ابي حل؟؟؟؟ تعبت

[ميشوksa]

الله يجزاها الجنة اللي ترد علي بس يكون ردها عن ثقة
انا تتاخر الدورة عندي لمدة اربع شهور او خمس شهور ومرة تأخرت على 7 شهور
السبب ماني عارفه ??
استخدمت قرفة وبردقوش لاني سمعت الدكتور عبد الباسط يقول البردقوش ينظم الهرمونات
والقرفه سمعتها من البنات لاكن مانفع للا سف يعني احس بالام الدروة ولا تنزل وتاخذ فترة وتروح الالام
مع اني مافكر فيها ابد تنزل ولا ماتنزل الا اذا وصل الموضوع خمس شهور او 6 ابداء افكر لية ماتنزل
رحت الدكتورة وسويت تحليل هرمونات وكل شي يخطر في بالكم وقالت مع انها قعدت تخبص شوي ...شكلها ماتعرف السبب قالت <<الرحم طفولي << واعطتني علاج اخذته فتره
وتركته لاني خفت منه علية اسهم وايام الاسبوع وشكله غريب قالت تاخذينة في الساعه المحدده ولاتاخرينه لانك لو اخرتي موعد الدواء
يجيك نزيف وانا من عادتي اني نسايه خفت انسى موعد العلاج وتورط,,,تجلس الدورة منتظمة معي لمدة ثلاث شهوراو اربعه بس??
الله يسعدكم اذا فية هنا دكتورة مختصه في هذا الشي ترد علي لاني تعبت من هالحال
الان هي متاخره خمس شهور عمري 23 سنه
وعلى فكره جسمي هزيل وزني 42وطولي
152

[la6of]

السلآم عليكم ..
اذا مرآ آلآم الدوره شديده يمكن يكون معك بطآنة الرحم المهآجره ، يتم تشخصيهآ بالمنظآر ض1
<< والله آعلم

[la6of]

أعراض المرض

1- الم أثناء الدورة الشهرية و هو من أكثر الأعراض شيوعا.
2- الم أثناء الجماع
3- الم بعد التبرز إذا وجد النسيج الهاجر في الجدار الخلفي للمهبل قريبا من المعي المستقيم
4- الم أثناء التبول إذا وجد النسيج الهاجر في الجدار الأمامي للمهبل قريبا من المثانة
5- دورة شهرية غزيرة
6- الم في الحوض
7- الم في الظهر والخصر إذا وجد الغشاء الهاجر في الحالب
8- إسهال وتقيء ومغص في البطن إذا وجد الغشاء الهاجر في الأمعاء



وبعد تكون الدوره موب منتظمه زي حآلتك ..

35-50 % من النساء المصابات بهذا المرض غير قادرات على الإنجاب وذلك من خلال تأثيره على المبيض بوجود أكياس الدم اوعندما يسبب المرض الالتصاقات في الحوض و حول قناتي فالوب ..

آتمنى آكون آفدتك =)

[غريب الماضي]

راجعي دكتوره ثانيه ، ولا تكتفين بدكتوره واحده
لابد تجدين العلاج المناسب والتشخصي الصحيح
لحالتك ولا تهملي نفسك إبدا ً فالدورة الشهرية
كما تعلمين ليست مجرد آلام شهرية فحسب بل
هي تجديد لحيويه وصحة المرأة .

[روعة ملاكـ]

هلا ميشوا
الله يعينك اول شي الدورة تلخبط عشان الهرمونات ولان جسمك نحيف يمكن فيك فقر دم
والشريط الي عطتك اياة الدكتورة ان كان قصدك الي يكون فية21 حبة 11 حبة لونها ابيض 10 لونها زهر وبعضها ابيض وبني :)
فية انواع منها كثير بس انها تجي علي نفس هالنظام حبوب وفيها اسهم تمشين بها علي حسب اليوم الي اكلتها فية وتكون خامس يوم من الدورة
هذي الحبوب زينة ليش ماستمريتي عليها بس ان شاء الله شهرين وتنظم الدورة عندك
ارجعي للطبية ثانية واذا وصفت لك هالحبوب استمري عليها
وان شاء اللة ربي بيشفيك

