مرشحكم oJ9Jl رشحون ارشحكم تذاكر مجانيه من قصيمي الى دبي

[oJ9Jl]

السلام عليكم
اخواني اخواتي سيداتي سادتي الجمع الغفير ايه المرشحين الافاضل والمنتخبين الاعزاء
الداجين المستجدين انا اليومين هذي ما اقدر اشارك لان مرشح نفسي لكن للاسف المشكلة ان مصلحة المياة والبلدية مبانيهن بجنب بعض
شفت لوحة ترشيح ودخلت اثري دخلت ترشيح لتوظيف بمصلحة المياة وانا فرح لي شهر وانا انقل رقم الترشيح وصوري بالجرايد والشوارع
اللي محوم سبدي ما تشوفون انتخابات البلدية صارت ترقيم بالشوارع
امس شفت كم صورة متمكيجين الشباب ومشخصين وحاطين ارقام جوالاتهم وايميلاتهم على الهوتميل الصراحه متكلفين الجهات اللي انبسطت من الانتخابات
محلات الخطاطين والتصميم والحلاقين ومحلات التصوير والاتصالات وراعين تأجير الخيام والكراسي وبعض الاستراحات
اللي شاب تسبدي اني شفت لي كم واحد مرشح نفسه وهم ما عندهم الا الدجه امس يفحطون بسياراتهم واليوم رازين صورهم وجوالاتهم لا عندهم لا شهادة ولا علاقات ما عنده الا الصياعه
لعنبو ابليسكم ما تستحون يوم ترشحون انفسكم هم يدرون ان ما عندهم الا الدجه بس يمكن لعلى وعسى يلقط الرقم
ياشين النوايا السوداء صح طيب
دقيت على واحد منهم ابي اسئلة وشو برنامجه قال الحبيب يوم اتصلت عليه يقول تعال تعش وكل من المفاطيح واستانس
مهبول ولا يستهبل يحسب انا جاي ارشحه من دار فور ما شفت خير بغيت ادخل مع اسبيكر الجوال واصنه
بالله هذا وش يبي يقدم
ما انكر اني شفت لي كم مرشح يعدون اهل لهذا الترشيح لكن اللي محوم تسبدي هل رايح يكون لهم دور او مثل مجلس الربع كل جمعه يجتمعون على شان يجتمعون
على طاري الترشيح وراه ما يصير عندنا بالمنتدى ترشيح للمشرفين وانتخابات ما يصير خبط لزق ويصير العضو المرشح للاشراف تحت التجريب يكتب تحت اسمه مرشح للاشراف همن يحط اذا نجح بعد شهر
بالنسبه لي لو تبون ترشحونن اصير مشرف عام ابعطيكم البرنامج حقي :
*بحجز لكم رحلات مجانيه من قصيمي نت الى دبي ومن دبي الى قصيمي نت خط العوده لمدة اسبوع مع وجبة فطور بوفيه مفتوح وسكن بفندق يمشي الحال مهما كان بيصير ازين من بيتكم
*سوف اقوم بزراعة قسم الالعاب ثيل مسطحات خضراء وبحط بوه مراجيح وزحليقات
*بتقاول مع برجس اول ما يطلع من السجن يمسك منتدى الجرائم والحوادث
*بأمن لكم بالقسم السياسي مسدسات ورشاشات عند عينه واذنه ولاكم تتفاهمون وتاصلون لوجهت نظركم باقصر الطرق وتريحون ونستريح منكم
*بفتح قسم جديد لزواج المسيار بالمنتدى والتعارف وخط الصداقه اون لاين
*بعطي المشرفين ميزات جديده كل واحد بشتري له محمول لاب توب بس ما يكون فيه ماسنجر
*ما رايح يحذف ولا موضوع بخلي الدنيا سردحي مردحي
*بحط رسائل خاصه صوتيه

ابلوني ان فلحتو

[نهر الحب]

وين نقابلك يا oJ9JI و بأي ساعه ؟....حدد يا أخي لازم يكون فيه دقه بالمواعيد .................... بعدين مطلبك ترشيح ولا شرشحه ؟؟؟؟؟؟؟

