المساعد الشخصي الرقمي

مشاهدة النسخة كاملة : خلي عنك الاتربه لاتنفضين...))


محمد مطلق الجربا
18-05-10, 04:35 PM
خلي عنك الاتربه لا تنفضين=هالدفاتر من رفوف سنينها
ادري انك ياغلاي تدورين=قصتك عقب البطا تقرينها
استريحي مو مهم تبعثرين=في خفوقي قصتك تدوينها
ما تركته لليالي والسنين=كنت عايش بين حالي وبينها
احتميته بين عين وبين عين=يانواضر حرفها ياعينها
هذا انا مثلي قبل لا ترحلين=كل مابي قد بقا من حينها
شوقي المجنون والحض اللعين=وانتضاري ثم سوألي وينها
والدفاتر والمحابر واليدين=والضروف اللي عصاني شينها
مثل ما انا قبل يوم تسافرين=قبله ايامي معك تطوينها
مثل حاجه ساكنه في دار امين=لو رجعتي ساكنه تلقينها
ااااه ياطول انتضار العاشقين=والدقايق ماهجع تنينها
لو بغيت اشكي من فراقك لمين=او بغينا ننتهي تبدينها
جيت تنفض اتربة رف الجبين=لاتزيد الارض بلة طينها
خلي عنك الاتربه لاتنفضين=هالدفاتر من رفوف سنينها

مقروش
18-05-10, 04:54 PM
صح لسانك وعلا شانك يابومطلق
كم نحتاج للكلامات والمعاني والذائقه الشعريه ولا نجدها إلا في ابيات ابو مطلق لاهنت يالغالي
الشعر معك جو ثاني تحياتي لك
أخوك
ابو علي

شــتآت
18-05-10, 06:43 PM
لُبّ القصيد هُنا...

بيّض الله وجهك شاعرنا على هالباذخه الرائعه...

لاعدمناك..

محمد مطلق الجربا
18-05-10, 08:21 PM
الغالي ابو علي

هلا وغلا يالطيب

منور فديت حضورك انا

لاهنت لاهنت لاهنت

كل احترامي لسموك الكريم

ســـــووولآفـــــ
18-05-10, 08:57 PM
هذا انا مثلي قبل لا ترحليـنا
كل مابي قد بقا مـن حينهـا

الجربا
شاعر يغريني حرفه على التعقيب
صح السانك على الرومانسيه العاليه
ودمت كما انت واحه شعريه
تهفو القلوب اليها
تقديري
ســـولآفــــ

محمد مطلق الجربا
18-05-10, 09:05 PM
الغامضه منوره لاهنتي يالطيبه يشرفني ويسعدني تواجدك واطرائك العذب كل الاحترام لسموك

محمد مطلق الجربا
18-05-10, 09:07 PM
سولاف

لك اشراقه جميله بين حين واخر ولكنها تشرفنا اين ما حلت ومتى حلت

مرور جميل يدل على جمال روح صاحبته

كوني بخير يا انيقه