المساعد الشخصي الرقمي

مشاهدة النسخة كاملة : في بيتنا نفاس // مقال ...


تخيــــــــل ..؟
25-03-10, 09:23 AM
السلام عليكم ورحمة الله وبركاته






صراحتن منسمه اللي كاتبته






طلّعت حرّتها بالكيبووورد













1- هل أنت عزوبي تعيش في وسط عائلتك ؟


2- هل أنت موظف أو طالب ؟

3-هل لديك أخوات متزوجات ؟

4- هل أخواتك مكاين تفريخ ؟

5- هل حصل في يوم من الأيام وعدت من الدوام تعبان وتافلـن العافيه
وراسك يرقل من قلّ بركه لـ تتفاجئ بأصوات ضجيج صادره من بيتكم تصل إلى
مسامعك قبل أن توطوط عتبة الباب ؟

6- هل حصل ودرعمت لبيتكم لـ تستقبلك رائحة الحلبه المنتشره
في كل دعاسيق البيت في الداخل ؟

7 -هل استيقظت مذعوراً من نومك الهادئ ذات ليلة على زعاق بزر توهـ
لحمه حمرا مابعد تعلم وشلون يصيح بإحترام ؟

8 - هل زد رأيت تجمهراً أمام باب حمام بيتكم - الله يعزكم - ويوم قربت
شوي كودك تشوف وش السالفه وبالطق والطقاق دخلت راسك من بين حشود
المتجمهرين ولاها أمك واخت ماسكين نفس قطعة اللحمة الآنفة الذكر
وجالسين يسبحونها ؟

9- هل سبق أن رجعتـ ي من الدوام لتجدين بيتكم مزدحم بالزوار تسنه
السيفوي ليلة رمضان ومن لمحت أمتس طرف خشتس مدت لتس الدله بدون تفاهم
وقالت قهوي العالم ؟

إن كانت أغلب اجوبتك عزيز تـ ي القارئـ/هـ بـ نعم .. فـ مبروك
في بيتكم نفاس
http://gfx2.hotmail.com/mail/w4/pr01/rtl/i_safe.gif

:
:

!
يعني الواحد يقول اللهم لا إعتراض بس ولو للصبر قالوا حدود يا مصبر
الموعود كل يوم اقول بيجي رجلها ويقشعها هي وذرّها من عندنا بس ماش
ماحولك أحد .. الله العالم الولد بيصير عمره سنه وهي توها نفاس ما قضت
!
يا جماعة الخير لا تفهموني
غلط .. انا احب اختي واقدّرها والود ودي ما تفارقني .. بس احبها
لحالها بدون الفوائد الي طلعت فيها من زواجها ذا القرود الي معها
منيب اواطنهم ! http://gfx2.hotmail.com/mail/w4/pr01/rtl/i_safe.gif
عيال اختي ايه ما قلنا شي ! بس فيهم بثاره تيذي بلد .. !
لا واذا تحملناهم وقلنا معليش توهم صغار والحشمه لأمهم مهيب لهم ..
ونبلع هالغثا الي يصير على شرف ذا النتفه الجديده الي جدعتها ..
تحسبونه يثمر والا يبين فيهم ؟ من يصير طول هالنتفه شبرين اول كلمه
ينطقها ويقولها لك " كل تبن " !
ت>> http://gfx2.hotmail.com/mail/w4/pr01/rtl/i_safe.gif
خلوّا خلوّا ذا على جنب مهب موضوعنا .. الي غابني صدز هالـ 40 يوم الي
اشوفهم ..
سبحان الله عمر الحريم ما احترموا مواعيد والا وقت الا بـذي ! يتحروون
الدقه بالحسبه .. 40 يوم بالضبط مستحيل تنقص بس ممكن تزيد
40 يوم وانحن ما عندنا غير فاتحين باب و راديّن باب.. مستقبلين زوار
ومودعين زوار .. مدخلين فلانه وبناتها ومطلعين فلانه وحريم عيالها ..
لا وكله كوم واذا جت وحده الله يجزاها خير بزعمها راعية واجب وتكت من
عقب
المغرب إلى 9 عندكم وانتي يا حيل الله مالتس الا تدورين بهالقهوه
والشواهي .. واذا خلاص تكرمت و لبست عباتها وطلعت .. ترجع بسرعه وترفع
نقابها وتزف لتس الخبر العذب " معليش ترا بناتي ماقدروا يجون اليوم
بلاهم منشغلين شوي بس باتسر بحيل الله بيجون كلهم "
<-- ماودكم تشوفون تعابير خشتي ساعتها
مير الله يجزاتس خير راعية واجب !
الحين بناتتس عندهم التزامات ومشاغل وبيسون الواجب حسب فضوتهم .. ! بس
اصحاب البيت عطّاليه ما وراهم شغل والتزامات ابد .. على حسابكم هم ؟
قايلين لكم رقاصه انا ما تبدا ورديتي الا 1 بالليل و ورا !
نعبنو ابليسكم يالملحجه ترا فينا الطالب وفينا الموظف مايرجع الا على
حروة المغرب وفينا المتزوج وعنده بيت يصاليه .. !
والأم مهيب بكل الأحوال بصحتها وفيها حيل تهابد وتراكض لكم انتم
وزياراتكم !

