ياخالده

[طايل]

السلام عليكم ورحمة الله وبركاته



الود والاحترام مقدم


ياخالده في ذاكره تجبر البوح = تبحث عن السين البعيد وجوابه
اليا متى في وضعنا لعبة اللوح = ومن بيننا الكوره تدور بغرابه
جسر الوصل لو ينعبر غير مسموح = مكتوب قدامي تراجع خرابه
حتى اللقاء قبل الجسر غير مسنوح = الارض من حوله افاعي وغابه
ما ينشرح وضع ٍ على الوجه مشروح = تُقراء على وجهي ملامح كأبه
قضت ثلاث سنين بالود ومزوح = واليوم شفنا الوقت كشر بنابه
من بعد ماكانت حدائق بها فوح = اقراء تراتيل العزاء في غيابه
تحطم بعيني تماثيل وصروح = العاشق المجنون ماتت ركابه
شفت الامل مذبوح من وين ما اروح = وحمامته ناحت وداع وصبابه
حتى قصيد اللي تحاكا مع الروح = يشرح تفاصيل الألم في خطابه
حتى القلم جاوب على حرفه النوح = يقول بعد الزين مابه رحابه
ارجع على قلب ٍ من البعد مجروح = ينزف على جال التباعد صوابه
شفت الغريب اللي من الضيم مذبوح = محدا ً خذا واجب عزاه ودرابه
يشبه فؤاد اللي من الشوق مفضوح = مزق جفاء خله صحايف كتابه
دمه على الصخره من البعد مسفوح = ياكاتب التاريخ سجل عذابه
سجل عذاب اللي بالاقفاص مطروح = بداية الفرحه عذاب انتهابه

طايل

[فهد بن زيد]

صح لسانك ياجزل المعاني
وشاعرنا طايل مبدع الالحاني
لاهنت على هذا التميز البركاني,,
اعجبتني وراقت لي تصاويرها الابداعية ,,
من شاعر متمكن يجيد لغة الارتقاء لقمم التميز ,,
لك عاطر التحايا وازكى السلام

[نوره]

ياوالله اللي صح الله لسانك
لديك حبكه عجيبه
لاهنت يارب ولاهان مغليك
أثرت الدمعه
مبدع اخوي طايل

[شريف الشمال]

حيالله الود وبالاحترام المبجل يا طايل هلا


صح ياصح

أرويتني حد الثماله لاهنت ولاهان مغليك

صح لسانك ياخالد

تحياتي ودي

[شــتآت]

رائع اينما تحل شاعرنا طايل..

قصيده تأسر النفوس بجزالتها وروعتها..

صح الله لسانك...

دمت..

[ღ° أفراح هلاليه°ღ]

ابيات رائعه كروعتك

يسلمووووو

[جود القمر]

طايل
،
،

ذالك الشاعر الذي مهما طال بنا الغياب

إلا ان قصائده تبقى خ ـالده في ذاكرتنا..

،

البركان الثائر

يعجز قلمي ان يوفيك حقك .. فـ/ تقبل شكري وإعجابي

بـ.. ماخطه قلمك .. وج ـادت به قريحتك ..

صح قلبك .. ودام نبضك ..

،
،

احترامي وتقديري

[بنت الأسياح]

صح لسانك وسلمت أناملك ع القصيده الرائعه
والله يعطيك العافيه
دمت ودام نبض قلمك لاعدمناك