المساعد الشخصي الرقمي

مشاهدة النسخة كاملة : قطع الاعناق ولا قطع الارزاق


فيلسوف البدو
24-05-10, 02:14 PM
حقيقة تفاجات بمارايته حينما ارسلها لي احد الزملاء على بريدي
هل يعقل ان يحدث هذا الامر في ارض دستورها شرع الله كنا نسمع عن هذا التضييق وننقهر من مجرد السماع كيف
بصورة متحركة تصور الواقع المرير لهؤلاء القوم بفضل الله ثم تقنية كاميرات الجوال والبلوتوثات
حتى تفضح قاطعي الارزاق على رؤس الاشهاد حتى نكون عليهم من الشاهدين
والله لو انه مهرب مخدرات ماعملوا فيه هالعمل اللي عملوه بهالمسكين اللي
يدور الرزق الوظائف وحرم منها وبعد الرزق بالجح يبون يحرمونه منه اقسم بالله العظيم
قمة القهر ماحصل والمصيبة انهم بعد ان حدوه انحاشوا والله العظيم ان موظفي هالامانة
اللي مسوين فيها مخلصين اني قلت الله لا يرحمهم والله يضيق عليهم رزقهم مثل ماضيقوا
على هالمسكين اللي جالسن يدور الريال الحلال ومالنا وحنا نشوفه الا قولة اه من الحساد في الارض
اللي كثروا الله لاياكثرهم
اترككم مع عباد الانظمة حاسدي خلق الله ارزاقهم اسئل الله العلي العظيم ان يضيق على
كل من ضيق على المسلمين ارزاقهم في الدنيا والاخرة اللهم امين



http://www.youtube.com/watch?v=dOQvYAmQ5HI

الوافي3
24-05-10, 02:21 PM
حسبي الله عليهم

وربي أنقهرت

السيف الحاد
24-05-10, 02:25 PM
ما شالله تبارك الرحمن ..


وهل البلد سايبه ما فيها قوانيين وأنظمه ..

لو خليت خربت...

بس راعي الوانيت ليش ما وقف...

عالم الإناث
24-05-10, 02:27 PM
يا حراااااااام وش استفادوا الحين!!
بردت تسبودهم!!

عبْث
24-05-10, 02:31 PM
حسبنا الله ونعم الوكيل والله قلة حيا


حنا مابلانا غير الجعر الي ماخذين النظام حجه .. وبيفصلون الهمج ذي فرحان ورازن عمره بالجيب


خل المقطع ذا يصحي النايم والي ماهو نايم بعد ياخذ حذره

ابو يآسر
24-05-10, 02:33 PM
حرآآآآآآآآآآآآآم والله ..

بس اكيد فيه سبب ..

طالب الفزعة
24-05-10, 02:36 PM
يستاهل حقه وماجاه


هذا خالف الأنظمة

وهذا يعتبر شق عصا الطاعة وخروج على ولاة الأمر


أما بالنسبة لموظفين البلدية فهم يؤدون واجبهم بكل تفاني واخلاص



انا مو قاهرني الا انه اسمهم ( أمانة ) :SmileyBunny:

بنت الهيلا
24-05-10, 02:38 PM
ياحرام الله يعوض المسكين ويرزقه

يعطيك العافيه اخي فيلسوف البدوى لا حرمك الله الآجر

فآرق عنـي !
24-05-10, 02:44 PM
ما نلومهم هالسعوديين إرهابيين درجة أولى
أكيد مهرب متفجرات وأحزمة ناسفه في الجح
أو يمتــــــــــكن مهرب حشيش وسط هالجح سعوديين مالهم أمان
كسولين إتكاليين يريدون وظيفة في مكتب ومكيف وبس
مستحيل أنه أخذ ذا الددسن الخرده ويترزق الله فيها أكيد يبيع ممنوعات

متى يجي في نجد بعض التدابير
حتى يجي للصابرين انفراجي
يآآآآآآآآآآآآآآآآآآآآآآآآآآآآآآآآآآآآآآآآآرب

عــزالخــوي
24-05-10, 02:51 PM
شوووووف اذاهو اجنبي ومتخلف وقاعد يبع موادغذائيه خربانه
تضربصحة المواطن !!
نقولهم الله يعطيهم العافيه وكثرالله من امثالهم
السعودي المسكين يستاجرمحل يبي يترزق الله وهاالبلوشيه واليمنيه
مخربين عليه
والي يبعون الجح والمواد الخربانه ماهم صحة المواطن لاتستبعد يبعون اشياء مضرهـ
بالعكس نحن نؤيدهم لعلا وعساء هالظاهره تنتهي وهي منتشره بعدصلاة الجمعه عن الاسواق

ستيف نبراسكا
24-05-10, 02:59 PM
متى يجي في نجد بعض التدابير
حتى يجي للصابرين انفراجي
يآآآآآآآآآآآآرب



ايو الله انك صادق

انسب تعليق على المقطع

قصيدة بندر بن سرور الخالده (q79)(q79)(q79)








ابو عدي .... الوكاد انهم مايخافون الله في الضعوف (asl)

فيلسوف البدو
24-05-10, 03:00 PM
شوووووف اذاهو اجنبي ومتخلف وقاعد يبع موادغذائيه خربانه
تضربصحة المواطن !!




انت شفت اللقطة والا بس جالسن تدربي براسك الرجال معه جح
بس حلوه سالفة المواد الغذائية الخربانه الوكاد الله يعين امثاله
لانهم احرار في دنيا العبيد ياشلة العبيد

سحابة شوق
24-05-10, 03:28 PM
حسبي الله ونعم الوكيل فيهم
يطاردونه لانه سعودي الجنسيه
بس تعال للعماله
يرفعون لهم راية التحيه
وياكثر مايقطعون رزق السعوديين الي يشتغلون مثل هالشغلات الي تسد رمق عيشهم
ماتشوف كثرة الهنود والمصريين والسوريين في بلدنا
لانهم مالقوا احد يقف بوجييههم

عميد ركن
24-05-10, 03:34 PM
ابو عدي

مسيك بالخير اخو

عندي قناعة ما يسوي الحركات ذي - طرد خلق الله - الا ناس ما فيها خير

لو عنده مروة كان ما ضيق على الضعيف مدور الرزق

فيلسوف البدو
24-05-10, 04:19 PM
ابو عدي

مسيك بالخير اخو

عندي قناعة ما يسوي الحركات ذي - طرد خلق الله - الا ناس ما فيها خير

لو عنده مروة كان ما ضيق على الضعيف مدور الرزق


مساك الله بالخير يالتميمي تدري ياخال عدي من مبطي اشوف معرفك
بس لاني الضيف عليكم يااهل القصيم كنت ابي الترحيبة تجي منك واشوى
جت صح متاخرة بس مسموح ياخال عدي
المصيبة يالتميمي اكثر الناس ماصار عندهم مروة علشان تعرف هالشيء
مر اقرب ادارة وتبي تعرف الواقع المر اللي نعيشه والله يستر من تواليها

اخو جميلة
24-05-10, 04:23 PM
هذا المقطع شفته من فترة ماهي قريبه
على كل حال المفروض البلدية اذا شافوا مثل ذولا الاشخاص يمشونهم ولا يدققون وراهم
بشرط اذا تأكدوا ان بضاعة صالحه وغير فاسدة ولا غير مسروقة برضوا حماية الناس
أمانة يابو عدي
يعطيك العافية

عــزالخــوي
24-05-10, 05:39 PM
انت شفت اللقطة والا بس جالسن تدربي براسك الرجال معه جح
بس حلوه سالفة المواد الغذائية الخربانه الوكاد الله يعين امثاله
لانهم احرار في دنيا العبيد ياشلة العبيد

اكيد شفت القطه تتوقع اني برد وناماشفت شي ليش شايفني غبي يابوعدي
تدربي راسك :c010:
طيب ماختلفنا جح يدخل من ضمن انواع الخضروات
الجح هذا اغلبهاخربانه طاقتها الشمس لين تحول خضارهااصفرمن الشمس
وشلون احرار
احناماقلنى انهم عبيد عشان تقول احرار احنا اختلافناانهم متخلفين وسعودي
اولامنهم بالبيع ان شالله ان الفكره وصلت لك
اجل شلة العبيد منهم هذولا الشله(asl)

