ابحث عن الامان

[صمت الدروب]

انا متزوجة من سنه و8 شهور بس ما احس مع زوجي بالامان مدري ليش صح هو دايم صامت وغامض مايسولف معي واحيان يسوي شي بدون ما ادري بس اكشفه بس ما اقولة كم اتمنى انا نكون زوجين بمعنى زوجين نشكي لبعض نسولف مع بعض حتى لما اكون زعلانه او مضايقة ما يسال عني ابدا ودي القى حل واسفه على الاطالة

[آسية**]

الله يكون في عونك000بس زوجك له اهتمامات معينه
أوهويات معينه أيا كانت000أنتظر ردك00

[توليب2]

ياقلبي عليك ...


كلما كان الزوج غامض كلما انعدم الامان في قلب الزوجه والعكس صحيح

طيب تحسين انه يسولف مع امه واهله عادي ...؟

معناه بيسولف معاك زيهم بس لازم يفهمك الاول ويكون بينكم مواضيع مشتركه

له اصدقاء كثير ... يكلم بالجوال كثير ...؟ اذا الاجابه نعم

مثل ما قلت لك مابينكم اهتمام مشترك او مواضيع تتكلمون فيها

اذا هو يدخل نت كثير ترا النت يستنزف الطاقه للحديث

والله يكون بعونك

[نكهه القهوه]

يا حبيبتي مصيره يتغير
ففيه نوع من الرجال صامت
انتي سولفي معه وامزحي
واشكي همومك
ان شفتي تجاوب ولاتكثرين عليه غهو من نوع لايسولف ولا احد يسولف عليه
وانشاء الله يكون له جوانب حلوة واكتشفيها
اح

[عبدالله رسام]

مثل ماقالوا الاخوات قد يكون طبعه كذا وتربى في بيتهم بهذه الطريقة؟ لكن انت حاولي تساعديه يعني شوفي وش الموضوع اللي يحب يتكلم فيه ،، الموضوع اللي يرتاح له وحاول تتكلم معه فيه حتى لو ماكان من ضمن اهتماماتك؟ يعني مثلا هو يحب الكورة وانت مالك فيها حاولي تشاركينه وتثقفين نفسك وتدردشين معه اذا كان يرتاح لهذا الشيء؟
حاولي تشركيه في بعض الامور اللي تهمك وتبدي له ان رايه مهم بالنسبة لك؟ حتى لو كانت فكرته ماتجي على مزاجك؟
انت لسه باول المشوار اصبري وادعي ربك بالهدايه والتوفيق0

[qassimyh]

عموما الصمت ببدايه الزواج افضل حاولى تفهمين شخصيته

وشوفى يمكن طبيعته ابو الهول اسألى اهله خواته

والله يعين عموما الاغلبيه كذا لاتزعلين نفسك ولاتفكرين واجد

[صمت الدروب]

الله يفرج هم كل من رد عليه بالنسبة لي ما قلت لكم ان فارق السن بيني وبينه هو20 سنه ادري كثير بس هذا النصيب انا متاكدة ما عنده علاقات بعد الزواج رجل اعمال حاولت اشوف وش هي اهتماماته بس ماله شي معين قليل الكلام حتى مع اهله بس انا صامت مرة حاولت معه بكل الطرق بس بدون فايدة احيان اجلس اتكلم واكتشف اني اتكلم مع نفسي ماهو معطيني وجه تعبت نفسيا صرت اخاف منه اخاف اذا سويت شي حتى مو شي غلط او كبير اقوله واذا درى ما اعرف ابرر له من الخوف الي احس فيه واسلوبه الجاف واحيان الجارح في الكلام عندي بنت هو طاير فيها ويحبها كثير الفترة الاخيرة صار يبعد عني حتى بفراشه بدون سبب والله العظيم مو مقصرة معه ابدا قايمة بكل امورة ودي القى الحل

[بدووون عنوان]

اختي الكريمة
اولا فارق السن بينك وبينة مو بسيط
ثانيا لاتنسين انك انسانة في بداية حياتك ومتطلعة لاشياء كثيرة جدا واحلام لاتنتهي كأمرأة حديثة زواج
وزوجك انسان كبير بالسن عركتة الحياة بكل محاورها وهو يميل الى الهدوء والسكينة وقلة ردة الفعل .
لان خبرتة في الحياة علمتة اشياء تفتقديها انتي
ها1
لذلك اختي الفاضلة ماعليك الا الصبر والصمت ومحاولة مجاراتة على ماهو علية
فاذا صمت فلا تحاولي اثارتة بالكلام .
ولا تتابعية بنظرات العتب والدهشة والاستغراب فهو يقرأها من خلال وجهك وتصرفاتك
حسسية بالامان وبأنة هو ملاكك وبأنك محظوظة جدا بلاقتران بة .
ولاتحسسية ابدا بعقدة الذنب والتقصير
ها1
خلي ردة فعلك اكبر بكثير من اي تصرف جميل يتصرفة .
وامدحي اقل شيء يسوية مهما كان بسيط
حتى يشعر بالامان والرضى
واصبري على صمتة بمداعبتك لبنتك والمزح معها ومحاولة نشر السعادة في البيت ولا تحاولي ان تخلقي اجواء عدم الرضا عن الوضع .
بقليل من الصبر والحكمة ومحاولة قبول الرجل بوضعه راح تحسسية بان اهميتة في البيت كبيرة .
ولا تحاولي الانتقاص من قدرة وقدرتة ففارق السن بينكم يجعل التوافق صعب ويحتاج الى المزيد من الوقت والصبر

انا متأكد ان حياتك راح تكون افضل بكثير وراح تكوني سعيدة جدا لانك حريصة على هذا الشيء
زوجك انسان تفكيرة كبير ويحاول ان يخلق جو مناسب لبيتكم
فكوني عونا لة

دمتي بسعادة لاتنتهي
(q83)