المساعد الشخصي الرقمي

مشاهدة النسخة كاملة : هل القصيم في نجد أم الشمال ؟ ( تصويتك )


شااافي
11-05-10, 12:58 PM
بسم الله الرحمن الرحيم

أهلا بكم أعضاء وزوار منتديات قصيمي نت الغاليه على قلوبنا جميعا ...

أحبتي في هذا الصرح الشامخ , أحبتي في هذا المنتدى المعطاء , نحن نعلم جميعا أننا في وطن

واحد ولن نتفرق عنه بإذن الله سبحانه , لكننا نعلم أن هذا الوطن المعطاء مجزء غلى مناطق متعددة

فهناك القصيم و الرياض و جدة وغيرها , لكنني هنا أنظر لهذا الجانب من منظور آخر , كيف ؟

نحن نعلم أننا نصنف مناطقنا فمثلا منطقة الوسطى و منطقة الشمال و غيرها وكل مدينة غالبا تتبع

لمنطقة أكبر منها فمثلا الرياض في المنطقة الوسطى , لكن لنأتي لديرة العز - القصيم - و ننظر

اين موقعها هل هي في الشمال كما يقول البعض أم في الوسطى ( نجد ) كما يقول البعض مع أنها

جغرافيا بين هذا و ذاك , فأنا أريد تصويتكم لنرى آرائكم هل نحن في الوسطى ( نجد ) أم في نحن

في الشمال ؟

مليويص ( تركي ) (q41)

Oo ريم oO
11-05-10, 01:38 PM
المعروف عند الجميع انها بنجد ....


لكن الملاحظ ان لهجه اهل القصيم تتشابه جدا مع لهجه اهل الشمال مما يعني انها اقرب للشمال من نجد ...



في اعتقادي فقط ...(hjh)

عبدالله آل موسى
11-05-10, 02:06 PM
متمركزه بين الغرب والشمال ونجد

ولكن تاريخيا ً تعود إلى نجد

عــزالخــوي
11-05-10, 02:09 PM
لمنطقة أكبر منها فمثلا الرياض في المنطقة الوسطى , لكن لنأتي لديرة العز - القصيم -



هي تابعه لمنطقة العز(q84)

&*غروب*&
11-05-10, 03:58 PM
ياديرة العز ياديرة هلي:D

زي ماقالك ابي الاسلام

القصيم نجديه ياجعلي فدوه لروابي نجد

ماعدا الرياض(qq166)

امزح (ern)

وماراح اجاوب ع الاستفتاء لانه معروفه انه من نجد

من قبل مايضعونها بالمناهج (qq166)

وع هذا استفتاءك ماله داعي مع احترامي لك :)

ستيف نبراسكا
11-05-10, 04:51 PM
الشمال بريئ منكم براءة الذئب من دم يوسف (qq166)















ولاينسى التاريخ ان اهل نجد تبرعوا لاهل الشمال

ببطانيات ومساعدات عينيه اثناء موجه الصقيع قبل العام


تخيل نفسك سعودي .... ويجيك تبرع بطانيه من مواطن سعودي ثاني



كأنك قاعد قدام مسجد .... ولا كأنك مواطن لك حق مثلهم !!!





ياخي بس السالفه هذي تؤكد لك ان القصيم من نجد

وان الشمال .... غير ... الشمال يتبرعون له بالبطانيات (qq15)



تحياتي لك



اول مره اشوف الثوابت يسوى عليه تصويت (q30)

&*غروب*&
11-05-10, 05:23 PM
اول مره اشوف الثوابت يسوى عليه تصويت (q30)



ايه والله


لازم اوضح نقطه لانه فيه ناس الله يعافيهم ولا يبلانا يفهمون غلط(q30)

لو نسال حايلي نقول له حايل مو من نجد راح

يقول لا والله من الشمال يقولها بكل فخر

وفخره هذا(q39) ماينقص من نجد شي

اللي ابي اقوله انه كل يحب يفخر بديرته

ومايرضى ع الثوابت (q31)


والصراحه وربي يشهد علي اني احب الشمال

واجب الكشته لمه وصارت خلاص بينا وبينهم رحم و دم

ومارضى عليه

فـ توبك و حايل و عرعر والقريات وسكاكا كل الشمال

في قلوبنا

Galaxy * - *
11-05-10, 05:41 PM
من رأيي في الشمال

أقرب للشمال من ناحية المسافة ومن ناحية العادات واللهجة وكل شيء

مابقى الا تشتركون في الدحة (q31)


مدري ليش القصمان يتلزقون في نجد (q84)

ستيف نبراسكا
11-05-10, 05:43 PM
وفخره هذا (q39) ماينقص من نجد شي

اللي ابي اقوله انه كل يحب يفخر بديرته






نعم .... نعم .....


