السيف الأملح
23-04-05, 05:47 AM
من أجمل المساجلات في الشعر النبطي ، تلك التي دارت بين قطبين من أقطاب البادية وهما الأميرين الفارسين محمد بن هادي بن قرمله وتركي بن حميد أمير قبيلة عتيبة وكلاهما نار على علم في تاريخ جزيرة العرب وهذه المساجلة بين الأميرين من أشهر المساجلات في تاريخ الجزيرة نظراً لما بين الرجلين من عداوة حميمة ولكن ذلك لم يمنع أي من الرجلين أن يعرف حق صاحبة وقدرة فلا يبخسة حقة ولا يتطاول علية ، وهذان الفارسان من البادية وقد تعلما منها كل الصفات الطيبة ورغم ما كان بينهما من حروب لم يجعلا شعرهما شعر شتائم وسب وهما ارفع من أن يجعلاه كذلك ، وهذه رسالة من ابن حميد لابن قرملا
قال الأمير تركي بن حميد
يا زبن كرب فوق مـا يطـرد النـوم=حرايـر يـا زبـن مـثـل الاهـلـه
مرباعهن مـا بيـن ظلـم والاكمـوم=ومـن السفايـف يرمحـن الاظـلـه
ملفاك شيـخ بالقسـا يذبـح الكـوم=شيـخ وشيخـان القبـائـل تـدلـه
تلفى محمد زبن مـن جـاه مضيـوم=زبـن الذليـل اللـي مخيـف محلـه
واليا لفيت الشيخ يـا زبـن ملـزوم=تعطيـه مرسـوم بوسطـه سجـلـه
وان كان جيت النضو يا زبن ماسـوم=رد الخبـر والنضـو يـا زبـن خلـه
جانا من الشايـب مكاتيـب وعلـوم=حي الكتاب اللـي لفـا حشمـة لـه
الشايب اللـي ينقـل الكبـر والـزوم=باغي لحكمي مير أنـا عاصـي لـه
الله يغشـك يـوم غشيتنـا الـيـوم=تقـرا الكتـاب ولا تهـاب المظـلـه
جزاه من عندي مـن الخيـل خثلـوم=مثـل البـرد مـن مزنـة مستهلـه
إن كان تذكر سابق لـك مـن اليـوم=فـرس عتيبـي ورد شـاهـد لــه
أنـا برمحـي بـأول الخيـل ملحـوم=وآلا أنت رمـك عنـد سـارة تشلـه
أديت أنا أربع قحص و الخامس التـوم=بقعود زبن اللي بغى مـا حصـل لـه
لا و الله إلا روحـوا ربعـنـا قــوم=تناقضـت مـن بينـهـم بالاجـلـه
والحرب شب وشبشبـه كـل شغـوم=من اشتبـه مـخ الفرنجـي عصالـه
واعرف ترى من طاح ما هوب مرحوم=يا كود مـن رب المـلا شافـعٍ لـه
شافي وجرمان غـدوا بـأول القـوم=خلـوا مطوعهـم وأنـا شاهـد لـه
خلوا مطوعهم علـى غوجـة التـوم=عزي لمن حـط الـردي مسنـد لـه
وأنتم كما حوت علـى الشـط لاهـوم=وحنـا خلقـنـا للواهـيـم عـلـه
وانتم كمـا ضلـع طويـل ومزمـوم=وحنـا خلقنـا الله نـجـوم تهـلـه
وانتم كما طير البحر ذاك أبـا اللحـوم=وطير البحر مـا يذبحـه غيـر ظلـه
فأجابه الأمير محمد بن هادي
حي الكتاب اللي به العفص مرشوم=حيه وحي اللي مشى حشمـة لـه
ساعة قريته شفت ما عفت مرسوم=رد النقا تركي وهـو منحنـي لـه
يا سابقي غاش عتيبه منـك لـوم=مثل الربيع اليا غشـا نجـد كلـه
كدي على العتبان خمسة عشر يوم=قعدان والجمـال بيتـي هـل لـه
أطلب عسى نجد من الوسم ماسوم=حتى تقـرب حلـة صـوب حلـه
وإن كان رمحك بأول الخيل ملحوم=فأنا برمحـي حامـي نجـد كلـه
من شافنا بالحلم يقعد مـن النـوم=ومن شافنا بالعلـم بطنـه يهلـه
عدونا لو جض ما هـوب مليـوم=واللي وراه يجض من جضـة لـه
حربك إلى جانـا نقلنـاه بسهـوم=وتر حربنا لا جاك ما احتلت شلـه
