حرب صامتة بيني وبين نفسي .. ياترى مالحل ؟

[شيخة الكعبي]

http://www.jewelsuae.com/sh3arat/jewelst-r7eb1.gif


السلام عليكم ورحمة الله وبركاته ...


بداية : لا أحد يشك بأننا أسرة واحدة .. ومن هذا المنطلق كتبت موضوعي هذا هنا .. وأنا أعلم أنكم لن تخذلوني بالرد ..


فما خاب من استشار



قد يكون الموضوع في نظرة البعض بسيط ولكنه بالنسبة لي مسألة مهمة جدا حيث يترب عليه مستقبلي ..



تساءلت كثيرا ورجعت وناقشت نفسي ولكني لا اجزم على رأي محدد .. لا ادري لم عله الخوف من النتائج المخبوءة في القدر !!!


احترت واحترت كثيرا ... أأترك الجامعة وارجع للمنزل .. بعدها تعبت و (زهقت ) ولا ولن استطيع تكملة المشوار الذي بدأته .. اعلم انها غلطتي في البداية ولكن الحياة تجارب ولايولد احد عالما ...


ماذا أفعل مللت الحياة الجامعية .. كلت يميني وضعفت قواي النفسية .. لم اعد قادرة على الانجاز كلما تقدمت خطوة للأمام أرى اني اتراجع خطوووووووووات للوراء ..


قد يكون السبب في المقدمة هو قهر الدراسة وضنكها ... والظلم الذي نعانيه


ولكن : حياتي متعلقة بالجامعة .. علي ان احصل على الشهادة حتى استطيع ان اعيش مثل بقية الناس .

في هذا الزمن كل شيء تغير .. حتى أن اهل الشهادات لا يحصلون على وظائف .. وانا لااملك الا شهادة ثانوية عامة ( أمحق شهادة )



دلوني على الطريق الصح ! أأخرج من الجامعة وادرس بكلية قريبة من منزلنا ؟؟


ضاقت علي الدرووووووب لا استطيع اكمال المشوار ... كل ما حولي أراه باهتا .. لا ارى الحياة بل لم اجد السعادة هنا !



انتظر منكم التفاعل معي ...


أختكم احزان قلب .. اقصد طالبة مستقيلة

http://www.jewelsuae.com/fwasel/fwasel2/jewelsfasel1.gif

[سـعـد العتيبي]

كم لك اختي الكريمه في هذه الجامعه

( علشان كذا مستقيله )

[شيخة الكعبي]

هاي السنة الثانية ... ضاع عمري هباء منثورا فيها ...

:(

[شيخة الكعبي]

مااستفدت شي من الجامعة .. ولو استفدت فهو قليل قليل جدا بالنسبة لسنتين ... يالله بس ..

[سـعـد العتيبي]

باقلبها تحقيق قبل تجي اليمامه

وشلون المعدل العام

[العاذريه]

أختي الحبيبة /أحزان طالبة
ومن قال لك ان الدراسة راحة وفلة حجاج..!! وصدقني بالنسبة للوظائف وان الواحد يتمرمط بعد مايتخرج هذي حجة العاجز وبس..ولو قارنتي حالتك الآن وحالتك بعد ماتتركينها ستموتين قهر وتعضين اصابع رجولك ندم مو يدينك..أصبري وتحملي وتأكدي ان معاناتك بعدين راح تكون سوالف وسعة صدر..وانا مثلك تمر علي حالات احس اني خلاص ماقدر اكمل وفيوزات مخي مهنقه بس اتعوذ من ابليس واقول طيب خليتيها وبعدين وش استفدتي..!! الاقي ان مجرد التفكير بالجلوس بدون دراسه وهدف قاتل ..خصوصا انك تشوفين زميلاتك يمشون وانتي ماحصلتي لاابيض ولا اسود..هالحاله بتعدي وانتي لاتصيرين حساسة وتعطين الأمور أكبر من حجمها ...ويمكن وضعك صعب شوي لانك بعيدة عن اهلك وعادة السكن الجامعي يكون متعب نفسيا بس اذا وفق الله بصحبة جيده تهون شوي عالواحد..اعذريني ماقدرت اكتب فصحى من الحماس
.

