ابى فزعه ممكن [الأرشيف] - منتديات قصيمي نت

مشاهدة النسخة كاملة : ابى فزعه ممكن

اليمامه

13-04-05, 12:41 AM

السلام عليكم ورحمة الله وبركاته

حبيت اطرح هذا الموضوع واتمنى يعجبكم

وهو واضح من عنوانه ‘‘ من القائل ‘‘

وهذا يخص اي بيت شعر او قصيده يريد الأعضاء معرفة قائل (( صاحب )) القصيده

وانا راح ابداء لأن عندي مقطع من قصيده اتمنى معرفة قائلها

القصيده تقول‘

لاتفتكر لامن زعلت إني بخليك

===== لابد من يوم على راسي اشيلك

وأجدد الماضي وانور لياليك

=====وولع سراج المحبه من فتيلك

وسلامتكم

اتمنى اعرف قائلها وبداية القصيده

واكون لكم شاكره

اليمااامه

اليمامه

13-04-05, 10:19 AM

,, قم بس قم ,, :cl:

مافيه احد رد علي

برد الشمال

13-04-05, 11:45 AM

والله اختي اليمامه دورت على الشاعر

وما حصلته لاكن بكثف جهودي عشانك

ولاتزعلين عشان محد رد على الموضوع

وتسلم يمينك على الشعر

واحب اهديك الشعر الي كتبتيه

بس لا تفهميني غلط

وتحياتي

السيف الأملح

13-04-05, 02:47 PM

اتوقع نايف صقر

طيب من قال هالبيتين؟

يادارنا لا ترهبين====لابد مانرجع عليك
اقول انا العلم اليقين=لوننتحي لازم نجيك

سـعـد العتيبي

13-04-05, 08:47 PM

موضوع مميز يايمامه

لا اعرف الشاعر ولكن اوعدك بالبحث

اخووك سعد

سـعـد العتيبي

13-04-05, 10:13 PM

فوق

فوق

الطـرقي

13-04-05, 11:18 PM

سـعـد العتيبي

14-04-05, 12:34 AM

يمامه لا يصير انتي قائلة الابيات

اليمامه

14-04-05, 01:15 AM

والله اختي اليمامه دورت على الشاعر

وما حصلته لاكن بكثف جهودي عشانك

ولاتزعلين عشان محد رد على الموضوع

وتسلم يمينك على الشعر

واحب اهديك الشعر الي كتبتيه

بس لا تفهميني غلط

وتحياتي

هلا ومرحبا اخوي برد الشمال

اتمنى اعرف قائلها وتسلم على المجهود

وووو‘ دربك خظر

اليمامه

14-04-05, 01:17 AM

اتوقع نايف صقر

طيب من قال هالبيتين؟

يادارنا لا ترهبين====لابد مانرجع عليك
اقول انا العلم اليقين=لوننتحي لازم نجيك

السيف الأملح ابي تأكيد مو توقعات

وبالنسبه للبيتين صراحه ما اعرف قائلها

شاكره لك مرورك

اليمامه

14-04-05, 01:20 AM

موضوع مميز يايمامه

لا اعرف الشاعر ولكن اوعدك بالبحث

اخووك سعد

اشكرك اخوي سعد على المجهود

في إنتظار نتائج البحث

اليمامه

14-04-05, 01:31 AM

لاتفتكر لامن زعلت إني بخليك

===== لابد من يوم على راسي اشيلك

وأجدد الماضي وانور لياليك

=====وولع سراج المحبه من فتيلك

وش الشخابيط هذي هات شعر زي العالم نعلمك القائل وابو القائل بعد

الاخت اليمامه/وجة نضر اتمنى لاتاخذين بخاطرك

والله انا عاجبني ومن زمان حافظتها

بس ضيعت بداية القصيده :(لأني كنت صغنونه وش ملحي:o

وعلى فكره انا اخذتها من مجله تقريبآ من 15سنه:cl:

وانا ماراح ازعل (ekaj)بس بشرط تعرف قائلها واهم شيئ بدايتها

اليمامه

14-04-05, 01:38 AM

يمامه لا يصير انتي قائلة الابيات

بسم الله عليك وش اللي قلبك علي

هماك قبل شوي متحمس وتبي تدور على صاحب القصيده

ياربي تبوني احلف حلفت والله مو لي

واتمنا اني اعرف اشعر مثلها

كان انا بخير على الأقل افضفض عن نفسي شوي

خلك راقل وقدع ودور ولاتهتم بكلام بعض الناس

هم عارفين انفسهم (qq168)

الطـرقي

14-04-05, 05:25 AM

اخــــــــــــــلاق

تــــــــــصدقين ياليمامه انك ذووووق
على هذا الموضوع اللموضوع فقط

اما الي قريتيه قبل 15سنه

وتبين تعرفين قائلها واهم شيئ بدايتها

والله ماتسوى "بدون زعل"

