المساعد الشخصي الرقمي

مشاهدة النسخة كاملة : موقف حصلي شخصانيآ بمحل الهدايا


ارمااااانيوووو®
09-07-10, 11:51 AM
السلام عليكم ورحمة الله وبركاته ...

اولآ مساء صباح الخير عليكم جميعآ ...



وثانيآ اول مره الصراحه انزل موضوع بالقسم هذا وواقعي بعد وصارلي امس الخميس

بمول بالرياض موب لازم اذكر اسمه بس يصنف من المولات العاديه احس...الموهيم بدخل بالموضوع

وابيكم تقولولي ليش وصلوا البعض من الحريم للدرجه هذي وايش الأسباب بالنسبه لكم...


بدخل بالموضوع مباشره...الموضوع اني كنت بروح للمول عشان اشتري هديه كذا حلوه لأختي

بمناسبة نجاحها ...واشتريت كذا حاجه وبعدها قلت يبيلها تغليف كشخه ..طلعت من المحل وكان

قبل المحل جالسين حرمتين معاهم ولدين كل ولد يقول الزين عندي بالحيل حلوين ربي يحفظهم

احس واحد منهم بالتمهيدي كذا<<مايعرف يتوقع العمر حط توقع السنه الدراسيه ...الموهيم

مشيت شوويات وسألت محل قلت فيه محل تغليف هدايا الله يحفظك قال ايه ووصفلي ...

دخلت المحل ودقايق بسيطه دخلوا الحرمتين نفسهم اللي شفتهم جالسين ...الموهيم

قلت الله يخليك ابي تغلف الأشياء هذي اللي معاي ..قال طيب ..واهو يغلف انا اعطيه

الألوان وكيف بيغلفها<<بحكم اني مصممhttp://www.qassimy.com/vb/images/icons/icon10.gifيعني عندي خلفيه عن الأمور هذي..

الموهيم جاء بيغلف الدبدوب اول شي ..وجيت اختار الخامات والألوان وجيت بغلف معاه

الموهيم في وحده من اللي دخلو جت جنبي(q79)وقالت مو احسن تحط اللون هذا؟http://www.qassimy.com/vb/images/icons/icon10.gif

طبعآ انا استغربت قلت وشذي اللي قاطه بالسالفه ...وطنشتها ولا كأنها تتكلم وبعدها

قال اللي يشتغل بالمحل ..ترا ذووق الحريم حلوو<يعني قام يتميلح يوم شافها تكلمت

ودخلت عرض بالموضوع..الموهيم وجت البنت الثانيه <<احسها موب متزوجه مدري ..

الموهيم جت من وراي وحطت كتفها بكتفي <<يوم حسيت انها وراي والله العظيم احس

ان شعر جسمي كش<<امحق صارو الرجال يستحون اكثر من الحريم(q79)http://www.qassimy.com/vb/images/icons/icon10.gif

الموهيم يوم شافتني وخرت وتستحي وترجع عند الحرمه الثانيه...وتجلس تناظر فيني

<<<ترا ما التفت بس بالمرايه شفتها ..الموهيم جت الحرمه اللي معها عيالها ..وقالتلي

ترا اللون اللي جوات التغليف الأول احسه مو راكب على الثاني ..ليش ماتحط الأحمر مو احلى

<<<اقول لنفسي ياليل ما اطولك ...<<الموووشكله اقسم بالله العظيم اني استحيت وريقي

نشف والله العظيم ما ابالغ بس انا طبعي خجوول مره ..وقد صارلي مواقف بس الموقف هذا

احس بزياده...الموهيم وتجي جنبي وتقولي ترا احس احلى لو سويت كذا وحطيت كذا وجت

الثانيه بجنبي بعد وتقول ايه والله احلى كلامتس يا اختي ...يعني اوكي العنابي حلو بس الأحمر

أحلى ...تدروون وش سووا راعي المحل ..قام وطلع وخلاني ومعهم ...<<والله ني ارتبشت وخفت

الله يستر لا يحي احد ويدخل المحل ويحسبني انا اللي اتميلح عليهم....الموهيم طلعت برا المحل

واخذت الولد الصغير ولد الحرمه <<<عاد انا اعشق شي اسمه صغار لا وحلوين كمان بالحيل ...