ياخي خلوا جيتكم وحده وموعدها واحد .. مهب كل القبيله تجي تزور وكل
يوم وحده داخله لحالها .. لعنه ! ماروانا الا انتم ؟

<---- حولكم شي تخافون عليه ابعدوه عنها ترا
شاشت هالعبده

ماخليت شي عن امي .. يمه حددي يومين بالاسبوع يجون العالم فيه ! يمه
مالها سنع تاركين الدعوه سايبه تقل والله الي عندنا عنز والده في حوش
مفتوح وكل شوي جاي شايب والا بزر يويق عليها ! يمه ارحميني ارجع من
الدوام ما اشوف مالي خلق اغير ملابسي وش عاد اقابل هالأمم !
بس ابــــد ! كان ذا الجدارن الي وراكم تنطق فـ هي ترد علي ..
مير اول كانت تقول " يا كبرها عند ربي ! تبيني اقول للعالم لا تجونا
.. انهبلتي انتي "
الحين انا قلت قولي لهم لا تجون ؟ قلت حددي لهم يومين وفكينا من
هالقلق !
" لا يا خزياه .. قولة لا تجون الا هاليومين زي قولة لا تجون ابد ..
افرضي هاليومين ما ناسبوا العالم ! "
اجل مناسبنا انحن الاسبوع كامل يمه ؟!
طاعوش انا ماعرف من الاسبوع الا الجمعه ولا هوب يصفى لي ؟!
هالكلام اول .. الحين ابشركم مهيب ترد علي خير شر ..

مقتطفات من أحاديث تدور في مجلس نفاس
:
:

[ 1]

" عسى ما تعبتي بس يا فلانه ؟ "
" لا الحمدلله تيسرت "

" الحمدلله .. بس لا تعلمين احد لـ انسألتي بسم الله عليتس ! ترا عيون
الناس مهيب ترحم وانا خالتتس ! "

تعقيب / اول شي يـ الخاله الملقوفه ترا هالسؤال مهب كلـن يسأله يومتس
توصينها ع الإجابه ! يعني ولاده وش ظنتس ؟ اكيد بتتعب بوقتها وعقب
خلاص .. المشكله ما يسأل الا ناس مجربينها .. ملعون ابو التناحه يا
شيخ !
ثاني شي .. ترا حتى القطاوه تحمل وتالد ! مهب حلى كل شي تلزقون فيه
سالفة العين والنظله .. ياررربيه بس
:
::
:

:
::
:

[ 3 ]

"
ما شاء الله وش سميتّوا الصغيره ؟ "
" دانه "
الحرمه الي تسأل وخشتها مايله والحتسي ما عجبها " اييه .. مدري تسن
الأسم مهنا زود ! يا بنيتي مدري وش ذا الاسماء الجديده الي طايحين بها
العالم ! "

تعقيب / ترا اصغر بنات الحرمه الي سألت .. اسمها [ غزل ] !!

:
::
:


[ 4 ]

" الا يا فلانه ما قلتي لي وين ولدتي بأي مستشفى ؟ "
" المستشفى الفلاني "
" اييه زي اختي حصه ! عند اي دكتوره ؟ دكتوره هبه ؟ "
" لا والله .. عند الدكتور خالد "
الحرمه الي تسأل تنغز الي جنبها بكوعها وتعض على براطمها وتتحلطم " يا
خزيييياه .. كابتّن عفشها عند رجال يختي خلاص هالحريم ماعاد فيهم حيا
! وراها ما ولدت عند حرمه .. وش حيث الرجال تولد عنده ؟ "