[oJ9Jl]

والله حنا حتى الان ما سوينا مخيم لان رقم الترشيح طلع تبع وظيفة لمصلحة المياه وانا حاسب نفسي مرشح للانتخابات اثري مسابق بالوظيفه بس الحظ قوطي صلصه
يانهر على فكره اسمك نهر من النهر الجاري او نهر بمعنى ينهر ويضجر تراي اعليمي واحب اعرف تعليل الاسامي لانه من هواياتي مع الانتخابات وجمع الطوابع لكن للمصداقيه الكاذبه حجزنا الدور العلوي بفندق فينيسيا مع المسبح يالوله وراك ما تترك عنك سواليف المرشحين

[المتحد]

الوله
إذا الوضع يسمح سجلني مندوب إعلامي للتسويق
وكله بتوابه

سخريه لاذعه مسجله بأسم الوله
مسجله بهيئة المواصفات والمقاييس

موضوع متعوب عليه
مشكووووووور
.

[oJ9Jl]

الوله
إذا الوضع يسمح سجلني مندوب إعلامي للتسويق
وكله بتوابه

سخريه لاذعه مسجله بأسم الوله
مسجله بهيئة المواصفات والمقاييس

موضوع متعوب عليه
مشكووووووور
.
الشكر يالمتحد لو ترشحني وختم الجوده حضورك المتحد اليوم انا ماسكه كل واحد يدخل الموضوع بسئله عن اسمه اسمك المتحد من الاتحاد يعني القوه او الاتحاد اللي هو نادي الاهلي
ولا عليكم امر اللي يدخل يقولي على دربه معنى اسمه

[شيهانة]

[
اخوي الوله
بصراحة..برنامجك الانتخابي ...فلة
ولو علي ارشحك من الحين..
بس عسى الادارة تخلينا يالحريم نشارك في الانتخابات
عارف ادارتنا وتعسفها..

[مستغرب]

بحجز لكم رحلات مجانيه من قصيمي نت الى دبي ومن دبي الى قصيمي نت خط العوده لمدة اسبوع مع وجبة فطور بوفيه مفتوح وسكن بفندق يمشي الحال مهما كان بيصير ازين من بيتكم
*سوف اقوم بزراعة قسم الالعاب ثيل مسطحات خضراء وبحط بوه مراجيح وزحليقات
*بتقاول مع برجس اول ما يطلع من السجن يمسك منتدى الجرائم والحوادث
*بأمن لكم بالقسم السياسي مسدسات ورشاشات عند عينه واذنه ولاكم تتفاهمون وتاصلون لوجهت نظركم باقصر الطرق وتريحون ونستريح منكم
*بفتح قسم جديد لزواج المسيار بالمنتدى والتعارف وخط الصداقه اون لاين
*بعطي المشرفين ميزات جديده كل واحد بشتري له محمول لاب توب بس ما يكون فيه ماسنجر
*ما رايح يحذف ولا موضوع بخلي الدنيا سردحي مردحي
*بحط رسائل خاصه صوتيه

صاحبتي ... لا أقصد صاحبي
الحقيقه إن برنامجك الإنتخابي مشجع ولابئس به

لكن هناك عدة نقاط لم تذكرها إلا وهي : سجل عندك

هل إذا رشحناك تبي تعبرنا فيما بعد أو لا
هل إذا رشحناك نبي نشوف منك تفاعل والا آخر الشهر تروح تقبض المعلوم
هل إذا رشحناك وشفناك بالبقالة تبي تسلم علينا أو لا
هل إذا رشحناك نبي نشوف رقعة وجهك أو لا وإلا نحلق أشنابنا

غير هذا وذاك نطالبك بوضع صورة لنشوف هل أنت مزيون أو لا

ثانيا شكل جوالك ما هو مميز وغيرك من المرشحين جوالاتهم مميزة وشكله بطاقة سوا منتهي شحنه