الحب خالد
24-05-10, 06:19 PM
لاحول ولاقوة الا بالله
طيب ولنفترض ان الجح خربان ومعفن
ليه بالطريقه هذي
يعني وش المفروض انه ينقلب ويموت مثلا ويقولون والله ما قصدنا
والله من قوي الباس فيهم بعد سيارتين
اقول الد
عوه نجاسه وتحدي
والا ما يحق لهم يسوون كذا

وربي انا انقهر لما اشوف هذولي اللي يبعون الخضار في الشمس وعز الحر عندنا في الرياض
ويجون البلديه ويصادرون رزقهم
يعني يشتغلون ويكسبون بالحلال والا يروحون يسرقون وينهبون
بصرااحه مقطع يثير الغضب
والحمدلله اللي اغنانا عن اليشر
وجعل رزقنا عندرب البشر
شكرا لك يا فيلسوف

غروك
24-05-10, 06:51 PM
مااسووو كذا الا فيه سبب واهم ابخص بشغلهم

واذا ضلم الله بينتقم منهم

الله يوفق الجميع

الميسم
24-05-10, 06:53 PM
وربي انا انقهر لما اشوف هذولي اللي يبعون الخضار في الشمس وعز الحر عندنا في الرياض
ويجون البلديه ويصادرون رزقهم
يعني يشتغلون ويكسبون بالحلال والا يروحون يسرقون وينهبون
بصرااحه مقطع يثير الغضب
والحمدلله اللي اغنانا عن اليشر
وجعل رزقنا عندرب البشر
شكرا لك يا فيلسوف


الحب خالد

صحيح أننا نتعاطف معاهم , ونشفق لحالهم ..
بس النظام نظام ..
يعني خضار وورقيات , عدوها اللدود الشمس والغبار والحر ..
وهم الله يهديهم يبسطون بها في هالأجواء , يعني وش راح يكون مصيرها ..؟
أكيد بتذبل , وتخرب , ويصير مصيرها للبهايم أعزكم الله , مو لنا إحنا ..!
ومو كل الناس تهتم , تجي ناس أهم شي تشتري , والمشكلة وش تشتري..؟!!
خضار وورقيات وحبحب , خربااااااانه ..!!
يعني بالله هذا تصرف ..؟
أضيفي لها منظرهم العااام , وسط العاصمة وفي أهم الطرق الرئيسة , وهم باسطين
بضاعتهم , شكل غير حضاري , مدري إذا تمرين بسطتهم إلي على طريق الملك فهد
حول الشيراتون , صراحه منظرهم مو مقبول إطلاقًا ..
أنا مع البلديه أنها تمنعهم , لكن ما تصادر بضعاتهم وبس , لاااا , يوفر لهم مكان
مناسب بشرط ما يكون فيه إستئجار يكون بالمجان , ومكان مكيف ومحمي من الشمس والغبار , بكذا الباعه يمارسون عملهم في نظام والناس تشتري منهم بضاعه
تاكلها مو ترميها مباشرة ..!!
ترى مشكلتنا عندنا ناس الله يهديها تمشي عكس النظام , وبعدين يقولون ليه وما ليه
أمشوا عدل وما راح أحد يصادر لكم شي ولا يقطع رزقكم ..

N1
24-05-10, 07:06 PM
مالها داع هالحركة

ليه كذا يالأمانة؟

وللأمانة يمكن هذه أول مرة أشوف سيارات الأمانة بهذا اللون. على خبري يوم نصدم إيسوزو الأمانة هاك السنة كان لونها أبيض وعليها "استكر" فقط.

الشيماء2010
24-05-10, 07:32 PM
يــ حرام ... الله يعوض المسكين ويرزقه


يعطييك العافيه يــ بووو عدى




(qq11)(q79)(qq11)(q79)(qq11)(q79)(qq11)(q79)

ام / عبد الرحمن
24-05-10, 07:33 PM
من اول وانا ادخل الموضوع ودي ارد عشان ابوعدي بس ما عندي شي اقوله (qq115)

الوكاد ان النظام جيد ولكن التطبيق رايح فيها

لا وبعد سيارات صفرا فاقع لونها ومعروف ان اللون الاصفر يثير الشعب السعودي

المفروض يرجعونه ابيض باستكر>> على قولة المركبة الفضائية "إن ون" اللي رد قبلي :SmileyBunny:
واقترح يكتبون على الاستكر (نحن نحبك فتوقف رجاء )(ask)

قيس مومني
24-05-10, 07:49 PM
الله اعلم بالصحيح

فيلسوف البدو
24-05-10, 08:05 PM
الحب خالد

صحيح أننا نتعاطف معاهم , ونشفق لحالهم ..
بس النظام نظام ..
يعني خضار وورقيات , عدوها اللدود الشمس والغبار والحر ..
وهم الله يهديهم يبسطون بها في هالأجواء , يعني وش راح يكون مصيرها ..؟
أكيد بتذبل , وتخرب , ويصير مصيرها للبهايم أعزكم الله , مو لنا إحنا ..!
ومو كل الناس تهتم , تجي ناس أهم شي تشتري , والمشكلة وش تشتري..؟!!
خضار وورقيات وحبحب , خربااااااانه ..!!
يعني بالله هذا تصرف ..؟
أضيفي لها منظرهم العااام , وسط العاصمة وفي أهم الطرق الرئيسة , وهم باسطين
بضاعتهم , شكل غير حضاري , مدري إذا تمرين بسطتهم إلي على طريق الملك فهد
حول الشيراتون , صراحه منظرهم مو مقبول إطلاقًا ..
أنا مع البلديه أنها تمنعهم , لكن ما تصادر بضعاتهم وبس , لاااا , يوفر لهم مكان
مناسب بشرط ما يكون فيه إستئجار يكون بالمجان , ومكان مكيف ومحمي من الشمس والغبار , بكذا الباعه يمارسون عملهم في نظام والناس تشتري منهم بضاعه
تاكلها مو ترميها مباشرة ..!!
ترى مشكلتنا عندنا ناس الله يهديها تمشي عكس النظام , وبعدين يقولون ليه وما ليه
أمشوا عدل وما راح أحد يصادر لكم شي ولا يقطع رزقكم ..


خابرن وش عندك ياعابدة الوطنية اجل يحدون المسكين ويعدمون سيارته
ورزقه باسم النظام واخرتها ينحاشون ويخلونه وسلم لي على النظام اللي
جايه عابدة الوطنية تقول عليه
الشاهد من الحتسي احلى مافي الرياض من مناظر هي سيارات الجح
والرمان الطائفي والله انهم انظف وارخص من المستغلين الحقيقيين للناس
الوكاد ليتس ماتحتسين عن النظام لانه معروف وش الهدف من هالامر
و على طاري النظام على كذا كل من يشري منهم هم عدو للنظام لا ومايعرفون
مصلحتهم الشخصية ويشرون منهم جح مغشوش يازين الصمت لامثالتس ياعابدة الوطنية
وخاصة في مثل هذه الامور قد اتقبل كلامك في مواضع اخرى لكن ياماري انطوانيت قصيمي
نت لا يمكن ان اقبل منتس هالكلام واللقطة واضحة بينة لتس ولغيرتس وياشين الفلسفة
باسم النظام وعبادة النظام والوكاد الله يرفع عنتس ولا يبلانا (qq11)

فيلسوف البدو
24-05-10, 08:10 PM
الله اعلم بالصحيح



حتى لو الرجل مخطيء مايسوون اللي سووه فيه ويعدمون باب رزقه
وليتهم وقفوا الا انحاشوا وكملوا طريقهم وكان شيئا لم يكن مااقسى
هذه القلوب الله لا يجعلنا مثلهم قساة قلب على المسلمين
يااخي الرسول صلى الله عليه وسلم في قصة الغشاش لم يعاقب و
من غش بل قال له من غشنا فليس منا فكانت هذه الكلمات نعم الرادع له وهؤلاء
القوم يحاربون الناس في رزقهم

