سواق الطيارة

[رامز]

هذه سالفة حصلت لي قبل أكثر من أربعين سنة يوم كنا نسكن في حي الشميسي القديم في الرياض ، حيث كنا مجموعة من الأولاد جالسين في السكة شوي إلا جا واحد ساكن في طرف الحارة وسلم علينا وكان لنا حوالي عشرة أيام ما شفناه وسألناه وين كنت فيه قال توي جاي من سوريا ، سوريا مرة وحدة قال ايوه وانبسطنا هناك وجلس يسولف علينا عن سوريا وأكل سوريا لين تقاطرت سعابيلنا ، المهم قال وفي الرجعة يوم قربنا للرياض في الطيارة طاح سواق الطيارة مغشي عليه وحاولوا يصحونه ما فيه فايدة وقالوا يا ناس من يعرف يسوق الطيارة ولا أحد رد وكرروها مرة ثانية ولا احد رد والله يوم شفت الدعوى كذا رفعت اصبعي وقلت انا اسوق بكم وخذوني وجلسوني في كرسي الطيار وكان فيه واحد جالس جنبي وسالته من انت قال انا مهندس الطيارة قلت له اذا قربنا من المطار علمني وبعد شوي قال لي شف المطار تحتك واطالع واشوف الزفت زي الخط الاسود والف بالطيارة عليه يوم قربت واحط القير بالثالث وبدت الطيارة تهدي السرعة وابدا انزلها يوم قربت مرة وحدة وانزلها على أوله ويوم مشت شوي واحطها في الثاني وكعت الطيارة وهدت السرعة مرة وحدة وامسك الدركسون علشان ما تلف لا يمين ولا يسار لين وصلنا مبنى المطار واحطها في الواحد واخليها تمشي شوي شوي وبعدها وقفتها وطفيت الطيارة وجوني الناس ويسلمون علي ويشكروني ، وقلنا له ما شاء الله عليك ومشت علينا السالفة ، وبعد شوي لقيت ولد عمي في المجلس وقلت له السالفة وصار يمسك بطنه من الضحك وقلت له لا تضحك هذا انقذ ناس فقال وينه خلني اتفل في وجهه ونطلع للسكة ما لقيناه وقام شرح لي عن الطيارة لأنه كبير ويفهم بعدها جمعت الشلة وعلمتهم ورحنا ندوره يوم لقيناه ونجلس نتمسخر عليه لين شمر وجهه وبعدها اشتهر في الحارة بعيارة سواق الحمارة .

[جــــلاد]

الله يوسع صدرك(gfp)
ذكرتني بدورة اخذتها بكرانيا بسواقة الطيارة (qq69) كنت احسب الطيارة مثل السيارة
بس تصدق الطيارة اسهل من السيارة مليون مررررره(q50)

[ابــوفــيــصــل]

مشكوووووووور على الموضوع الرائع

[زهـــ(الجوري)ـــرة]

مســـــــــــــاء الخيــــــــــــــــر....



ههههههههههههههههههههههههههه....



..هذه سالفة حصلت لي قبل اكثر من اربعين سنه....


الأخ ...شــــــــــــــــايـــــــــــــــــب...


احســـــــــــــن يستاهـــــل ...

كان اسويتوا لوه اكثر....

الله يعطيك العافيه ...


ومشكوووووووووووووووووووووووووور....

[المُهرة]

ههههههههههههههههههههههههههههههههههه

يستاهل ذا التسذوب
(q67)

رامز

(r50yty)

[مستغرب]

هههههههههههههههههههههههه

ذكرتن باللي يقول ان مره الطياره مالت بنا وحنا بالجو والله واقرب لطرف عماره وخلي الطياره تحك فيها وتتعدل

رامز على كذا تعرف انت بشير شنان

[رامز]

الأخ جلاد ، معقول الطيارة أسهل من السيارة ، طيب البدوي في البر يقدر يسوق الددسن يالله خل نركبه طيارة واتحداه يشغلها مو يسوقها ، ويعطيك العافية على المرور .

[صانع الأمجاد]

مرة سافرت في الطيارة وكنت متعب أول ما طلعت نمت على طول

شوي أصحى من الإزعاج لأن سواق الطيارة صجني بالبواري وكل شوي ولا هو يفرمل لان الطريق من جدة للقصيم مزحوم زي ما تعرفون

رحت قلتله يا ابوي على جنب

المهم جنبني ونزلت بالبرشوت على المدينة قعدت فيها يومين بعدين أخذت سكوتر على القصيم

ويش رايكم في هالطيارة>>ههههههههههههاي

مشكور يالشايب رامز >>قبل أربعين سنة>>>يا جدو


صانــــــ عجائب الطيارات ـع الأمجاد

[رامز]

الأخ أبو فيصل مشكور على المرور .
الأخت زهرة الجوري ، ماني شايب لكن حول الستين ، ومشكورة على المرور .
الأخت المهرة مشكورة على المرور .

[رامز]

الأخ العزيز مستغرب ، عادي يعدل الطيارة ، المشكلة هذي سوالف ناس ما قد شافت طيارة إلا بالسما ، أما بشير طبعاً أعرفه ، وهل يخفى القمر ، تسلم لي على المرور .

[رامز]

الأخ صانع الأمجاد ، بصراحة الطيار ماعنده سالفة المفروض يكبس بالنور مو يزعج النايمين بالبواري ، وعلى سالفة البراشوت أقول لك قصة حقيقية حصلت مع وحدة من قريباتي وكانت رايحة من الرياض للطايف مع عيالها وكان ذاك اليوم مهوب صاحي مطبات هوائية عنيفة وخافه المره وبدت تصرخ لين جتها المضيفة وتصور وش قالت لها ، قالت للمضيفة عطوني براشوت ابي أطب أنا وعيالي وضحكوا عليها عيالها واللي حولهم ، تسلم لي على المداخلة .

[اليمامه]

والله صاحبكم تسذوب رسمي وعرف يظبطها


اعتقد ماكان فيه تلفزيونات زمان


او مو متوفره للجميع عشان اقدر اقول متأثر بالأفلام



أقول لك قصة حقيقية حصلت مع وحدة من قريباتي وكانت رايحة من الرياض للطايف مع عيالها وكان ذاك اليوم مهوب صاحي مطبات هوائية عنيفة وخافه المره وبدت تصرخ لين جتها المضيفة وتصور وش قالت لها ، قالت للمضيفة عطوني براشوت ابي أطب أنا وعيالي وضحكوا عليها عيالها واللي حولهم ، تسلم لي على المداخلة .



قسمآ بالله انها بعد منسمه اكثر من سواق الطياره


وضحكتني مررررره الله يسعدها آمين

ولاتنسى تسلملي عليها ام براشووووت