غير هذا ما ذكرت لنا أعمالك اللي أنت عملته في المنتدى غير الإشراف على قسم الشكاوي وشرشحة خلق الله

مو تقول لي قلت العديد من القصائد

وآخر وليس أخيرا

ابنتخبك بس بشرط ابي الف ريال

لأننا عارفين أن ما وراكم الا الدجه ومن ثما بعده الهجه

[اليمامه]

صاحبتي ... لا أقصد صاحبي



مستغرب حدد عشان نعرف ننتخب صح

[نهر الحب]

يانهر على فكره اسمك نهر من النهر الجاري او نهر بمعنى ينهر ويضجر تراي اعليمي واحب اعرف تعليل الاسامي


هو نهر ...من ينهر يعني يهاوش يعني يقول عيب الحب هذا معنى اسمي الخفي بس اللي ظاهر للناس انه نهر من حلاوة وجريان وعذوبة الحب وتدفقه وما يزهر وينمو من حوله من مدنيه ومن حياة .. . <<<<<<شكلي اتفلسف صح...
بصراحه ما أقدر ارشحك يا الوله لأنك بالقصيم وأنا بالشرقيه وانتهت الترشيحات عندنا بس اول ما يفتحونه للنساء أبشر بأني راح أكون بالمقدمه ....

[دلع عيني دلع]

الجهات اللي انبسطت من الانتخابات محلات الخطاطين والتصميم والحلاقين

ومحلات التصوير والاتصالات وراعين تأجير الخيام والكراسي وبعض الاستراحات

صدقت والله نفس كلامي .. الجرائد والشوارع كله صور .. وارقام .. وايميلات ..

ماظنتي داخلين ترشيح ....!!!!

وأتوقع اغلبهم حب للظهور وبس .. يعني وقت الأعلان وبعده يختفي ...,,

*

*

الوله .. برشحك .. بس لازم تفتح لنا صالون بقسم المرأه :)

وتحطون لنا استراحه خاصه لبنات المنتدى ...,,

يسلموووو خيووو ..

http://www.qassimy.com/vb/uploaded/aaaaaaddd33.gif

[القصيميه]

زي العاده موضوع ( بتاع كلوو)

يعني فكره حلوه واسلوب دمه خفيف.............ماشاء الله

انا رأيي ان هالانتخابات جت مفيده للي ذكرتهم حقين الاستراحات والكراسي والخطاطين...الى اخره

ومفيده من ناحيه ثانيه للحريم اللي افتكوا من تحضير العشاء لان البيه راعي البيت كل ليله يتعشى

عند مرشح .......مره خرفان ومره تيوس ومره بعارين........وواحد حاط بوفيه بالشئ الفلاني.....اكيد حديث عهد

بالقصمنه لان وحده قالت لي عن زوجها انه جاء شبعان ورويان وقال( هالعلماني )حاطن لنا بوفيه ومشروبات

طبعا لا يروح بالك بعيد المقصود مشروبات غازيه ومياه معدنيه..............مافيه الا راعين الخرفان والبعارين

انا بنتخبهم هذولا اللي يفهمون ( معاناه ) الناس.........يعني صارت قيمه الناخب من قيمه عشاه ...........تذبح خروف

تساوي خروف تذبح بعير تساوي بعير.............على فكره اقتراحاتك الاخيره بخصوص السردحي والمردحي

لو نفذت تبي تاخذ جائزه( نوفل) المخصصه للعرب عن جداره لدفاعك عن الحريات الشخصيه...

[sham]

السلام عليكم ورحمة الله وبركاته

في منتدى قصيمي نت مسموح التصويت .


مين يشتري صوتي ؟؟


*بحجز لكم رحلات مجانيه من قصيمي نت الى دبي ومن دبي الى قصيمي نت خط العوده لمدة اسبوع مع وجبة فطور بوفيه مفتوح وسكن بفندق يمشي الحال مهما كان بيصير ازين من بيتكم

اول شيء ابغى الحجز بفندق برج العرب .. 5000 ريال كمان للتسوق .