نكهه القهوه
24-05-10, 08:18 PM
ذكرت مره كنت بجده عند الشاطئ

وكنت اشتري العاب من طفله تبيع كور وخرابيط
المهم
جو الشرطه وهي تركض وانكبت بضاعتها وامهم مسكت الولد الصغير وشالته وتركض
انا وقفت وكنت ابكي معهم
كنت صغيره
قلت حرام عليكم ليه تسون كذا
وجاء شرطي وكب اللعاب بالبحر
حسيت بقهر ما نسيت ها المشهد
عذره قال ما تدرين عنهم حراميه ويبيعون مخدرات وبلاوي انتبهو على انفسكم
يمكن هو صح بس شكل الام وهي تترك بضاعتها وتمسك مولودها وتركض
حسيت بغصه بحلقي

يعني بها الوقت لاوظايف ولاغيره
لو يرتبونهم كان ما ينقطع رزق احد
الله يعين على ها دنيا بخير

سفير شمر
24-05-10, 08:32 PM
متى يجي في نجد بعض التدابير
حتى يجي للصابرين انفراجي

( فهد )
24-05-10, 08:37 PM
الله يقطع الرخوم بعد ماتسببوا في الحادث هجوا بدل مايساعدونه :ro258es:

الميسم
24-05-10, 08:51 PM
خابرن وش عندك ياعابدة الوطنية اجل يحدون المسكين ويعدمون سيارته
ورزقه باسم النظام واخرتها ينحاشون ويخلونه وسلم لي على النظام اللي
جايه عابدة الوطنية تقول عليه
الشاهد من الحتسي احلى مافي الرياض من مناظر هي سيارات الجح
والرمان الطائفي والله انهم انظف وارخص من المستغلين الحقيقيين للناس
الوكاد ليتس ماتحتسين عن النظام لانه معروف وش الهدف من هالامر
و على طاري النظام على كذا كل من يشري منهم هم عدو للنظام لا ومايعرفون
مصلحتهم الشخصية ويشرون منهم جح مغشوش يازين الصمت لامثالتس ياعابدة الوطنية
وخاصة في مثل هذه الامور قد اتقبل كلامك في مواضع اخرى لكن ياماري انطوانيت قصيمي
نت لا يمكن ان اقبل منتس هالكلام واللقطة واضحة بينة لتس ولغيرتس وياشين الفلسفة
باسم النظام وعبادة النظام والوكاد الله يرفع عنتس ولا يبلانا (qq11)


أولًا ..روووووق وهدي أعصابك
أدري أنا أن الجو حاااااار ومخلي النفسيات يا سااااتر مولللللللللعه
ثانيًا ..حدد ياشيخ أنا (عابدة) ولا (ماري)..؟!!
ثالثًا ..صحيح أني شفت المقطع لكن ردي على الحب خالد ماله علاقة أبدًا بالمقطع
هي تكلمت عن السيارات الي تبيع الخضار والحبحب فرديت عليها في هالخصوص..
والمقطع أنا قاصده أني ما أرد بخصوص الي شفته وأدري أنه ما ودك أصلًا أرد لأنك ما تطيق شوفتي في مواضيعك بس ما علي منك إذا عندي رأي راح أقوله , سبق وقلت لك يا أبو عدي إذا راسك ناااشف ترى راسي أنشف ..(qq10)

وبعدين كلكم هبيتوا في الجيب الأصفر وليه يسوي وليه يفعل , تصرفه بالنسبة لنا كلنا نشوف أنه مو صحيح , غير لائق , وما نأيده أبدًا على هالشي , وخاصة أن موظفي البلدية البعض منهم عقولها يبي لها تحديث , لأنها متحجرة , وشبه أميّه ..
بس ولو هذا ما يعطينا الحق في أننا نحكم عليهم ونشتمهم ونسبهم من خلال مقطع أظهر لي بعض الشيء وأخفى البعض الآخر ..!!
مثلًا كلنا شفنا الجيب وشو سوى , بس ما ندري وش السبب , ما ندري راعي الونيت وشو مسوي , ولا تقولون لأنه شايل في سيارته حبحب لاااا , أكيد فيه سبب
ثاني , يعني مو معقوله يحدونه وفي طريق عاااام وسريع , عشانه يبيع حبحب ..

طبعًا أنا لست مع أو ضد , لأن الأحداث نااااقصة ..
وبعدين يـ أبوعدي لا تدعي أن الله يرفع البلا عني , لأنه أصلًا مو بلا وما ودي يرفعه أنا كذا مبسوووووطه ومقتنعه تمام الإقتناع , زي ما أنت مقتنع ومتمسك بالعنصرية ..(qq115)
أجل يـ أبو عدي صار أحسن مافي الرياض السيارات الي تبيع الحبحب ...!!
أفااااا مدينة بحجم دولة , طولها 100كيلوا وعرضها 80 كيلوا , هذا أحسن ما فيها ..!!!
صحيح لولا إختلاف الآراء لبارت السلع ..!!

((قلم ودرع))
24-05-10, 08:59 PM
خسة ودناءة ورب الأرباب
"إذا وسد الأمر إلى غير أهله فانتظر الساعة"

شلة عبيد منحوا سيارات حكومية فصاروا يمارسون عليها أفضل هواياتهم مطاردة وتسكع في الطرقات ومضايقة للناس باسم النظام والحكومة....؟؟؟!!!!

فيلسوف البدو
24-05-10, 09:08 PM
أولًا ..روووووق وهدي أعصابك
أدري أنا أن الجو حاااااار ومخلي النفسيات يا سااااتر مولللللللللعه
ثانيًا ..حدد ياشيخ أنا (عابدة) ولا (ماري)..؟!!
ثالثًا ..صحيح أني شفت المقطع لكن ردي على الحب خالد ماله علاقة أبدًا بالمقطع
هي تكلمت عن السيارات الي تبيع الخضار والحبحب فرديت عليها في هالخصوص..
والمقطع أنا قاصده أني ما أرد بخصوص الي شفته وأدري أنه ما ودك أصلًا أرد لأنك ما تطيق شوفتي في مواضيعك بس ما علي منك إذا عندي رأي راح أقوله , سبق وقلت لك يا أبو عدي إذا راسك ناااشف ترى راسي أنشف ..(qq10)

وبعدين كلكم هبيتوا في الجيب الأصفر وليه يسوي وليه يفعل , تصرفه بالنسبة لنا كلنا نشوف أنه مو صحيح , غير لائق , وما نأيده أبدًا على هالشي , وخاصة أن موظفي البلدية البعض منهم عقولها يبي لها تحديث , لأنها متحجرة , وشبه أميّه ..
بس ولو هذا ما يعطينا الحق في أننا نحكم عليهم ونشتمهم ونسبهم من خلال مقطع أظهر لي بعض الشيء وأخفى البعض الآخر ..!!
مثلًا كلنا شفنا الجيب وشو سوى , بس ما ندري وش السبب , ما ندري راعي الونيت وشو مسوي , ولا تقولون لأنه شايل في سيارته حبحب لاااا , أكيد فيه سبب
ثاني , يعني مو معقوله يحدونه وفي طريق عاااام وسريع , عشانه يبيع حبحب ..

طبعًا أنا لست مع أو ضد , لأن الأحداث نااااقصة ..
وبعدين يـ أبوعدي لا تدعي أن الله يرفع البلا عني , لأنه أصلًا مو بلا وما ودي يرفعه أنا كذا مبسوووووطه ومقتنعه تمام الإقتناع , زي ما أنت مقتنع ومتمسك بالعنصرية ..(qq115)
أجل يـ أبو عدي صار أحسن مافي الرياض السيارات الي تبيع الحبحب ...!!
أفااااا مدينة بحجم دولة , طولها 100كيلوا وعرضها 80 كيلوا , هذا أحسن ما فيها ..!!!
صحيح لولا إختلاف الآراء لبارت السلع ..!!




