ترى صحيح البخاري غير ابن ماجه

[شبيب العتيبي]

ان كان مالك بقلبـي يالغضـي حاجـه *** رده ويمكن يجي له شخـص محتاجـي


رده بجرحـه ومتنـازل عـن علاجـه *** وعسى الزمن لي كفيل ببلسم علاجـي


مادام شرع الهـوى ضيعـت منهاجـه *** وش هو له اتعب ونهجك عكس منهاجي


يالصاحب اللي تذوب الشمس بحجاجـه *** لاوالله الا قتلـت لضحكـة حجـاجـي


حبك بروحي سرى في ليـل معراجـه *** وامضى بدمي على ميثـاق معراجـي


واصبحت قلبي عليكـم زايـد خلاجـه *** وامسيت كلي حنين وشـوق وخلاجـي


وقمت اتقلب مثل( بنٍ )علـى صاجـه *** صبر وصبره نفد ثـم اقلـق الصاجـي


من بعد ماكنت نـور القلـب وسراجـه *** اليوم اقول أمس كان لقلبـي سراجـي


اليا اقبل الليـل همـي جهـز افواجـه *** واليا انهزم فوج تاخـذ ثـاره افواجـي


في بحر حزني غريق اصارع امواجـه *** اشهـق وارد الزفيـر بغبـة امواجـي


والرجل صارت مـع الخليـان دواجـه *** ياليـن سمونـي العربـان دواجــي


يامن هو اللـي لنفسـه دور احراجـه *** مثلي من اجلك وضعت النفس باحراجي


كان انت صدقت فينـي هـرج هراجـه *** انا الذي ماسمع بـك هـرج هراجـي


ترى (صحيح البخاري) غير (ابن ماجه) *** والملح لو زاد نعـرف نكهـة الماجـي


عـزااه ياقلـب ضيـع درب مخراجـه *** ضيعتني قبل اعرف لـدرب مخراجـي


**العيد قـرب وكـل ينظـر افراجـه *** وانا الذي مانوى المحبوب لافراجي **


ياخيبة الحـظ لامـن عـاد بادراجـه *** وعودت مكسور خاطر تايـه ادراجـي


طولتها واعذروا وافي علـى ازعاجـه *** والمعذرة ياوليـف الـروح لازعاجـي

وسلامتكم ,,,

منقول للشاعر (( وافي ))

** وافي ليس اسما للشاعر وانما هو رمز فقط على حسب ما وردني

[عاشق عنود الصيد]

صح لسانك يالكااايد وصح لسان الشاعر

عـزااه ياقلـب ضيـع درب مخراجـه *** ضيعتني قبل اعرف لـدرب مخراجـي


اي والله عزااااااااااااااااااااااااااااااه

[سـعـد العتيبي]

لاهنت يالكايد

صح لسان شاعرها وسلمت ايادي ناقلها


اخووك سعد

[الباهلي]

ترى (صحيح البخاري) غير (ابن ماجه) *** والملح لو زاد نعـرف نكهـة الماجـي


عـزااه ياقلـب ضيـع درب مخراجـه *** ضيعتني قبل اعرف لـدرب مخراجـي












الله عليك يابعدي





صح لسانك ولسانك قايلها





اشهد انه وافي وقرم








صحيت ودمت لنا ولمن تحب







اخوك/ ابو عبدالله

[عبْث]

والرجل صارت مـع الخليـان دواجـه *** ياليـن سمونـي العربـان دواجــي


=================================================


ان كانه الوافي اللي اعرف اذن هو الشيخ محمد البراهيم


صح لسانه ويسلم راسك الكـــــــــــــــايد

[الطـرقي]

اخوى كاايد
ابداع وتميز

.

.


حضور وتسجيل اعجاب

بمشاركاتك الرائعه

دمت بهذا التألق . .

لك فائق تقديري واحترامي

[الايوبي]

يامن هو اللـي لنفسـه دور احراجـه *** مثلي من اجلك وضعت النفس باحراجي


كان انت صدقت فينـي هـرج هراجـه *** انا الذي ماسمع بـك هـرج هراجـي


صح السان الشاعررررررر وتسلم يديك اااااااااااخوي ااااااااااالكايد

[شبيب العتيبي]

الله يعطيكم العافيه


ومشكورين على المرور

[العاذريه]

ان كان مالك بقلبـي يالغضـي حاجـه *** رده ويمكن يجي له شخـص محتاجـي

الله الله الله
لو اجلس اقول روعة الا بكرا ماكفيت حق القصيدة
اعجبتني من جد وسلمت لنا بنقلك ياخوي

[شبيب العتيبي]

ان كان مالك بقلبـي يالغضـي حاجـه *** رده ويمكن يجي له شخـص محتاجـي

الله الله الله
لو اجلس اقول روعة الا بكرا ماكفيت حق القصيدة
اعجبتني من جد وسلمت لنا بنقلك ياخوي

الله يعطيك العافيه

[برد الشمال]

صح اسانك اخوي

ولاهنت

والقصيده جدا رائعه

يسلموووووووووووو

[الله عليها عودت]

رده بجرحـه ومتنـازل عـن علاجـه *** وعسى الزمن لي كفيل ببلسم علاجـي


مادام شرع الهـوى ضيعـت منهاجـه *** وش هو له اتعب ونهجك عكس منهاجي

يسلم هالذوق اخوي شبيب

ويامال العافية

[العود الأزرق]

عـزااه ياقلـب ضيـع درب مخراجـه *** ضيعتني قبل اعرف لـدرب مخراجـي


**العيد قـرب وكـل ينظـر افراجـه *** وانا الذي مانوى المحبوب لافراجي **


ياخيبة الحـظ لامـن عـاد بادراجـه *** وعودت مكسور خاطر تايـه ادراجـي


طولتها واعذروا وافي علـى ازعاجـه *** والمعذرة ياوليـف الـروح لازعاجـي




ذوووووووووق
مميز اخوي شبيب


لاخلا ولا عدم :)