وعندي بعض مطالب اخونا مستغرب .

واليوم اقرأ بجريدة الوطن أن احد المرشحين وعد بتنظيم كاس العالم 2020 بجده ... حسبي الله ايش مفتكرين انفسهم .

على كده بيش توعد المنتدى ؟؟

دمتم بخير وتمنياتنا بالفوز

[oJ9Jl]

[
اخوي الوله
بصراحة..برنامجك الانتخابي ...فلة
ولو علي ارشحك من الحين..
بس عسى الادارة تخلينا يالحريم نشارك في الانتخابات
عارف ادارتنا وتعسفها..

بيفتح لكم الترشيح مع قيادة السيارة ان دام الوضع مثل ما هوب عليه الله والمفروض ان الانتخابات تفتح لكم لكن مالكم خص بالبلدية وشوله يفتح اسمك شفايف عنب جبت عنبتين وحطيتهن بجنب بعض عجزت اتخيل ان للعنب شفايف اذكر شفايف نمله بس عنب ؟؟؟

[oJ9Jl]

صاحبتي ... لا أقصد صاحبي
الحقيقه إن برنامجك الإنتخابي مشجع ولابئس به

لكن هناك عدة نقاط لم تذكرها إلا وهي : سجل عندك

هل إذا رشحناك تبي تعبرنا فيما بعد أو لا
هل إذا رشحناك نبي نشوف منك تفاعل والا آخر الشهر تروح تقبض المعلوم
هل إذا رشحناك وشفناك بالبقالة تبي تسلم علينا أو لا
هل إذا رشحناك نبي نشوف رقعة وجهك أو لا وإلا نحلق أشنابنا

غير هذا وذاك نطالبك بوضع صورة لنشوف هل أنت مزيون أو لا

ثانيا شكل جوالك ما هو مميز وغيرك من المرشحين جوالاتهم مميزة وشكله بطاقة سوا منتهي شحنه

غير هذا ما ذكرت لنا أعمالك اللي أنت عملته في المنتدى غير الإشراف على قسم الشكاوي وشرشحة خلق الله

مو تقول لي قلت العديد من القصائد

وآخر وليس أخيرا

ابنتخبك بس بشرط ابي الف ريال

لأننا عارفين أن ما وراكم الا الدجه ومن ثما بعده الهجه

مستغرب اشوفك معدل على ردك وشو انت قايل بعد صاحبتي وشو بها اعيونك راجع الخاص وبعدين انا ما شرشحة احد وشو بكم ما تقبلون النقد الطيف ولا عمري صرت مشرف لشكاوي بس امارس هوايتي وهي اصلاح ذات البين ماهوب انا بصير مرشح لازم يصير لي تاريخ ابيض مثل وجهي واخيرا ليس اخرا تكتب هيك يالمه لو اني ما ادري وشو يبون من الجمله اللي ما بها اختلاف بين اخرا واخيرا بس حقين اللغه يتفلسفون علينا وصدقني ان شفتك الله لا يقوله رايح اسلم عليك بس انت رشحن نبي صوتك ينبح معنا نبي زعاق ومصارخ يسمع بالتصويت

[oJ9Jl]

مستغرب حدد عشان نعرف ننتخب صح


وهي تفرق معك بشي انتي صوتي يالقوقسيه ولا عليك

[قلم بلا قيود]

إذا محتاج وكيل دعاية وتسويق مرشح تحت أمرك

دنا تمرمغت الأسبوع ذا بين المراكز الإنتخابيه للمرشحين عندنا والتفاصيل لاحقاً

103 مرشح على 4 مقاعد وعدد النخابين مايقارب 6253 صوت أقل أو أكثر

بكل الأحوال إذا محتاج خبره في البرامج الإنتخابيه الزيط ميط والحكي الهرس المرس وكم قصيده منقوله أو مغير بها الأسماء وهات مدح وردح بالمرشح نوفرها لك