لعلمك ،،،،بس

الحدس

14-04-05, 09:55 AM

السلام عليكم 0الحقيقه ابى اطلب من ا لمهتمين بالشعر طلب 000سمعت لشاعر من القصيم وكان اداه رائع وكل ماعرف عنه اسمه الدخيل وهو صاحب قصيدة طاش ماطاش فارجو ممن توجد لديه اشعار له ان يرسلها لى وجزاكم الله خيرا000

عبْث

14-04-05, 05:46 PM

حاولت ما ارد على موضوعك الين القا الشاعر بس ماحصلته

العذر على التاخير ولا قريت الموضوع بعد دقايق من رفعك له

السيف الأملح

14-04-05, 08:12 PM

البيتين الي كتبتها للملك عبدالعزيز

الطـرقي

14-04-05, 08:19 PM

البيتين الي كتبتها للملك عبدالعزيز
يادارنـــا لا ترهبـيـن==== لابد مانرجـــع عليك
اقول انا العلم اليقين==== لوننتحي لازم نجيك

سلمت يمينك والله يرحمه ويسكنه فسيح جناته

الطـرقي

14-04-05, 08:28 PM

الى الاخت اليمامه والاخوان الاعضاء مع التحيه

الله من الليل لعبت بشعرها=في حزة فيها المخاليق نيام
مزية مبسمها وغصت بحرها=وقلبت جسمن مايحلا للاجسام
ولمست انا بيض الحما م بصدرها=واصبحت مثل الي عن الخمر صوام
وانا احمدالله يوم مني سترها=وانا سترني من سجلات الاعدام
وحلفت حلف اني لقطع صورها= ومحا جميع الي كتبته بالاقلام
والله مزيونه وحلوٍ نضرها=لوشافها الكافر دخل دين الاسلام

مــــــــــــن الــــــــقــــــــــائــل؟؟؟؟ يايمامه واتمنى مساعدة الاخوان
واوعــــــــــدك بالمســــاعده اذا عرفتم من القائل

الطـرقي

14-04-05, 08:55 PM

سـعـد العتيبي

14-04-05, 11:20 PM

كفو يالطرقي

اخوك سعد

اليمامه

14-04-05, 11:23 PM

8

8

والله ما اعرف قائلها

طيب مين اللي قال هذه الأبيات

انت وانا والحظ الأقشر ثلاثه

===في سكة الحرمان نبكي بعضنا

في دربنا ما ساعدتنا الإغاثه

===جينا في نصف الدرب ثم إعترضنا

وعلى فكره نبي اجابات من جميع الأعضاء مو تطنيش

بونواف

15-04-05, 12:26 AM

لي رجعه باذن الله قريبا

سـعـد العتيبي

15-04-05, 12:43 AM

كفو

كفو

كفو

يابو نواف

الطـرقي

15-04-05, 01:11 AM

"البعيد"...... خشمك
حطه..على يمناك لأحتجت للناس وابشر بفزعة حر تجلي همومك

تفاعل و مرور ابونواف يبشر بخير ..ضمنا مكتبه شعريه ثريه بكل الوان الشعر.. هلااا و غلااا (q72)

ولاكن ملاحضه واحد يرمي بيت بيتين ويقول ابي قصيده كامله..صعب
اويألف بيتين ثلاثه ويدوخ الاعضاء ويدوخنا مشكله .".الراسي" يا بعدهم كلهم
يومين ماشفته بالمنتدى واسئلوا اليمامه؟؟؟؟

اخوووووي الحدس
وربــــــــــــــــــي مارديت على سؤالك الا ودي اخدمك
ولاكن تبحث عن لغز000سمعت لشاعر من القصيم وكان اداه رائع وكل ماعرف عنه اسمه الدخيل وهو صاحب قصيدة طاش ماطاش فارجو ممن توجد لديه اشعار له ان يرسلها لى وجزاكم الله خيرا000