كلبوهن والثالثة كان ودي اكتبها بس الصراحه ماهو مناسب ذكرها فخليتها
بعدين اكتبها لتس قد يكون وقت كتابتي لها مناسبة تبرر ذكري لها :SmileyBunny:
بالنسبة اني اكره عدم شوفتس فهذا الكلام ماهو صحيح بالعكس ابيتس
تكتبين وتردين لاني ماجيت الا علشان ابين عواركم وحقيقتكم المره لانفسكم
وللاخرين واكبر دليل لقافتي على ردتس على الحب الخالد تقل مافرحت على الله
اني لقيت لتس رد يابنت الاجواد يااللي تبين الناس الجائعة تاكل البسكويت والجاتوه (q69)
بالنسبة لارض مسيلمة الكذب وقرن الشيطان فوالله مااحبها ومااحب دخولها الا اضطراراً
وسبحان الله العظيم من انوي النية اروح لها يضيق صدري وانغث وماتروح عني هالحالة
الا لمني نزلت من طلعة الغاط احس وقتها اني ابعدت عن قرن الشيطان وحقين الحبحب
هم احلى مافي الرياض لاني مااتوهق لمني شفت بتدويرة موقف مثل ماهو حاصل في
بقية امري في الرياض وبالنسبة للبلى اللي فيتس لا والله الا بلى ومرض لان امثالتس
مايحسون بالناس في ابراج عاجية واذا قال لهم احد الناس جيعانه قالوا لهم خلوهم ياكلون
البسكويت والجاتوه والوكاد اللي متوكدن منه الله يرفع عنتس وعن امثالتس ولايبلانا بقسوة
القلب اللي اشوفها بردودتس ياللي قلبها صوان ماهو قلب بشر (a21)

عبدالله آل موسى
24-05-10, 09:16 PM
ما شالله تبارك الرحمن ..


وهل البلد سايبه ما فيها قوانيين وأنظمه ..

لو خليت خربت...

بس راعي الوانيت ليش ما وقف...

عطني دليل شرعي يا مطبل

على ما فعلوه بمن يسترزق الله بالجح ؟ ؟ ؟



وعطني دليل شرعي على حكم الأنظمة والقوانين في البيـع

هل قال صلى الله عليه وسلم

إذا أراد أحد البيع

أن يستخرج سجل تجاري بالسعر الفلاني ؟

ان يستأجر محل ويأثثه بالسعر الفلاني ؟

ثم ينتظر الفيزا بعد دفع 2000 ريال للحرامية ؟
وعادة تاخذ لها ما بين ست أشهر إلى سنة

ثم ينتظر العامل ليصل من بلادة

ثم يستخرج رخصة محل بالسعر الفلاني

ثم يبدأ العمل ؟؟؟؟؟؟؟؟؟؟؟؟؟؟؟؟؟؟

عطني الدليل هنا ولا تكون بوق للأنظمة الظالمة في البلد


===========================================

وهل في دليل شرعي على اللي يفعله الأمراء والتجار

من أستخراج 2000 فيزا

وبيعها بالسعر الفلاني

وكب العمالة في الشوارع ؟؟؟؟؟؟؟؟؟

وهنا نرى مسكين راعي جح يكافح الجوع بما قدّر الله عليه ويبيع عند المساجد وغيرها



ممكن تعطيني وش النظام الشرعي للبيع يا علامة النت ؟ !

وهل أنظمة البلد تتماشى مع الحكم الشرعي والأنظمة الوضعيه

للجميع أن على المسكين ودون القوي ؟

الحب خالد
24-05-10, 09:22 PM
الحب خالد

صحيح أننا نتعاطف معاهم , ونشفق لحالهم ..
بس النظام نظام ..
يعني خضار وورقيات , عدوها اللدود الشمس والغبار والحر ..
وهم الله يهديهم يبسطون بها في هالأجواء , يعني وش راح يكون مصيرها ..؟
أكيد بتذبل , وتخرب , ويصير مصيرها للبهايم أعزكم الله , مو لنا إحنا ..!
ومو كل الناس تهتم , تجي ناس أهم شي تشتري , والمشكلة وش تشتري..؟!!
خضار وورقيات وحبحب , خربااااااانه ..!!
يعني بالله هذا تصرف ..؟
أضيفي لها منظرهم العااام , وسط العاصمة وفي أهم الطرق الرئيسة , وهم باسطين
بضاعتهم , شكل غير حضاري , مدري إذا تمرين بسطتهم إلي على طريق الملك فهد
حول الشيراتون , صراحه منظرهم مو مقبول إطلاقًا ..
أنا مع البلديه أنها تمنعهم , لكن ما تصادر بضعاتهم وبس , لاااا , يوفر لهم مكان
مناسب بشرط ما يكون فيه إستئجار يكون بالمجان , ومكان مكيف ومحمي من الشمس والغبار , بكذا الباعه يمارسون عملهم في نظام والناس تشتري منهم بضاعه
تاكلها مو ترميها مباشرة ..!!
ترى مشكلتنا عندنا ناس الله يهديها تمشي عكس النظام , وبعدين يقولون ليه وما ليه
أمشوا عدل وما راح أحد يصادر لكم شي ولا يقطع رزقكم ..

اهلين بصوت العقل والاتزان
يا عزيزتي
(قد) اتفق معك في بعض ما ذكرت
لكن هناك نقطه يجب ان لانغفلها يا عزيزتي الميسم
البلديه مقصره جدا
يا عزيزتي المسألة ارزاق ومصير بشر
ولاحظي طريقة ايقاف المواطن المسكين فيها شيء من التحدي واثبات القوة
ولا اخال النظام يقر هكذا اسلوب ؟؟
ولعل الاخ المواطن كان يريد ايصالها من مكان الى اخر
بدة الحكي ان كان هؤلاء لايجدون رزق ابناءهم فمن حقهم فعل اي امر حلال
اتفق تماما معك في الزام البلديه في توفير اماكن لهم تقيهم الحر والشمس والغبار وكدر العيش
اتذكر ان الوالد الله بحفظه ويشفيه يقول مره ان البلديه موفره لهم اماكن اجارها 5000 شهريا
في نظري مبلغ كبير على هؤلاء
500 نقدر نقول معقوله
عموما شكرا لك كثير بالتكرم والتعقيب على ردي
دمت بخير يا صوت العقل

N1
24-05-10, 09:25 PM
المفروض يرجعونه ابيض باستكر>> على قولة المركبة الفضائية "إن ون" اللي رد قبلي :smileybunny:


لو سمحتي أنا ماني مركبة فضائية، حتى من زمان ما شفت أفلام كرتون من بعد "شريك 2"

أنا إنسان بشري وآدمي بعد

ولا أخطيت عليك ولا أخطيت على أحد، أصلًا من يومي ما أخطيت على أحد مع إنه ضربني واحد وأنا في أول ابتدائي وكان هو في خامس ابتدائي، ومع هذا يوم كبرت وصرت قوي ما قلت له شيء


متهاوشة مع مركبة فضائية عندكم مشاكل، مالي علاقة أنا

تراي جاي فيذا أبي أستفيد ويمكن عندي كم مشاركة على "قدي"


وتراي من هالحين أقولها عندكم "جروبات" وأحزاب وشلل، اعتبروني مستقل

عبدالله آل موسى
24-05-10, 09:30 PM
الكبرا

أو ما يسمى بسوق الخضار

مصادر من قبل التجار والأمراء وغيرهم من هوامير البلد

وبداية المجمع كان للفقراء

ثم بدأ الضغط عليهم ليبيعوا مواقعهم

وتم الأغراء وباعوا المواقع للأغنياء

والمشكلة أن الساحة الخارجية للمجمع في أي مدينة

كان مسموح فيها البيع ولكن بعد شراء الهوامير للمواقع الداخلية

أصبح ممنوع وعليه غرامة تصل إلى 1000 وأكثر


فهل من العدل أن يتم السماح للأغنياء بالبيع وامتلاك المواقع

وتغريم الفقير المسكين بـ 1000 أو أكثر لأنه تعدى على حق الغني ؟؟؟؟؟؟؟؟


أقسم بالله وأنا لا أقسم إلا صادق

أن الأنظمة تعمل لقمع الفقراء

ولا تطبـّق على الأغنياء والهوامير إلا من رحم الله

والدلائل كثــيــرة

ولا نروح بعيد مكتب العمل والعمال

والبلدية

والجوازات

وغيرها الكثيييير

روز
24-05-10, 09:31 PM
نفسي ارد رد طويل واطلع حرتي في بعض العقليات!!
لكن منهكة من الصباح صاحية


بس اضافة لكلام أبي الاسلام.. بدي اتساءل

هل كل الاعضاء يشوفو انهم على دين محمد ؟؟؟
واذا يس (اكيد طبعا) هل يعتقدو انه هاللي حصل من دين محمد؟؟
هل هذا التصرف يرضي الله ويرضي الرسول يا اتباع دين محمد!!!!!