أهو الهبل كثار قد المرشحين وزود والمستفيد مين ؟؟؟؟

يعطيك العافيه اخينا الوله وبارك الله فيك

على عجاله سطرنا ما سبق تقبل ولا ما تقبل وهي نبذه والباقي بعد الموافقه

قلم بلا قيود ,,,,,,,,,,,,,,,,,,, ناخب ووكيل برامج وفعاليات إنتخابيه

دمتم برعاية الله وحفظه

[مستغرب]

صوتك ينبح معنا نبي زعاق ومصارخ يسمع بالتصويت

ما عليك أنت رشح نفسك بس

وعندي لك كثيرين ينبوحون

أنت خابرن الأثل اللي في الصباخ مليانه وكلهم ربع لك ما راح يقصرون في النباح لك

بس غديهم ينسون يومك تحلت عليهم حصى

[oJ9Jl]

هو نهر ...من ينهر يعني يهاوش يعني يقول عيب الحب هذا معنى اسمي الخفي بس اللي ظاهر للناس انه نهر من حلاوة وجريان وعذوبة الحب وتدفقه وما يزهر وينمو من حوله من مدنيه ومن حياة .. . <<<<<<شكلي اتفلسف صح...
بصراحه ما أقدر ارشحك يا الوله لأنك بالقصيم وأنا بالشرقيه وانتهت الترشيحات عندنا بس اول ما يفتحونه للنساء أبشر بأني راح أكون بالمقدمه ....

اها من النهر المنع يعني اقرب ما يكون نهر يصب بالبحر ساعة ما يلتقي العذب مع المالح وبعدين من قالك اني من القصيم ما اذكر بعمري قلت اني من القصيم اكيد واحد من المصوتين مهرب معلومات عن المرشح

[oJ9Jl]

صدقت والله نفس كلامي .. الجرائد والشوارع كله صور .. وارقام .. وايميلات ..

ماظنتي داخلين ترشيح ....!!!!

وأتوقع اغلبهم حب للظهور وبس .. يعني وقت الأعلان وبعده يختفي ...,,

*

*

الوله .. برشحك .. بس لازم تفتح لنا صالون بقسم المرأه :)

وتحطون لنا استراحه خاصه لبنات المنتدى ...,,

يسلموووو خيووو ..

http://www.qassimy.com/vb/uploaded/aaaaaaddd33.gif

يا دلع ذول حقين جون تايم يستمتعون بوقتهم طق حنك بالمجالس انا المرشح رقم كذا وهوا انواع الدجه يعني ادعاء بس رشحين اصير مشرف على الشكاوي بس وبحط لكم صالون واجيب كوفيره وسواق بعد على فكره اسمك يذكرني بكاظم الساهر لايصير مسميه عليه

[oJ9Jl]

زي العاده موضوع ( بتاع كلوو)

يعني فكره حلوه واسلوب دمه خفيف.............ماشاء الله

انا رأيي ان هالانتخابات جت مفيده للي ذكرتهم حقين الاستراحات والكراسي والخطاطين...الى اخره

ومفيده من ناحيه ثانيه للحريم اللي افتكوا من تحضير العشاء لان البيه راعي البيت كل ليله يتعشى

عند مرشح .......مره خرفان ومره تيوس ومره بعارين........وواحد حاط بوفيه بالشئ الفلاني.....اكيد حديث عهد

بالقصمنه لان وحده قالت لي عن زوجها انه جاء شبعان ورويان وقال( هالعلماني )حاطن لنا بوفيه ومشروبات

طبعا لا يروح بالك بعيد المقصود مشروبات غازيه ومياه معدنيه..............مافيه الا راعين الخرفان والبعارين

انا بنتخبهم هذولا اللي يفهمون ( معاناه ) الناس.........يعني صارت قيمه الناخب من قيمه عشاه ...........تذبح خروف

تساوي خروف تذبح بعير تساوي بعير.............على فكره اقتراحاتك الاخيره بخصوص السردحي والمردحي

لو نفذت تبي تاخذ جائزه( نوفل) المخصصه للعرب عن جداره لدفاعك عن الحريات الشخصيه...