سـعـد العتيبي

15-04-05, 01:22 AM

ونعم

السيف الأملح

15-04-05, 02:10 AM

من القائل؟

يكاد على فرط الحطيـف يبقبـق ****** ويضرب ما بين الهماط وكندلِ‎

فيا أيها البغقوش لسـت بقاعـدٍ ****** ولا أنت في كل البحيص بطنبلِ‎

السيف الأملح

15-04-05, 02:12 AM

الله يرحمه تسلم ولاهنت يالطرقي

عبْث

16-04-05, 07:07 AM

لمن طلب قصيدة طاش ماطاش

اليك اخوي

والتسجيل الصوتي عندي بس صبرك لين احمله

=================================

الله من همٍ بصدري بدا يجيش 000 يزفر كما البركان بصدري ليا جاش
لو يضرب جبال الهدا طيّره ريش 000 وخلا الوطا من تحت الأقدام تنخاش
وفكرت في دنيا بها الخلق ماتعيش 000 واخذت أنا في بحرالأفكار مطراش
يقطعك يا دنيا تزعمبها الدّ يش 000 وقت تغير وأصبح الرأس منداش
ولد الحموله ذ ل وزمّر حتيريش 000 وقامت اتمخشنا سلق طاش ماطاش
ناسٍ مثل وصف الهلايم قرافيش 000 ولوجبتهم للبيع عيفوا بلياش
ولو قمت أفتشهم عن الطيب تفتيش 000 للقا دواخلهم خثاريب وقشاش
ليا قام يمدح لك بنفسه بدا يطيش 000 ماكنه الاّ اللي يسمون هتاش
وهو حثال من حثايل دراويش 000 عايش مع الطيّ** سوى مثل من عاش
أحب أنا الطيب ولوما عطانيش 000 والاّ الردي لو يملك المال حتاش
يارايح لم القصبجي وابوخيش 000 وزميله السدحان للكذب محواش
قل له عليكم من هل الفكر تفتيش 000 وبيّن خطاكم وماعلى الناس يخفاش
تمثيلكم كله سبايب وتمخيش 000 تجار هرج مابكم عز وعراش
الهزو في شيبانّا والغلط ليش 000 وش الهدف واللي تريدون يا خياش
أما تركتم سب عماش وعميش 000 والله لشرشحكم مثل شغل مخلاش
وحذركم الكهرب شبكناه بالفيش 000 وانتم بزارين تحدّون بفلاش
وان كان عندك رد هاته وتلطيش 000 دونك مطوع عسر الألفاظ عفاش
المرجله بينك وبينه لواء جيش 000 مالت على خطو الحثاله وما حاش
حذرانكم للناس ما يجيبلكم عيش 000 ومعيبة في منطق العقل والجاش
الهزو في شيبانّا فيه تغشيش 000 وغشيت المشاهد بتزييف ابو شاش
أذناب ناس بالحكايا مطانيش 000 نافخكم المدحور والريح تنفاش
ان كان طموحاتك بعيشتك تبي تعيش 000 فانتم وأناوفلان ولدنا ما معناش
وان كان طموحاتك لكسب المعاويش 000 فالكلب في دنياه عايش ومعتاش
ما ينفع الطماع أكل البخاشيش 000 ومن لايتنومس خاب حظه ولو عاش
كلٍ تجر بالناس حتى الهتاريش 000 وصاروا اهل مزرع ودكان وقراش
ومن صار عنده مال وبيده عراميش 000 حبوه كل الناس لو كان حشاش
ولو هو رزيل وسمط رجل تقل خيش 000 يصدّق كلامه ليا تكلم وهو ماش
والاّ الكريم الشهم من فطر الريش 000 اللي يكرم الضيف ليا جاه طرّاش
قرم يشب النار ملفى المداغيش 000 ليا دبّرت دنياه سموه هلاش
المال والدرهم وزين المعاويش 000 أصبح بيدين العجز والخمع واللاش
مادام بيدك قرش وعندك عراميش 000 لو تخيّس المجلس على زل وفراش
قالوا مسامح عمنا فيه تطريش 000 راعي الدراهم عم لو كان غشاش
يوم الشنب بالوجه يفتل على ويش 000 ماهوب لأكل الرز او لبس الأقماش
يفتل ليا جن الركايب معاطيش 000 وجلبت عصيي المرجله يشري يه كاش
ياعل رجل ما برأسه نغاميش 000 ياعل تبكيه الحليله وتنحاش
ليا صار مابه خير والطيب ما فيش 000 ماغير يجمع مال والصيت ما هناش
عنده ملايين القضاء مير حتيش 000 يأكل ويشرب والهدف بس يعتاش
ماهوب لايقنص ولاله مطاريش 000 ماهمه الاّ عيشته مثل الأدباش
يا عل تلدغه ثلمة حية العيش 000 واللي فلا يداوي به السم لليا غاش
الكلب عايش والنمل والخفافيش 000 ماهو كثير الكذب دنياه معتاش
مير الحكي ليا جا المحطات تشويش 000 يبين فعل الطيب بعايش وعياش
وتمت وصلى الله على صفوة قريش 000 على النبي ما تبصر العين برباش

سـعـد العتيبي

16-04-05, 09:33 AM

لا هنت يالراسي

الطـرقي

16-04-05, 10:47 PM

يابعدهم كلهم يالراسي فــزاع انا شهد

عبْث

17-04-05, 02:20 AM

ولكم التسجيل الصوتي للقصيدة طاش ماطاش بصوت شاعرها

على ما اظن يدعى الدخيل لا ادري ولكن استمعوا اليها بصوته

باليمين حفظ باسم (http://www.qassimy.com/vb/uploaded/999999999999999999999999999999999999999999.ram )

سـعـد العتيبي

17-04-05, 09:44 AM

هات خشمك

السيف الأملح

18-04-05, 02:48 AM

تسلم يالراسي هل له قصائد اخرى ؟

عبْث

20-04-05, 03:20 AM

والله ياخوك انا ما اعرف الا ذي

بس اذا حصلت ابشر تامر امر