ومو بس ملاحقتهم لراعي الجح زي المجانين الله لا يبلانا
وتسببهم في انحراف السيارة بكل وقاحة وقلة دين!!

حتى منعهم المسلمين من طلب الرزق الحلال (وبعدين اذا الواحد انحرف, برزت بطولاتهم الخارقة و "تم بحمد الله القاء القبض.."!!!)

والمسلمين كلمة عامة ع فكرة(asl)
يا اتباع دين محمد .. النبي العربي الأمي..
محمد عليه السلام ما قال اذا كان الرجل يمني او مصري فحاربوه في رزقه لما يجي السعودية ليترزق .. بس السعودي عادي خلوه!!!
ولا قال.. اذا كان السعودي ماعنده رخصة.. فحاربوه في رزقه..
يمكن يكون الجح فاسد!!!

ليكون ايام الرسول عليه السلام كان فيه "سوبر ماركت" .. وكان فيه ثلاجات تحفظ الـ "جح" من الفساد.. لأنه برستيجهم ما كان يسمح لهم ياكلو جح من الشارع!!
وطبعا ما يبغو يتركو الناس تترزق وناس ثانيين تشتري... لا لا.. كله ممنوع وضد النظام!!

والا يمكن كان فيه انظمة تبريد في الطرقات:SmileyBunny:.. فبالتالي عااادي انه المسلمين يبيعو كل شي في الطرقات
فيا سبحان الله.. ما كان الجح يفسد !!!! و لا الخضروات !!!
وكانو الناس بأتم الصحة والعافية
اولئك ... كانو اتباع دين محمد!!!
"ومن لم يحكم بما انزل الله فأولئك هم ... "



ما اذل الله المسلمين الا بعد ما تركو احكام دينهم... وحكمو بما لم ينزل الله!
بقوانين وضعية.. بدون حتى الاكتراث لما كان عليه محمد واتباعه!!



تحية لأتباع دين محمد!

الميسم
24-05-10, 09:32 PM
كلبوهن والثالثة كان ودي اكتبها بس الصراحه ماهو مناسب ذكرها فخليتها
بعدين اكتبها لتس قد يكون وقت كتابتي لها مناسبة تبرر ذكري لها :SmileyBunny:
بالنسبة اني اكره عدم شوفتس فهذا الكلام ماهو صحيح بالعكس ابيتس
تكتبين وتردين لاني ماجيت الا علشان ابين عواركم وحقيقتكم المره لانفسكم
وللاخرين واكبر دليل لقافتي على ردتس على الحب الخالد تقل مافرحت على الله
اني لقيت لتس رد يابنت الاجواد يااللي تبين الناس الجائعة تاكل البسكويت والجاتوه (q69)
بالنسبة لارض مسيلمة الكذب وقرن الشيطان فوالله مااحبها ومااحب دخولها الا اضطراراً
وسبحان الله العظيم من انوي النية اروح لها يضيق صدري وانغث وماتروح عني هالحالة
الا لمني نزلت من طلعة الغاط احس وقتها اني ابعدت عن قرن الشيطان وحقين الحبحب
هم احلى مافي الرياض لاني مااتوهق لمني شفت بتدويرة موقف مثل ماهو حاصل في
بقية امري في الرياض وبالنسبة للبلى اللي فيتس لا والله الا بلى ومرض لان امثالتس
مايحسون بالناس في ابراج عاجية واذا قال لهم احد الناس جيعانه قالوا لهم خلوهم ياكلون
البسكويت والجاتوه والوكاد اللي متوكدن منه الله يرفع عنتس وعن امثالتس ولايبلانا بقسوة
القلب اللي اشوفها بردودتس ياللي قلبها صوان ماهو قلب بشر (a21)



تصدق اسم عابدة , اسم رااااائع , من اليوم وطالع راح اتسمى به , أشكرك على
إختياره ..
وبالنسبة لحقيقتنا فهي كـ الشهد لا يتذوقه إلا من عاش مشاعرنا فقط ..
كان الله في عونكم ..
وبالنسبة لأرض مسيلمة وقرن الشيطان كما أسميتها , فهي ليست بحاجة لأن تضيف
لها مشاعرك وأن تمنحها بعضًا من حبك , لأنها ليست في حاجة ..
فلديها الكثير من القلوب التي تعشقها وبزيااااااده , يعني قلبك لا يقدم ولا يؤخر
لا في حبها ولا في بغضها ..
والرياض ما يحبها إلا إلي يفهمها بس ..(qq115)

وقلبي ماله دخل , بل قل قناعاتكِ رأيكِ , فكركِ , فهو صلب لا يتغير ولا يتكسر ولا يتزحزح..
بل راسخ ثابت , أسأل الله أن يثبته وأن يديم نعمته عليّ
اللهم آآآآآآآآآمين ..

N1
24-05-10, 09:34 PM
الأخ أبي الإسلام:

في كلامك مبالغة والبلد فيها خير لعيالها:c010:

رزان ~
24-05-10, 09:38 PM
... شيء يقطع القلب
..
هذولا لاهم الى بيوفرون وظايف للشباب العواطلية .... ولا هم الى يبغونهم يتسببون
((( جامعيين يتسكعون لا شغل ولا مشغلة ,, ماتشوفهم الا ع الارصفة )) ....
انا مرة شفت قدام عيني كيف حقون الامانه يتصرفون مع اهل البسطااات ... شباب .. سعوديين اعمارهم ماتزيد عن 18
وربي راحت بسطتهم على الزفلت ...
ماقدرت اتحمل قعدت ابكي...
يعني يهون عليهم ان النعمة هذي تهدر ولا يهون عليهم انهم يتكسبون هالاوادم من وراها
قال ايه ... قال منظر غير حضاري ...
العالم بتموت من الجوع .. وهذولي همهم المنظر الحضاااري .... تشوه منظر الشارع قال
... لايكون باسطين في الشنزلزيه بس .
امحق شوارع وامحق منظر ... هذولا افخم شااارع عندهم تلقى فية عامود كهرب مكشوف ... و حفرة بعمق متر
وياما راحت ارواح ناس من اهمال الامانه .....
.............................
.. البنية التحتية منخورة نخر .. وينهم وين المنظر الحضاااري ... ولا حاسدين الناس في الرياال ...
...ماقدرت الرياض عاصمة المملكة تصمد قدام مطر.. كم ساااعة .... راحت شوارعهم خيسة ..
والنظااام مايتطبق الا ع الغلابا .
وبعدين ..
يجونك يترززون .
. و المنظر الحضاااري ... و العباااارات حقتهم ..
((( انا بصراااحة ليه مدة طويلة عن القناه السعودية .. عشااان كذا ماتحضرني الالفاظ المستهلكة الى يدخلونها في مخيخ المتلقي )))
.
.
مانقول الا الله يفرجها للشباب ..الله يكون في عونهم بس ....

روز
24-05-10, 09:49 PM
... شيء يقطع القلب
..
هذولا لاهم الى بيوفرون وظايف للشباب العواطلية .... ولا هم الى يبغونهم يتسببون
((( جامعيين يتسكعون لا شغل ولا مشغلة ,, ماتشوفهم الا ع الارصفة )) ....
انا مرة شفت قدام عيني كيف حقون الامانه يتصرفون مع اهل البسطااات ... شباب .. سعوديين اعمارهم ماتزيد عن 18
وربي راحت بسطتهم على الزفلت ...
ماقدرت اتحمل قعدت ابكي...
يعني يهون عليهم ان النعمة هذي تهدر ولا يهون عليهم انهم يتكسبون هالاوادم من وراها
قال ايه ... قال منظر غير حضاري ...
العالم بتموت من الجوع .. وهذولي همهم المنظر الحضاااري .... تشوه منظر الشارع قال
... لايكون باسطين في الشنز لزيه بس .
امحق شوارع وامحق منظر ... هذولا افخم شااارع عندهم تلقى فية عامود كهرب مكشوف ... و حفرة بعمق متر
وياما راحت ارواح ناس من اهمال الامانه .....
.............................
.. البنية التحتية منخورة نخر .. وينهم وين المنظر الحضاااري ... ولا حاسدين الناس في الرياال ...
...ماقدرت الرياض عاصمة المملكة تصمد قدام مطر.. كم ساااعة .... راحت شوارعهم خيسة ...
وبعدين ..
يجونك يترززون .
. و المنظر الحضاااري ... و العباااارات حقتهم ..
((( انا بصراااحة ليه مدة طويلة عن القناه السعودية .. عشااان كذا ماتحضرني الالفاظ المستهلكة الى يدخلونها في مخيخ المتلقي )))
.
.
مانقول الا الله يفرجها للشباب ..الله يكون في عونهم بس ....