[العاذريه]

هاي السنة الثانية ... ضاع عمري هباء منثورا فيها ...

:(

طالبه اسمعيني
كيف ضاع عمرك هباء منثورا!!!!!!!!!
وايش راح تسوين لو خليتيها ..وبعدين اذا كانت هذي السنه الثانيه فاحنا مابقى لنا شي على نهاية الترم ..يعني اهم شي بالجامعه انك تعدين السنتين الاولات..بعدها راح تشوفين نفسك قطعتي نصف المسافه,,والنصف الباقي راح يدب فيك الحماس..شوري عليك انتبهي لدراستك وياليت اعمارنا تضيع بدراسه وفايده ولا تضيع باحلام وآمال كذابه .. وبعدين حتى لو كانت الاستفادة قليله اكيد بتكون افضل مليون مره من خسارة كثيرة..دعواتي لك بالتوفيق وبالنسبه للمعدل ماعليك ولا تشيلين هم لو مايتوظف الا اصحاب الخمسه والاربعه ونص كان ماشفتي بالبلد الا الثمن معهم وظايف
ولو كل مثقف جامعي وماجستير ودكتوراه كان ماشفتي كُتاب اقسم بالله ان الواحد يخجل امامهم من بساطته واكبر دليل اخت معنا بالمنتدى قبل اتعرف عليها توقعتها ماجستير بعلم الشريعه وبعد ماتعرفت عليها طلعت شهادة ثانوي لاقوة الا بالله ..بس انتم مثلنا مستويات ولا نفس الكليات بالسنوات..؟؟

[شبيـه الريـح]

أنا مثلك أختي الكريمه

مريت بنفس اللي مريتي فيه وكنت أقول نفس هالكلام

هاي السنة الثانية ... ضاع عمري هباء منثورا فيها ...


و تخصصي صعب جدا ,,,,, ولكن ولله الحمد المثابره والتوكل على الله وحذف المستوى


ساعدتني على تخطي عقبات الجامعه


ولكن خذيها نصيحه مني :

لا تتركين الدرااسه الجامعيه ,, فهي سلاحك لمواجهة ..... الحياه ..بعد تقوى الله سبحانه وتعالى

ودعوات الوالدين


وفقك الله:)

[أم أديم]

غاليتي احزان واعذريني على هذا الاسم بس وش اسوي تعودت عليه وعجزت اغيره :)

حبيبتي احزان

مستحيل تكوني لم تسفيدي ولا فائدة من دراستك الجامعية

فالفائدة موجودة ولو كانت قليلة

فالانسان تمر عليه فوائد في حياته كلها سواء الدراسية او غيرها

ولكن كوني انتِ مستعدة ان تجعلي اي معلومة تسمعيها فائدة تستفيدي منها وفي حياتك

وصدقيني الشهادة شئ جميل عندما تحصلي عليها هذا من وجه

والوجه الاخر هو انك بعد الزواج وبعد ان ترزقي بأبناء سوف تكوني عوين لهم وتساعديهم في دراستهم

وقد تحتاجين هذه الشهادة

فلا تتركي الدراسة واحتسبي الأجر

اعاننا الله واياكِ لكل مافيه خير وصلاح


لاعدمناكِ ياغالية

[بونواف]

لالا

اختي احزاب تسبد ..


لاتتركي الدراسه فليس بعد الدراسه الا الفراغ القاتل ...

فمرحلة الدراسه بعد ان تنتهي ستكون ذكرى سعيده وخاصه اذا تحققت امنيتك بعد التخرج بوضيفه مرموقه باذن الله


انتبهي اختي شدي حيلك واياك واياك والتهور وترك الدراسه...