اجل العلماني حاط لهم مشروبات روحيه قصدي غازيه بدون منقنيز يا القصيميه قلم شامخ وصريح والله اني اكره الصراحه نوبات لان اليومين محد يحب الصراحه صاير بوه حساسيه منها ثلاث ارباع المرشحين اشوفهم بصالة الاسهم الصباح تاكين حاسبين الانتخابات مردود مادي جديد قصير الاجل واساسا هي منشقه من فوق وتخر من تحت خلي الشعب ياكل حقه لو فيها مديور

[oJ9Jl]

السلام عليكم ورحمة الله وبركاته

في منتدى قصيمي نت مسموح التصويت .


مين يشتري صوتي ؟؟


*بحجز لكم رحلات مجانيه من قصيمي نت الى دبي ومن دبي الى قصيمي نت خط العوده لمدة اسبوع مع وجبة فطور بوفيه مفتوح وسكن بفندق يمشي الحال مهما كان بيصير ازين من بيتكم

اول شيء ابغى الحجز بفندق برج العرب .. 5000 ريال كمان للتسوق .

وعندي بعض مطالب اخونا مستغرب .

واليوم اقرأ بجريدة الوطن أن احد المرشحين وعد بتنظيم كاس العالم 2020 بجده ... حسبي الله ايش مفتكرين انفسهم .

على كده بيش توعد المنتدى ؟؟

دمتم بخير وتمنياتنا بالفوز

يا شام بوعد المنتدى اني بقدم على ترشيح لانتخابات جديده ماحنا متعودين عليها وتراي نصاب بكل اللي اقوله وشلون اوعدكم وحنا اول مره ندخل انتخابات حنا عارفين البرنامج اللي رايح يكون بعد الترشيح ما لنا سابق تجربه بس هو كلام نردده ونقوله انتخوبوني ومالكم الا اللي يرضيكم بضغط على سموه انه ما ينطل اراضيكم وبعالج مشكلة الفقر والعنوسة والبطالة والزفلته والردم والهدم ووبحط ملعب كرة قدم تحت البحر بمدرجاته وجمهوره وبسوي سكك قطار دورين بعد وهو كلام في كلام

[oJ9Jl]

إذا محتاج وكيل دعاية وتسويق مرشح تحت أمرك

دنا تمرمغت الأسبوع ذا بين المراكز الإنتخابيه للمرشحين عندنا والتفاصيل لاحقاً

103 مرشح على 4 مقاعد وعدد النخابين مايقارب 6253 صوت أقل أو أكثر

بكل الأحوال إذا محتاج خبره في البرامج الإنتخابيه الزيط ميط والحكي الهرس المرس وكم قصيده منقوله أو مغير بها الأسماء وهات مدح وردح بالمرشح نوفرها لك

أهو الهبل كثار قد المرشحين وزود والمستفيد مين ؟؟؟؟

يعطيك العافيه اخينا الوله وبارك الله فيك

على عجاله سطرنا ما سبق تقبل ولا ما تقبل وهي نبذه والباقي بعد الموافقه

قلم بلا قيود ,,,,,,,,,,,,,,,,,,, ناخب ووكيل برامج وفعاليات إنتخابيه

دمتم برعاية الله وحفظه

موافق موافق موافق
بس اهم شي عليك بالقصايد اللي ما يلقن بقوقل تفضحنا بعد والله انك صادق كل ما شفت صورهم اقول الله يعين مستشفى النفسيه على كثر ملفاتهم

[oJ9Jl]

ما عليك أنت رشح نفسك بس

وعندي لك كثيرين ينبوحون

أنت خابرن الأثل اللي في الصباخ مليانه وكلهم ربع لك ما راح يقصرون في النباح لك

بس غديهم ينسون يومك تحلت عليهم حصى

ياشين الواحد لاصار يقاله يمون عادي يطق بابك ليلة عرسك يبي عشاء سمك والله يانت ما يصلح تصوت ولا للبعارين اذا جفلن

[العاذريه]