بحبك يا رزان
بحبك :sh652:



تشوفين اللي يهتمون في منظر الشوارع الحضاري
ويتركون الناس العاطلة!!!!
عندهم عقول هذيلا يرتبو بها الاولويات؟؟؟
اللي يهمهم رأي الاخر فيهم.. ما يهمهم قول الله وقول الرسول!


رزان
ياليت كل الناس عندهم عقول زي عقلك:c010:
لو العقل ينباع .. كان شريناه ووزعناه بالمجان(asl)

قلب العنا
24-05-10, 09:51 PM
.



السلام عليكم ورحمة الله وبركاته





تعليقي على المقطع أن موظفي البلدية على خطأ ويستحقون العقاب


وين حنا فيه ؟


هذولا كنهم يطاردون إرهابي



زين ان مامعهم مسدسات والا كان راح راعي الونيت وطي



مفروض اللي صور المقطع أخذ أرقام لوحاتهم وبلغ الشرطة عليهم



اما مسألة قطع الأرزاق هذي يبي لها مدونة لحالها لكن المفروض اتباع النظام من الجميع واي نظام يقره ولي



الأمر يعتبر من الشرع إذا كان مايخالف الكتاب والسنة ومخالف هالنظام يستجق العقاب وارجعو لفتاوى بعض


العلماء في قاطع الإشارة


واذا كان بعض المسئولين يخالفون النظام فهذا ماهوب عذر اننا نخلي البلد فوضى ونخالف النظام بحجة ان


المسئول فلان مخالف للنظام


وكثير منا يخالف الأنظمة بهالحجة الباطلة وان الدولة مقصرة ..الخ من الحجج الواهية


لو كل واحد منا اتبع شرع الله في نفسه ومن يعول ما انتشرت المعاصي والمخالفات وغيرها ولاصارت البلد فوضى


واول سبب في فوضوية البلد هو المواطن اللي بس همه الدولة والدولة وهو ناسي نفسه واغلب حياته مخالفات





آسف إذا أنا قسيت بكلامي



أخوكم / قلب العنا

الحميداوي
24-05-10, 09:52 PM
لاعجب ان يحدث مثل هذا في مجتمع مبني على الظلم والطبقيه وسحق الطبقه الكادحه ,,

رغم ان هؤلاء سلق البلديه على معظمهم موظفين على بند وراتبه مايسوى- جوالي - الا ان فيهم حقد دفين على هؤلاء المساكين ورغبة في التسلط و التشفي بمن بقع تحت أيديهم ..

---------------

تحليلك ياشيخنا ابو عدي على كلامي أعلاه ^ إذا أنا صادز ولا غلطان

فآرق عنـي !
24-05-10, 09:58 PM
أضيفي لها منظرهم العااام , وسط العاصمة وفي أهم الطرق الرئيسة , وهم باسطين
بضاعتهم , شكل غير حضاري , مدري إذا تمرين بسطتهم إلي على طريق الملك فهد
حول الشيراتون , صراحه منظرهم مو مقبول إطلاقًا ..
..

صراحة معاك حق يالمواطنة المثالية يقطعون أرزاق خلق الله
ياي عملهم اللي يكسبون فيه مايسد جوعهم
شوه طريق الملك فهد والشيراتون
منظرهم بشع

ما قول إلا ملعووووووووون الفكر المنتكس
وملعووووون أبو الشكل الحضاري
شباب رأيتهم بأعمار الزهور أيتام يتم قطع رزقهم
لا ويصرفون على خواتهم وأمهاتهم وخضارهم أفضل من خضاار المحلات

رزان ~
24-05-10, 10:00 PM
بحبك يا رزان
بحبك :sh652:



تشوفين اللي يهتمون في منظر الشوارع الحضاري
ويتركون الناس العاطلة!!!!
عندهم عقول هذيلا يرتبو بها الاولويات؟؟؟
اللي يهمهم رأي الاخر فيهم.. ما يهمهم قول الله وقول الرسول!


رزان
ياليت كل الناس عندهم عقول زي عقلك:c010:
لو العقل ينباع .. كان شريناه ووزعناه بالمجان(asl)



.
.
الوكاد الى متوكدتن منه ياروز ان القلوب عند بعضها :sh652:
اش رايك في اللهجة بس... بركااات النت :SmileyBunny:


والله يكون في عون المواطن ...
.

أوبآل
24-05-10, 10:01 PM
لا حول ولا قوة إلا بالله
والله اني انقهرت حدي
ياربي وش صار فيه المسكين
اتركو السياره والبطيخ الرجال
ايش صار فيه بعد هالحادث الصدمة كانت قوية والله!!
يارب ألطف بحاله وارزقه الرزق الحلال
ياساتر يارب
والله عيني دمعت من القهر !!
ليش يعني هالتصرفات الحيوانية الرجال لو انه شايل شي غير البطيخ
كانو تركوه؟ مستحيل
حسبي الله ونعم الوكيل

الميسم
24-05-10, 10:06 PM
اهلين بصوت العقل والاتزان
يا عزيزتي
(قد) اتفق معك في بعض ما ذكرت
لكن هناك نقطه يجب ان لانغفلها يا عزيزتي الميسم
البلديه مقصره جدا
يا عزيزتي المسألة ارزاق ومصير بشر
ولاحظي طريقة ايقاف المواطن المسكين فيها شيء من التحدي واثبات القوة
ولا اخال النظام يقر هكذا اسلوب ؟؟
ولعل الاخ المواطن كان يريد ايصالها من مكان الى اخر
بدة الحكي ان كان هؤلاء لايجدون رزق ابناءهم فمن حقهم فعل اي امر حلال
اتفق تماما معك في الزام البلديه في توفير اماكن لهم تقيهم الحر والشمس والغبار وكدر العيش
اتذكر ان الوالد الله بحفظه ويشفيه يقول مره ان البلديه موفره لهم اماكن اجارها 5000 شهريا
في نظري مبلغ كبير على هؤلاء
500 نقدر نقول معقوله
عموما شكرا لك كثير بالتكرم والتعقيب على ردي
دمت بخير يا صوت العقل





بل الشكر موصول لكِ ياغالية
والله لولا علمي بأنكِ تفهمين قصدي وتعرفين إلى ماذا أرمي
لما أقتبست ردكِ وحرصت على أن أعقب عليه..
يسعدني جدًا بل ويشرفني أن أتبادل الحوار معكِ

ودمتِ بألف صحة وعافية يـ سيدة الذوق ..

الشيماء2010
24-05-10, 10:08 PM
كونى أعيش فى الدنمارك

فلم ارى بحياتى مثل هذه المشاهد

وفى بلاد الغرب عامه

لا تووجد مثل هذه المآآسى

ترى العدل والمساواه واحترام الانسان


علماا بأنهم ليسوا اصحاب دين ولا مبادىء

بينما المسلم الذى يعبد الله .. لا يخاافه ( الا من رحم ربى )

ولا يتقييه فى خلقه

تنااقض غرييب عجيييب




(q78)(qq11)(q78)(qq11)(q78)(qq11)

امير مهذب
24-05-10, 10:16 PM
لا أحب أن أتحدث عن الطريقة التي تم بها الإيقاف
مناسبة ...ليست مناسبة

أحب أن أتحدث عن ملاحظة فقط

وهو إستعمالنا المفرط للعاطفة


وأيضا ..... إن كنا معارضين
فإستعمالنا للتجريح أكـــثر
والمبالغة
ليقال ...... معارض .... وساخط


نعم لنا الحق في النقد والرفض بل وحتى المجابهة إن إقتضى الأمــر

يجب أن نتكلم بموضوعية
إذا كان الرجل مخالف
فيجب أن يطبق عليه القانون

يقال لماذا لا يطبق على فلان

وأنا أقول
فكل القوانين صغيرة كانت أو كبيرة لا تطبق على كل الناس
لأن هنالك ظلم ومحسوبية

فهل تستطيع أن تقول
إذن يجب إلغاء كل القوانين ولا يجب أن نعاقب نحن فقط


خلاصة
يجب أن نرضى بتطبيق القانون ...... حتى على الضعفاء والفقراء

و

نطالب ونضحي في سبيل تعميم تطبيقه على الكل بالتساوي

شموخ بدوية
24-05-10, 10:20 PM
ياحسااااااافة الجح:(> تحبه




.وياعزتي للمواطن المغلووب :(


على طارئ البلدية

يوجد على كورنيش الخبر.. ام عبدالله سيدة سعودية مهجورة من قبل زوجها ..