وإن كان تطري النجم فالنجم مفقوم=والنجم يدوي والجبل راسـي لـه
ما نشتحن للحرب والحرب مفهوم=ويا سعد منا باللقـا فزعـة لـه
ما خلقة الدنيا ولا الناس في يـوم=واللي تمنى حربنـا مضحـي لـه
أن كان في نفسه فلا هوب مليـوم=نعم الشوارب وافـي الشبـر كلـه
متوسط ما بيـن عتبـان وبقـوم=والله أعلم في دق سلكـك وجلـه
قال الأمير تركي بن حميد
يا زبن كرب فوق مـا يطـرد النـوم=حرايـر يـا زبـن مـثـل الاهـلـه
مرباعهن مـا بيـن ظلـم والاكمـوم=ومـن السفايـف يرمحـن الاظـلـه
ملفاك شيـخ بالقسـا يذبـح الكـوم=شيـخ وشيخـان القبـائـل تـدلـه
تلفى محمد زبن مـن جـاه مضيـوم=زبـن الذليـل اللـي مخيـف محلـه
واليا لفيت الشيخ يـا زبـن ملـزوم=تعطيـه مرسـوم بوسطـه سجـلـه
وان كان جيت النضو يا زبن ماسـوم=رد الخبـر والنضـو يـا زبـن خلـه
جانا من الشايـب مكاتيـب وعلـوم=حي الكتاب اللـي لفـا حشمـة لـه
الشايب اللـي ينقـل الكبـر والـزوم=باغي لحكمي مير أنـا عاصـي لـه
الله يغشـك يـوم غشيتنـا الـيـوم=تقـرا الكتـاب ولا تهـاب المظـلـه
جزاه من عندي مـن الخيـل خثلـوم=مثـل البـرد مـن مزنـة مستهلـه
إن كان تذكر سابق لـك مـن اليـوم=فـرس عتيبـي ورد شـاهـد لــه
أنـا برمحـي بـأول الخيـل ملحـوم=وآلا أنت رمـك عنـد سـارة تشلـه
أديت أنا أربع قحص و الخامس التـوم=بقعود زبن اللي بغى مـا حصـل لـه
لا و الله إلا روحـوا ربعـنـا قــوم=تناقضـت مـن بينـهـم بالاجـلـه
والحرب شب وشبشبـه كـل شغـوم=من اشتبـه مـخ الفرنجـي عصالـه
واعرف ترى من طاح ما هوب مرحوم=يا كود مـن رب المـلا شافـعٍ لـه
شافي وجرمان غـدوا بـأول القـوم=خلـوا مطوعهـم وأنـا شاهـد لـه
خلوا مطوعهم علـى غوجـة التـوم=عزي لمن حـط الـردي مسنـد لـه
وأنتم كما حوت علـى الشـط لاهـوم=وحنـا خلقـنـا للواهـيـم عـلـه
وانتم كمـا ضلـع طويـل ومزمـوم=وحنـا خلقنـا الله نـجـوم تهـلـه
وانتم كما طير البحر ذاك أبـا اللحـوم=وطير البحر مـا يذبحـه غيـر ظلـه
فأجابه الأمير محمد بن هادي
حي الكتاب اللي به العفص مرشوم=حيه وحي اللي مشى حشمـة لـه
ساعة قريته شفت ما عفت مرسوم=رد النقا تركي وهـو منحنـي لـه
يا سابقي غاش عتيبه منـك لـوم=مثل الربيع اليا غشـا نجـد كلـه
كدي على العتبان خمسة عشر يوم=قعدان والجمـال بيتـي هـل لـه
أطلب عسى نجد من الوسم ماسوم=حتى تقـرب حلـة صـوب حلـه
وإن كان رمحك بأول الخيل ملحوم=فأنا برمحـي حامـي نجـد كلـه
من شافنا بالحلم يقعد مـن النـوم=ومن شافنا بالعلـم بطنـه يهلـه
عدونا لو جض ما هـوب مليـوم=واللي وراه يجض من جضـة لـه
حربك إلى جانـا نقلنـاه بسهـوم=وتر حربنا لا جاك ما احتلت شلـه
وإن كان تطري النجم فالنجم مفقوم=والنجم يدوي والجبل راسـي لـه
ما نشتحن للحرب والحرب مفهوم=ويا سعد منا باللقـا فزعـة لـه
ما خلقة الدنيا ولا الناس في يـوم=واللي تمنى حربنـا مضحـي لـه
أن كان في نفسه فلا هوب مليـوم=نعم الشوارب وافـي الشبـر كلـه
متوسط ما بيـن عتبـان وبقـوم=والله أعلم في دق سلكـك وجلـه