((.. عطني العـــنود..))

[كاتم الونة]

,.,.,.مشاركه جديده أرجو أن تعجبكم.,.,.,.,.


ياسعـــــد مني وصيه وشلـها
.....................شلـهـا وســـــــط الفيافي والنفود

وأن وجدت الغاليه بس قل لهـا
....................قل لها كـــــــــاتم على نار الوقود

والوصيـه في يديها فلـهـــا
....................وأنشر أحروفي علـى ذيك الخدود

وقل لهاالروح الحزينـه من لها
....................من لهـا غيرك يــــــاأجـمل عــنود

ياسعد روحي أمانه أفـطن لها
....................والقيـود أرجوك(حطم) هــــالقيود

والعنود أرجوك لقلبي خـلهـا
....................خلها تـــــرتع في قلبي هالشرود

شف عنودك غايبـه لظرف(ن)لها
....................وشف عنــودي أغصبوها ذاليهود

الكرامه هـي عنودي كلهـــا
....................ياسعـــد وشـلون أعـــبر أو أزود

لاتقل وسـع بطانك وفــــلها
....................كيف أوسع خاطري ياأبن ألاسود

أرضنا راحـت وقلي من لهـــا
....................غير رجال(ن)عاهدو ذيــك العهود

من فلسطين العزيزه أخت(ن)لها
....................ودمـنا يـسفك على جـال الحدود

والعراق ينوح وكابل كــلها
....................وضلع بالشـيشان زادت به لحود

مشكله وأنت ياالعتيبي حلـها
....................حلـها ياجـــعل يـفداك الحسود

المراجل فيك كل(ن) دلـهـــا
....................مشرف(ن) بارع ولك باقة ورود

والطوالع والنجوم لك كلهـا
....................من بلُع للأخبيه لسعـد السـعود

ومملكتنا دام بيرق ضلـهــــا
....................دام بـيـرق ضلها رغم الحـقـود
.................................................. ..
.................................................. ..
ملحوظه....كنت أخاطب في كلامي,,نجم سعد السعود...وبعدها
خاطبت أخي الغالي...سعد العتيبي...وليس هناك فرق كلهم نجوم.
......وسلامتكم ...أخوكم المحب...كاتم الونه....

[الطـرقي]

شف عنودك غايبـه لظرف(ن)لها
....................وشف عنــودي أغصبوها ذاليهود

الكرامه هـي عنودي كلهـــا
....................ياسعـــد وشـلون أعـــبر أو أزود

لاتقل وسـع بطانك وفــــلها
....................كيف أوسع خاطري ياأبن ألاسود

أرضنا راحـت وقلي من لهـــا
....................غير رجال(ن)عاهدو ذيــك العهود

من فلسطين العزيزه أخت(ن)لها
....................ودمـنا يـسفك على جـال الحدود

والعراق ينوح وكابل كــلها
....................وضلع بالشـيشان زادت به لحود



ابداع وتميز غير مستغرب من شاعريحمل هموم...... هموم من....هموم.الامـــه الاسلاميه.. هموم امة محمد
ومن منا لايحمل هذه الهموم ياكاتم...

هذي معانـاة قلـب شام من وقته= ما هي توجـاد معشـوق لمـعـشوقه
.
ملحوظه....كنت أخاطب في كلامي,,نجم سعد السعود...وبعدها
خاطبت أخي الغالي...سعد العتيبي...وليس هناك فرق كلهم نجوم
يستاهل النجوميــه الشاعر "البــعـيـــد"
وكل مبــدع


دمت مبدعا"

تقبل فائق تقديري واحترامي

[عبْث]

قــــــــــــــــــــويه

انطــــــــــــح المــــــــــــوج بمــــــــــــوج مثله

[سـعـد العتيبي]

صح لسانك ياكاتم

احيي فيك الاهتمام بقضايا العرب والمسلمين
كتبت فابدعت وصفت فاجدت


اطلب طلبك امراً والبيه فالحال
الا العنوداليوم ماجوز منها


لي عوده ياكاتم الونه

لاهنت ولاهان غاليك

تقبل تحياتي اخوك ومحبك سعد العتيبي

[كاتم الونة]

مرررراحب يا الطرقي...

لاهنت يا الغالي

ماعليك زود ومنكم نتعلم


صح بدنك وأسلم وسلم

محبك كاتم الونه

[كاتم الونة]

هلا والله يا الراسي

لاهنت على المرور

ومثلك وشرواك مكسب للمنتدى

اخوك المحب كاتم الونه

[كاتم الونة]

يا سعد مابي عنودك....عنودي غير.....

هلا وغلا بمشرفنا المبدع

في أنتظارك

شاكر على مرورك الكريم

محبك كاتم الونه

[بونواف]

الله الله الله

تفجرت ينابيع الابداع من جديد


ما اقول الا الله عليك اخوي سعد العتيبي

فقد الهبت مشاعرنا برائعتك العنود


اخوي كاتم الونه ابدعت في نظم هذه الرائعه ومناجاتك للنجمين السعدين

ايه نسيت اقول لك سر خطير

ترى اسمي سعد يعني تراي بدخل في البركه معهم (e)

[النجديه]

تسليم يديك ياكاتم الونه ويستاهل اخوي سعد اكثر من هذا

الله يعطيك العافيه

[جهام]

يقوا الشاعر أحمد محرم

هذا تراث المسلمين فبعضه يزجى علانية والبعض يسرق

القوم صم في السلاح وبعضنا مستصرخ يعوي وآخر ينعق

ان كنت ذا حق فخذه بقوة ان الحق يخذله الضعيف فيزهق

فتشت مابين السطور فلم اجد ان الاسود بصيدها تتصدق

مقدمة احببت أن تكون مدخلا لهذه المشاركة الرائعة ولا غرابة منك ياكتم وكم وددت ان كل شاعر كل اديب

كل عاقل من امتي أن يحمل هم هذه الامة التي توالت عليها الضربات والنكبات لكي تعود الامة الى امجادها وعزتها

ورفعتها ولكن رجاؤنا بالله كبير وان النصر قادم

لك اخي المبدع كل احترام

اخوك

جهام

[عاشق عنود الصيد]

صح لسانك اجل انت وانا والعتيبي كل منا يبي عنود انقطع المطر

الله يعطيك العافيه