تحدوها البشر
22-05-10, 08:43 AM
http://www.youtube.com/watch?v=AKy0xOX0IIc&feature=related
دقات قلبي تزيد بحرة فيها
.... والدمع من مهجتي بالحزن ذرافي
من لوعة يا عسى ربي يجليها
.... حمى غشتني بغم وتنفض أطرافي
ليت الليالي تعود بحلو ما ضيها
.... هيهاتِ ترجع بما روَّح وما طافي
كل(ن) يعزي وأنا روحي أعزيها
.... رحيل أبوي اللي بالأفضال معطافي
آهـ من الوقت والدنيا أثنِّيها
.... دنيا تفرق شمل بالحيل تنعافي
بسمتك يا والدي ما ني بناسيها
.... تضحك إذا شفتني بالخير متعافي
ليت العمر ساعة تنباع واشريها
.... باغلى ثمن يايبه للعمر تنضافي
مسجدك مشتاق للآية وتاليها
.... ومنبرك من عقب ما فارقت له طافي
غرشة دهن عودك بدرجك أغطِّيها
.... أشم ريحه وكنك مقبل(ن) لافي
نظارتك شلتها حزني يبكِّيها
.... حتى المساويك ناحت بين الأرفافي
وعصاك مسنودة(ن) جيت أبحاكيها
.... تقول يكفيني ما فيني ترى كافي
وبستانك اللي به النخلات تسقيها
.... يبست سواقيه تمره دون خرافي
يبه .. يبه .. يا يبه لمن بأطرِّيها
.... هني من له أبو حي(ن) وينشافي
فنجال قهوة معاك أوقات نغليها
.... ويضمني بالشتاء في مشلح دافي
همزت رجليك أنا أفدى مواطيها
.... أرجي لبرِّك عسى ما تشكي خلافي
الأرض ضاقت علي باوسع فيافيها
....ماذقت نوم هني والأنس متجافي
فضايلك يا يبه عجزان أوَفِّيها
.... لو وصلت بالشعر بيت الألف من قافي
أفز مشتاق والاشواق ناسيها
.... لاشفت شايب شبيهن لك باالوصافي
يا ربي تجعله للفردوس ناصيها
.... ومن ثمار الجنان قطَّافي
رحمك الله ياوالدي وكل اموات المسلمين
دقات قلبي تزيد بحرة فيها
.... والدمع من مهجتي بالحزن ذرافي
من لوعة يا عسى ربي يجليها
.... حمى غشتني بغم وتنفض أطرافي
ليت الليالي تعود بحلو ما ضيها
.... هيهاتِ ترجع بما روَّح وما طافي
كل(ن) يعزي وأنا روحي أعزيها
.... رحيل أبوي اللي بالأفضال معطافي
آهـ من الوقت والدنيا أثنِّيها
.... دنيا تفرق شمل بالحيل تنعافي
بسمتك يا والدي ما ني بناسيها
.... تضحك إذا شفتني بالخير متعافي
ليت العمر ساعة تنباع واشريها
.... باغلى ثمن يايبه للعمر تنضافي
مسجدك مشتاق للآية وتاليها
.... ومنبرك من عقب ما فارقت له طافي
غرشة دهن عودك بدرجك أغطِّيها
.... أشم ريحه وكنك مقبل(ن) لافي
نظارتك شلتها حزني يبكِّيها
.... حتى المساويك ناحت بين الأرفافي
وعصاك مسنودة(ن) جيت أبحاكيها
.... تقول يكفيني ما فيني ترى كافي
وبستانك اللي به النخلات تسقيها
.... يبست سواقيه تمره دون خرافي
يبه .. يبه .. يا يبه لمن بأطرِّيها
.... هني من له أبو حي(ن) وينشافي
فنجال قهوة معاك أوقات نغليها
.... ويضمني بالشتاء في مشلح دافي
همزت رجليك أنا أفدى مواطيها
.... أرجي لبرِّك عسى ما تشكي خلافي
الأرض ضاقت علي باوسع فيافيها
....ماذقت نوم هني والأنس متجافي
فضايلك يا يبه عجزان أوَفِّيها
.... لو وصلت بالشعر بيت الألف من قافي
أفز مشتاق والاشواق ناسيها
.... لاشفت شايب شبيهن لك باالوصافي
يا ربي تجعله للفردوس ناصيها
.... ومن ثمار الجنان قطَّافي
رحمك الله ياوالدي وكل اموات المسلمين