عملت مشروع عبارة عن بسطة تبيع فيه الشاي والحبق والقهوة للزوار > ترزق الله وتصرف على عيالها

كل شوئ جايه البلدية ..وتشيل قشها وترميه وتهاوش معهم وثااني يوم ترجع لنفس مكاانها

طيب سؤال وين تروح أم عبدالله ؟؟ماعندها رأس مال ؟؟وش السواة ؟؟


حسبي الله ونعم الوكيل

اخو جميلة
24-05-10, 10:30 PM
المقطع الله أعلم فيه
الي نعرفه البلدية ماتطارد أحد أحتمال بينهم وبين صاحب الجح مشاكل ولا السياره مسروقه
ولا أحد يدري وش الظروف الحقيقة بالضبط !! مشهد مؤلم قدامنا والله اعلم وش ظروفه
الشيء الثاني وش الحل مع الناس الي تشتكيهم
اللحين المشكلة مو كلها من البلدية كثير الي يبسطون على الخطوط البعيده عن مناطق الزحمه ولا أحد يتعرضهم , لكن أحيان يبسطون في أماكن تسبب زحمه وفوضه في الشارع من كثر السيارات الي توقف وتتعطل حركة الشارع , واحيان يبسطون في أمكان أراضي للناس وأصحاب الاراضي هم الي يشتكونهم !! اغلب المشاكل معاهم تصير بسبب شكاوي الناس اصحاب الاراضي او بسبب زحمة المرور الي تصير ,, غير هذه الاماكان يتغاضون عنهم وإلى الآن نشوف ناس يبسطون ولا حد يتعرضهم وأماكنهم معروفه للي يبغى يشتري من عندهم

بـــاني
24-05-10, 10:36 PM
والله انه كفو راعي الجح



ما وقف للحرامية والنصابين


يخربه بنفسه .. ولا يخليه لملاعين الجدف ينثرونه قدامه


او حتى يسرقونه وهو يشوف



أنا متألم قسم بالله



لكن اللي هونها .. تصرفه الشجاع



شجاع .. شجاع


أعجبني انه ما استسلم لهم


الله يعوضه خير


ويسلط على اللي قطعوا رزقه في وضح النهار


بس سؤال يقرقع بقلبي



الحين هم ناوين يوفقونه وسط هالشارع الطويل العريض ؟



و وش التصرف اللي كانوا بيسوونه اذا مسكوه ؟



وبعدها يعني !!


وقفتوه وبعدين ؟



هذولا المفروض يحبسون ويسجنون ويحقق معهم على تصرفهم الطايش


وتعريض حياة الاخرين وممتلكاتهم للخطر



والله العظيم


تصرفهم تصرف غير مسؤول أبدآ



وحسبي الله عليهم ياشيخ


يامن دعوة اطلقت عليهم اليوم



وان شاء الله وحده منها تصيبهم في مقتل



<===== ابو العنف ياشيخ

عبدالله آل موسى
24-05-10, 10:46 PM
بعد قرار منع بيع الخضار والفواكة في غير المحلات المستحيلة على الفقراء

كانت البلدية تصادر البضاعة فمن يأخذها ؟؟؟

هل يرمونها في المزابل ؟؟؟


وقيل أنهم يتصدقون بـها

فكيف يتصدقون بما فقير مغتصـب إلى فقيــر ؟؟؟؟؟؟؟؟


والمصبية يغرمونه بـ 1000 ريال أو أقل أو أكثر

فيلسوف البدو
24-05-10, 10:55 PM
تصدق اسم عابدة , اسم رااااائع , من اليوم وطالع راح اتسمى به , أشكرك على
إختياره ..
وبالنسبة لحقيقتنا فهي كـ الشهد لا يتذوقه إلا من عاش مشاعرنا فقط ..
كان الله في عونكم ..
وبالنسبة لأرض مسيلمة وقرن الشيطان كما أسميتها , فهي ليست بحاجة لأن تضيف
لها مشاعرك وأن تمنحها بعضًا من حبك , لأنها ليست في حاجة ..
فلديها الكثير من القلوب التي تعشقها وبزيااااااده , يعني قلبك لا يقدم ولا يؤخر
لا في حبها ولا في بغضها ..
والرياض ما يحبها إلا إلي يفهمها بس ..(qq115)

وقلبي ماله دخل , بل قل قناعاتكِ رأيكِ , فكركِ , فهو صلب لا يتغير ولا يتكسر ولا يتزحزح..
بل راسخ ثابت , أسأل الله أن يثبته وأن يديم نعمته عليّ
اللهم آآآآآآآآآمين ..


اجل حب الرياض عندكم بالفهم الله يزيدن جهلن بهالفهم اللي تحبون قرن الشيطان
علشانه الوكاد حتى القرد يحب ولده رغم قبحه :SmileyBunny:
قد تكون قناعات لكنها بالتاكيد قناعات لقلوب اقسى من الحجر ولست الومك في ذلك
فابتعادك عن عوام الناس هو السبب وثقي تمام الثقة ياماري انطوانيت ان من لم يخالط
الناس لن يستطيع ان يتحدث عن معاناتهم ومايحسون فيه مجرد منظر شاهدته من بعيد
اصبح منظر مقزز لنظاريك وواجهة غير حضارية وفضيحة مابعدها فضيحة مع ان ربي فاضحكم
خلقة يكفي الحرمان اللي انتم عايشينه واانتم تملكون كل شيء والوكاد خليتس بقصرتس
العاجي ولا يتمعر وجهتس من اجل مسلم فهذا قدركم وقدرنا اننا ممن تتمعر وجوههم حزناً
على مايصيب اخواننا المسلمين الباحثين عن الرزق الحلال نسيت اقول لتس حتى الحجر مع
كثرة عوامل التعرية يصبح سهلاً ليناً اما قلوبكم فاشك في ذلك وعذركم قناعاتكم (qq11)

فيلسوف البدو
24-05-10, 11:05 PM
لاعجب ان يحدث مثل هذا في مجتمع مبني على الظلم والطبقيه وسحق الطبقه الكادحه ,,

رغم ان هؤلاء سلق البلديه على معظمهم موظفين على بند وراتبه مايسوى- جوالي - الا ان فيهم حقد دفين على هؤلاء المساكين ورغبة في التسلط و التشفي بمن بقع تحت أيديهم ..

