ساعدوني (((القهوة البيضاء))) كيف اسويها؟؟؟

[ام العنود]

السلام عليكم ورحمة الله وبركاته

ياليت اللي يعرف طريقة القهوة البيضاء يكتبها ((هي مشهورة بالحيل عند اهل مكة )))

وبصراحة سألت كثير وما في احد يعرفها

شكرا

[بنت السليم]

وعليكم السلام ورحمة الله وبركاته

والله يا قلبي حتى أنا ما أعرفها , بس دوّرت لتس ولقيت هالطريقة

المقادير :

رز مصري مطحون , زنجبيل أخضر , هيل مطحون , حليب بودرة , سكر

وذي الطريقة :

جيبي قدر وحطي فيه كمية من الرز المصري المطحون ( الكاسين يكفي 10 أشخاص )

بعدين حطي ماء حار وزنجبيل أخضر مبشور وهيل

وخليها تطبخ على النار ربع ساعة أو أكثر شوي , بعدين حطي الحليب (على كيفتس تبين تخففين كمية الحليب أو تزيدينها اللي يعجبتس سويه )

وآخر شي تحطين السكر وتخلينه يطبخ شوي مع الحليب والرز

بعدين حطي مكسرات " لوز / كازو / فستق " وأهم شي لا تطحنينها خليها مكسرة بس

ويقولون أنها تنحط في أكواب وتوكل بالملعقة , وقوامها ما يكون ثقيلا ولا سايل يكون وسط

ويقولون بعد أن بعض الناس يحطون بدال الرز المصري ( نشا ) !

[اليمامه]

8



8



بنت السليم متأكده إن هذي قهوه وإلا مهلبيه

[دلع عيني دلع]

هلاا وغلا فيكِ .. أختي .. أم العنود ..

القهوه المشهوره في مكه .. أسمها ( قهوه اللوز ) ... البيضاء ..وهذي طريقتها ..


& المقادير &

4كاسات حليب سائل .. سكر حسب الرغبه ..

مقدار من اللوز المسلوق ومجروش بعد تقشيره ..

ملعقه اكل كبيره هيل ناعم .. او حسب الرغبه ..

3ملاعق اكل دقيق ارز او نشاء ..


& الطريقة &

يحل النشا في قليل من الحليب

ضعي الحليب الباقي في قدر على النار حتى يسخن ثم ضعي اللوز والهيل والسكر

ويحرك جيدا ثم ضعي النشا ويحرك جيدا حتى يثقل ..

يمكن زيادة النشا حسب الرغبه لقوام القهوه اللوزيه .. وتقدم وهي ساخنه ...’’

يمكن أضافه القليل من السمسم ..

*

*

& القهوه المكاويه &

.. أعداد البن ..

يحمص البن على النار الى ان يصبح لونه بني غامق وقبل ان تطفي النار ضعي معه مستكي

وقليل من الشيبة واستمري في التحميص قليلا تم اطفي النار.ثم يطحن جيدا..

.. الطريقه ..

حسب الكمية ضعي ملعقة من القهوة وملعقة صغيره من الحليب

وربع ملعقة صغيره من الزنجبيل وحبتين من القرنفل.وضعي عليه الماء المغلي واتركيه

على النار .. وبعدها تقدم مع أضافه الهيل ..

*

*

أتمنى أكون ساعدتك .. ومنوره بيننا يالغلاا ..


http://www.qassimy.com/vb/uploaded/dlalaa3.gif

[بنت السليم]

8
بنت السليم متأكده إن هذي قهوه وإلا مهلبيه


يقولون قهوة http://www.qassimy.com/vb/uploaded/confused.gif

عاد قلت يمكن ذي قهوة أهل مكة http://www.qassimy.com/vb/uploaded/confused.gif

[اليمامه]

<< جالسه افكر لو اقدمها للضيوف وشلون تنشرب


يازين قهوة البن والهيل وبس

[دلع عيني دلع]

^

^

عادي ياقلبووو .. بأكواب + ملاعق صغيره ..

او الين تبرد وتنشرب .. وشفتي طعمها .. قريب من المهلبيه البيضاء بس بنكهه اللوز ..

وحتى شكلها بس أخف من المهلبيه .. ومره لذيذه ....

زمان كانوا يقدمونها كثير الأن قليل ....’’

<<<<----- جالسه تفكر هي اللي تبيها ام العنود او لا ...!!

:)

[ام العنود]

السلام عليكم ورحمة الله وبركاته



جزاك الله خير يابنت سليم وانا متاكدة انها هي الان هم قالوا لي فيها رز مصري بس ما صدقت


وانتي بعد يا دلع عيني دلع


جزاك الله خير وراح اجرب الطريقتين لان الوالدة مشتهيتها موت وانا معها


(aqwa)

[بنت نجد]

بسم الله الرحمن الرحيم
السلام عليكم ورحمة الله وبركاته

هلااا وغلااا .. أم العنود ..
بصراحة أول مرة أسمع عن القهوة البيضاء ..
بس يوم قريت وصفات البنات تذكرت مشروب ساخن مشهور عند أهل الحجاز أسمه ( السحلب ) :)
أنا يوم ذقته ادمنته من حلاوته ..
يمكنه هو ..
الله يعطيهم العافيه الحبيبات ..
ومشروب هنيء على قلبك يا الحبيبة ..

الله يحفظك
أختك
بنت نجد

[دلع عيني دلع]

^

^

لا بنوته .. السحلب غير .. وقهوه اللوز غير

بس طعمهم يتشابه ..

*

*

واللي منتشر أكثر بالحجاز هي ( قهوه اللوز ) بس بالنشاء اكثر شي

وعليك بالعافيه انتي والوالده .. اختي ام العنود ..

*

*

اقول تيب تعرفون وش السقدانه .. ههههههه بهبل فيكم

اللي تعرفها بعطيها ورده ..

......

:)