تعقيب / يقولون والعهده ع الراوي .. ان خويتنا الي ماعجبها موضوع
الولاده عند دكتور .. جايها الطلق وهي بسيارة ابو جيرانهم حيث ان
رجلها كان كاشت في البر .. ومالقت الا جارتها تستفزع بها .. وما كان
بين الولد والنور الا شوي
لولا ان ربكم ستر والشوارع كانت فاضيه والا ان تسان صار مكان الميلاد
في شهادة الولد .. " سيارة ابو جيرانا "
الله يحرمّ ايديات امي نوره على النار .. لو هي سامعه السالفه ان تسان
تكش بيدينها وهي تقول ( غربلهم الله .. شبكه تعاير منخل ! ) http://gfx2.hotmail.com/mail/w4/pr01/rtl/i_safe.gif

:
:

طيب الحين فيه سؤال يراودني عن نفسي ومضطره اسدحه بس رجاءاً صيروا
متحضرين شوي وماله داعي ترجموني بنعالكم <--- يا حياة الشقا متعوده
وجه إهانات

الحين الوحده اذا ولدت وش تجيب ؟ لا اشوف احد مستظرف وقايل تجيب آدمي
! ادري اننا محناب نجيب قطاوه ..
بس قصدي هالآدمي الي هي تجيبه من هو حقه ؟ حق ابوه صح والا لا ؟
طاايب .. اسم الولد يلحق مين ؟ يلحق اسم ابوه صح والا لا ؟
طااايب .. دام الدعوه كذا .. ودام النفاس اصلا بسبب هالولد .. ممكن
احد يفهمني وش دخل مندوب اهل البنت يبحلون بها ؟ ورا مهب اهل رجلها
هم الي يصالونها ؟!
ياخي الولد ولدكم انحن وش دخلنا ؟

والله ما خرب بناتنا الا امهاتهم !
تجي الام مطفيه النور
وطايره مليون بالحماس من تدري ان بنتها حامل .. ماتخلي عطّار ما تزوره
ما تخلي شنق وداعوس ما تدعسق به .. كل شي ينشرب والا يوكل والا يلهم
تجيبه .. وتفضي للبنت غرفه وتبلشنا نزلوا سرير ورقوا طاوله وجيبوا
مفرش ورجعوا ستاره .. تقل اول مره يولد عندها احد ؟ واذا هي اول مره
وشو له هالحمااس .. تراه نتفة بزر ونتق من بطنها مهب اختراع الله
يصلحكم
هذا انتم قبلنا حملتوا وجبتونا وش حيثكم ما سوا فيكم اهلكم كذا ولا
ضركم ؟ بالعكس الوحده من اول لا اله الا الله صحتها فُل وهي والده في
البيت .. ما ولدت بمستشفى وخذت لها سويت كامل اسبوع وماغير تبطح وبلع
بهالحلى والقهوه حتى ولدها مهيب ترضعهhttp://gfx2.hotmail.com/mail/w4/pr01/rtl/i_safe.gif


ومن عجائب قدرة الله في خلقه ان الحرمة ما تحلى بعين رجلها الا لاصارت
في بيت اهلها
يالهيس وهي عندك في بيتك ماانتب تناظر خشتها .. ويوم صارت نفاس عندنا
.. 24 تبن ناشب لنا ! ما عندنا شغله غيرك انت وحرمتك وعيالك !
ياخي تحبهم وفاقدهم ضفهم ورح بيتك الله لايهينك ... وابشر بلي يجي
يشقر عليكم كل يوم .. بس اعتقونا لوجه
الله
ولا يرفع ضغطي الا لا صار جالس مع حرمته يسولفون في غرفتها وانا
بالصاله الي جنبهم اهجّد فروخ ابليس الي يفترض انهم اطفال و الارجح
انهم عيال اختي .. يقوم واحد منهم يدخل على ابوه وامه ويزعجهم .. ويجي
ابوه الله يطول في عمره يكرشه بكل حنان ويقول له " رح رح يا بابا
لخاله ندى شفها تناديك "http://gfx2.hotmail.com/mail/w4/pr01/rtl/i_safe.gif
لعـــنه
اول شي يا سبع البرومبا تراك ماكل في عيالك مقلب كبر راسك ! اجل تبيهم
ينادوني خاله ؟ عساهم ينادوني بإسمي مهب بشيـن ثاني ويسد !
ثاني شي وش قالوا لك انا ؟ خماّمة الضايع ؟! كل ما طق عود بعصى جدعتوا
بزارينكم علي ؟ انتم تدشرون وانا اتحمل نتايج دشرتكم ؟http://gfx2.hotmail.com/mail/w4/pr01/rtl/i_safe.gif