موضوعك مثل وجهك ..وعادي مابكم زود عن بعض يالمرشحين
يعني صبوه واحقنوه....... والترشيح يخب عليك يالوله
انت المفروض انتخابك على نطاق العائله ينتخبونك تشتري مقاضي بس..هذا اذا ماضيعت الورقه بعد
وخلك حليل يحبونك اهلك ياخلفهم ههههههههههههههه

[مستغرب]

ياشين الواحد لاصار يقاله يمون عادي يطق بابك ليلة عرسك يبي عشاء سمك والله يانت ما يصلح تصوت ولا للبعارين اذا جفلن

تعرف الوله

إنك ما تفرق بين الإسلوب الساخر في النقد والإسلوب البذيئ في النقد

خذ لك دورة في الساخر لمعرفة المزيد عن كيفية النقد الساخر والكلمات الساخره البقه في النقد

لذلك أعتقد أن ليس هناك من يرشحك سوى الإصوات البذيئه

[oJ9Jl]

موضوعك مثل وجهك ..وعادي مابكم زود عن بعض يالمرشحين
يعني صبوه واحقنوه....... والترشيح يخب عليك يالوله
انت المفروض انتخابك على نطاق العائله ينتخبونك تشتري مقاضي بس..هذا اذا ماضيعت الورقه بعد
وخلك حليل يحبونك اهلك ياخلفهم ههههههههههههههه

اعوذ بكلمات الله التامات من شر ما خلق
يالعاذريه ما ادري وراه عجزت اتخيل انك بنت ما تحملين من الانوثه الا اسمك وسواليفك مثل سواليف دحيم وادحيم هذا ولد بحارتنا بس يمشي وينشق اذا كان على صوتك ما نبيه لو ما بوه بالديره غيرك ينبح ما ابيه يا خلفهم كم مره اقولك خلك حليل يحبونك اهلك

[oJ9Jl]

تعرف الوله

إنك ما تفرق بين الإسلوب الساخر في النقد والإسلوب البذيئ في النقد

خذ لك دورة في الساخر لمعرفة المزيد عن كيفية النقد الساخر والكلمات الساخره البقه في النقد

لذلك أعتقد أن ليس هناك من يرشحك سوى الإصوات البذيئه

مستغرب تسمع بالساخر ولا تدري شوو تحسبه اعلاج للكحه اذا هي على الساخر ترانا حنا اللي ماسسينه يوم انت معك دنينه بسيم وشو انت مسوي بالموضوع لافه 180 درجه انت واللي فوقك وين ابو فيصل عنكم ابو بس جيد علي انا يا بو فيصل تعال شف هالوليد المصلح اشغلن من يوم نزلت الموضوع وهو متعلق بثوبي تقل حال له قسط

[العاذريه]

اعوذ بكلمات الله التامات من شر ما خلق
يالعاذريه ما ادري وراه عجزت اتخيل انك بنت ما تحملين من الانوثه الا اسمك وسواليفك مثل سواليف دحيم وادحيم هذا ولد بحارتنا بس يمشي وينشق اذا كان على صوتك ما نبيه لو ما بوه بالديره غيرك ينبح ما ابيه يا خلفهم كم مره اقولك خلك حليل يحبونك اهلك

ولو..... ماتيوز عن طبايعك
<<< تكلم كويتي اغديك ماتعرفه
اقولك ياخوي انت وين والترشيح وين ..يعني انت يالله الوحد ينطم الا بغا يقولك كيف الحال يخاف تنزره وتنسية اسمه ..
وبعدين بقولك مثل ماقالك زين الحلايا اذا عرفت تفرق بين الساخر والبذيئ بالنقد يمكن بعد مهب اكيد اصوت لك ياخلف المنتدى كله انت وابصير حليل عشان يحبوني اهلي

[موت & ميلاد]

مادام الدعوى فيها دبي

خلاص ارشحك بالثلاث :)

[نهر الحب]

وبعدين من قالك اني من القصيم ما اذكر بعمري قلت اني من القصيم اكيد واحد من المصوتين مهرب معلومات عن المرشح