واذا كان ولابدمن ترك الدراسه .. فالانتساب حل منطقي ..لحالتك


الله يوفقتش وييسر امرتش ويرزقتش الشهاده الكبيره باذن الله

اخوك/ابونواف

[عاشق عنود الصيد]

دوري لك رجال ترا بعض الشهادات ماتنفع

[إيثار]

السلام عليكم ورحمة الله وبركاته

اسمعي ياوخيتي القرار الاول والاخير لك ( يعني جبت شيء جديد)

شوفي انا ابا اقولك كلام وانت طبي واختاري اللي يناسبك

اول شيء وهذا المهم انت راعية ادراسه ولا ( لا) يعني انت مجتهدة و تفهمينها وهي طايرة
وهل انت تحبين تخصصك
: اذا كان الجواب (نعم)

الحل صعب بس مافيه غيره انك تصبرين وتدعين الله وخاصه في صلاة الليل وتدعين وتقولين ( اللهم آتني في الدنيا حسنة وفي الآخرة حسنة وقني عذاب النار)
واذا كنت ماتحبين التخصص او تلاقين صعوبه في الاستيعاب مع انك تجتهدين
الحل انك تغيرين التخصص او انك تتركين الدراسة قولي ليش

لانك ماراح تتقدمين بالعكس راح ترجعين ورا

وبعدين من قال ان الدراسة هي كل شيء قصدي الشهادة الجامعيه

وهنا اطرح سؤال يمكن هو لب الموضوع انت تبين الدراسه علشان الوضيفة

ولا لانك تحبين تخصصك ودك تبدعين فيه وتستفدين منه وتفيدين غيرك

الوظ يفه مالها خص با لشهادة الجامعيه يا ما ناس معهم الثانويه او دبلوم وماشاء الله متوضفين


حددي انت وش تبغين وشوفي هو يستاهل البعد عن الاهل والتعب النفسي او الجسدي او مايستاهل


ادري اني طولتها بس والله حبت اساعد ولاني امجربه الحالات الي ذكرتها

[قلب وارف الخلجات]

أختي الغالية طالبة مستقيلة....

كثير مر منا بمواقف وشعر وقتها أنها هي أكبر مشكلة يمر بها...
ولكن لو تحلى قليلا بالصبر وخاطب نفسه بالإيجابيات التي تغرق حياته مقارنة بغيره..
لوجد أن القضية كانت سهلة جدا ... وقد يستغرب لماذا كان يراها كبيرة وهم على ظهره...

فقد قليل من الصبر وشحذ الهمة...
وضعي لنفسك هدف... لأنك لو ما جعلت الدراسة هدف راح تشعري بعدم أهميتها...
فالدراسة لها نواحي إيجابية كثيرة ليس فقط كشهادة...

وأتمنى من كل قلبي أن تمر عليك هذه الفترة وتصبح ذكرى...
وتتحق أحلامك..

لك فائق التقدير والإحترام
من قلب وارف الخلجات

[sham]

السلام عليكم ورحمة الله وبركاته
عزيزتي طالبة مستقيلة .. وعدتك في الصباح ان نلتقي هنا واعتذر الان قد لااستطيع ان اوصل لك ماريد بشكل جيد فقد جرحتني عبارة الان في موضوع هنا بالصميم ..

عزيزتي اصعب شيء يمر علينا هو الحيرة والتردد .. وانت محتارة في تحديد مستقبلك .. مستقبلك كاملا ياعزيزتي بخطوة ستتخذيتها الان .. محتارة بين ترك الدراسة واكمالها والانتقال لكلية قريبة منك .

لم اقرأ مااشار به الاخوة والاخوات فاكيد انهم قدموا لك الافضل .

