نداء الى كل البدو

[برد الشمال]

يالمور خذ خانت الخامس من اليمينى/////تحتر تبرد ترى الاخلاق خربانه
والل تمشي وحنا ما تفاهمنا///////مادام ميقوع ماعقبت قلبانه
لاتشكي الظلم حنا الوقت ظالمنا//////دليل ظلمي تراك تشوف برهانه
البارحه مع ثلاثه ايام مانمنا//////مكينتك تشتغل والعين سهرانه
الله يجيب الصديق اللي يعلمنا///////ابنشده عن غريب وحال عربانه
لو كان في بيت جدانه محطمنا //////ياوسع صدري عليه ببيت جدانه
لونه البعد مرينا وسلمنا//////مير البلاء شوفت الديان ديانه
عزالله إنامن الدنيا تعلمنا//////درس صعيب على التلميد نسيانه

(2) يا من يخطط لي حياتي وبعتاش///////فكرت عقب ماشاب راسي
مشاكل تبغالها تفاكير حشاش///// يحول الفضه لمعدن نحاسي
حجيت من ثواليل إلى زرب عياش/////عز الله صار راس مداسي

(3)ياقهوجي هات الحجر واظبط الراس /////من ماجرالي بالهوى داخ راسي
انا هواجيسي إلى دكاك الادماس///////دكٍ عليه مع دكاك الدماسي
ولاهني الناس تدله من الناس//////وانا عجزت القاء مع الناس ناسي
اخواني اي شخص يعرف هذه القصائدوهي للشاعرعيد بن مربح الرشيدي عليه ان يكملها ولكم كل الشكر والاحترام

تحياتي: برد الشمال

[سـعـد العتيبي]

لونه البعد مرينا وسلمنا//////مير البلاء شوفت الديان ديانه
عزالله إنامن الدنيا تعلمنا//////درس صعيب على التلميد نسيانه


برد الشمال حياك الله
صح لسان الشاعر وسلمت ايادي الناقل
لااعرف تكملة الابيات مع انني اتمنى مساعدتك في ذلك
مشكوووووووووووووور على كل حال على هذه الدرر

اخووك سعد

[الله عليها عودت]

يعطيكـــ العافيـــــــــه اخوي

ويسلموووو يارب

وأضيف هالقصيدتين للشاعر عيد الرشيدي


http://www.3abs.com/upload/uploading/marbah.gif

لـقيـــت للـقـرحــــة عـلاج طبـيـعي
= فـرقى خـتـوش الـربـع وأنـذال الأصحـــاب
قـلـبي لـيا مـني نـزرتـه يـطـيــــعي
= يـضغـط عـلى نـفسي وتـرتـاح الأعصــاب
وأنا مـع أهـل العـرف راسـي رفيـعي
=والـوقـت عـادي فـيـه حـســــاد وأذنـــاب
يا بـن عـوض يا نسـل عـود شجيـعي
= يـالـنـادر اللي من هقـى فـيــــك ماخـاب
تعـال أبيـك و خـل صــــدري وسيـعي
= نـبي نـتـناقـش بـالقـضـــيـه و الأسبـاب
قـضيــــةٍ عنــــها الـدلايـل تـضيـــــعي
=ولانـي غـني عـن رأي عُـكفـان الأشـناب
وإفـهم عـلـيه قــــدر مـا تسـتطيـعي
=وتـراي ما سنّـدت لـك لـولا الإعـجـــــاب
وعطني مرادك بالقطار السريعي
=وعسـاك تلـقى لي عـن الـريـع مـجنـاب

--------------------------------------------------------------------------------


هبت عواصيف الظلوع الهدافي
وإخترت من وزن المعاني ثقيله
وأبدأ باسم ربي وأكمل مطافي
وأعوذبه وألوذبه وألتجيله
ياعالم الأسرار ماعنك خافي
لجيت لك ياعز من نلتجيله
أسئلك سترك والعفا والعوافي
أسئلك بأسماك الكبار الجليله
الصبح أبا اواجهك عريان حافي
دخيل وجهك يامنجي دخيله
في ليلة فيها فراشي لحافي
في منزل سقفه حمار النثيله
ياواحد فضلك على الكون ضافي
يارب وسع فيه ليلة نزيله
أسئلك تمن روعتي وإرتجافي
أسئلك ما سال اليدين البخيله




كذلك يمكنك الإستعانه بموقع الرشايده ( عبس )

لعل أن تجد ضالتك عندهـم .

[برد الشمال]

مشكور اخوي

سعدالعتيبي

على المرور

ولاهنت

ويعطيك الف عافيه

تحياتي

[برد الشمال]

يسلمووووووووووو

اختي

الله عليها عودت

على المرور

ولاهنتي

تحياتي

[عبْث]

تحتر تبرد ترى الاخلاق خربانه


صح لسان عيد بن مربح الرشيدي


وسلمت اخوي على هالنقله

[sami2005]

ياناس تكفون كملو القصيده الاولى.......

