لعشاق المحاوره ...تعالو شاركونا

[قلم حُر]

بسم الله الرحمن الرحيم


















الصراحه انا احب الشعر وخاصه المحاوره


البدع والرد


وانا ابداء ومن يجد في نفسه الكفاءه فليرد


وارجو المشاركه من الجميع

ــــــــــــــــــــــــــــــــــــــــــــــــــ ـــــــــــ
البدع


سلام لاهل الشعر وعلوم الرجال

واللي معه زينه علينا جيبها


نسقيه زين الكيف من صفر الدلال

والناس نعرف خبثها من طيبها

[عبْث]

حييت ياللي تطلب علوم الرجال

واللي تبي لعينيك نبا نجيبها

من مدني من الغالا فنجال

امدله فنجالها مع طيبها



اخوي لو تخلي الرد بيت بيت يكون اسهل لمشاركت الجميع

تحياتي لك

[قلم حُر]

حاضرين الراسي بيت بيت

خلوووووووووووووووووها


الليله انا شفت لي بادي هلال


نبي النجوم اتشع عقب امغيبها

[سـعـد العتيبي]

ولعي يانار في راس الفتيله ولعي


تسجيل متابعه

[شيخة الكعبي]

لا عاد ينفع الجاه ولا عاد ينفع المال ... حياة بلا دين يا شينها

[قلم حُر]

يا مستقيله لاتجي بين الرجال

وحالتك للمشرفين انحيلها

[قلم حُر]

بالله كيف جات

[عاشق عنود الصيد]

يركدووووووووون

يابنت مالك في الشعر اية مجال
خلي المعاني للرجال تجيبها

[عاشق عنود الصيد]

وين انت ياللي بس تاتي بالجزال
عجل علي اليوم يالله جيبها

[سـعـد العتيبي]

خلووووووووووووووها

هات المعاني فوق فوق وعال عال
اترك رداها بس عطنا طيبها

[سـعـد العتيبي]

مع الاستمرار سوف يثبت الموضوع

اخوكم سعد

[عبْث]

وانا احمد الله عزتي فوق الجبال

ان شرقت بعز وبعز في مغيبها

[قلم حُر]

ياطاق ابن طرباق وش هذا العجال

والبندق اللي فالهوى ترمي بها

[قلم حُر]

ودي مع الراسي قبل ناخذ مجال

راعي السواني من عرف تركيبها

[سـعـد العتيبي]

هذا زمان المصلحه ووقت الريال
والمخطيه حلت محل مصيبها

[قلم حُر]

يتمسك الغرقان في رمث الحبال


واذا نجا ياصاحبي يرمي بها

[بايسُن]

لقافه


ياكبرها يا صاحبي مثل الجبال


هات الدليل لدعوةً تدعي بها

[قلم حُر]

يابايسن ماغير لله الكمال


وما دام جت في خاطرك تدري بها

[أسد الجزيرة]

لا تحسب الدنيامجرد جمع مال

كم ناس غرتها بزايف طيبها

[سـعـد العتيبي]

داري ولكن ياولد الوقت مال
عله ومن يلقا لنا طبيبها

[سـعـد العتيبي]

لاقلت راي العقل قالو لك هبال
وان كان تخطي قالو انت مصيبها

[سـعـد العتيبي]

عجل علي وراي دوام

[سـعـد العتيبي]

خلووووووووووووووها

في وقتنا ياصاحبي قل الرجال

امور واجد ظنتي تدري بها

[سـعـد العتيبي]

عجل عليه ياولد الليل طال
ابيات شعرك يالسنافي جيبها

[سـعـد العتيبي]

تصبحون على خير

[سفير البادية]

الشعر ماهو مسألة روح وتعال


وين العتيبي مايصلح عيبها

[المحــــارب **]

يامرحبا ترحيبة لابن الرجال
عد الدلال وعد فايح طيبها

[المحــــارب **]

للصاحب اللي كلمته مثل الزلال
مافيه حكمه عاجز ما يجيبها

[شبيب العتيبي]

راح العتيبي مير كلمة حق قال
بتبطي العربان تهذري بها

[أسد الجزيرة]

ياصاحبي ان كان هذا الليل طال

هموم في قلبك تبي تسري بها

[المظلوم]

السلام عليكم ورحمة الله وبركاته


الحق بين وانتحا عنا الظلال = والطيبه كلٍ درى عن طيبها

[سـعـد العتيبي]

وعليكم السلام ورحمة الله وبركاته

وضح معاني هرجتك يابن الحلال
ماكل من يرمي تراه يصيبها

[أسد الجزيرة]

خلك معا ضانك على روس التلال


وبعض المواجع مانبي تقليبها

[أسد الجزيرة]

بعض الكلام يجيب للعاقل هبال

الزينه. خذها. والرديه. سيبها

[سـعـد العتيبي]

عنز ودجاجه ماعتبرها راس مال
اما غدت ولا هجدها ذيبها

[أسد الجزيرة]

ياللي تجر الحبل في جرك وبال


وين الدروب اللي قبل تمشي بها

[سـعـد العتيبي]

امشي مع رجالاً تحلت بالكمال

واحذر تحاول ياولد تخريبها

[أسد الجزيرة]

ياسعد مايشيل الحمول الا جمال


والهرجه اللي جات وش ترجي بها

[سـعـد العتيبي]

اليا ارتكينا ما نشيل الا الثقال
وافعالنا كل الملا تدري بها

[أسد الجزيرة]

ماخير باللي يستشير ام العيال

والديك ملكه فسوتن يفسي بها

[سـعـد العتيبي]

ههههههههههههههههههههههههههههههههههه

هرش الجمل مايمسكه قيدوعقال
لالا تسولف وانت ماتدريبها

[أسد الجزيرة]

شوف الحقيقه لا تعيشو في خيال

وكل المكاوي حاميه نكوي بها

[سـعـد العتيبي]

ههههههههههههههههههههههههههههههههههه

الله يصلحك

[المظلوم]

الهرج واضح مايبي روح وتعال = وانته اضنك ياسعد تحريبها

[أسد الجزيرة]

ياللي تبي الفتنه وتقطيع الوصال


و الفريه الي جيتنا تفري بها

[المظلوم]

وش مقصدك باللي نوى قطع الحبال = والفريه اللي جالكم ناويبها

[أسد الجزيرة]

الله غنانا عن حرامه بالحلال

واسرارنا للناس مانبدي بها

[المظلوم]

لاتغير في كلامك كل شي له مجال = والعرب وقت الشدايد تفتل اشانيبها

[أسد الجزيرة]

المظلوم حاول ان لا تخرج عن اللحن


ياصاحبي كب الفراخه والدجال

والنار حذرا بالقدم تنزي بها