انهزع خصره

[ابن مفلح]

إنهزع خصره وقلـت الله يستـر...!
خابـرٍ قلبـي ضعيـف ومايـدانـي
وإنتثر ذاك الجديل وقلـت مقـدر...!
وإلتفـت يمـي وقلـت العلـم جانـي
إرتخى لثامـه ودريـت بنِيَـةْ الشـر
وابتسم لي وقلـت لاوالله نوانـي...!
قلت أبي لي منك...!! وماكملت وأشر
قال هذي بـس لأُمـي مـع أخوانـي
بالسوالـف وش حلاته...مايقـصـر
وإن طلبته موعـدٍ صد...وعصانـي
نصـف يومـه إيتكحل...وإيتمنظـر
ونصف يومه يقهـر قلـوب الغوانـي
نار شوقه تاكـل اليابـس والأخضـر
مادرى عنـي أعانـي...أو ماأعانـي
كل ماأنظم به مـن الأبيـات يسكـر
مثل كيسان الهوى...واحد...و ثانـي
بس أنا لـي بالهـوى دفتر...ودفتـر
وعـارفٍ غبـات بحره...والموانـي
البلى كفـه نفـل ... والخـد عنبـر
والنِفَـس نعنـاع والضحكـة معانـي
وإن مشى ترف القدم...فـاالله وأكبـر
ضعت جعلي فدوتك ... هـذا مكانـي
وإن حكى ... فاحت شفاته دمٍ أحمـر
من حـرارة شوقـه الفايـح كوانـي
البلـي باللـي يشـور ولايفكـر...!
حـوف والله مادهـاه اللـي دهانـي
وين أباالقى الصبر وأعيوني تعبر...؟!
لاقنعت ... ولاقنع مني زمانـي...!!
خل عنك ... الحظ لدبـر والله أدبـر
من عرفتـه ملتـويٍ باسمـه لسانـي
إبتلشنـا بالهـوى وأثــره مـقـدر
طحت صدفـه فيـه يـوم الله بلانـي
والهوى مافيـه نشمـيءٍ ... وعنتـر
جندلـن قلبـي رهيفـات الثمـانـي
تاه دكتـور الهـوى فـيء إيتدكتـر
قال وصف دواك فـي ذيـك الثمانـي
وقمت أهز الراس...أبد كنـي مخـدر
فدوتـه طيـرٍ كفـخ بيـن المحانـي

[شبيب العتيبي]

الله يعطيك العافيه وصح لسااااااانك

[سـعـد العتيبي]

إبتلشنـا بالهـوى وأثــره مـقـدر
طحت صدفـه فيـه يـوم الله بلانـي
والهوى مافيـه نشمـيءٍ ... وعنتـر
جندلـن قلبـي رهيفـات الثمـانـي
تاه دكتـور الهـوى فـيء إيتدكتـر
قال وصف دواك فـي ذيـك الثمانـي


صح لسان الشاعر

لاهنت يابن مفلح

[تمــيمــي]

صح لسانك .... رائعة .. قويّة والقوي الله

لي سؤال بـخصوص البيت الثالث ... تقول

إرتخى لثامـه ودريـت بنِيَـةْ الشـر
وابتسم لي وقلـت لاوالله نوانـي...!

سؤالي هو ... هل يتأثر البيت لو بدأناه بـ ... أرخى لثامه بدل إرتخى لثامه ؟

السؤال للجميع ... وللجميع تحياتي ,,,

[عبْث]

إرتخى لثامـه ودريـت بنِيَـةْ الشـر
وابتسم لي وقلـت لاوالله نوانـي...!


================


ايو الله نواني


لاهنت يابن مفلح روعه وشاكر لك النقل المميز رغم قلة تواجدك عسى المانع خير


اما بخصوص اخوي التميمي


لا يتاثر لكن الابلغ ماذكرت فهو لايرتخي الا بفعل فاعل


مجرد راي


شاكر لجميع التفاعل

[الطـرقي]

بس أنا لـي بالهـوى دفتر...ودفتـر
وعـارفٍ غبـات بحره...والموانـي
البلى كفـه نفـل ... والخـد عنبـر
والنِفَـس نعنـاع والضحكـة معانـي
وإن مشى ترف القدم...فـاالله وأكبـر
ضعت جعلي فدوتك ... هـذا مكانـي


الله يعطيك العافيه دوختنا ياشيخ بهذه الرائعه

سلمت يمينك


الراسي بفعل فاعل

التميمي مانضيف على كلام الراسي شي

[تمــيمــي]

الأخوه الراسي والطرقي ..... ما قصّرتوا