بعدين عن بعض...


مالك لوا اخووووي جهام

[جهام]

هلا بعذب المشاعر

الربيع والمحل

اخوك
جهام

[حمد الشرعان]

هلا بعذب المشاعر

الربيع والمحل

اخوك
جهام


مالك لوا اخوووي جهام

حاول
وين سعد العتيبي

بني لنا مسمار على يسار الصفحه
تعبت ادور على الموضوع!!


تحياتي للجميع

[حمد الشرعان]

وين انت ياللي صرت للطيب نيشان=اللي بعسرات النوايب ندله
جهام.. لا منه غطا الكــون دخــان=لا ما تزحزح خطوتن عن محله

[جهام]

هلا بعذب المشاعر والله لا يهينك والله يجعلني عند حسن ظنك


يامرحبا حييت وعداد ماكــــــــان 000 يابن الحراراللي غدت كــاالاهله

عذب المشاعر لا زبن كل كوبان 000 يرسي كما ترسي الجبال المطلة


رمعتي الليل والنهار

اخوك ومحبك

جهام

[حمد الشرعان]

صح لسانك وما عليك زود

الليل والنهار





مالك لوا الغالي جهام


منتظر

[جهام]

صح بدنك وتستاهل اخوي عذب المشاعر

الظاهر مايرمع الا انا

لكن لي الشرف اني ارمع وابا ارمع حتى افضخ عينه


ويش رايك الضرس وضرس العقل او اختر احد الضروس


اخوك

جهام

[حمد الشرعان]

صح بدنك وتستاهل اخوي عذب المشاعر

الظاهر مايرمع الا انا

لكن لي الشرف اني ارمع وابا ارمع حتى افضخ عينه


ويش رايك الضرس وضرس العقل او اختر احد الضروس


اخوك

جهام


كفو يالذيب
جبتها....
لاهنت
صح لسانك
فعلا السن او الضرس انا جاء اخوه يشلعه..
هلا ومرحبا
ومنتظر لغزك
الظاهر ان ما فيه الا انا وانت وانا اتشرف بك اخووووي جهام
حفاظاً على الركن
لو نقلبها شات..
تحياتي

مغليك
عذب المشاعر

[جهام]

ا لله يشرف مقدارك وماعليك زود

هذا لغز سمعته العام الماضي على شبكة الكنود واللى طارح اللغز يقول منقول من شبكة الرياض واللغز بإسم الشمالي

سمعته وراء لينه من جهة الجوف واللغز وافي اتمنى رمعته طاير اخوي عذب


ياويش رجل حظن بنت بيمداني 000 اللي حظنها حماها وابعد اعداها

اللي لفا به ماهو من نسل عدناني 000 اللي عرف سطوة العدوان ودواها

يقال للشمالي من شبكة الرياض

[حمد الشرعان]

ا لله يشرف مقدارك وماعليك زود

هذا لغز سمعته العام الماضي على شبكة الكنود واللى طارح اللغز يقول منقول من شبكة الرياض واللغز بإسم الشمالي

سمعته وراء لينه من جهة الجوف واللغز وافي اتمنى رمعته طاير اخوي عذب


ياويش رجل حظن بنت بيمداني 000 اللي حظنها حماها وابعد اعداها

اللي لفا به ماهو من نسل عدناني 000 اللي عرف سطوة العدوان ودواها

يقال للشمالي من شبكة الرياض


رمعه مع قهوة الصباح .....

اخوي جهام يمكن يكون جهرز الجوال والبنت تكون الشريحه




هذه رمعة اخووووك وانشاء تصيب
تحياتي

[جهام]

هلا وغلا بالاخ عذب المشاعر

والله يجعل مهابيطه العافية

الجوال وشريحته مالك لوا وغير اتجاهك بزاوية 180 درجة

محبك

اخوك

جهام

[حمد الشرعان]

اذا ما هو اسم ارض او تضاريس معينه ...
بس اخوووك ماله خبره بالقيعان او المعالم

[كاتم الونة]

ا لله يشرف مقدارك وماعليك زود

هذا لغز سمعته العام الماضي على شبكة الكنود واللى طارح اللغز يقول منقول من شبكة الرياض واللغز بإسم الشمالي

سمعته وراء لينه من جهة الجوف واللغز وافي اتمنى رمعته طاير اخوي عذب


ياويش رجل حظن بنت بيمداني 000 اللي حظنها حماها وابعد اعداها

اللي لفا به ماهو من نسل عدناني 000 اللي عرف سطوة العدوان ودواها

يقال للشمالي من شبكة الرياض



صح لساااانك يااااجهااام وصح لسان الشاعر واليك الرمعه اليتيمه.!!!