قلت تعال حبيبي ليش جالس برا تعال اجلس مع اهلك..<<<<يبي الفكه ...وقام دخل راعي المحل

تخيلوو وش قال قال هاه خلاص خلصت اموووورك <<<اووم الوقاحه عليه...(asj)الموهيم قلت

خلص الحريم وبعدين تعالي ؟؟قالوو لا لا احنا مطوولين خلص انت اووول <<<قلت ياليل البعارين

واجلس وانتظر وتستمر السماجه بالموضوع(asj)....وتجي جنبي اللي معاها العيل وتجلس تطالع

فيني <<الموووشكله من زين خشتي انا خخخخخخ تطالع فيني(q79)والله العظيم انه شي غريب

الموقف هذا ..الموهيم يوم خلص الهديه قلت كم حسابك واعطيته قامت ام العيال وجت لصقت جنبي

يوم قلت كم حسابك ,,,<<مدري تلمح على الرقم ولا وش قصتها (q79)الموهيم انحشت من المحل

ماصدقت على الله ....


على فكره ترا الموضوع موب تميلح ولا شسمه تقوولوون ذا مسويلي فيها انا الوسيم ههههههه

والله العظيم الموقف هذا امس حصلي والله عالم ..اني بغيت اطيح من طوولي من الحياء<اووخص

يالحيوووي (vv)



يالله عطوووني ردودكم وتعليقكم على موضوعي ...وقوولولي وش قصدهم بحركاتهم الحريم ذولي(asj)http://www.qassimy.com/vb/images/icons/icon10.gif

بنوتة الخبر
09-07-10, 12:07 PM
حياك ربي ..
مبروك تخرج اختك..
والله ياخيي ...مصدقتك بدون حلفان
تلفت حولك بس وتشوف شلون وصل الإنحدار
البنات صايرات جريئات بقوووووووة
تعرف كيف قوه والحين بعد كثير يقولون لي
البلا بالمتزوجات طبعا" مو الكل
بس طالعه نماذج غريبه

تجيك جريئه عكس البنت فيها خجل شوي وحياء

وش رايك ياخي دخلت محل انا واخوي واختي
وحده جايه تتلزق بأخوي وحنا معه!!!
اخوي مسكين راح فيها(vv)
تلخبط يشوف راعي المحل يطالع فيه وذيك البغله
وش طوله شحط تتلزق ومعه بزر
وتقط كلام وخرابيط
ماضفت وجهها الا يوم شافتن اخزها وقطيت كم كلمه
قلة حياء ياخي الرجل اجرأ بس انه توصل المره تتحرش
بالرجال وتتغزل فيه
ومو بمكان مسكر لا قلة حياء بمكان مفتوووح
وكلن يشوف
هنا صراحه قمة المسخره !!
الله لايبلانا ياخي

وربي ستر عليك ياخي مو يجون الهيئه ويحسبونك انت
اللي تتميلح
وهن يطلعن بلوشي
تخبر ماشين على مبدأ البنات مظلومات
والرجال وحوش
ماكن الآيه انقلبت هالحين

تدري المفروض عشان يتعدل الوضع
تروحون انتم يالشباب تشتكون على هالأشكال

عشان يتربن!!

الله يستر على شبابنا وبناتنا(asj)

تحياتي اخوي

ريحة فارس
09-07-10, 12:14 PM
الحياء لابد يكون بالمرأة

والمفروض عليك انك قلت وش دخلك

مجننه العفاريت
09-07-10, 01:18 PM
الله المستعان وش ذا لو انا منك عطيته بوكس
صار وجها الوان ==وعاد خلها تنسق الالوان==
حريم اخر زمن

اشكر لك الموضوع الرائع

الحب خالد
09-07-10, 01:34 PM
ارماانيووا
تدري النوعي هذي موجوده وما ننكرها
ليتك رحت لمحلات التغليف اللي براا المولات والاسواق
شف في مثل الامور هذي لاتسكت خلك قوي وفشلها باي كلمه
يعني ياشين اللقافه
من طلب رايك .. ما احد سألك
وش ذا الذوق المعفن اللي اخترتيه
او ان كنت تبي الراجه
بصوت على قل لاحول ولاقوة الا بالله الله يفكنا ويعتقنا ويستر على بناتنا واعراضنا

بس برافوا عليك جايب لاختك هديه
عقبال ماتجيب لها هدية زواجها

تدري ذكرتني بوحده من زميلاتي تحرشوا في زوجها وهي معه
قامت وطلعت برا المول هي وزوجها ورجعت للبنات وفتشت وتفلت بوجيههم وانحاشت
تقول ما امداهم يستوعبون الصدمه الا انا منحاشه
تقول قهروني في نفسي
قلت ليه طيب طلعتي وجك قالت عشان ما احد يعرفني ولا يعرفه
ياشين قهر الحريم

قصيمي من جدة
09-07-10, 01:38 PM
كنت أتوقع نهاية القصة
أنهم سرقوا منك محفظة أو أي شيء آخر
لأن هذه الحركة منتشرة عندنا في جدة
يطلسمون على الضحية ويفقدونه الوعي للحظات ومن ثم يسرقونه
....................
في مثل هذه الحالة إلجأ لوسيلة التأديب بالتلميح إما بكلمة حاسمة أو بنظرة صارمة أو أو أو
حتى لو وصل الأمر لترك المكان بمن فيه

الشاطرة
09-07-10, 01:42 PM
اولا قبل كل شي : الحمد لله الذي عافانا مما ابتلا به كثير من خلقه وفضلنا عليهم تفضيلا.