[الطـرقي]

لاتشكي الظلم حنا الوقت ظالمنا=دليل ظلمي تراك تشوف برهانه
البارحه مع ثلاثه ايام مانمنا=مكينتك تشتغل والعين سهرانه
الله يجيب الصديق اللي يعلمنا=ابنشده عن غريب وحال عربانه
لو كان في بيت جدانه محطمنا =ياوسع صدري عليه ببيت جدانه
لونه البعد مرينا وسلمنا=مير البلاء شوفت الديان ديانه
عزالله إنامن الدنيا تعلمنا=درس صعيب على التلميد نسيانه



الله يعطيك العافيه
الحقيقه اخوي قصايد تستاهل ان الواحد يبحث عن تكملتها لالالاهنت

[سكري]

صح السانك ياااااااااااااااعيد بن مربح
علم من اعلام الشعر وانا اصنفه في المرتبه الثانية بعد ابن جدلان
ولك جزيل الشكر
واعتقد انها عندي بالمكتبه سوفى ابحث عنها واكملها ان شاء الله

ولكم وافر شكري وتقدير
اخوب برد الشمال

اخوك المحب
سكري


حلوووه ( المحب)
تصدقون حفظناها من لوحات الانتخابات
هههههههههههههههههههههه


خلاص الناس من اليوم وطالع تبي تصير اخلاق
عقب هالانتخابات
ههههههههههههههه

تحياتي اخوي برد الشمال

[برد الشمال]

يسلمووووووووووووووووو

اخوي

سكري

على المرور ولاهنت

تحياتي

[أبوفاطمة القصيمي]

اخي برد الشمال انتظرني سوف اضع بين ايديك مجموعه كبيره من قصائد شاعر عبس الشاعر العلم عيد بن مربح الرشيدي ،، انتظرني ..

[المحافظ]

صح لسانك ولسان شاعرها

[أبوفاطمة القصيمي]

الاخ الكريم برد الشمال هذا ماوجدته للشاعر الكبير بعد البحث اتمنى :
ياعلاوي نجـد عليـك مراديـم السحـاب// ديرةٍ فيهـا تربيـت يـوم انـي صغيـر
ياطبيب النفـس وشـو عـلاج الأكتئـاب//أعطني وصفة علاجه ترى وضعي خطيـر
عشت في غربة حقايق وفي وضع اغتراب//والتجارب عرفتنـي علـى الشـي الكثيـر
شفت ناسٍ ترسم الورده على صدر الغرا//بوالغراب أليا بغيت ألمـس الـورده يطيـر
أستفدت من الذيابـه ومـن نبـح الكـلاب//وأستفدت من الرغا وأستفدت مـن الهديـر
ولاكسبت إلا معرفـة عزيزيـن الجنـاب//ولاخسرت إلا معرفـة عديميـن الضميـر
أقترب لامقترب شيـن بعـض الأقتـراب//أبتعـد لامبتعـد شيـئ فـي حقـي كبيـر
ياسؤالي كل ماطرحـك ماألقالـك جـواب//مالي إلا الصبر وأهل الصبر توعد بخيـر
وصف خبلان الرخا مثل ضحضاح السراب//يفرح العطشان شوفه يحسـب انـه غديـر
للردي لو هو ولد عم لاتحسب لـه حسـاب//كم عزيـزٍ ذلـه الوقـت بضيافـة حقيـر
الـدروس أنـواع تطبيـق والا أنتـسـاب//بس أنا اللي طبـق الـدرس قـدام المديـر
يا (غريب )أن مت شلني اليا هاك الهضاب//حط قبري بين عنتر وأبـن عمـه زهيـر
حطني في مقبرة (( عبس)) مروين الحراب//حطني بأعلى علم (( عبس)) مروين الشطير
وان عسرك الوقت نطلع ونرجـع للتـراب//ويـارث الأرواح الألاه الأول والأخـيـر
اول الدنيا طـرب وأوسـط الدنيـا عـذاب//وأخرتها الموت والقبـر وحسـابٍ عسيـر
ياجزيـل الملـك ياكافـل رزق النـيـاب//ياإلاهي مـن عذابـك برحمتـك أستجيـر

[أبوفاطمة القصيمي]

*ياالموتر اكثر قصائده شهرة وشيوعاً :