يـامرحبابك عـدد مـاهــل هــتـاني=مـن مـزنةٍ يارفـيـقي خــلْبت مـاها
مريت لغزك وجدته لغز ملـيـاني=قلنـا نـحاول عـلى رمـعه ومـرماها
الخندق اللي لفا به فكر سـلـمــاني=يـوم العـدو يـارفـيقي أنـتهض جاها
جاء للمدينه على شرٍ وشـيـطـاني=وألله بعث له هبوبٍ صلف ممشاها
كانه صحيحٍ رمـعته لغزك الثاني=هــديةٍ مـن مـحـبك خـص وأهــداها

كان الرمعه صحيحه اللغز هديه لك أو للساحه... محبكم

[جهام]

هلا باخي عذب المشاعر وماللك لوا

محبك

جهام

[جهام]

صح لسانك كاتم الونة وبارك الله فيك

خندق الذي ضرب لحماية المدينة المنورة وصاحب الفكرة سلمان الفارسي رضي الله عنه وليس من ولد عدنان

صح لسانك

واللغز مادام وكلتني ياكاتم من عندي مهدى للساحة واللي عنده للغز يشرفنا فيه

والى لقاء يمكن يـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ

محبكم

جهام

[ŘǻŶąŅ~ •●∫]

بسم الله الرحمن الرحيم (qq27)


السلام عليكم ورحمة الله وبركاته (qq27)

مساء الخير والأحساس والطيبه (qq27)

صح لسانك ياكاتم(qq119)
(qq119)
وياجهام(qq119)

مع محبتكم الصــاعـــــــق(qq119)

[صمت البوح]

السلام عليكم ورحمة الله وبركاته

ما شاءالله عليك أخوي كاتم ذيب

وبما إن أخواننا أهدوا اللغز للساحة بعطيكم لغز بسيط

ياويش رجال بشغله يخفّى**لجل الطمع سوّي على كيف راعيه

يلقى المصايب صاحبه لا توفى**حتى نبي الله تحدّث فيه

[كاتم الونة]

السلام عليكم ورحمة الله وبركاته

ما شاءالله عليك أخوي كاتم ذيب

وبما إن أخواننا أهدوا اللغز للساحة بعطيكم لغز بسيط

ياويش رجال بشغله يخفّى**لجل الطمع سوّي على كيف راعيه

يلقى المصايب صاحبه لا توفى**حتى نبي الله تحدّث فيه


ألله ألله ألله ألله
صح لسانك أستاذتنا الجليله صمت البوح وأليك الرمعه اليتيمه


الديــن واضح لازم أنـه يصـفّى=من (الغشش) والمصطفى جاب طاريه
كم واحدٍ نوره من (الغش) طفّى=يالبوح صمتك اتركه وش؟ تبي فيه
يالصمت تكفى ثم تكفى وتكفى=البـوح خـله يـنـطـلق لا تـشـقــيه
يامـرحبا باللـغـزِ واللي تـحـفى=ترحيبةٍ أوضح من الشك والـتـيه

رمعتي هي ( الغش) وهي مجرد محاوله

لأن عين اللغز هاذي( لجل الطمع) تجبرني على رمعة الغش (من غشنا فليس منا)

أذا كانت الرمعه صحيحه... اللغز هديه لكِ أو للساحه...,

حياك الله أستاذتنا الطيبه صمت البوح...
شاكرومقدر لكِ... أخوووك

[صمت البوح]

السلام عليكم ورحمة الله وبركاته

حياك الله أخوي كاتم الونة وصح لسانك يالذيب

وما يجيبها إلا رجالها

ربي يحفظك لعينٍ ترجيك

وأشكرك على كلماتك العذبة

وأشكرك على الهدية والتي أساسها بقدم لكم ذا اللغز


أنشدك عن رجلٍ مع الجمع ينقال مثل قديم وللشعوب معروفي

الجمع باسم البنت والفرد رجال وسمي حل اللغز دايم صفوقي

[صمت البوح]

السلام عليكم ورحمة الله وبركاته

:(:(:(:(:(

[صمت البوح]

السلام عليكم ورحمة الله وبركاته

بما إن اللغز أكلت عليه الأيام وشربت

فسأقوم بوضع الحل الآن وهو العود من الحزمة

وننتظر من أخينا سعد العتيبي أن يعيد تثبيت الموضوع حتى لا يفقد مرتاديه

وبصراحة أعاني كثيرا حتى أجد الصفحة

وننتظر من يدلو بدلوه في هذا المجال

ولكم وافر التحايا

[الفاروق المنير]