والطبقه من ذي البنااااات صراحه انا اوصفهم بعدم كماال العقلانيه وسمااجه الدم


بس والله احسك مابردت كبدي بهن والا والله لو لاقدر الله اشوف مثل ذي الاشكااااااااال

كان تطلع علووم <<ياحبتس للمضاربه .


لا جد والله وخير ان شاء الله راعي المحل يطلع وخيليك بهالحاله لو قامن يبتلن عليك ساعتها وش بتسوي



فما اقول الا الله يهديهن ويفتح على قلوبهن ويهديكم انتم بعد وجميع المسلمييييييييييييييييين ...




فاعندي كلام كثير بس ظروفي الحين ماتسمح <<جالسه في حر خخخخخخخخخخخخ

( فهد )
09-07-10, 01:44 PM
لوكنت في مكانك أغير المحل على طول (q77)

ويمكن أقول لها : عطيني الرقم بس بشرط

إستعدي للتصوير اليوتيوب محتاج لأمثالك (vv)

غريب امره
09-07-10, 01:54 PM
لماذا نُظهر المثالية الزائفة ولو كنا مكانه لاعطينها الرقم ثُلاثآ ورُباع

كان يمكنك ترقيمها والاستمتاع بذالك

ولا تسأل عن ما بعد ذالك طالما ان ذالك يُسعدك

ارمااااانيوووو®
09-07-10, 01:57 PM
حياك ربي ..
مبروك تخرج اختك..
والله ياخيي ...مصدقتك بدون حلفان
تلفت حولك بس وتشوف شلون وصل الإنحدار
البنات صايرات جريئات بقوووووووة
تعرف كيف قوه والحين بعد كثير يقولون لي
البلا بالمتزوجات طبعا" مو الكل
بس طالعه نماذج غريبه

تجيك جريئه عكس البنت فيها خجل شوي وحياء

وش رايك ياخي دخلت محل انا واخوي واختي
وحده جايه تتلزق بأخوي وحنا معه!!!
اخوي مسكين راح فيها(vv)
تلخبط يشوف راعي المحل يطالع فيه وذيك البغله
وش طوله شحط تتلزق ومعه بزر
وتقط كلام وخرابيط
ماضفت وجهها الا يوم شافتن اخزها وقطيت كم كلمه
قلة حياء ياخي الرجل اجرأ بس انه توصل المره تتحرش
بالرجال وتتغزل فيه
ومو بمكان مسكر لا قلة حياء بمكان مفتوووح
وكلن يشوف
هنا صراحه قمة المسخره !!
الله لايبلانا ياخي

وربي ستر عليك ياخي مو يجون الهيئه ويحسبونك انت
اللي تتميلح
وهن يطلعن بلوشي
تخبر ماشين على مبدأ البنات مظلومات
والرجال وحوش
ماكن الآيه انقلبت هالحين

تدري المفروض عشان يتعدل الوضع
تروحون انتم يالشباب تشتكون على هالأشكال

عشان يتربن!!

الله يستر على شبابنا وبناتنا(asj)

تحياتي اخوي





هلا فيك اختي ..مشكوره على مرورك العطر ..

والله يستر على بنات المسلمين ..

ارمااااانيوووو®
09-07-10, 01:58 PM
الحياء لابد يكون بالمرأة

والمفروض عليك انك قلت وش دخلك




هلا اخوي مشكور على مرورك متصفحتي ويشرفني ...


والله ياخوي انا والله العظيم طبعي استحي زياده عن اللزوم ..يعني اكتفيت
اني والله يشهد اني مارديت عليهم ولا كأنهم يتكلمووون...

ارمااااانيوووو®
09-07-10, 01:59 PM
الله المستعان وش ذا لو انا منك عطيته بوكس
صار وجها الوان ==وعاد خلها تنسق الالوان==
حريم اخر زمن

اشكر لك الموضوع الرائع



هلا فيك مجننه شرفني مرورك متصفحتي...