فخر مواطن بديرته او مسقط رأسه لايعني الانتقاص من الاخرين



كلك مفهوميه ياغروب .... شكراً

ستيف نبراسكا
11-05-10, 05:46 PM
مابقى الا تشتركون في الدحة (q31)








لاحظتك اكثر من مره تشيرين للدحه

الحه هي فلكلور شعبي خاص للعنوز فقط


قبيلة عنزه العريقه


في افراحهم وعروسهم يقيمون الدحه

السوريين مثلاً الدبكه

شمر مثلاً السامري

اهل نجد مثلاً العرضه

وهكذا ... وهيك يعني (qq15)




لاتعمين اهل الشمال بالدحه ... هذا قصدي من الرد


وتحياتي لك

Galaxy * - *
11-05-10, 05:51 PM
لاحظتك اكثر من مره تشيرين للدحه

الحه هي فلكلور شعبي خاص للعنوز فقط


قبيلة عنزه العريقه


في افراحهم وعروسهم يقيمون الدحه

السوريين مثلاً الدبكه

شمر مثلاً السامري

اهل نجد مثلاً العرضه

وهكذا ... وهيك يعني (qq15)




لاتعمين اهل الشمال بالدحه ... هذا قصدي من الرد


وتحياتي لك [/CENTER]


لا

ولد حمده يقول حقت عيال شمر (q31)

ستيف نبراسكا
11-05-10, 06:46 PM
لا


ولد حمده يقول حقت عيال شمر (q31)



ولد حمده ماهو مرجع ولا مؤرخ (qq15)(qq15)


انا متأكد من كلامي زي ماني متأكد ان هذا منتدى قصيمي نت


تحياتي لش (q30)

الشامخه بنت الشمال
15-05-10, 08:29 AM
الشمال بريئ منكم براءة الذئب من دم يوسف (qq166)
















ولاينسى التاريخ ان اهل نجد تبرعوا لاهل الشمال

ببطانيات ومساعدات عينيه اثناء موجه الصقيع قبل العام


تخيل نفسك سعودي .... ويجيك تبرع بطانيه من مواطن سعودي ثاني



كأنك قاعد قدام مسجد .... ولا كأنك مواطن لك حق مثلهم !!!





ياخي بس السالفه هذي تؤكد لك ان القصيم من نجد

وان الشمال .... غير ... الشمال يتبرعون له بالبطانيات (qq15)



تحياتي لك




اول مره اشوف الثوابت يسوى عليه تصويت (q30)


\بالله احلف انت وجهك البطانيات الي تسوالف عليهن مو منكم يااهل القصيم ((مو مشاء الله معروف عندكم الكرام )) .. الله يخلي الملك عبد الله .. ترا الدنيا دوره يوم لك وعشره عليك ... ارجع وانا اختك قبل 50 سنه واسال منو الي ذبحه الجووع غيركم يااهل نجد ..

الشامخه بنت الشمال
15-05-10, 08:31 AM
لاحظتك اكثر من مره تشيرين للدحه

الحه هي فلكلور شعبي خاص للعنوز فقط


قبيلة عنزه العريقه


في افراحهم وعروسهم يقيمون الدحه

السوريين مثلاً الدبكه

شمر مثلاً السامري

اهل نجد مثلاً العرضه

وهكذا ... وهيك يعني (qq15)




لاتعمين اهل الشمال بالدحه ... هذا قصدي من الرد


وتحياتي لك [/center]