يا المور خذ نمرة الخامس من اليمنـى//تحتر تبـرد تـرى الأخـلاق خربانـه
والله لنبـطـي وحـنـا ماتفاهـمـنـا//مـدام ‘‘ميقـوع ‘‘ ماعديـت قلبانـه
البارحة وأمس مع ثلاث أيـام مانمنـا//مكينتـك تشتغـل والعيـن سهـرانـه
ولاتشكي الوقت حنـا الوقـت ظالمنـا//ودليل ظلمه تـراك تشـوف برهانـه
ان ادبـرت شدنـا يرخـي محازمنـا//نروي بدلـو(ن) يضيـع مـاه شقانـه
وننـادي أقـرب صديـق ولايكلمـنـا//يبين وسم الغضـب بإطـراف حجانـه
وليا أقبلـت عدونـا يقضـي لوازمنـا//صداقتـه تستحـل بيـوت عـدوانـه
وعـزالله أنّـا مـن الدنيـا تعلمـنـا//درس(ن) صعيب (ن) على التلميذ نسيانه
الله يجيـب الصديـق اللـي يطمـنـا//عن واحد (ن) تاركينـه عنـد جدانـه
لوقصدنـا البعـد مريـنـا وسلمـنـا//ميـر البـلا شوفـة الديـان ديـانـه

[أبوفاطمة القصيمي]

ضلع العلم :




وقـت راس ٍ فـي طـرف برقـا بطينـه مـواط ذيـابـه
أبيـض ملمـوم مقـلـوز مرتـكـز مرتـفـع متعـلـي
مدهلٍ للذيب سرحـان ليـاراد العشـا قبـل العشـا عدابـه
يقشعر الراس من جيلانـه اللـي بعضهـا للوطـي منهلـي
يبتدي واد الرمة ليا انحدر واصطفـق مـن مفيـض شعابـه
وجنبه الغربي ليا سال سيله وانحدر والتـوى للثمـد ينحلـي
قلت أبلقى بالجبل لأهله وسم والارسم والقـى عليـه كتابـه
مادرست الكيميا والفيزياء لاشك عقلـي قبـل أعـدي قلـي
شفـت للكفـه بقايـا مرمسـه عـن سؤالـي تـرد الجابـه
تقـل تعطينـي تحـيـه وفـيٌـه يــوم جـيـت تهـلـي
قلت عبسي قـال عبسـي جبـل غطفـان هـو وأصحابـه
خـذ كـلام ٍ مـن هـرج فيـه قـدام الـعـرب مـازلـي
قلـت أبـي برهـان قـال انحـدر للـقـور والا الـلابـه
والرمـوز اللـي تحـصـل تـراهـا تستحـيـج الحـلـي
قلـت تستاهـل لحـن مهجـور مبـطـي مـحـد غـنـى
الرعيـل اللـي يغنـي علـى البحـر الطـويـل مـولـي
ياوجودي وجد من ضايقـه بالطلـب قـدم العـرب طلابـه
فـي زمـان شيـن وابـن الحـلال مـن الظـروف مقلـي
أو وجودي وجد من شاف غبنه واحتزم واعتزا واخذلوه اقرابه
ياحياة فيك ياهالضلـع ليـن الـروح مـن هالجسـد تنسلـي

[أبوفاطمة القصيمي]

تحسين الاخلاق:




سر ياقلم واكتـب بـذوق ولباقـه//ورحب وهل وخل للحبـر دوراق
رحب بخـط مبرزيـن الصداقـه//ماهي صداقة قوم ملحـق ولحـاق
لـون مالـك بالمشاكـل علاقـه//عيب ٍ لياهاش الخوي رفعت الساق
والبيت نفس البيت ستـرة رواقـه//ودك يصير البيت مستور بـرواق
وانا بلشت بيت صعـب الغماقـه//عجزت لاكشف مدخله بأي الاشناق
ياليت حامـد حـط للبيـت طاقـه//ان كان ريح عيد من عشرة اطياق
لالا ماظنـه يعتـرف بالعشاقـه//لان المحبـة كلهـا هـم واقـلاق
درت بكـرا سريـعـن فـواقـه//دقيقتيـن وماتعـداهـن افــواق
الصبر جيش عداك يعـدم سباقـه//وبعد الظلام الشمس تبدا بالأشراق
يمكن عقيـد القـوم يلـغ اتفاقـه//ويرفع حضر منع التجول بالاسواق
يقوله اللي صبرت الوقـت ذاقـه//تطعم الحلتيت فـي مـر الأريـاق
تعلمـو فيـه اصدقـاه الحـلاقـة//مغرور غافل وانتبه عقب مافـاق
اغتر في بعـض العلـوم الرقاقـه//لين راسه صنفره مـوس حـلاق
اللي صفقني كيف ابنسـا طراقـه//الله يلعن نوب تحسيـن الاخـلاق
ابعـد ليـااذاك الرفيـق بنفـاقـه//وشلون لو ماالله خلق بعد وفـراق