---------------

تحليلك ياشيخنا ابو عدي على كلامي أعلاه ^ إذا أنا صادز ولا غلطان



والله يالعجمي اني ماادري عنهم اهل البلدية هذه لكن ابي اقول لك مره
حصل لي موقف مع موظف من موظفي الامانة خدمته باللي استطيعه
وماقصرت معه قدر استطاعتي ومن بكره جاني يقول ولده يبي يسافر
للرياض وناقصة مبلغ وقدره والله ان اصبتني غصة في صدري الى الحي احسها
المشكلة ماكان مع الريال وقتها قبل نهاية الشهر باسبوع تقريبن
وانقهرت قهر ماانساه وكل ماتذكرت هذاك الموقف انغث اني ماقدرت ادبر له
لو جزء بسيط من هالمبلغ اللي بيه وكلامك هذا ذكرني فيه وقد يكون فعلان رواتبهم
ماهي شيء وبالعكس المفترض فقرهم اللي هم عايشين فيه يكون دافع لرفع الظلم
عن اخوانهم هالمساكين ولكن مااقول الا الله لا يضيقها على كل من ضيقها على المسلمين

ام / عبد الرحمن
25-05-10, 12:15 AM
لو سمحتي أنا ماني مركبة فضائية، حتى من زمان ما شفت أفلام كرتون من بعد "شريك 2"


أنا إنسان بشري وآدمي بعد

ولا أخطيت عليك ولا أخطيت على أحد، أصلًا من يومي ما أخطيت على أحد مع إنه ضربني واحد وأنا في أول ابتدائي وكان هو في خامس ابتدائي، ومع هذا يوم كبرت وصرت قوي ما قلت له شيء


متهاوشة مع مركبة فضائية عندكم مشاكل، مالي علاقة أنا


تراي جاي فيذا أبي أستفيد ويمكن عندي كم مشاركة على "قدي"


وتراي من هالحين أقولها عندكم "جروبات" وأحزاب وشلل، اعتبروني مستقل


طيب خلاص نعتذر عن هذا الخلل الفني وحقك علينا اخي الكريم بس الصراحة من بعد سالفة المنغلث وانا كل ما اشوف معرفك تجيني الضحكة غصب واكتب من غير شعور رد فكاهي :SmileyBunny:

ابحاول اتجنب المزح معاك ولك مني كل احترام وحياك الله بين اخوانك وان شاء الله تستفيد وتفيد

دانه السبيعي
25-05-10, 02:13 AM
حسبي الله ونعم الوكيل حتى لو عندهم اوامر وتوجيهات فيها لابد من بعض التساهل والتيسير لان التقيد الجامد باللوائح والانظمه من عيوب اغلب اداراتنا
واللي يقهر ممكن موظف البلديه هذا بعد مايخلص دوامه يمر ويشتري من اقرب سياره موقفه سلمت منهم

ديـما
25-05-10, 02:41 AM
ما نلومهم هالسعوديين إرهابيين درجة أولى
أكيد مهرب متفجرات وأحزمة ناسفه في الجح
أو يمتــــــــــكن مهرب حشيش وسط هالجح سعوديين مالهم أمان
كسولين إتكاليين يريدون وظيفة في مكتب ومكيف وبس
مستحيل أنه أخذ ذا الددسن الخرده ويترزق الله فيها أكيد يبيع ممنوعات







فارق عني ~ليش تحكم على كل السعوديين بالإرهاب بكلامك هذا

تظلم السعوديين كلهم !! هل كلهم إرهابيين ونصابين ,

ليش أجل شفتهم يحملون أحزمه ناسفه ومتفجرات ؟!!!!



كلامك غريب وغير منصف أبدا ,






هل أنت سعودي ؟؟!!!!







إذا أنت سعودي , أجل أنت بنفس الوصف إلي وصفته عن نفسك !!!!!!

ام / عبد الرحمن
25-05-10, 03:35 AM
فارق عني ~ليش تحكم على كل السعوديين بالإرهاب بكلامك هذا

تظلم السعوديين كلهم !! هل كلهم إرهابيين ونصابين ,

ليش أجل شفتهم يحملون أحزمه ناسفه ومتفجرات ؟!!!!



كلامك غريب وغير منصف أبدا ,






هل أنت سعودي ؟؟!!!!







إذا أنت سعودي , أجل أنت بنفس الوصف إلي وصفته عن نفسك !!!!!!



يا حليلك يا ديما (qq115)

يا بنتي الرجال جايبها بتهكم يعني مزح مو جاد ولكنه مزح جامد وعلى الجرح

فيلسوف البدو
25-05-10, 07:41 AM
فارق عني ~ليش تحكم على كل السعوديين بالإرهاب بكلامك هذا

تظلم السعوديين كلهم !! هل كلهم إرهابيين ونصابين ,

ليش أجل شفتهم يحملون أحزمه ناسفه ومتفجرات ؟!!!!



كلامك غريب وغير منصف أبدا ,






هل أنت سعودي ؟؟!!!!







إذا أنت سعودي , أجل أنت بنفس الوصف إلي وصفته عن نفسك !!!!!!





الجهل بالكبار مصيبة لذلك انصحك التعرف على هذا الكبير وقراءة مواضيعه
صدقيني لن تندمي على اقل تقدير سوف ترتقين بافكارك :SmileyBunny:

أصفر عرقوب
25-05-10, 10:24 AM
بعض موظفي أو مفتشي البلدية يستغلون صلاحياتهم في إغلاق المحلات أو مصادرة البضاعة أسوأ استغلال وذلك بفرض ( رشوة ) على أصحاب المحلات أو البسطات التي عليها مخالفات ( لغض النظر عنها ) وأنا أعرف أمور مخجلة من تصرفاتهم وأضرب مثلين فقط ، أرملة حولت إحدى غرف بيتها لمحل وأجرته على باكستاني لتستفيد من الإيجار وقام الباكستاني بتحويله إلى محل صيانة لجميع أجهزة التبريد وبعد مدة يسيرة تم إغلاق المحل من البلدية بحجة أنه ممنوع فتح محل صيانة داخل الحارة وبعد أسبوع تم فتح المحل من جديد بعد أن صار الباكستاني يدفع المعلوم شهرياً لهؤلاء ، المشاتل الموجودة تحت كبري شارع آل فريان في الرياض جميعهم يدفعون مبلغ معلوم شهرياً ويتقاسمه المفتشون مع المدير والشلة ، رواتب هؤلاء ضعيفة جداً لذلك صاروا يلجأون لهذه الحركات زيادة على جشع بعض المدراء ويجب أن نعرف أن المبالغ التي يتم تحصيلها شهرياً ليست قليلة لذا تجد هذا الموظف الكحيان يملك منزلاً وأحدث سيارة ويسافر في الصيفية ، بالنسبة لصلب الموضوع يجب وكلمة يجب لا تعترف بها البلديات ، يجب عليهم وضع أماكن مظللة في الأحياء وتكون منظمة ونظيفة ليستفيد المواطن من السعر الرخيص ويستفيد البائع الذي لم يجد له وظيفة ، الشمس والغبار تضر بالخضار والفواكة لكن هناك عامل أسوأ يلحق أكبر الضرر بالناس ألا وهو دخان عوادم السيارات التي تلتصق بهذه الخضار ويستهلكها الناس وفيها من السموم مالله أعلم به فيجب إبعادهم عن الشوارع لكن لا حياة لمن تنادي وأخيراً هل عند مفتشي البلدية الصلاحية لمطاردة البائعين المتجولين ، لا أعتقد .

ستيف نبراسكا
25-05-10, 11:40 AM
بعض موظفي أو مفتشي البلدية يستغلون صلاحياتهم في إغلاق المحلات أو مصادرة البضاعة أسوأ استغلال وذلك بفرض ( رشوة ) على أصحاب المحلات أو البسطات التي عليها مخالفات ( لغض النظر عنها )




القهر ياخوك ان بعضهم يرشونه اصحاب البقالات والبوفيات

بسندوتش جبن وواحد عصير !!!!



والله شي مخجل للغاية اللي قاعدين يسوونه !!

شذا الدبه
25-05-10, 04:48 PM
عودا حميدا عمو

بالنسبه للموضوع اقول وما خفي اعظم

فديت طلتي
27-05-10, 10:57 PM
الموت اهون من العيش الذليل **

وش ترجـــووون من .. ( اخيس واعفن جهــــــــآإز بالمملكـــة (ekaj)


...









وهـــادا رأي احدهـــم ..!!(qq89)


يقــوول بما ان اليماني والسعودي >> صارت خشتهـــم وحـــده (q30)



فمين يــدري بركي كــآإن البطيخ بطــآإنتـــه >> حشيش يمانــي (q31) ولا هيروين افغــــااني (qq15)










عـــااد تعرفوون /:
البضااعة الخـــاارجية ماعليـــهاا كـــــــلام (q84)

شموخي بسمو ذاتي
27-05-10, 11:14 PM
بصراحه لو مامعه شي كان وقف لهم
واحتمال انه مشتبه فيه
ومابيلحقونه الا وهو مسويه مصيبه
والله العالم