انصحك ياعزيزتي بان تختاري مكانا هادئا .. رتبي نفسك وكانك ستستقبلين صديقة ( لاتضحكي مما اقول ) رتبي ماحولك
ليكن المكان مشرقا وانت حاولي ذلك باخذ تنفس عميق عدة مرات
ثم سجلي مميزات ومساوىء كل الخيارات الموجودة عندك ..

اكتبي مايضايقك من الجامعه .. ومميزاتها

اكتبي مميزا ت الكلية وايضا السلبيات فيها

اكتبي فائدة اكمال دراستك .. من كل النواحي .. كيف ستكونين قدوة لاولادك .. كيف ستعرفين كيف تتناقشين باي موضوع مستواك الثقافي .. العلمي سجلي كل شيء


اكتبي وسجلي فائدة ترك الدراسة

اكتبي امنياتك واهدافك في الحياة

ثم قارني بين المميزات في كل اختيار على حده .

لن اقول لك اكملي هنا او هناك أو اتركي الدراسة .. اجلسي وفكري بما كتبتي في اوراقك من مميزات وسلبيات وقرري انه سيكون اختيارا ثابتا ولن تعودي للحيرة بعد ذلك ......

عزيزتي لانحصل على شيء بدون تعب ولكن التعب في بعض مجالات الحياة نحصل بعدة على نتائج مثمرة نعتز بها ونفتخر باقي حياتنا .. لاتدعي فترة حرجة في حياتك قد تكون بسبب ظروف وقتية عابرة ان تضيع مستقبلك وتدمره .

لاتتركي مجالا تستطيعين التقدم فيه والحصول على فائدة لك ولمجتمك تفخرين وتعتزين بها كل عمرك ومن حولك ايضا .. لاتضيعها بتردد وحيرة واتخاذ قرارات سلبية تقضين بقية عمرك نادمة عليها .

ارجو ان اكون قد افدتك بما كتبت لك .. واعتذر ان كنت مقصرة فقد اوضحت لك في البداية
دمت بخير ورعاية الرحمن

[الحميداوي]

من اسمك (طالبه مستقيله) أحس انك ماتحبين الدراسه ولاتطيقينها ,,
ع العموم انتي مافهمتينا بالضبط وش وضعك , يعني وش تدرسين وكم ساعه خلصتي وكم باقي لك ,,
بعدين حسيت من كلامك انك تدرسين بعيده عن أهلك , فهمينا انتي وين واهلك وين ترا هالاشياء تساعد بأعطائك المشوره الصحيحه , لأنك ان بغيتي ترجعين لاهلك ممكن تحولين عندهم او حتى تبدين من جديد اذا ودك أو تغيرين تخصصك اذا شفتيه صعب ,,,
لكن بالاخير فهمينا وضعك الدراسي والاجتماعي , عشان الواحد يفهم الوضع زين ,,
ومحسوبك مر بهالتجربه ف يمكن نسادعك ,,

[صانع الأمجاد]

الأفضل من وجهة نظري أن تصبري فأنت في منتصف الطريق

وتأكدي أختي أنك تستشيرين بشرا رأيهم قاصر

فاطرقي باب الله واستشيريه سبحانه واستخيري فهو خير معين

وفقك الله لما فيه خيرك وسلحك بسلاح الصبر والتقوى

صانــــ إذا داهمك أمر يدك الجبال ++++++++ تذكر أرحنا بها يا بلال ـع الأمجاد

[منى_القلب]

وينها الحين هالطالبه المستقيله
حطت موضوعها وانحاشت

أقول لك يابعد حيي ترى ماينفع هالايام غير سلاح الشهاده وتكفين تكفين
حاولي ترى المحاوله هي ام النجاح
وغيرك حاولوا واستطاعوا الوصول للهدف المنشود
بارك الله فيك ووفقك لما يحبه ويرضاه عنك

[شيخة الكعبي]

انا موجودة بس ماحصلت فرصة ادخل النت .. مشكورين كلكم على الردود برجع لكم ...

وبرد على كل واحد ..