لايكون من فرنسا وانا ما أدري ؟؟؟؟؟ كل الكلام اللي ما كنت أفهمه من هرجك واجيب لي مترجمين يقولون لي انها لغه منقرضه من وسط غرب جنوب القصيم >>>>>>>>>>>>> لاتشك بالمصوتين ..حراااام مالهم ذنب أنت اللي ما أحسنت التنكر ههههههههههههههههه قال مش قصيمي قااااال ( يا زينك ساكت )

[oJ9Jl]

ولو..... ماتيوز عن طبايعك
<<< تكلم كويتي اغديك ماتعرفه
اقولك ياخوي انت وين والترشيح وين ..يعني انت يالله الوحد ينطم الا بغا يقولك كيف الحال يخاف تنزره وتنسية اسمه ..
وبعدين بقولك مثل ماقالك زين الحلايا اذا عرفت تفرق بين الساخر والبذيئ بالنقد يمكن بعد مهب اكيد اصوت لك ياخلف المنتدى كله انت وابصير حليل عشان يحبوني اهلي


الحين انا والا نت اللي ما يجوز عن طبعه ما عندي من الشيطان طريق وطلعتي لي تلحطين وتبين اسلم العاذريه تراي ما نيب اشرشح الا اللي احس انهم طيبين ويقبلون المزح لا تشرهين وما بالخواطر شي غير اين مالي خلقك صاير لك السانين واحد يدق والثاني يعض

[oJ9Jl]

مادام الدعوى فيها دبي

خلاص ارشحك بالثلاث :)

اول مره تشرفين موضوع للوله على شان كذا مانبي نقول شي بس ترى الترشيح تصويت مو طلاق بالثلاث على فكره اسمك متشأم اوي ترا الدنيا ماتسوى

[oJ9Jl]

لايكون من فرنسا وانا ما أدري ؟؟؟؟؟ كل الكلام اللي ما كنت أفهمه من هرجك واجيب لي مترجمين يقولون لي انها لغه منقرضه من وسط غرب جنوب القصيم >>>>>>>>>>>>> لاتشك بالمصوتين ..حراااام مالهم ذنب أنت اللي ما أحسنت التنكر ههههههههههههههههه قال مش قصيمي قااااال ( يا زينك ساكت )

يانهر يعني ماهوب واضح علي اني من لبنان والله يانتي حدتي وسط القصيم بالملي متر للاسف تسجيلي بالمنتدى القصمنجي اثر على لهجتي البنانيه يالله شو انتم حمشين

[أم أديم]

انا برشحك اخوي على قسم الالعاب

عشان تنظف كلمات الغزل اللي فيه

لاعدمناك اخوي

[oJ9Jl]

انا برشحك اخوي على قسم الالعاب

عشان تنظف كلمات الغزل اللي فيه

لاعدمناك اخوي

ام اديم قسم الالعاب ما يبي تنظيف يبي مسح مضيع وقت كثير من الاعضاء بقدرتهم يكتبون بالعام ومثقل التصفح امس اشوف عضو مشاركاته فوق الالفين وانا اول مره اشوفه لقيته ارمي البيضه ومن اللي بعدك

[jennifer]

هاااي الوله
انا ممكن ارشحك لكن بشرروووط

اول شئ:

ابغااك تعمل لي قنصليه للي بالي بالك (يااعمري على جماالهم ) صغييييييييييرا حتى لو صندقه ....بسس اهم شئ تستوعب الدانسينق ..
وما ابيها الا ببريـــــــــــده ..

حتى لو في بيتك
عشاااان اذا جاو يلقون لهم مكاان


وابي كــــــــــــل شهر تعمل لنا حفلة دانسنق
ولــــــــك مني تصوويت انا وكـــــــــــــل بناااات الجامعه
هاااه.. وش رايك!!








اكيـــــــــــــــــــــــــــــد موافق



الله يعيني علليكم بسس

[سيف العداله]

الوله

يكفي موضوع رجع محبوبة جستن بعد غياب

وهذه فوائد مرشح الصباخ الوله :)