والله يستر على بنات المسلمين ....

ارمااااانيوووو®
09-07-10, 02:03 PM
ارماانيووا
تدري النوعي هذي موجوده وما ننكرها
ليتك رحت لمحلات التغليف اللي براا المولات والاسواق
شف في مثل الامور هذي لاتسكت خلك قوي وفشلها باي كلمه
يعني ياشين اللقافه
من طلب رايك .. ما احد سألك
وش ذا الذوق المعفن اللي اخترتيه
او ان كنت تبي الراجه
بصوت على قل لاحول ولاقوة الا بالله الله يفكنا ويعتقنا ويستر على بناتنا واعراضنا

بس برافوا عليك جايب لاختك هديه
عقبال ماتجيب لها هدية زواجها

تدري ذكرتني بوحده من زميلاتي تحرشوا في زوجها وهي معه
قامت وطلعت برا المول هي وزوجها ورجعت للبنات وفتشت وتفلت بوجيههم وانحاشت
تقول ما امداهم يستوعبون الصدمه الا انا منحاشه
تقول قهروني في نفسي
قلت ليه طيب طلعتي وجك قالت عشان ما احد يعرفني ولا يعرفه
ياشين قهر الحريم



والله يختي انا سألت واحد من اصحابي وقالي عن المول هذا بس ..مو قصدي
ادخل مول ولا كذا...

اما بخصوص اني ارد عليهم ...والله العظيم يا اختي انهم وهم يتكلمون هي واللي معاها
ان ريقي نشف ..احس نفسي مرتبك وخايف بنفس الوقت ...يعني طبعي خجول مره
ولا اعرف ارد او اتصرف الا اني اسكت وبس ...حتى يوم جت عند كتفي انا علطول وخرت
بعيد والله العظيم ارتبكت حيل..


شرفني مرورك متصفحتي العطر..

شموخ بدوية
09-07-10, 02:11 PM
ههههههههههههههههههه

تصدق يارمانيوا ضاع الوفت وانا اعد كم مرة قلت كلمة المووهم خخخخخخخخخ


اجل يتحرشون فيك يمكن مشبهين عليك أحد مصممي أزياء ايطاليا خخخخخخ


ياحليلك ياخياط الحرريم هع هع

ارمااااانيوووو®
09-07-10, 02:13 PM
كنت أتوقع نهاية القصة
أنهم سرقوا منك محفظة أو أي شيء آخر
لأن هذه الحركة منتشرة عندنا في جدة
يطلسمون على الضحية ويفقدونه الوعي للحظات ومن ثم يسرقونه
....................
في مثل هذه الحالة إلجأ لوسيلة التأديب بالتلميح إما بكلمة حاسمة أو بنظرة صارمة أو أو أو
حتى لو وصل الأمر لترك المكان بمن فيه




لا يخووووي موب قصهم سرقه ول شي ...لان جوووالي انا حاطه على الطاووله هو ومحفظتي
وكمان بلاك بيري بوولد ..وانا كنت اغلف مع الرجال...والله العظيم انه على الطاووله وشوي بعيد
عني وهم جنبه ولا اخذوووه ولا تغير محله ...

والله يخووي اخووك شوووي بالأمور هذي منتهي ولا يقدر يتصرف الا بس بالسكوووت والحمدلله
ان الموضوع وصل كذا...



شكرآ لمرورك العطر متصفحتي اخوي..

ارمااااانيوووو®
09-07-10, 02:16 PM
اولا قبل كل شي : الحمد لله الذي عافانا مما ابتلا به كثير من خلقه وفضلنا عليهم تفضيلا.


والطبقه من ذي البنااااات صراحه انا اوصفهم بعدم كماال العقلانيه وسمااجه الدم


بس والله احسك مابردت كبدي بهن والا والله لو لاقدر الله اشوف مثل ذي الاشكااااااااال

كان تطلع علووم <<ياحبتس للمضاربه .


لا جد والله وخير ان شاء الله راعي المحل يطلع وخيليك بهالحاله لو قامن يبتلن عليك ساعتها وش بتسوي



فما اقول الا الله يهديهن ويفتح على قلوبهن ويهديكم انتم بعد وجميع المسلمييييييييييييييييين ...




فاعندي كلام كثير بس ظروفي الحين ماتسمح <<جالسه في حر خخخخخخخخخخخخ





الشاطر مرورك متصفحتي العطر شرفني اختي...


والله يستر على بنات المسلمين يارب...