[أبوفاطمة القصيمي]

علاج طبيعي :




لقيـت للقرحـة عــلاج طبيـعـي//فرقى ختوش الربع وأنذال الأصحاب
قلبـي ليـا منـي نزرتـه يطيعـي//يضغط على نفسي وترتاح الأعصاب
وأنا مع أهل العرف راسـي رفيعـي//والوقت عادي فيـه حسـاد وأذنـاب
يابن عوض يانسـل عـود شجيعـي//يالنادر اللي من هقى فيـك ماخـاب
تعال أبيك وخـل صـدرك وسيعـي//نبي نتناقـش بالقضيـة والأسبـاب
قضيـة عنهـا الدلايـل تضيـعـي//ولاني غني عن رأي عكفان الأشناب
وإفهـم عليٌـه قـدر ماتستطيـعـي//وتراي ماسندت لك لـولا الإعجـاب
وعطني مرادك بالقطـار السريعـي//وعساك تلقى لي عن الريـع مجنـاب

[أبوفاطمة القصيمي]

ياالقهوجي هات الحجر واضبط الراس//ياكثـر مالجـت همومـي براسـي
همومـي اللـي ليـا دك الأدمـاس//دكت عليّـه مـع دكـاك الدماسـي
ياكثر ماتجري مشاكل علـى النـاس//ونوبن يهين النفـس شـي ٍ طفاسـي
أرسلـت للهنـد مرسـول عسـاس//أنـا علـى نيـه والأقشـر سياسـي

[أبوفاطمة القصيمي]

قصيدة مؤثره في الحب والفراق :




هذي مداهل صاحبي هـاك الايـام//سلم علـى ضلعـه قـدم لاتعـداه
ياقد قلبـي قـد ذرعٍ مـن الخـام//في كف بيـاع ٍ يقـده لمـن جـاه
ياونتـي ونـة يتيـم ٍ ومنـضـام//في حالة قشرا على الشيـن تقصـاه
مرجوجة من ساس عوبـا ونمـام//من بغضها لامـه تجـره بعلبـاه
محروم من كل الصله جد واعمـام//وابـوه ثـور ٍ ماتفهـم لشـكـواه
اشاركـه نفـس المشاعـر والالام//اشاركه بالضبـط نفـس المعانـاه
على حبيـبٍ شالتـه سـود الايـام//اقفـى وراح ولاتفاهمـت ويــاه
يزورني بالحلم تسعة عشـر عـام//حبٍ على وضح النقا كيف ابنسـاه
طيفه يقابلني على جسـر الاحـلام//وشاشة خيالي تلتقط بسمـة شفـاه
ادري المحبـه اوهــام بـاوهـام//نظرات عطف ٍ من سنا النار مسقاه
وبحر المحبه مااقطعه كـل عـوام//كم عاشق ٍ حصل بشاطيـه مثـواه
والله يالولا العيب ونصوص الاسلام//اني لاجهز عـدة الشـر وانصـاه
انصاه لو يحكـم عليّـه بالاعـدام//رب ٍ بلاني فيـه يدمـح خطايـاه
ياضلع انا سائلك بديـار الانسـام//حافظ على عهد ٍ بقربـك قضينـاه
سئلتك برب ٍ عالم ٍ غيب الارحـام//قدام يوم الحشـر لاتجيـب طريـاه
والله ماتدري من قعد بك ومن قـام//اسرار غيرك في ركونـك مخبـاه
واحذر لاتاخذك الروابع والاوهـام//مايفضح العشـاق غيـر المبابـاه

[أبوفاطمة القصيمي]

عيد بن مربح ابداع متواصل وبصمه فريده مميزه في جميع انواع الشعر وتركيبات

ههبت عواصيف الظلوع الهدافي//وأخترت من وزن المعاني ثقيله
وأبدأ باسم ربي وأكمل مطافـي//وأعوذ بـه وألوذبـه وألتجيلـه
ياعالم الأسرار ماعنـك خافـي//لجيت لك ياعـز مـن نلتجيلـه
أسئلك سترك والعفا والعوافـي//أسئلك بأسماك الكبـار الجليلـه
الصبح أبا اواجهك عريان حافي//دخيل وجهك يامنجـي دخيلـه
في ليلة فيهـا فراشـي لحافـي//في منزل سقفه حَمَـار النثيلـه
ياواحد فضلك على الكون ضافي//يارب وسع فـي ليلـة نزيلـه
أسئلك تمن روعتي وإرتجافـي//أسئلك ماسال اليديـن البخيلـة

[رشود11]

يازارع بارض الصبخ تراك تندم####تزرع وتعرق واخر الامرتعيف
زرعك ترالوطال مرجعه يعدم #######لوكنت زارع هيل ينبت لك الليف