سلام

[مستغرب]

الحياة صراع وكفاح ومشوار طويل يتخلله ظروف صعبه

إذا لم نتجاوزها بقوة وصبر فلن نستمر في هذه الحياة

وانتي في وبداية الطريق فلا يكون أول عثرة فيه تجبرك على التوقف

أكملي دراستك الجامعيه ....... وأتركي عنك الكسل

[شيخة الكعبي]

باقلبها تحقيق قبل تجي اليمامه

وشلون المعدل العام


المعدل أقل بكثير من المطلوب يعني عندي انذار أول

والاسباب كالتالي حتى لا تحكموا بشيء لم تعلموه :


انا طالبة بجامعة الامارات العربية المتحدة ..

قبل التحاقي للجامعة كانت هناك طموحات مرسومة في خيالاتي الواسعة واكبر ذطموح هو التخرج مع نيل شهادة بمرتبة امتياز - ولكن صعقت عندما أتيت للجامعة وفوجئت بإدخال نظام جديد للانجليزي آلا وهو IELTS وكان قبله التوفل TOFEL

انا لا اقل انني لا افهم شيء بالانجليزي على العكس فقد كانت المادة المفضلة لدي في المدرسة وكنت ممتازة فيها ولله الحمد ولكن النظام صعب جدا جدا ...

عندما دخلت الجامعة سنة اولى وامتحنت امتحان تحديد المستوى اجتزت المرحلة الاولى ورسيت بالمرحلة الثانية وهذا يعني ان حالي لابأس به او يمكنكم القول انه جيد جدا ..


ولكني لم استطع اجتياز التوفل الى ان رسبت فيه مرتين وهذه المرة الاخيرة او الفرصة الاخيرة لي ان لم انجح فسوف اطرد من الجامعة ولن تقبلني اي جامعة في الامارات - فان اردت الدراسه علي بالسفر لخارج الدولة - وكيف لي ان اسافر وانا فتاة وليست لدي الامكانيات المؤهلة ؟!!!


هذه هي ظروفي ومااعانيه هنا ..


لا ادري لقد فكرت بسحب اوراقي من هنا والالتحاق بكلية الدراسات الاسلامية في مدينتي - دبي -

وبدون سكن جامعي فسوف ارجع لاهلي وهذا جيد جدا ... فكما تعلمون العيش مع الاسرة افضل بكثير من العيش بعيدا ..


نعم لقد قاسيت مرارة الغربة والمشاكل من كل صوب وعدم التأقلم مع الاجواء المحيطة بي...



بعد سردي لحالتي .. مارأيكم في تفكيري وقراري الاخيـــــر ؟؟؟


نسيت القول ان النظام هنا اقصد من حيث اختيار الطالبات الناجحات هو السير على المنحنى ..


يعني بالحظ !!!!!!!!!


كل خوفي هو الرسوب في المادة مرة اخرى .. وحينها سأندم انني لم اسحب اوراقي..


علما اني الان من انشط الطالبات في ال( كلاس) واكثر الطالبات تفوقا .. وتشهد لي كلهن .. حتى انهم ينادونني بال(دحيحة ) يعني المتفوقة .. وبعضهم يقول المصــرية خخخخخخ




....... الله يرحم الحال ........

[شيخة الكعبي]

سأرجع للرد على البقية فيما بعد .



دمتم بـــــــــــود ..

[تأبط حرفاً]

باقلبها تحقيق قبل تجي اليمامه

وشلون المعدل العام

لا والله الطبيب النفساني

شبيك لبيك سعد العتيبي بين يديك

[تأبط حرفاً]

كلام مستغرب عين الصواب

[شيخة الكعبي]

مشكورين جميعا على الردود وترا انا ابأكمل دراستي لا تحسبوني اتهرب ..


وكلامكم كلكم عين الصوااااااااااااااب جزاكم الله خير جميعا وانا بكمل والله المستعان على مايصفون..



اختكم احزن قلب