السلام عليكم ورحمة الله وبركاته

بما إن اللغز أكلت عليه الأيام وشربت

فسأقوم بوضع الحل الآن وهو العود من الحزمة

وننتظر من أخينا سعد العتيبي أن يعيد تثبيت الموضوع حتى لا يفقد مرتاديه

وبصراحة أعاني كثيرا حتى أجد الصفحة

وننتظر من يدلو بدلوه في هذا المجال

ولكم رافر التحايا

مرحبا أستاذة
صمت البوح

مساء الأوركيد


شكرا على حل اللغز والذي أصدقك القول
باني لم أراه وهذا تقصير مني بلا شك

كذلك مؤيد لك بتثبيت ركن الألغاز



لكن لم أفهم المقصود بقولك :


وننتظر من يدلو بدلوه في هذا المجال



حبذا لو أوضحتي المقصود فسوف أكون لكِ من الشاكرين





لكِ
كل الود سيدتي




صادق الإحساس
الفـاروق المنـير

[صمت البوح]

السلام عليكم ورحمة الله وبركاته

تحية طيبة

أخي الفاضل الفاروق المنير أو كما يحلو لك صادق الاحساس

أهلا بك أخي وأشكر لك تواجدك وقبله تواصلك

وعن سؤالك عن توضيح العبارة( وننتظر من يدلو بدلوه في هذا المجال )

فأقصد هنا أن يأتي من يمتعنا بما في جعبته من ألغاز

حتى لا تفقد هذه الصفحة بريقها كذلك حتى نستدعي تفكيرنا لحل هذه الألغاز

وللجميع كل التقدير والاحترام

[الذيب0]

السلام عليكم ورحمة الله وبركاته
عندي لغز وابطرحه وعسى مايكون قديم
ياويش عذرى لها سبعة عيال دار الزمان وصارو ثلاثه
انتظر كم

[الفاروق المنير]

أسف كنت قد رددت عليك أخت صمت لكني وبعد ان طرحت ردي رأيت الأخ ذئب طارح لغزه لهذا قمت بهذا التعديل ولكم لغز أخي ذئب أتمنى للجميع التوفيق

[حمد الشرعان]

صمت بووووووج

الرجال
جمعه رجالات


رمعه

[حمد الشرعان]

السلام عليكم ورحمة الله وبركاته
عندي لغز وابطرحه وعسى مايكون قديم
ياويش عذرى لها سبعة عيال دار الزمان وصارو ثلاثه
انتظر كم


عذرا اخوووي الذيب ما شفت لغزك

كل احترامي لك

[صمت البوح]

صمت بووووووج

الرجال
جمعه رجالات


رمعه

تحية طيبة

أخي الفاضل مع إني لا أريد تغيير مسار هذه الصفحة

ولكن لا مانع من أن نقتنص الفرص للاستفادة من معلومات بعضنا البعض

هل ما ذكرته أعلاه يعني أن كلمة رجل لا تُجمع على رجال أم أنك تقصد أن لها جمعا آخر وهو رجالات

أرجو التوضيح علّني أعيد بعض أوراقي في دراستي للغة العربية وأكون شاكرة ومقدّرة لك

أخي الذيب فكّرت كثيرا في لغزك ولكن للأسف لم يسعفني تفكيري

لك مني كل التقدير

[شاshayemيم]

صمت البوح

رجالات جمع تكسير =====>> للمعلومية لا اكثر ولا اقل

تحياتي للجميع والمعذرة على المداخلة .

[حمد الشرعان]

صمت البوح

رجالات جمع تكسير =====>> للمعلومية لا اكثر ولا اقل

تحياتي للجميع والمعذرة على المداخلة .


اخووي شايم شكرا على المشاركة..

الاخت الفاضلة صمت بوح

الرجل مفرد جمعه رجال لانه لكل قاعدة شواذ وتعتبر هذه شاذه
ولكن اختي العزيزة نحن في خيمة الشعر والادب الشعبي وانا مجرد رمعه


وبعدين ترانا يحق لنا ما يحق لغيرنا نكسر نرفع ...الخ

شاكر ومقدر

[صمت البوح]

السلام عليكم ورحمة الله وبركاته

مرفوع يمكن أحد يحل ذا اللغز أنا بصراحة عجزت عنه

وبعدين طلعت عيوني وأنا أبحث عن الموضوع

وما زلنا نتأمل بأخينا العتيبي إنه يعيد تثبيت الموضوع

أنا بروح الدوام الآن وأتمنى أعرف الحل
أختكم صمت

[حنين ماضي]

السلام عليكم ورحمة الله وبركاته

مرفوع يمكن أحد يحل ذا اللغز أنا بصراحة عجزت عنه

وبعدين طلعت عيوني وأنا أبحث عن الموضوع

وما زلنا نتأمل بأخينا العتيبي إنه يعيد تثبيت الموضوع

أنا بروح الدوام الآن وأتمنى أعرف الحل
أختكم صمت

انا معاك اختي

هذا احد الاسباب
اللي خلاني

ادش المنتدى
ياريت يثبتونه