بس اغلب اهل شمال عنوززززززززز

خالد جارالله
19-05-10, 06:21 PM
من المعلوم ان بلاد الـقـصـيــم في عليا هضبة نجد وهي شمال هضبة نـجـد ولا تتشابه مع أهالي الشمال لامع لهجتهم ولا عاداتهم وتقاليدهم ومنطقة القصيـم هي ثاني منطقة في نجد بعد منطقة الرياض وهي اكبر ديار نجد بعد منطقة الرياض وبعض العلماء يقولون ان جنوب مدينة حائل يدخل ضمن اقليم هضبة نجد

الآمـاكـــن
22-05-10, 05:37 AM
عذرونـي ملقوفـه شويه
علي حسب علمي انها بالشمـال
والله اعلـم

مراجل انثى
22-05-10, 10:04 PM
نشكر للجميع المشاركه ولكن رسالتي للاخ ستيف شكله صدق وافد بمعنى اخر انوه ما يدري وش السالفه
البطانيات الي توزع في الشمال اثر موجة برد وصقيع اثرت على الجميع في الشمال وتضرر منها الغني والفقير
والبطانيات الي تحكي عنها دفينا فيها انفسنا ومواشينا لان اهل الشمال اغلبهم يعملون بزراعه والرعي حتى عمالتنا استفادة منهن مع اني ما شفتهن لكن جزي الله ا لشدائد كل خير عر فتني صديقي من عدوي وان كنت يا ستيف تعيب اهل الشمال في الباطنيات فأنت تعيب زماننا لان اهل الشمال اهل عز وفخر ولا يشرفنا ان تنتسب القصيم الينا اهل الشمال لانوه انت منهم
تقلبو مروري

مراجل انثى
22-05-10, 10:09 PM
عزيزتي الشامخه كلن يغني على مفهومه الدحه لاتمت لاعنزه بشي هي رقصة الشرارات الاصليه
فى الشمال بس وما انتم عنزه الا استفتو من روعة الدحه ولا تنسب لعنزه وهي معروفه اصلها وفصلها فى الشمال بلا فلسفه

=مها=
25-06-10, 06:32 PM
الحمدلله والشكر القصيم من نجد يمال الصلاااااااااااح ...... قال تصويت قااال ......

سنى البدر
26-06-10, 12:11 AM
المعروف أنها في شمال نجد

أول مرة أسمع أنها في الشمال

\\ المتألق \\
26-06-10, 12:52 PM
كنده منطقة عربية قديمة تقع في وسط الجزيرة العربية

وهي ماتسمى الان *** منطقة نجد ***


ومعروف بأن القصيم وجميع مدنها تعتبر شمال نجد

وفي غرب تلك المنطقة وقت اياما للعرب لاتنس كيوم خزاز وغيره

وكذلك يوجد بمنطقة القصيم حمى كليب والزير سالم وعمرو بن كلثوم وغيرهم ..


ولم أسمع قولا واحدا يقول بأنها من المنطقة الشمالية ...



أهل الشمال :

إخوان وحبايب ومعروف عنهم سماحة النفس وطيب الخاطر ( وعلى العين والراس ) وربي


لكن هذا لايتنقص المنطقة الشمالية اذا قلنا بأن القصيم ليس من الشمال

بل من منطقة نجد الحبيبة ( كندة قديما )

وهذا فقط من اجل ايضاح الحقائق فقط لاغير ..


.....

بـدويـه من نـجد العذيه
01-07-10, 09:55 PM
اللهم صل على محمد وعلى آله وصحبه أجمعين

ام شقا
07-07-10, 12:16 AM
:126:اقول بلا هياط كلنا عيال ديره احسن شي تماسكو الشواش وش هالحتسي هع

بدووون عنوان
07-07-10, 01:24 AM
طيب


وش الفرق سواء كانت من الشمال او من نجد
يعني اذا انتمت الى احدى المنطقتين راح ينقص من قيمتها شيء
الشمال لة وضعة وقيمتة وعزتة ونجد نفس الشيء

:whwhwh:

ليس الفتى من قال كان ابي
ان الفتى من قال هائنذا

البشوشه
07-07-10, 03:46 AM
المعوف من نجد ولم نسمع انه من الشمال

ابوعبدالله التميمي
13-07-10, 06:34 AM
نجد عزنا وفخرنا