[روعة ملاكـ]

هذا صوررته
http://forum.hawaaworld.com/images/statusicon/wol_error.gifهذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 800x600 و بحجم 141KB.http://www.lshosp.com.tw/pharmacy/med_directory/med_images/pastil/images/P/Progyluton_21_SC.jpg



اذا هي صورة الحبوب الي تقصدين تراها زينة استمري عليها
بس ارجعي ثانية للطبيبة توصفه لك
حتي لو ماانتظمت بعد شهرين استمري عليها الين الطبيبة تقولك اتركيها
والله يشفيك

[ميشوksa]

مشكورررررررررررررررررين على الردود والله يعطيكم الف عافية

روعة ملاك والله ماقصرتي تعبتك معاي الله يحقق أمانيك ويطول عمرك ويسعدك
نعم هذى هو الحبوب اللي اقصدة لكن خفت منه لانه لو تأخرت يوم واحد عن موعد الدواء
يجي نزيف وعشان كذا تركته...

[شجرة الأناناس]

السلام عليكم ورحمة الله وبركاته



طيب اختي

اقرشي السمسم

http://www.google.com.sa/url?source=imgres&ct=tbn&q=http://www.arab-eng.org/vb/uploaded2009/125611/1246635428.jpg&sa=X&ei=DjRBTMaEMt6X4gaY4pmdDw&ved=0CAUQ8wc4BA&usg=AFQjCNFztOhJF7gs3k0pOpUl-Jy3GeI7RQ


يعني ملعقة سمسم واعلكيها بفمك مدة دقيقه

يوميا تساعد الدوره على النزول


وتراها تسمن اذا بغيتي السمنه واذا ما تبغين السمنه بس وقت المغص كوليها


وربي يشافيك


^ــ^

[... بنت الجنوب ...]

انصحك تغيري الدكتوره

روحي لغيرها افضل .

وبعدين انتي نحيفه المفروض تجيك وبسهوووله

لانها ماتتاخر الا اذا زاد وزن المراه بكثير عن المعدل الطبيعي.


المهم اذا جتك الدور .كلي ثلاث مرات باليوم تمر مغمس بحب رشاد

معروف الرشاد ينظف الرحم وينزل الدوره زين

وماتشوفين شر.

[طيف الطيبه]

شوفي هالحبوب اللي في الصورة انا استخدمتها عام 1417هـ

ويارب لك الحمد الى الان منتظمه

انتي استمري عليها لحد ماتشوفي الدورة منتظمه

وربي ييسر عليك امورك

[بلسم قلبي]

عليك مراجعة طبيبه معروفه وثانيه عادي جاهدي علشان ترتاحين اللله يريحك

[baaasss]

الله يعينك

[النمرودي]

اختي الكريمه توكلي على الله واتركي اي علاج كيمياوي واي عشبه--- تستخدمين العلاج التالي لمدة شهرين وسترين النتائج باذن الله-اسحقي عشبة الميرميه وعبئيها في كبسول فارغ اعملي 120 كبسوله الاستخدام كبسوله صباحا ومساء بعد الاكل- اعملي غسول داخلي للرحم من منقوع عشبة الميرميهمره كل اسبوع-تاكلين سبع تمرات صباحا وبعد الغداء سبع تمرات وبعد العشاء سبع تمرات طيلة فترة اخذ العلاج والله هو الشافي وسترين النتائج باذن الله اخوك النمرودي العراق

[سارا انور]

سلام عليكم اختي..
انا مثلك بالضبط كان يحصل لي...وربي ع ما اكتبه شاهد...
بس الحمدلله من تزوجت صارت عندي منتظمه....وكل شهر بنفس التاريخ وبالم خفيف...