نفسيتي تعورني .. !
كل ما ذكرت ياخي هالأجانب طقتني غلقه وش زودهم عنا يا جماعة الخير
يوم ان الوحده فيهم تولد من هنا وتصك الجينز من هنا .. ما توفي لها
يومين الا وهي تقامز وتسوي رياضه
ورا هالفقمات الي عندنا مهب تسذا
وراهم 40 يوم ما عندهم غير فرم بهالمرقوق والجريش ! قال ايش .. ترمم
جسمها قال ، مهب ترميم ذا ردم الله يحييكم
!
الوحده منهن ما تطلع لبيت رجلها عقب الاربعين الا على شيول
لا والكمخه اختي اقول لها ذاك اليوم ناه بس شوفي ترا ذا الصور عقب
ولادتها باسبوعين - أأشر لها على صور لزوجة توم كروز - قالت .. واذا ؟
لا تقارنين حبيبتي عيالهم هذولي عيال حرام !
<--------
يالهدره يالكمخه يالفاهيه .. الحين نفاس ولد الحرام يفرق عن نفاس ولد
الحلال !
http://gfx2.hotmail.com/mail/w4/pr01/rtl/i_safe.gif
ياربيه بس !
اسعفوني .. أريد حلاً ؟
عموما انا بقوم الحين اصلي المغرب وانزل استقبل الوفد الجديد بس اتوقع
اني ارجع اكمل تلفت
والله يابي مّر مهب صاحي .. مهب رايح لين افرك البياله بجبهة وحده من
هالزايرات !
يع اشم ريحة حلبه >هههههههhttp://gfx2.hotmail.com/mail/w4/pr01/rtl/i_safe.gif



























هههههههههههههههههههه

والله مجنوووووووونه اللي كاتبته



من ايميلي

شمريه.....ماتهاب.....
25-03-10, 11:21 AM
هههههههههههههههههههههههههههههههههههههه
ههههههههههههههههههههههههههههههههههههههههههههههههه
ههههههههههههههههههههههههههههههههههههههه
هههههههههههههههههههههههههههههههههههههههههههههه
والله مت ضحك عليها لوووو بس اعرفها قسم لاطيح ع راسها واحبه << عشقتها ههههههههههههههه

والله انها صادقه بكل حرف هههههههههههههههههههههههههههههههه

بس تدرون :) من خصصنا اسبوع للنافـــــــــس ارتحنا وريحناااا :)

بس جد جد جد روعــــــــــــــــــــــــــــــــــــــــــه يسلموووو ع الموضوووع :)

جــــــــــااااو :)

سمــ مملوحه ــرى
25-03-10, 02:30 PM
طويييل<--الله من العجز (vv)

لي بآكـ (q39)

آسكنتك روحي
25-03-10, 02:32 PM
الشاعن يبي يخلص وكسل اشحن لي باك يابعدي
..|

سكري زياده
25-03-10, 05:54 PM
صرااااحه معاااااناه عانتها ندى مع بزارين اختها

ومألومها لاني عارف حركات هالحريم وياليت

اختها بعد تجلس اسبوع عندهم تجلس

وتكمل أربعين يووم مصدقه ان النفاااس

اربعين يووم وكل هالوقت هي بعد

منسدحه على السرير وتبغى كل شي يجي

عندها والبزارين طق ومطاقق في هالبيت

وأكيد بعد زوجها مايجي يزور زوجته الى

أوقات الاكل يعني حزه الغداء او العشاء

اما هاااااذي اسألوا مجرب عااااااد (q39)

اما سالفه الحلبه هاااااااذي المشكله يطبخون

الاكل ويحطوون الحلبه في الاكل وأذا جينا

نأكل كل الأكل ريحته حلبه .. وتفوح ريحتنا

حتى اذا رحنا للدواااااام يقولوون زملاء المكتب

الايام هاذي المكتب مليان ريحه حلبه منهو

اللي ياكل الحلبه مع الصبح . (q39)

زمااااان اول من اول يووم وحتى في نفاسها

تقووم وتغسل وتنظف البيت بس بناااات

الهمبرقر تلقاااااهم متسدحات اربعين يووم

اما سالفه النضل يخااافون منها الحريم

يعني اذاجاهم ضيوف تحصلينها ماتقووم

تسلم على اللي جايين يباركون لها يعني

يسلمون عليها وهي منسدحه عشااان

مااحد ينضلها وتلقاااها اذا راحو الضيوف

قامت ونقزت من سريرها مثل الحصااان (q39)