ارمااااانيوووو®
09-07-10, 02:17 PM
لوكنت في مكانك أغير المحل على طول (q77)

ويمكن أقول لها : عطيني الرقم بس بشرط


إستعدي للتصوير اليوتيوب محتاج لأمثالك (vv)




شلون اغيره ياخووي وبدينا بالتغليف وقصقص الرجال ..حرام اووقف بعد ما اشتغل...


مشكور على مرورك متصفحتي اخوي...

ارمااااانيوووو®
09-07-10, 02:18 PM
لماذا نُظهر المثالية الزائفة ولو كنا مكانه لاعطينها الرقم ثُلاثآ ورُباع

كان يمكنك ترقيمها والاستمتاع بذالك

ولا تسأل عن ما بعد ذالك طالما ان ذالك يُسعدك





شكرآ على مرورك متصفحتي اخوي...

وكلامك احترمه ..بس مقدر اعلق عليه...

ارمااااانيوووو®
09-07-10, 02:20 PM
ههههههههههههههههههه

تصدق يارمانيوا ضاع الوفت وانا اعد كم مرة قلت كلمة المووهم خخخخخخخخخ


اجل يتحرشون فيك يمكن مشبهين عليك أحد مصممي أزياء ايطاليا خخخخخخ


ياحليلك ياخياط الحرريم هع هع



دوم الضحكه اختي ....

شكرآ على مرورك العطر اخت شموخ...

أسامه
09-07-10, 04:49 PM
لماذا نُظهر المثالية الزائفة ولو كنا مكانه لاعطينها الرقم ثُلاثآ ورُباع

كان يمكنك ترقيمها والاستمتاع بذالك

ولا تسأل عن ما بعد ذالك طالما ان ذالك يُسعدك





إذا أنت ترقم في غيرك يخاف من الله مايرقم ويخاف لاترجع على محارمه

وكلاً يشوف الناس بعين طبعه

أسامه
09-07-10, 04:55 PM
ياخي أرمانيو أحذر من هذولي الحريم تراهم مصيبه

قد شفت زي هذي الاشكال وأخس منهم بس ماأعطيهم مجال ياخذوا ويعطوا معي على طول أخليم وأمشي

من عندهم

كم قصص قد سمعتها عن هذولي المتحرشات

جنــ الروح ــون
09-07-10, 05:14 PM
لا حول ولا قوة إلا بالله

الله لا يبلانا بس !!

والله ها العينات انتشرت بشكل واضح

لا هنت أخوي وأهنيك على اسلوبك

اكثر الله من أمثالك.

ارمااااانيوووو®
18-07-10, 06:13 PM
شكرآ على مروركم متصفحتي...

الميسم
18-07-10, 07:04 PM
شلون اغيره ياخووي وبدينا بالتغليف وقصقص الرجال ..حرام اووقف بعد ما اشتغل...


مشكور على مرورك متصفحتي اخوي...

ما يبي لها معلوميه
حتى لو قصصت وشرشحت تلم أغراضك وعلى طووول برا المحل
بلا تغليف بلا هم
ومحلات تغليف الهدايا في كل ربعه بتلاقيها يعني ما وقفت على هالسوق ..!
وبعدين حتى تصرفك مع الولد الي معاهم غلط يا خوي
الحين الي تجرأت وسوت هالتصرف يروح بالها لشي ثاني إذا شافتك تكلم ولدها

هالمرة عدت بسلام ومو كل مره تسلم الجره
يعني في المرات القادمه انفذ بجلدك ولا تقعد تستنى سوت وراحت وجت
وبعدين تجي تقولها على أساس أنها سالفه , ترى الهيئة ما عندها يمه ارحميني أو أشرح لي وأشرح لك ..
يعني في الجمس طوااااالي (a14)

ارمااااانيوووو®
19-07-10, 09:19 PM
ما يبي لها معلوميه
حتى لو قصصت وشرشحت تلم أغراضك وعلى طووول برا المحل
بلا تغليف بلا هم
ومحلات تغليف الهدايا في كل ربعه بتلاقيها يعني ما وقفت على هالسوق ..!
وبعدين حتى تصرفك مع الولد الي معاهم غلط يا خوي
الحين الي تجرأت وسوت هالتصرف يروح بالها لشي ثاني إذا شافتك تكلم ولدها

هالمرة عدت بسلام ومو كل مره تسلم الجره
يعني في المرات القادمه انفذ بجلدك ولا تقعد تستنى سوت وراحت وجت
وبعدين تجي تقولها على أساس أنها سالفه , ترى الهيئة ما عندها يمه ارحميني أو أشرح لي وأشرح لك ..
يعني في الجمس طوااااالي (a14)


شكرآ على مروركم متصفحتي...