الطـرقي
13-04-05, 11:50 PM
قصيدة خاصة عمّا حدث في محافظة الرس حماها الله وجميع بلادنا وحمى ولاة الأمر والشعب السعودي الأصيل الذي برهن هناك على تلاحمه مع قيادته الحكيمة في ظل حكومة خادم الحرمين حفظه الله ذخراً للإسلام والمسلمين
يارس وشبك دمعك اليوم مبدود
تصبري يارس حولك نشامة
أمن البلد له راسيٍ كنه الطود
بعد الولي (نايف) شطيرٍ حسامه
وارجاله اللي حبلهم دوم مشدود
باللي فرض شهرٍ علينا صيامه
يارس من حولك رياجيل وفهود
أهل الوفاء والصبر والاستقامة
أهل الأمن هم ذخرنا ساعة الكود
كم طيحوا لأجلك على المتن هامه
وياالله جنب ديرتي كل منقود
ورجل الأمن يارب سدد سهامه
وزرع الظلال اليوم بالسيف محصود
مستسلمٍ والا كسيره عظامه
وياللي دخلت الرس ما نلت مقصود
من جالها بالشر ماله سلامه
عند الشدايد دارنا كلّها جنود
مع قادته صفٍ قوي التحامه
وأهل الحزم عدوهم دوم مفقود
عدوهم ما يهتني في منامه
دارٍ لها بالعز رايات وشهود
يوم إن جيش الترك ذاق الندامه
يوم اقبست مابين سيفٍ وبارود
وكلٍ على ما قيل يكرب حزامه
صالوا وجالوا وانكسر يابس العود
ودارت على الباشا وهو في خيامه
واليوم تنعم والرخاء دايم بزود
في عهد (أبوفيصل) رفيع مقامه
هو ذخرنا قلبه على الحب مقدود
وهو مزبن اللي كايد الدهر ضامه
والدار دار الطيب والهيل والعود
دار النشاما والوفاء والكرامه
واللي خفوقه نابضٍ حسد وحقود
يبي يموت ولا تحقق مرامه
ناصر الشعلان (جريح نجد)
محافظة الرس
يارس وشبك دمعك اليوم مبدود
تصبري يارس حولك نشامة
أمن البلد له راسيٍ كنه الطود
بعد الولي (نايف) شطيرٍ حسامه
وارجاله اللي حبلهم دوم مشدود
باللي فرض شهرٍ علينا صيامه
يارس من حولك رياجيل وفهود
أهل الوفاء والصبر والاستقامة
أهل الأمن هم ذخرنا ساعة الكود
كم طيحوا لأجلك على المتن هامه
وياالله جنب ديرتي كل منقود
ورجل الأمن يارب سدد سهامه
وزرع الظلال اليوم بالسيف محصود
مستسلمٍ والا كسيره عظامه
وياللي دخلت الرس ما نلت مقصود
من جالها بالشر ماله سلامه
عند الشدايد دارنا كلّها جنود
مع قادته صفٍ قوي التحامه
وأهل الحزم عدوهم دوم مفقود
عدوهم ما يهتني في منامه
دارٍ لها بالعز رايات وشهود
يوم إن جيش الترك ذاق الندامه
يوم اقبست مابين سيفٍ وبارود
وكلٍ على ما قيل يكرب حزامه
صالوا وجالوا وانكسر يابس العود
ودارت على الباشا وهو في خيامه
واليوم تنعم والرخاء دايم بزود
في عهد (أبوفيصل) رفيع مقامه
هو ذخرنا قلبه على الحب مقدود
وهو مزبن اللي كايد الدهر ضامه
والدار دار الطيب والهيل والعود
دار النشاما والوفاء والكرامه
واللي خفوقه نابضٍ حسد وحقود
يبي يموت ولا تحقق مرامه
ناصر الشعلان (جريح نجد)
محافظة الرس