في النهاااايه اشكرك ياتخيل على الاميل

الحلو وصراااحه موضوع مهم جداااااااااا

يادنيا ليه
25-03-10, 10:23 PM
هههههههههههههههههههههههههههههههه ياحليها خلاص طقت من القهر لا والمشكله تحصليين النفااس مرتااحها ولاهمها شي بس تامر وتنهي ههههههههههههههههه

تخيــــــــل ..؟
28-03-10, 06:09 PM
هههههههههههههههههههههههههههههههههههههه
ههههههههههههههههههههههههههههههههههههههههههههههههه
ههههههههههههههههههههههههههههههههههههههه
هههههههههههههههههههههههههههههههههههههههههههههه
والله مت ضحك عليها لوووو بس اعرفها قسم لاطيح ع راسها واحبه << عشقتها ههههههههههههههه

والله انها صادقه بكل حرف هههههههههههههههههههههههههههههههه

بس تدرون :) من خصصنا اسبوع للنافـــــــــس ارتحنا وريحناااا :)

بس جد جد جد روعــــــــــــــــــــــــــــــــــــــــــه يسلموووو ع الموضوووع :)

جــــــــــااااو :)




هههههههههههههه


عطرتي صفحتي بردك يا هلا بك شمريك

تخيــــــــل ..؟
28-03-10, 07:27 PM
طويييل<--الله من العجز (vv)

لي بآكـ (q39)


صدق عجازه خخخخخخخ


ترا اذا ما رجعتي بقطع اذانك من المعط"الشد هع"

تخيــــــــل ..؟
28-03-10, 07:29 PM
الشاعن يبي يخلص وكسل اشحن لي باك يابعدي
..|



صار لي ثلاث ايام منزله الموضوع للحين ما شعنتي اللاب تب (vv)
اليا الكسوله وش بك يا دافع البلا كسلانه تشعنين وكسلانه ترجعين تردين:876564:






:SmileyBunny::SmileyBunny::SmileyBunny:

تخيــــــــل ..؟
28-03-10, 07:32 PM
صرااااحه معاااااناه عانتها ندى مع بزارين اختها

ومألومها لاني عارف حركات هالحريم وياليت

اختها بعد تجلس اسبوع عندهم تجلس

وتكمل أربعين يووم مصدقه ان النفاااس

اربعين يووم وكل هالوقت هي بعد

منسدحه على السرير وتبغى كل شي يجي

عندها والبزارين طق ومطاقق في هالبيت

وأكيد بعد زوجها مايجي يزور زوجته الى

أوقات الاكل يعني حزه الغداء او العشاء

اما هاااااذي اسألوا مجرب عااااااد (q39)


هههههههههههههههههههه صادق والله




اما سالفه الحلبه هاااااااذي المشكله يطبخون

الاكل ويحطوون الحلبه في الاكل وأذا جينا

نأكل كل الأكل ريحته حلبه .. وتفوح ريحتنا

حتى اذا رحنا للدواااااام يقولوون زملاء المكتب

الايام هاذي المكتب مليان ريحه حلبه منهو

اللي ياكل الحلبه مع الصبح . (q39)



هههههههههههههههههه
من قال لك تشرب حلبه خخخخخ تستاهل





زمااااان اول من اول يووم وحتى في نفاسها

تقووم وتغسل وتنظف البيت بس بناااات

الهمبرقر تلقاااااهم متسدحات اربعين يووم




(vv)

اما سالفه النضل يخااافون منها الحريم

يعني اذاجاهم ضيوف تحصلينها ماتقووم

تسلم على اللي جايين يباركون لها يعني

يسلمون عليها وهي منسدحه عشااان

مااحد ينضلها وتلقاااها اذا راحو الضيوف

قامت ونقزت من سريرها مثل الحصااان (q39)






ههههههههههههههههه

من جد صادق

في النهاااايه اشكرك ياتخيل على الاميل

الحلو وصراااحه موضوع مهم جداااااااااا












العفو

في الخدمه طال عمرك

تخيــــــــل ..؟
28-03-10, 07:33 PM
هههههههههههههههههههههههههههههههه ياحليها خلاص طقت من القهر لا والمشكله تحصليين النفااس مرتااحها ولاهمها شي بس تامر وتنهي ههههههههههههههههه



:c010:


اي والله وش رايح لهم كل شي على الكيف(vv)

الجرح الخآلد
30-03-10, 02:05 AM
هههههههههههههههههههههههههه

يع‘ـآفيكـ ربي يآلغلآ..~